ROYAL INN

情人節前後黎到呢間打卡餐廳用餐裝修方面岩哂情侶打卡 一入門口就有個歐陸式水池仲有露台位可以睇到出面嘅美景不過因為冇預先訂位 最後只能夠坐入面今日晏就後叫左set lunch 有湯有正餐有野飲湯係南瓜忌廉湯 正常發揮 南瓜味都幾香濃正餐幾大驚喜 個意粉煮得岩岩好 唔會煮太淋 仲保有口感豬扒煎得幾嫩口 一啲都唔會鞋 仲鎖有肉汁比我地想像中好食好多對比起以前食既打卡餐廳得個樣真係差好遠今次兩個人都食得好滿意有機會下次都會再嚟

ROYAL INN開到黎銅鑼灣喇，終於有機會帶埋屋企人黎食，餐廳除咗裝修環境靚之外，食物都一樣咁高質素👍🏻一入到餐廳中央就有個靚靚打卡位噴水池加上歐陸式嘅吊燈，啱晒我地啲港女瘋狂狂打卡😆法式大蒜蘑菇忌廉烤雞必點👍🏻雞腿肉煎至金黃色，皮脆肉嫩，配上香草忌廉汁，裏面加入薯仔、蕃茄仔、蘑菇、大蒜烹調，醬汁味道濃郁，奶香幼滑，店員會送上三片脆卜卜嘅法包，配搭忌廉汁味道一流，我食到連一滴汁都冇剩低😋西班牙黑毛豬鞍架黑毛豬以慢煮方式烹調，外表微微焦口，內裡肉質粉嫩juicy，肉味濃而且口感鬆軟，配菜種類亦非常豐富，有薯仔、羽衣甘藍、橄欖等，令整體味道更加提升燒三文魚香草忌廉手工戒指意粉香煎三文魚皮脆肉嫩，我都係第一次食戒指意粉，圈圈形狀，口感煙煙韌韌配上creamy嘅香草忌廉汁味道一流，另外意粉入面仲加入咗雜菜粒，健康好味之選🉐📍ROYAL INN (銅鑼灣)銅鑼灣告士打道311號皇室堡3樓313-314號舖人均消費：$300-400食物：⭐️⭐️⭐️⭐️⭐️環境：⭐️⭐️⭐️⭐️⭐️回頭率：⭐️⭐️⭐️⭐️⭐️

一到埗的感覺就是嘩 那麼漂亮啊羅馬式宮庭風格的裝修 打卡一流跟朋友點了兩個午餐套餐套餐包餐湯 主菜 飲品🛎️是日餐湯餐湯很特別 第一次喝 是燈籠椒湯 不太喜歡燈籠椒的我竟然把這湯喝完口感綿密creamy 像喝南瓜忌廉湯 但帶有燈籠椒味道不得不讚是餐包很好吃煙靭的麵包塗了牛油 烤得很香🛎️香煎鯛魚柳這裡不但裝修有誠意連餐具和擺盤都精美上盤時的碟是熱呼呼 食物也能保持溫度地上菜鯛魚柳煎得挺香口 加上了七味粉使更惹味還配上creamy的薯蓉 配菜的蕃茄很juicy 很鮮甜🛎️燒西班牙黑毛豬鞍架肉質鮮嫩軟腍色澤呈粉嫩 烤得恰到好處份量很足配上少許南瓜蓉減少吃太多肉的罪惡感🍹Mocha朱古力味很濃 咖啡豆香又是一杯誠意之作🍹latte味道正常不錯...服務👨🏻‍🍳 態度量好 回應快衛生🛁 感覺乾淨 沒發現明顯污糟環境🏡 裝修華麗 環境開揚 座位舒適 有窗邊位能望開維多利亞公園...🛎️是日餐湯🛎️#香煎鯛魚柳 $148🛎️#燒西班牙黑毛豬鞍架 $168🍹#latte $22.5 跟餐半價🍹#Mocha $20 跟餐半價

