Route 83 (逸峯商場)

Open Now

Now Closed

本小姐一直食開大埔店多年，知道有新鋪真係好替83老闆開心，新鋪樓底好高，新裝修好chill，同舊鋪相比，舊鋪就比較街坊，各有各好啦！👍🏻☺️見到餐牌都有相似地方，而一場黎到，一於食新菜式啦！香煎鮮三文魚柳配檸檬牛油汁配薯蓉，魚柳煎封得皮脆，用力拮入魚身，都可以片片鬆開，證明煎得魚肉啱啱好熟透同處理溶雪得好。配搭檸檬牛油，檸檬嘅清香加埋牛油，個汁同魚柳都夾得黎。而個法式燒羊架都要贊贊，個羊架黎緊上枱都飄緊香味，羊脂十足，好易同支骨分離，肉質香口。 仲有特飲都唔好走寶，今次叫咗杯藍莓梳打，多氣好醒神！而83不嬲都有嘅漢堡pizza 呢度都有，其他食物都有品質保證，身為長期fans 我話嘅！😋😋😋大家多啲幫襯！

本身已經係大埔83常客，估唔到食食下，竟然係聯和墟揾到佢嘅身影，真係天都聽到我嘅禱告😇餐牌同大埔嘅係兩個style😗，呢間分店，主打嘅晚餐就精緻啲✨見到用嘅食材都高級少少，就試下法式燒羊架配香草燒汁☺️哇！！擺盤好靚啊～燒羊架都有三大件，食落肉嫩，無烤過熟，keep到肉裡有肉汁，個股騷香，真係寧捨不同🤤再配搭埋巴瑪ham沙律🥗又可以清清口嘅肉味，又令個餐睇黎更加高級，估佢唔到啊！噢！差啲漏咗個跟晚餐嘅餐湯，都係有心之作，椰菜花忌廉湯，次次黎個餐湯款都唔同，今次呢款係我極推介，好creamy ，有啲椰菜花粒粒，有口感，如果嗰日係呢款，咁大家識揀啦！

前排系媽咪嘅生日，平時我哋都係去酒樓嘅，但係佢話今年想試下啲新嘅，所以我哋就揀咗呢間德國餐廳，貪佢啲嘢食大份又好食又抵食，環境又幾好啱曬一家大細一齊。🎂🍰🎂🧁🥧🍦Pizza控就一定要留意我呢篇介紹啦！🍽️我地叫巴馬火腿火箭菜薄餅好脆皮，裡面主要材料有烤火腿和其他蔬菜配料，帶出香味，沾上了特配醬的薄餅更有感覺，而芝士增加了薄餅少許creamy的感覺，吃起來不會太膩。還有精選拼盤 $188，入面有好多小食，三文魚多士，雞翼，豬仔髀，沙律，炸洋蔥圈，夠曬我地一起share.最後就是美式燒豬仔骨配炸薯條，燒豬仔骨個醬汁好得，我地都好中意。🎀🎀🎊大家都覺得食物的質素是不錯，食物質素都有保證。感覺這是一間幾適合家庭用餐的餐廳，或者有甚麼慶祝我都會考慮再來。👨‍👩‍👧‍👦👨‍👩‍👧‍👦👨‍👩‍👧‍👦👨‍👩‍👧‍👦👨‍👩‍👧‍👦👨‍👩‍👧‍👦

話說有位同事就來退休，😛咁我就決定揀間好啲嘅餐廳同佢farewell, 粉嶺區少有西餐，揀咗呢間德國餐廳Route 83。🐠餐廳嘅裝修風格好有異國風情嘅味道,而且坐得到好舒服,好寬敞. ☺️ 我地叫左美式燒豬仔骨配炸薯條 $188，😅都算抵食，好大塊，可以比我地開心share. 豬仔骨好入味，燒得岩岩好，🤗不會太熟，肉汁都鎖在中間。個巴馬火腿火箭菜薄餅$98整體味道不錯，🍴🥄薄而脆的皮底，而且價錢相對唔貴，我地食完都覺得系飽既。🍡🍢最後要贊贊店員有禮貌而且服務周到，我地得閒會再來幫襯。🥟🍱

