目利きの銀次Royal Grill (Closed)

其我真係好少行街，自新世紀裝修好後一直都冇黎過。今日終於路經黎呢度食個晚飯，突然好想食日本嘢，所以諗住一係千両一係試呢間未試過的。上到黎見到又唔駛排隊，所以就扑鎚試呢間。說實話都有少少後悔。叫咗一人一杯特飲，一杯巨峰梳打，一杯peach 梳打，2杯都好好飲，可能我一向都鍾意呢2種味嘅梳打，同埋呢啲都算係簡單嘢，所以好難會難飲。再黎就係雜錦刺身併盤，賣相好好但味道真心一般，好似冇味道咁。三文魚當然可以，因為流量快，水準一定唔差。但其他刺身真係唔好食。但呢個刺身係抵㗎，因為刺身個數量係好多下。再黎就係関西雜錦海鮮燒餅 - 呢個好好味呢，個燒汁剛剛好唔會太酸，燒餅亦做得適中唔會太淋太一pat咁，係有驚喜嘅！最後就係燒豬頸肉 - 呢個係失望透啦。佢嘅味道就好似搵水白烚完之後，搵火壇一壇個面，然後直接上枱。簡單啲講，係完全冇味。如果唔係有個沙律醬點，就等於白烚豬頸肉，求祈非常。仲要個肉唔爽口，係淋身，有點over嘅淋身。我敢講呢個叫難食。食物雖然一般，但我確實喜歡佢嘅裝潢，有啲熱鬧嘅感覺，有日本風同居酒屋嘅味道！總括係可以再比機會，有一半嘅餸唔好食，希望有其他嘢食ok啦。

之前去過幾次lunch都幾好今日lunchset叫左個親子don定食..友人叫左什錦刺生定食。一百元既什錦刺生賣食同menu圖一樣好正。相比我最平價既定食跟圖片特大出入賣相十分失望，請看圖. 的確「圖片只供參考」... 親子丼既雞肉唔滑，蛋係炒蛋唔係滑蛋，如賣相一樣一般偏失望。建議選擇刺生或其它定食

第二次食依間日本野，個lunch set 係好抵食，最平個餐$55, 包主食，沙律，前菜，麵豉湯，加多杯餐飲。叫左個滑蛋雞肉飯，賣相麻麻，原本期望同張相差唔多，點知差勁多🙄。滑蛋得好少同唔太滑，舊雞肉份量都多，有大約5至6舊左右，調味幾好，唔太咸，而且幾滑。左上係沙律，左中係麵豉湯，左下係薯仔沙律，右係滑蛋雞肉飯。薯仔沙律特別推介，將薯仔磨容，但仍保留少少粒粒。仲叫左個帆立貝壽司$20好快上到，仲係凍既，應該係雪櫃即叫即拎。唔係講笑，真係好厚，入面預先放左wasabi,點豉油食得。成舊放入口好正，有少少似食鵝肝，但係有鮮味同唔肥膩既鵝肝。餐飲叫左熱奶茶，好滑，原本諗住會難飲，出其地好飲，不過建議唔洗落太多糖，落3/4都ok, 我落成包糖就太甜。服務態度都唔算差，但叫左人落單，會叫你等等先，過左5分鐘左右先落，同餐飲催左勁耐先黎，黎到係暖既。

終於可以一嚐我期待已久既呢一間食店！兩年前去過沖繩，真係好掛住個邊，所以成日都去搵沖繩店食食食！呢間主打都係沖繩料理既！啲刺身好新鮮好好味！雖然淨係叫左三文魚同帆立貝！但就已經食到咩叫鮮甜！三文魚厚切！帆立貝係兩片夾住檸檬上架！放一片入口剛剛可以帶出個鮮味！如果唧檸檬汁就會太酸無左貝既鮮甜味！其實串燒都唔錯架！不過雞軟骨我就唔喜歡，但姐姐聽錯左，其實我要炸個款，但到左先知就知辦法啦，唔好浪費！豬頸肉好漏呀。。。得兩個人就唔好叫！個度環境舒服，服務週到，姐姐介紹左我飲柚子泡盛！正呀！我個人好喜歡飲果味濃酒！下次要再飲過！今餐又係食到飽到傻🙈