位於銅鑼灣皇室堡的 Royal Inn，以歐陸宮廷設計做主題的餐廳真係打卡一流！入門口就係超級精緻嘅白色法式圓拱門，行入少少可以見到富麗堂皇嘅水晶大吊燈，歐洲宮廷浮誇感即刻出晒嚟。近門口有個羅馬許願池，浪漫又有格調，吸引好多人拍照打卡。中午特設lunch set，價錢優惠抵食，而且食物種類都幾多選擇，有扒類、配菜、頭盤、湯類、沙律、意粉、意大利飯、甜品、特飲。是日餐湯系周打蜆湯，濃郁鮮甜，口感唔錯。煙鴨胸紅菜頭藜麥沙律，份量滿足，新鮮又豐富。煙三文魚香草忌廉戒指意粉見好多人都揀呢道菜，的確唔錯。賣相吸引，三文魚柳厚實，魚肉煎得金黃，外皮香脆，肉質依然保持嫩滑，戒指意粉軟硬適中，配埋香草忌廉醬汁非常creamy好味。燒西班牙黑毛豬鞍賣相唔錯，西班牙黑毛豬鞍肉質嫩滑，配合燒汁入味，配菜用咗南瓜蓉、花菜、西蘭花，口感層次豐富。

朋友想試呢間新開嘅餐廳，話”打卡able”，餐廳裝潢設計充滿了宮廷風格，一入門囗就係一個小型噴泉，大片的玻璃窗，完全好decent，係姊妹們/朋友聚會打卡嘅好地方。值得一提，1月29號晚餐時間7點左右:帶眼鏡扎馬尾嘅門口女職員非常好，一直招呼我哋，仲特意幫我地話俾廚房知個”香脆豬面頰肉義大利松露小雲吞”要走洋蔥，佢哋真係幫手安排；另一個著全套西装扎馬尾嘅應該係女經理，好好咁上菜時介紹個食物。兩個主菜:1、香脆豬面頰肉義大利松露小雲吞 Truffle tortelloni (guanciale, baby spinach, creamy sauce)，好香嘅松露同皮滑；2、炭燒12oz安格斯西冷牛扒 配千層薯,車厘藤茄，天然海鹽 Grilled Angus sirloin steak 120z (Potato pave, vine tomato, Maldon sea salt )好香嘅炭燒味，選用高品質嘅安格斯牛扒，外脆內軟，內裡嫩滑多汁，配搭千層薯口感豐富，加上天然海鹽提味，令人回味無窮；另外加$78可以配埋香煎鴨肝 Seared Duck Liver，又係外層煎至微脆，內裡保持鵝肝

星期日約了朋友一行六人中午聚餐，在OpenRice 預訂了枱。誰知道當天餐廳廚房抽風系統壞了。只有甜點及咖啡供應。但事前也沒有通知客人，好彩附近也有餐廳選擇，否則六個人企晒響度～o～建議下次可以通知預訂了的客人，待客人有準備。

辛苦咗好耐，難得開始放大假，所以約咗朋友出嚟食飯放鬆一下，上網見到呢一間好靚，啲嘢食感覺又好好味，所以即刻book咗呢間嚟gathering。我哋2個人叫咗香脆豬面頰肉意大利松露小雲吞同蟹肉忌廉汁扁意粉做主食，仲有叫咗一杯mixedberry smoothie同一份焦糖香蕉榛子朱古力班戟！松露小雲吞最值得推介，松露醬的香濃與忌廉的滑順融合在一起，為小雲吞帶來了豐富的層次和口感。每一口小雲吞都充滿了松露醬和忌廉的香味，讓人愛不釋手。另外，蟹肉忌廉汁扁意粉味道都唔錯，好creamy同埋每一條意粉都好掛汁，味道濃香又豐富，而且意粉煮嘅時間都好適中，唔會好腍！之前已經食過呢一度嘅甜品，都覺得好好味，所以再叫一次，焦糖香蕉榛子朱古力班戟真係一道令人垂涎欲滴的甜點。在班戟上，放上經過焦糖化的香蕉，增添了甜蜜的口感和獨特的焦糖風味。再加上朱古力的濃郁和榛子的香氣，給予了這道甜點層次感和豐富的口味，大推👍🏻