上個禮拜係我同老公嘅結婚周年紀念日，所以我哋特登就係屋企附近搵間好啲嘅餐廳你慶祝一下。👩🏼‍❤️‍👨🏻👩🏼‍❤️‍👨🏻👩🏼‍❤️‍👨🏻👩🏼‍❤️‍👨🏻我哋搵到呢間位於粉嶺逸豐商場地下嗰間舖頭。佢係食德國野嘅，我老公本身都好鍾意食德國菜所以就一齊去試下。🌸🌼🌺呢間餐廳成個風格都非常之有氣氛，好適合同情侶聚會！我地揀左83精選拼盤同埋美式燒豬仔骨配炸薯條。食物都好大份好抵食，我地兩個都食得好飽。⭐🌞個精選拼盤有三文魚多士，雞翼，豬仔髀，沙律，炸洋蔥圈，薯條，一次過試曬唔同的小食，好滿足。🐓🐖🌲🌵燒豬仔骨食上去都幾軟幾嫩，都好好食，肉都好juicy，比較出色！🍒加上職員有禮貌，餐廳裝修有心思，Cp 值黎講講簡直完勝好多其他店。

➿ 同學曾到過這餐館食過話好好食, 介紹我和屋企人黎試下, 我見menu D野都岩我地食, 環境都幾清幽雅緻, 就先來點個精選拼盤, 有哂大家鐘意Ge 豬仔髀🍖同埋雞翼, 仲有三文魚多士、脆炸薯條🍟、我最鍾意既炸洋蔥圈同沙律🥙, 一路食一路大家都舉起手指公讚好➿ 尤其是豬仔髀好鬆軟嫩滑, 內藏既肉汁在口中爆出來, 咬落回味無窮, 連骨都lun埋雞翼連埋沙律一齊走好正➿ 三文魚既多士軟軟熟熟, 上面既係鮮三文魚, 仲有食入口卜卜聲既三文魚子, 連埋片青瓜食相得益彰 ➿ 脆脆既薯條, 和香口鬆脆既洋葱圈夾住食, 洋葱圈內既洋葱好厚肉又多汁, 唔洗點醬已經好香濃好味, ➿ 試埋個芝士煙肉焗青口, 青口係鮮青口啖啖肉, 焗得很香口之餘, 青口無話乾曬仲好有汁同芝士味, D煙肉夾喺脆香Ge芝士中更惹味, 同學既介紹確係唔錯

琴晚諗起呢間响屋企附近嘅餐廳, 我哋兩個人都想食呢度既拼盤, 包括有三文魚多士，雞翼，豬仔髀，沙律，炸洋蔥圈，薯條等, 最啱兩個人一齊尼share食, 樣樣都係我中意食嘅野, 尤其是豬仔髀啲肉質嫩滑, 心思思食過幾次都仲想食😁 •喺薯條上面鋪滿住至愛嘅蕃茄汁碎肉淋喺面, 好味到手指都食埋, 多士上面又有我至愛嘅三文魚同埋三文魚子, 脆卜卜好好味😋 食餐期間見有不少人都買呢個拼盤外賣😀•另外又落咗單熔岩芝士醬漢堡, d芝士汁勁濃, 配有我最中意嘅薯條, 點埋芝士醬汁食仲正🤤•總體尼講, 呢度嘅食品質素以呢個價格算抵食👌•