等位等左20分鍾，入到去被安排的位置較暗，希望可以轉另一張光一點的座位，唔介意再等多一兩張枱。點知侍應的回應竟然係："要張光點o既枱，要重新禁飛排過隊！"呢個回應真係好令人眼突。呢件<<海膽軍艦>>，用料充足，都幾多海膽！！！海膽零腥味零臭味，鮮甜，但味道略為淡左少少。$80一件，抵唔抵就見人見智啦。我就覺得有$40係用黎比舖租嘅。後面件<<劍魚壽司>>，好乾無麥油份，好似唔係腩位。$35一件，兩件$70。都係果句，我覺得有一半係用黎比舖租。<<精選特上刺身拼盤(細)>>魚生整體都幾新鮮，幾厚切。<<奄列抄麵>>奄列面醬汁幾好味，但炒麵略為普通，唔係特別好食。<<炸軟殼蟹>>全隻軟殼蟹打孖上，賣相相當吸引！！！蟹膏都幾多，食落幾香幾好味。蟹腳嘅炸粉略多，隻腳好鬼硬。成隻蟹唔知係咪炸得太耐，水份有點流失，不夠Juicy。

早幾日約左7個朋友係到食午餐，原以為價錢好貴，不過lunch set就$68-$108，出乎意料之外，我叫左個和牛粒定食，牛柳粒煮得幾嫩，吾會太過火，不過個麵豉湯就好咸飲左少少已經飲吾落！朋友叫的吉列豬扒定食就抵食$68大大塊！環境舒適，服務都幾好！

去年 11 月約咗朋友食晏，諗緊邊度方便大家，立即諗到旺角新世紀廣場，佢可以搭火車，我可以搭巴士，但一直未定食邊間，係樓下大堂行咗一陣，諗住是但搵一間，咁我就揀咗呢間。 初初諗住冇乜驚喜，打算食完呢餐就算，點知一試難忘！嗰日好好天，好晒，被安排咗坐窗口位，晒到背脊都燶埋，但係冇人打算拉低窗簾 。 嗰日我食咗壽司餐，啲壽司唔錯，魚生幾新鮮 ，仲包咖啡；到 12 月，同細女行完街，立即諗到帶佢試呢間，嗰日佢食咗：牛肉烏冬，啲牛肉唔太差，不過烏冬仲正  燒蕃薯，超甜，燒到有少少濃，唔錯  焦糖燉蛋，面熱蛋凍，幾得意   而我就食雞煲烏冬，好好好好食，雞脾好嫩，雞湯底 + 烏冬就當然正啦，正呀！ （還記得佢上錯單，佢比咗豚肉烏冬，我原本話唔緊要，點知個經理好好人，立即幫我再造過 ）到 1 月，陪阿女上完堂，佢又話要食呢間，食嘅嘢同上次一樣，佢話真係好好食，所以唔打算轉其他食物 ，個經理都已經認得我哋添 到咗今日，去完上水考試，我問阿女去邊度食晏，佢諗都唔諗就話食呢間，我當然樂意奉陪 ，大家依然都係點嗰啲食物，不過今次加多一樣，就係

喺新世紀個兒童遊樂場玩完之後我哋就咁喺商場裡面搵嘢食, 最後揀咗目利きの銀次因為聽朋友講話呢度幾好食! 所以咁啱見到就嚟試一試!我哋5:30就去拎咗位, 因為佢6:00先開始晚巿目利きの銀次有好幾間分店, 唯獨係呢間叫做Royal Grill裝修好靚!!!我哋叫咗碟三文魚炒飯, 軟殼蟹鐵火卷, 鴨脾濃湯烏冬同銀次豆腐鍋每款價錢大約$80-108不等, 熟食我覺得一般, 真係全部感覺似去咗超一般的普通日本食肆一樣飯唔夠熱, 乾身得濟...唔好食呢3樣都冇特別, 唔算得上好食, 只係周街都食到既質素但係甜蝦刺身真係幾好食!如果鍾意食刺身既朋友可以嚟呢度試一試! 但係我覺得服務態度就屬普通!