今日同老公嚟到Royal Inn 皇室堡店餐廳以宮廷風裝修設計，環境優美，店內中間有許願池，極華麗 打卡一流餐廳非常闊落 空間感十感 坐得好舒服，午市套餐價錢都抵食，值得推介SET LUNCH包括沙律or餐湯、主菜、飲品Starter是日餐湯 濃郁南瓜湯 配上法式麵包 燒鴨胸紅菜頭藜麥沙律新鮮爽口沙律菜 配燒鴨鴨胸 味道咸咸地 好開胃Main Course燒三文魚香草忌廉手工戒指意粉 $168第一次食戒指意粉，好有咬口 配上香草忌廉汁 味道很不錯。燒三文魚煮得剛剛好，皮脆肉嫩，健康又好味道燒西班牙黑毛豬鞍架 $168慢煮黑毛豬鞍有驚喜，肉質非常嫩滑 配上特製醬汁 增添味道層次感。配菜有西蘭花、椰菜花同綿軟南瓜蓉，口感好滑溜，份量足夠，增加飽肚感Drink熱咖啡 x2

呢間餐廳之前去過唔同嘅分店，裝修超級靚，好啱同閨蜜去傾偈打卡🤭知道佢哋喺銅鑼灣開咗新舖頭就即刻同朋友去試吓，裝修都係走一貫浪漫宮廷風，感覺喺度食high tea會好似變咗自己係公主咁‍👸🏻重點係入面仲有個噴水池影相超靚💕🍴Blue Mussels 藍青口鮮甜，配上忌廉汁同埋香脆嘅麵包食真係令人食不停口嘅前菜。💫Truffle Tortelloni 入面係豬肉造成嘅意大利小雲吞，雲吞皮煙韌，配上黑松露醬汁非常惹味。🥩Red Wine Braised Beef Risotto 紅酒汁燴牛肋條意大利飯，牛肋條炆得淋，意大利飯口感煙韌，紅酒汁略嫌多咗少少。🫐Blueberry Basque Burnt Cheese Cake With Ice Cream巴斯克芝士蛋糕配上藍莓醬食，再加埋雪糕，有唔同嘅口感同層次。芝士蛋糕芝士味香濃配上清新藍莓醬食啱啱好。

喜歡宮廷風的朋友仔一定知道，銅鑼灣和尖沙咀都有分店的 ⛲️𝐑𝐨𝐲𝐚𝐥 𝐈𝐍𝐍吧(⁎⁍̴̛ᴗ⁍̴̛⁎)!!! 餐廳主打宮廷浪漫風，以白色為主調，延續餐廳的一貫風格呀🫶🏻～相信女生們對整個環境裝潢都好滿意，記得穿漂亮一點來打卡囉～☆ 蟹肉忌廉汁意粉🍝$𝟏𝟔𝟖忌廉意粉香濃又惹味，蟹肉量多，味道不錯。☆ 紅酒燴牛肋肉意大利飯🍖$𝟏𝟓𝟖意大利飯有香濃紅酒香，牛肋肉有好多塊，不過調味略鹹😗，淡一點更好。☆ 提拉米蘇☕️$𝟔𝟖提拉米蘇味道剛剛好，不會過甜又不會過苦。☆ 自家製藍莓醬士多啤酒班戟🍓$𝟖𝟖班戟軟糯香甜，藍莓醬是自家製相當足料。

同好朋友慶祝生日要去一啲影相靚食物好味嘅地方🫶🏻我揀左呢間係銅鑼灣新開嘅ROYAL INN,一入到餐廳見到環境好靚，有一個打卡嘅許願池，全部都係係雲石枱😻見到餐牌菜式都好多選擇👍🏻我地頭盤叫左兩款生蠔🦪🥢法國生蠔-食落好creamy,海水味濃，蠔身厚肉🥢西班牙生蠔-鹹味充足，質感爽口，兩款蠔都好新鮮💯主食我地叫左🥢法式大蒜蘑菇忌廉烤雞，烤雞份量好多😻賣相都好精美，有4大件雞，肉質嫩滑，面頭鋪滿好香嘅大蒜😋，雞件下面又好多新薯同蘑菇，全部都煮到好入味好軟腍，最正係個忌廉汁，Creamy濃味，仲有啲芥末籽係入面，好美味。我地另外仲加左香煎鴨肝，鴨肝好肥美，旁邊有少少醋汁去左啲油膩感👍🏻Side dishes我地叫左白松露薯條🍟，薯條炸得十分香脆，伴隨白松露醬香氣係100分😋

