御名軒

Open Now

Now Closed

每次家庭聚餐，都會首選中菜，因為中菜最穩陣，適合大部人的口味。之前在御名軒食過午市點心，質素都不錯，所以今次試下晚市。花旗蔘燉竹絲雞湯看！一整鍋湯非常足料。表層泛起薄薄的雞油，未算油膩。湯底夠火喉，竹絲雞與花旗蔘的味道同樣香郁，喝落有微少花旗蔘的甘味，感覺非常滋補，為寒冷的天氣暖暖胃。燒汁京蔥爆海參帶子帶子大大粒，而海參炆得耐夠軟腍，但又帶少少彈。金沙脆涼瓜第1次試到苦瓜用這個方法去烹調！涼瓜用粉漿炸過，再用咸蛋黃炒，咸香中滲出涼瓜苦味。涼瓜並非每個人都喜歡，但我本身喜歡涼瓜甘苦味，所以覺得好正。梨山醬手抓骨手抓骨即是豬脾仔，有一條粗骨連住，方便大家拿着進食。啖啖肉，不妨蘸多少少梨山醬，甜甜地，更惹味。皇者燒鵝(半隻) 燒鵝皮脆肉厚，皮下脂肪較少，肉質較煙韌，而且鵝味重，值得一試。游水沙巴龍躉蒸魚最著重火喉，這條沙巴龍躉就蒸得剛剛好，龍躉肉質鮮嫩味美。

最近大閘蟹季節又到 太湖大閘蟹又來御名軒先試試好出名的燒鵝本人最愛吃皇者燒鵝（例）- $98燒鵝外皮香脆,好多肉汁,又香又滑,必試主角到了好期待!大閘蟹（約4両） - $48（每隻）必食的大閘蟹! 不時不食! 當造的蟹好多膏!金黃色的膏,好肥美的蟹必食之選!很好吃!兩個人每人食兩隻,飽飽之後飲返個滋補靚湯足料煲老火湯 - $128估唔到真係好足料半煲都係料!!太誇張!但是廣東菜一定要有個靚湯!!滋潤太補湯!!秋風起!當然唔少得一個羊腩煲!古法羊腩煲 - $198羊腩煲好香滑!羊肉軟化,入口半融化!配料有香荀,馬蹄爽滑!加少少腐乳!! 更香醇最後更係唔少得一蔬菜類!!芥蘭炒臘味 - $98芥蘭炒臘味 可以一試!! 臘味好香,肥美! 喜歡吃臘味的人一定喜歡!芥蘭好新鮮! !!!!!真心推介!!!廣東菜大閘蟹迷千祈唔好錯過！

今晚約了朋友食飯 地點超方便 天后A２出囗－分鐘就到下雨也不怕去食今年第一隻大閘蟹啦大閘蟹（約4両） - $48（每隻）好多膏呀~等左成年啦 ｄ膏好香呀~＂張＂住個口呀食完仲有薑茶飲 好貼心呀皇者燒鵝（例）- $98碟燒鵝真係無改錯名—＂皇者＂皮係又暖又翠 又無肥膏又有汁架超香超好味鵝同鴨的香氣真的不同足料煲老火湯 - $128我地真係湯怪黎架平日無時間煲湯就出去飲今晚係天麻川芎白芷魚頭湯 有頭痛頭風飲就最啱 飲完好 疏肝 芥蘭炒臘味 - $98冬天食臘肉 腸真係－流ｄ芥蘭又吸唒ｄ油香肥就肥啦古法羊腩煲 - $198仲送油菜－起滾呀滚 加埋碟腐乳獎 食完全身和暖唒冬天食羊點解會暖呢今晚３個朋友仔係酒樓傾下食下就幾個鍾 酒樓坐得舒服又無時間限制地點又超方便下次再黎過