好差既一餐lunch壽司d飯好「林」，散冇醋味，d魚唔凍，唔新鮮。串燒拼盤d串燒唔熱，6種裡面2串差不多，都係煙肉包d野（分別係包番茄同蘑菇）個炸雞餐算最好，夠熱。最差係杯熱奶茶係凍既.....旺角餐廳裡面，都可以算係最難食。

跟一位喜歡吃日本菜的朋友吃飯，於是他找到這家日本菜餐廳。這店比平常的日式料理有點不一樣，比較多關西的食物，於是我們點了以下的食物。先來蔥配三文魚的前菜：三文魚刺身配上微酸的汁，加上大量的蔥，又軟又硬的口感真的幾好食，幾清新的感覺。牛油果沙律：初時怕太油膩，但牛油果配上小量沙律醬和生菜，都是清新小小健之選。雞肉鍋：冬天都是愛吃鍋物，他會配個小火爐上檯，令人都溫暖的感覺，雞肉算滑溜，蔬菜算多和清甜，但不算太有特色之作，我個人覺得有點鹹了，如配上清湯會更完美。豬肉燒餅配炒麵：全餐的主角，燒餅算厚身，但希望煮得更熱更好，配上炒麵算是絕配，加上都是有很多菜，沒有飽滯感。不過如有更多燒餅醬更好。我覺得這家店環境算寬敞，所以挺舒服，是個不錯的選擇。

星期日又係我出動搵食時間，今次來到新世紀，當然唔要搵下Ｄ未試過既餐廳啦。７點零，四周圍都好靜，連ＳＣＨＯＯＬ　ＦＯＯＤ都無人，其實而家Ｄ食肆真係幾難挨下，員工仲多過客！不過ＳＣＨＯＯＬ　ＦＯＯＤ個ＭＥＮＵ太少選擇，唔適合花心既我～走左幾間，覺得呢間唔知叫咩名既日本餐廳無論裝潢，餐牌選擇，同價錢都好合理，鎖定目標，可以即入，不過未係好肚餓，所以再逛下商場先，反正以前要排隊等位既風光畫面不再，完全無擔心過轉頭無位。行到７點半８點左右，返兜，都可以直入，不過要坐吧檯，由於本人唔歡喜坐吧檯，所以出返去等餐檯，不過都只係等咗十分鐘就入得。座位有少少迫夾，不過檯面夠用既。選擇真係好多，由壽司刺身，到燒物，炸物，料理，和牛都有，價錢亦有貴有平，真係豐儉由人！四百蚊份既和牛，到廿幾蚊既燒物炸面，實會滿足到你～亦由於價錢唔貴，我同朋友今次選擇比較多，包括：鹽辛魷魚茶漬飲三文魚飯團茶漬二人特盛刺身和風牛舌炸雞皮海鮮蒸水蛋奇異果梳打先上檯既係二人特盛刺身，有三文魚，鱆紅魚同另外兩款魚，仲有蝦刺身，份量黎計都唔算少，因為每片切得幾厚架，而品質亦夠新鮮，特別蝦刺身幾鮮味。再黎和風牛舌，唔係薄切，份量足，係冷盤，