之前食過尖沙咀個間 知道銅鑼灣開左分店黎開行年宵就順便就幫襯一下😝銅鑼灣呢間既裝修華麗過尖沙咀個間有個許願池係門口俾人打卡而且仲有兩邊座位 夠晒寬闊🫶🏻🫶🏻意大利煙豬面頰肉卡邦尼意粉 $108卡邦尼意粉就食得多 有埋煙肉配搭幾新穎煙肉都有好多塊 意粉亦好大碟😋岩燒8oz安格斯裙柳牛扒 $298塊牛扒好大塊 食落好淋身 個汁都好正而且佢仲配埋千層蓉 車厘藤茄 非常juicy Green tea latte $45杯抹茶好有層次 頂頂有舊cream搞暈左甜甜苦苦好好味😝Lemon tea $26個杯好靚

之前已經係The One食過Royal Inn，已經覺得佢好靚，近排見到銅鑼灣都新開咗，就梗係要去試吓，銅鑼灣分店嘅裝修一樣係好Grand，裝修都係宮廷風，一入到去就有個好華麗嘅噴泉🤩真係一種視覺享受～法式龍蝦濃湯🦞$88飲落非常濃郁，好重龍蝦味，仲可以用麵包浸落啲湯度食😌香煎北海道帶子蕃紅花意大利飯🍛$208呢個意大利飯真係幾高質，大大粒帶子煎得好香，食落超級滑唔會痴牙，而個意大利飯係用咗忌廉汁煮，軟硬適中，煮得啱啱好😚香蒜辣味鮮大蜆扁意粉🍝$168意粉一嚟到已經聞到好大嘅蒜香味🧄同埋都有幾多蜆，大蜆食落好鮮甜，意粉都煮得好乾身，再配上好多蒜片，都幾惹味🤤Tiramisu🍨$68一杯好精緻嘅Tiramisu😍面頭嘅cream食落好滑，底下就有浸咗咖啡嘅手指餅，食落唔會太甜😛

其實好少返香港，返到香港又通常食屋企飯，係今次約到難得一見嘅朋友喺銅鑼灣聚會，諗住食完嘢行下IKEA，就搵到皇室堡嘅嘢食。入座時間要做遲，但都有午市套餐，合乎香港人食飯時間。我哋揀咗三文魚意粉同埋豬鞍，又諗住一人一樣前菜試吓。南瓜湯合乎水準，配一塊麵包，兩個人分就會少少唔夠喉，但其實一個人就OK。煙鴨胸好食，沙律係健康嘅紅菜頭。豬鞍出色過三文魚意粉，肉質嫩細，冇平時豬唔好食嘅味，薯菜都唔差。三文魚幾大件，落鹽調味不足，但口感都不俗。咖啡有料到，選擇都唔少，氣泡飲料係朋友飲嘅，但應該都唔差。整體環境舒服，地點又就腳，價錢唔算貴，以午餐嚟講可以一戰。

位於皇室堡3樓餐廳座位可以望到維園開揚景色👍座位闊落舒適😙可以坐好耐都無問題是日餐湯：南瓜湯賣相好吸引好香好滑燒西班牙黑毛豬鞍架$168一食就知用料講究肉質鮮嫩加少許脂肪好食😋香煎鯛魚柳$148個sauce好creamy好食Mashed potato 的味道適合喜歡清淡的朋友Green tea latte濃郁的綠茶香味口感好滑好豐富Mocha拉花靚味道goodDessert: Tiramisu 個presentation好得Taste good 😊 餐廳格局情調價錢算是合理🌝夜晚的晚餐似乎有更多選擇有靚牛扒😋又有生蠔😍😍😍下次同多啲朋友黎試吓佢哋嘅晚餐先好似尖沙咀都有分店不過本人鍾意銅鑼灣呢個維園景多啲😌