在兩個月前，我們一行3人，下午 2:30 出席一個酒樓的下午茶聚！選址位於天后電氣道的 <御名軒>！當日，大會包場並安排了好幾款點心及菜色讓大家品嚐，來一個輕鬆歡聚！上菜大約一小時便上齊所有菜色！燒味拼盤 首先送上桌是燒味拼盤，略嫌整碟拼盤攤凍了！影響質感及口味！食落麻麻地！每樣試一件都夠喉！御名蝦餃皇蝦肉大隻爽口，蝦餃皮晶瑩煙韌，不過不失！原隻大蝦燒賣蝦餃大大件，勝在蝦夠大隻爽口卻是稍欠鮮味！ 可能大隻蝦的關係，顯得整體鬆散！蜜汁叉燒包我個人覺得叉燒包是點心當中最差的一款，包質鬆軟程度一般！而且很糊口又黏牙，實在難以討好！叉燒餡不算多！其包質及水準比坊間的蒸包店貨色還要遜色！口感令我難忘，事隔兩個月都好記得！乾炒牛河河粉夠味但稍欠鑊氣！怕皮膚敏感，淺嚐一件牛肉，牛肉質感軟腍腍，似是被梳打粉醃至肉質軟腍！毫無口感可言！全枱人食一碗就夠！鮑汁炆伊麵又濕又腍，不見驚喜！瑤柱蛋白炒飯口味略淡，最適合食得較淡的食客！特色糕點: 薑汁糕散發薑的辛香，口感煙韌！剛剛夠甜！是整餐較為好的甜品作結！食後感，我不是第一次來到 <御名軒>，以前嚐過其出品的小菜！算是不錯，卻

上次同屋企人第一次係御名軒食飯，估唔到質素都幾好，菜式既份量真係大件夾低食！事不宜遲，即刻去相！！！首先，打頭陣既就係花旗參燉竹絲雞湯🐓🍲一飲落去就已經感受到個湯既火侯好夠！而且濃度啱啱好，雞味帶甜，花旗參就帶甘，真係perfect match!!😋記住千其唔好忽視個湯渣！雖然煲左好耐，但雞既甜味依然仲有，點一下豉油又帶翻起雞既鮮味！加上d 料都用得好足！下次飲湯一定會嗌翻哩個！🍲茄汁焗海虎蝦哩道餸最令我驚喜嘅係個蝦真係好大隻！而個汁除咗茄汁之外仲加咗蔥入去炒，一上菜已經香味撲鼻皇者燒鵝（半隻）！十分推介既燒鵝！不但皮脆肉嫩，肉亦醃得好入味，一咬已經成口都係肉汁！而且燒鵝唔會太肥，瘦既部分都唔會太“鞋”，恰到好處，所以真心推介😍游水沙巴龍躉🐟今次既龍躉就不過不失，條魚蒸得幾滑，而最緊要係夠大條，哩個價錢黎講，CP值都算高！京蔥彩椒鮮淮山係幾特別既一道菜，無諗過原來淮山拎黎炒都咁好味！加埋京蔥同紅綠椒，清淡得黎又幾野味！！

同一班朋友去食飯，但又太多人唔知食咩好嘅時候，中菜就係最好嘅選擇啦！因為我哋大家都港島，其中一個朋友又介紹依間中菜幾好食，於是好快就揀咗依間～花旗參燉竹絲雞湯一開始梗係飲個靚湯暖下個胃先啦！花旗參補氣、健脾益胃，最啱就係喺轉季依啲會容易病嘅時候飲㗎啦~個湯飲落味道好濃，但又唔會好油膩，竹絲雞嘅肉質好嫩又滑，真係好好味!睇下! 真係夠晒足料，個湯先可以咁濃咁好味!茄汁焗海虎蝦一見到隻虎蝦就流晒口水🤤🤤 因為佢好大隻!!! 咬落去蝦肉嘅味道吸收晒茄汁嘅濃味，酸酸甜甜咁，真係夠晒開胃!京蔥彩椒鮮淮山我本身唔係太鍾意食淮山，覺得佢好"諧"但依道菜真係令我對淮山改觀!我一直都以為淮山只係會拎嚟煲湯，原來淮山仲可以拎嚟炒~依道菜我好推薦大家食，淮山咬落去係好爽口，我真係一舊接一舊唔想停口呀~皇者燒鵝（半隻）重點推薦 - 皇者燒鵝!!!終於都嚟到重點主菜啦，未叫之前我朋友話依喥嘅燒鵝好好食，食完發現果然「名」不虛傳!燒鵝嘅肉質好嫩，皮同肉嘅口感好均勻好夾，完全係啱啱好~再配上䄂子醬，將燒鵝嘅味道再推上一個層次，佢中融咗燒鵝本身嘅油膩感，所以食落唔會話驚太油~瑤柱蛋白炒飯當然唔少得飽肚嘅炒飯啦! 咁大