2022新年的第一餐，到了Route83開餐，中午時段，等了約十分鐘，侍應有禮地安排入座餐廳唔算大，座位不多二人被安排在Bar枱有椅背的椅子，尚算舒適點餐午餐價錢由$58-$98不等我們選了午餐A和午餐C，每個餐可選配迷你雜菜沙律或是日餐湯各選了一款，沙律雜很新鮮，健康又清爽，餐湯是南瓜湯，香甜美味，不錯的開始A餐: 草飼肉眼牛扒配黑椒汁薯條上枱大大件牛扒拌沙律菜，賣相吸引，牛扒肉嫩有肉汁，薯條炸得香脆C餐: 香煎豬扒配洋蔥忌廉燒汁白色圓碟上枱，賣相討好，帶骨豬扒煎得香，肉質不粗鞋，意粉也掛上燒汁，份量不多，燒汁味道不錯，略嫌汁太多，下次要叫少汁午餐包一般熱飲，每個餐加$5，可選配小杯熱咖啡拉花拉得很美，好有藝術感，咖啡味香濃埋單: $146，價錢合理，食物、環境，服務也不錯，新年的第一餐，做了正確的選擇

💕前幾日好閨蜜約我傾計吹水，以前我哋不嬲帶佢去Café，貪佢好坐得來又可以打卡。但係成日去都去厭曬啦。所以我地就揀咗呢間德國餐廳。貪佢夠有情調而且裝修都好特別，打卡點又多！🥳我地都系細食既人，所以就點左83精選拼盤，超級大碟，而且價錢實惠，只需要 $188。入面有好多食物種類，我地兩個可以share 黎食。有三文魚多士，入味的香脆雞翼，超級野味豬仔髀配特別醬汁，仲有小食例如沙律，炸洋蔥圈，薯條等等，我地叫左焦糖朱古力同埋士多啤梨沙冰，真系食到好飽，而且系果度傾計好舒服，傾得暢快，度過左愉快的時光。呢度變左我同閨蜜既新聚腳點，以後會多D黎。🌈🤪

今日因為有嘢做所以入咗粉嶺區，見到有一間好似唔錯嘅西餐廳。心諗反正都嚟到咁梗係試一試啦。行到過嚟已經俾佢嘅玻璃幕牆吸引，見到佢個餐廳好通透好光猛。我最欣賞嘅就係佢嘅吧枱設計，就算好似我自己一個人嚟食都唔會覺得尷尬。 一睇到個Menu我就已經流晒口水即刻叫咗我心愛嘅凱撒沙律， 呢個沙律果然冇令我失望，佢啲菜非常新鮮，麵包同煙肉粒都非常脆，完全唔會浸到林晒。之後就叫咗個香煎鮮三文魚柳配檸檬牛油汁配薯蓉 $178，試埋呢個我就真係覺得冇黎錯，個三文魚煎到外脆內軟，而且一啲都唔乾。再配埋佢個入口即溶嘅檸檬牛油汁薯蓉，真係將三文魚嘅鮮味全部帶晒出嚟。我覺得最難得嘅就係連員工都十分之好人，值得再推薦嘅餐廳！

由於湊住個細仔，平時都得個望字，望到今日見無乜人排隊，即刻拉大隊同仔仔老公一齊撐枱腳。小朋友都係鍾意食炸嘢㗎啦，成日扭計要食薯條，叫咗個83精選拼盤，乜都有啲，估唔到仔仔咁樣又嘗試咗佢人生第一個洋蔥圈，佢話好好味超越薯條咁話😜以後黎83食啦！個拼盤仲有好多野，我地兩個大人都食唔晒！仲有個軟殼蟹蝦頭醬忌廉意粉，呢款係較為多汁，汁控就會好喜愛呢個意粉啦，食到舔舔脷😋😋😋有一點好好嘅呢，就係坐位都坐得幾舒服，多數係卡位，梳化椅咁，小朋友都仲可以有自己活動空間又唔會打擾到其他食客，媽媽就會明，贊！😄👍🏻