朋友係要見既，本來約左老友去太子食德國豬手嘅。點知去到餐廳，侍應告知全晚Full booking。之後我地即刻轉移陣地，行左去新世紀。老友行過呢間餐廳時話平時好多人排隊，難得今日冇人不如去試吓啦！我都鐘意食日本野梗係冇反對啦！      因為之後諗住落旺角食甜品，所以兩個人只係嗌左三樣野。       第一樣係豚肉烏冬，先講湯底，湯底好鮮甜，好濃，加埋蔥花，好味！最重要係，飲完湯完全唔覺得口渴。至於豚肉，非常鞋口，又韌又冇肉味。平時係凍肉鋪買翻屋企打邊爐既豬肉片仲正過佢。至於烏冬，非常普通，食落同一般急凍差唔多，個人認為煮很太過㝝。        第二樣叫既係明太子炭火燒飯團，呢個食落好特別，食落好香脆，味道焦焦地，同明太子既味好夾。但果種香味同質感比起煲仔飲既飯焦仲有段距離。老友話個飯團凍左少少食，個外皮好硬好韌，好似食香口膠咁。         第三樣係呢間餐廳既招牌，豚肉燒餅。個燒餅個份量都算幾大。但味道真係麻麻，椰菜同粉既比例唔太夾，啖啖都係椰菜，食多幾啖都食到口寡寡。塊䐁肉依然係同烏冬既䐁肉一樣又鞋又冇肉味。

話說某日路經新世紀廣場(其實約了朋友下午茶小聚) 經過某店門口 那時太概六點將到 門庭前已排了十多人 真的佩服香港人排隊的精神 只要有隊例必會排 大家安安靜靜 有規有矩 民明社會由此開始 反正吹了整個下午的牛 肚子也有點餓了 便和同行有興趣吃飯的朋友繼續牛下去 等了沒多久就安排入座 點了餐後 先上自家制青瓜漬 青瓜伴以沙律醬 上面灑了些薄刨牛肉雪花 經醃制過的青瓜略帶微酸甜 質感還保留些些青瓜的爽 口感有嚼頭 不俗之後是黑豚關西燒餅 香噴噴的上檯 賣相不吃已贏 這是以小麥粉漿加上各式肉類 蔬菜 雞蛋等而煎成的燒餅 燒餅粉漿 麵粉的比例較小 質地感覺較薄 以黑豚肉作主料 肉香味濃 質地滑溜 香香的 吃時切起一件 大小隨意最後是蒜頭炒飯 蒜頭爆香後和米飯一起炒 炒時加點調味再以醬油上色 整體一般 蒜頭味不突出 只是輕輕的一點點 很淡 淡得不易察覺 飯還帶點黏身 微𣺉的感覺令口感大受影響

10月24号晚上同朋友共2位到此用餐，叫左一個最貴$380既盛夏刺身盤，當刺身盤黎到既時候，見到個盤就靚，但刺身九成係魚，仲得十幾舊，完全感覺被騙。但又因為同一位心儀既女性朋友一齊，吾想跟店員理論，為有硬食。  仲有油甘魚壽司，賣相同味道完全吾得，仲差過其他連鎖店。

想想去到這店在尖沙咀的分店已經差不多有一年了，近幾個月行過這個商場都看到這店，今次終於有機會再來到這店在旺角的分店嚐試日本菜的「目利きの銀次」。「目利きの銀次」在旺角分店在新世紀的三樓，這一樓也是這個商場最多人流的一層，每一次來到這一樓都是人山人海，今次來到時差不多是六時了，不需等位就可以入內進餐。在旺角的分店格局上和其他分店在風格上都是類似，格局上都以木製的佈置為主，店的一旁就放了一些日本漁業組的名字的木牌，給人一個提供海鮮食物地方的感覺，廚房是以一個開放式的做法，令食客們可以見到廚師工作的情況，不過今次店內我看不到其他店的做法放了一盤的活魚，不知是否這店的食物選擇和其他店有一些的分別。而在廚房和一些卡位的上方放了一些用日文寫成的日本食品名字的木牌，門口也放了幾桶的日本酒，充滿了傳統日本居酒屋的氣氛。在內廳近窗口的位置也可以望到一些旺角火車站和遠遠的朗豪坊的晚景，景色也是美麗。餐牌上的食物選擇也是十分之多，食物上除了以居食屋式的食物，即是燒物這一類的食物之外，其他食物例如的刺身、壽司、炒飯、拉麵都有供應。而這店又以來至沖繩為由，也會提供一些以沖繩為風格的食物。想必為了迎合更大的客路群