皇牌燒鵝半隻238~燒到皮脆而且肉質嫩滑鬆化！！特別最正係脾位。啖啖肉又有質感！多食幾件都唔會覺油膩。我現在還十分回味燒鵝香的那種感覺。。。太好味了新鮮沙巴龍躉，清蒸加上魚豉油最能表現魚既鮮味魚肉索哂味夠哂軟滑！咁大條沙巴龍躉都係238!! 相當抵食！而且真係夠哂新鮮，沒有 over steam既情況！真係齒頰留香葱花亦不得不提，夠哂清香竹翠銀杏88蚊~銀杏本身的甜來得自然鮮味加上百合，雲耳，西芹這種配搭。非常爽口清甜。

食得多多國菜，間唔中都會想食下中菜，今次陪屋企人去左天后既御明軒食晚飯，先上左椒鹽腰果鮮魷 - $88，腰果好香好脆，魷魚唔會炸到太多粉； 梨山醬手抓骨 - $98又係勁香，但要點多啲汁先夠味！海鮮什菜煲 - $98，帶子同蝦都大大粒，清清地，不錯，很喜歡皇者燒鵝（半隻）- $238惹味，多肉；足料煲老火湯 - $128，有烏雞，清甜甘味仲有好大條，魚肉好滑既游水沙巴龍躉 - $238 （必試！）最後個甜品楊枝甘露奶既成份較重，個人麻麻地，少左芒果味，下次都係叫返中式甜品穩陣d!

是日聚餐因為要方便各方好友，就揀左係天后地鐵站隔離的御名軒，一岀站就見到酒樓個招牌喇朋友話午巿晚巿都旺，所以訂定位先入秋嗌個老火湯飲下先，好多料好大煲，成圍 share 就差不多濃郁嘅花旗參雞湯，飲左兩碗補一補等齊人的時候見到好多枱都嗌左呢碟金沙脆涼瓜，所以我地都跟隊嗌碟黎食下😂炸得金金黃黃，好脆口。涼瓜每一舊都沾滿炒香的金沙，蛋黃咸香中和左涼瓜嘅微苦，又真係幾好吃！難得大家都鐘意食香口野，當然唔少得呢碟椒鹽腰果鮮魷無論係腰果定鮮魷都炸得非常脆口，送啤酒一流🍻半份嘅皇者燒鵝，多汁味濃。燒鵝燒得恰度好處，肉質鮮嫩帶點酥香游水沙巴龍躉，鮮濃魚味非常好食！ ！蒸得岩岩好，魚肉好滑最後食埋呢個海鮮雜菜煲作結～個煲都好足料，粉絲索晒啲精華好入味