聯和墟好多美食就出晒名啦，今次搵到間喺逸峯商場入邊嘅西餐廳，門口都幾多人排隊，一入門口係水吧位，幾乾淨企理。👍😌入去有卡位同普通座位相當闊落，適合一家大細過嚟食飯今次就叫咗一款小食🧀芝士煙肉焗青口，一碟有五隻，每隻都冇沙而且佢焗得好香熱辣辣，上面鋪滿晒芝士，啱晒一班朋友過嚟食一齊share💕今日都想食返個全海鮮，所以仲叫咗軟殼蟹蝦頭醬忌廉意粉🦀，呢個意粉好有誠意，軟殼蟹炸得啱啱好咬落好吹口啲蟹肉又夠甜，唔會好粉感。加埋啲好濃嘅蝦頭忌廉醬，令到個意粉層次更加鮮明👍👍⭐️呢度環境舒適，食物性價比高而且質素唔錯推薦比朋友聚會一家大細🤭😋

放假陪阿媽去購買日用品，做完咕喱就帶咗阿媽去慰勞我自己，唔想食茶餐廳就帶咗阿媽去返食西餐，呢間route 83 之前喺大埔同朋友食過一次，今次帶阿媽嚟試吓粉嶺呢間我見到隔籬枱食軟殼蟹蝦頭醬忌廉意粉，我自己都叫返一碟嚟試吓，個軟殼蟹炸到金黃香脆，識落好鮮甜，用啲黑頭嚟整啲忌廉汁好入味，啲意粉好有咬口阿媽話懶得咬，因為有少少牙痛，所以佢香煎鮮三文魚柳配檸檬牛油汁配薯蓉，佢話個三文魚煎得好香，咬落啖啖肉而且加咗少少檸檬牛油汁帶出三文魚香味，加埋啲自家製嘅薯容食得出有少少粒粒，偏向細滑有奶香我自己見檸檬茶，都茶香味重，不過不失下次試下沙冰先！

北區人唔洗出其他區都有拍拖西餐廳🍴之前拍拖次次都同男朋友出九龍食，今次我地留番係北區省番程車既時間😌我地先去逸峯廣場route83食野先，之後再番屋企睇片男朋友都屬於一名正宗食肉獸黎架～佢叫美式燒豬仔骨配炸薯條 ，本身佢成排上架，我地有叫侍應幫手分開，佢都好熱情無問題，啲豬仔骨燒到岩岩好，面頭揸左啲烤醬味道濃郁😋另外，我地仲叫左個法式燒羊架配香草燒汁，羊架好厚身，咬落啖啖肉同埋都嫰口，配埋個香草汁啲羊味更加升華😝 唔好以為三件羊架唔夠食，佢配原隻焗薯，啖啖牛油配薯仔，正！最後試左個椰菜花忌廉湯，平時比較常見西蘭花忌廉，第一次見到椰菜花～都係打得好細滑同埋忌廉比較岩岩好，唔會太漏😙

之前同啲中學同學見面聚舊就book左route83試下呢度啲西餐，係聯和墟逸峯廣場入面都幾易搵⭐️8/10熔岩芝士醬漢堡 $98呢個芝士份量勁多，鋪滿左個個漢堡飽，另外包皮都烘過好多芝麻鋪面，漢堡包咬落去啖啖芝士仲有肉汁，幾唔錯，另外仲有好多粗薯條份量都好多⭐️7/10芝士煙肉焗青口 $78焗青口都係芝士加煙肉鋪面，份量都係好豪氣，青口食落無沙不過不失⭐️9/10法式燒羊架配香草燒汁 $198成餐飯都回味就係燒羊架！燒到羊架表面焦香咬落啖啖肉汁，配合埋啲香草燒汁好夾好惹味，而薯菜係原隻焗薯，份量勁大好滿足⭐️8/10香煎鮮三文魚柳配檸檬牛油汁配薯蓉 $178平時好少食煎三文魚，啲friend過煎得好香，我試左啖真係好正～煎到好香口得黎又唔會乾喎～下面啲薯容又好滑