今次再到港島區覓食，媽媽提議到天后的御名軒， 她早排食過說小菜做得不錯，而且一出天后A1出口就到，貪佢位置方便🚸第一道菜點的是金沙脆涼瓜，外表有點似椒鹽豆腐，由於爸爸媽媽都喜歡食涼瓜，所以專登點了這道菜，老實說我對涼瓜真的沒有好感，每次食涼瓜都覺得很苦，但這個經油炸過的涼瓜，外皮脆脆的，亦沾滿鹹蛋黃碎，鹹蛋黃的鹹香剛好中和了涼瓜的苦味，令我不會抗拒👍另一道菜是梨山醬手抓骨，這道菜十分特別，在其他酒樓很少有機會嘗試到，其實手抓骨是豬脾，一人手拎一隻相當有風味，咬下去嫩滑多汁，啖啖肉🍗 建議食時盡量沾多點醬汁，會更加惹味😋燒汁京蔥爆海參帶子，海參炆得夠腍，配搭上濃濃的燒汁，十分入味，再加上鮮甜的帶子，絕對滿足到喜歡吃海鮮的我😍秋風起🍂 最適合是飲碗足料老火湯，用上原隻竹絲雞，肉質林滑 ，再配合滋補的花旗參，入口味道是先清甜後回甘☺ 份量十足，一家四口每人可以分到三碗，$128相當抵飲😌侍應除左會幫忙分湯外，還會將湯渣分開端上，超豐富的湯渣就知道是多麽足料，大碟到完全可以當一碟餸咁食，雞爪已經煲到軟腍，雞骨入口即化，湯料沒有任何調味味道，可以點上豉汁提味最後媽媽提議叫個海鮮什菜煲，跟一般的什

今日同家人來御名軒食晚飯，之前都來過好幾次，貪呢度近地鐵站一出行幾步就到，場地又鬆動，又可以book房，極之方便。竹翠銀杏～木耳翠肉瓜唔會太生剛剛好，平時食銀杏都會覺得有苦味，但呢個完全無喎！京蔥彩椒鮮淮山～好健康既一道菜，淮山同京蔥好爽，彩椒甜甜地，咬落去多汁，好食。游水沙巴龍躉～條魚蒸得剛剛熟而離骨，淋上蒸魚豉油，成條魚好正，尤其是魚鰭位食落好滑。茄汁焗海虎蝦～海虎蝦啖啖肉，茄汁滲入蝦頭同蝦身好好味，食到啜晒手指！瑤柱蛋白炒飯～賣相好靚炒得好乾身，蛋白炒飯味道清，加埋瑤柱黎炒夠晒香。

要搵間唔搞 o甘多花巧 o野正正經經食下小菜 ge 中菜都唔容易依間小菜同湯都幾好先飲番個老火湯, 係以原盅上湯 o既跟住侍應姐姐就會分好 d 湯湯料都會撈出 o黎擺得靚靚~個雞湯好清潤, 烏雞冇 o甘燥熱又補血依個睇唔出係苦瓜呢將 d 苦瓜切條再用蛋黃包住去炸, 好酥脆唔中意食苦瓜都會覺得好味海鮮什菜煲 ge 海鮮好多有蝦, 花枝, 魷魚同蟹柳~粉絲同菜都鮮甜 d!半隻燒鵝份量都幾多, 個皮好脆好有光澤椒鹽腰果鮮魷非常香口 ar魷魚好爽口, 真係好新鮮 梨山醬手抓骨, 一隻隻豬腳仔都幾 cutie慢火炸到外脆內軟, 沾少少酸甜 ge 梨山醬好惹味

出開天后做野 放工約咗成家人同埋嫲嫲食晚飯☺️ 我地簡咗御名軒試一試 事前見到都裝修得幾企理同光猛💡加上地點由天后站一出就到 十分方便✌🏻而我地五個人睇menu嗌咗四個餸同四碗白飯都相當夠食😋第一個嗌就係我同家姐最愛既香口野 椒鹽腰果鮮魷 炸得好酥脆亦有蒜香 最外層係包裹住一層唔算太厚既生粉 食落唔會太油膩 外表係炸至金黃色👅 椒鹽粉令鮮魷變得好香脆 魷魚咬落有軟滑既口感 一旁更加有爸爸平日最愛食既腰果☺️ 腰果份量唔少 營養價值又高 所以我同家姐都叫爸爸阿嫲佢地多食🗣見餐牌上有媽媽最鐘意食既燒鵝 我地就點咗半隻皇隻燒鵝👑哄媽媽開心 燒鵝鵝汁相當夠😊一放上枱都聞到燒鵝既香味 外皮酥脆 肉身都頗飽滿🤤 所用既醬汁同香料岩岩好 並無偏咸既問題 鵝味突出之餘又唔會話失色💬嫲嫲由我地細細個就教我地要多食魚 有益之餘對皮膚有幫助 所以我地平日食飯都會有魚做餸😁 我地黎到就嗌咗條游水沙巴龍躉🐟 份量唔細 龍躉肉幾嫩滑 肉質唔算實 咬落算新鮮 無乜腥味 魚肉鮮甜😚怕唔夠食就嗌埋個海鮮什菜煲 煲內有唔同海鮮 大大粒既帶子 鮮蝦🦐 蟹柳同唔同既雜菜 有埋一大堆既粉絲😍 湯底係清甜 飲得出無乜調味料 西蘭花同

今日來到位於天后的粵菜酒樓吃晚飯，一出港鐵天后站便望得到，相當方便。要上一小段樓梯之後，開門可見酒樓環境，非常光猛。金沙脆涼瓜 ($88)雖然是炸物，但相當之可口，咬一口除了酥炸外皮和涼瓜味，還有咸蛋黃，口感豐富。同行友人受不了苦味都不敢吃，但我卻覺得甘苦度剛好，加上好爽口，實在好食！花旗蔘燉竹絲雞湯 ($128)整煲湯非常足料，盛裝後望落偏油，幸好飲落就無油膩感。湯的味道有淡淡的雞香味，嚐出主要是花旗蔘的苦澀味，個人就麻麻地喜歡，不過靚湯功效多，點都要飲一碗XD梨山醬手抓骨 ($98)以慢火炸熟，再淋上特製黑醋梨山醬，咬落聽到微微的香脆聲，外層又酸甜又香脆，內裡豬展肉肉質嫩滑，啖啖肉汁滲出，實在太滋味，相當滿意！海鮮什菜煲 ($98)每次到酒樓必點之選，上湯所浸的蔬菜感覺不會油膩又健康，有西蘭花、白菜仔、菜心等，都很翠綠爽口，而同一煲內的冬菇、魷魚、蝦肉等，都很鮮甜滋味。游水沙巴龍躉 ($238)最怕蒸得過火喉的魚，但這一條龍躉師傅掌握得剛剛好，魚肉勁嫩滑又鮮甜，轉瞬間便被我們吃光光皇者燒鵝(半隻) ($238)賣相很不錯，外皮超脆，咬落肉嫩，肉汁很多，很香口，難怪稱呼為皇者！

收工同同事幾個人仔去食飯，想坐得舒服，又想圓枱方便傾偈，就去左御名軒酒樓食中菜。大家選擇了幾款小菜，湯同飯。工作咁辛苦咁攰，叫返枝大啤酒一口氣飲返杯，所有返工既疲倦盡消！皇者燒鵝(半隻) - $238一上枱大家都不禁嘩一聲，油光色澤鮮明既燒鵝肉質鮮嫩，鵝脾勁滑，外皮又脆，好在食落唔係太油膩。花旗參燉竹絲雞湯 - $138重本落足材料成個湯好靚，睇落去已經覺得好補好潤，連湯渣淮山杞子瘦肉一齊食係最高享受。彩椒牛柳粒 - $98牛柳粒好淋身好入味，食得肉多再食三色椒減少左膩既感覺。瑤柱蛋白炒飯 - $98好香好夠火喉既瑤柱蛋白飯炒到乾身，一粒粒飯分開唔會痴埋一舊，正！酒樓都好識做，晚餐贈送糖水，起沙既紅豆沙好食又唔會過份甜，食完糖水開心晒！