仙跡岩 (Closed)

今日收工同朋友去左仙跡岩，呢間台式餐廳係位於新蒲崗廣場入面，上咗扶手電梯一樓轉左就會見到。雖然唔近地鐵站但係好近Mikiki，行完商場可以順便喺呢度食飯！老闆好nice，我哋喺餐廳門口嘅時候就已經歡迎我哋入去，仲推介左d食物俾我哋。之前去台灣見到甜不辣，但唔知道係啲咩，入到呢間餐廳嘅老闆話我知原來係煎墨魚餅，做十分去定係我一定要食呢個小食！同朋友分別叫咗一個台式雞絲滷肉飯同一個泰式豬頸肉滷肉飯，滷肉非常之香濃，而且非常大碗，好抵食！滷蛋都好入面好正因為叫晚市套餐嘅關係，飲品只係需要半價我哋叫咗茉香珍珠同埋新推出嘅珍珠奶茶抹！鍾意飲抹茶嘅朋友一定要試吓，因為抹茶味超濃，而且珍珠好好咬！最後想食蛋糕，不過原來有分店限定嘅，所以如果要想食蛋糕嘅朋友，就要去翻指定嘅分店！

新蒲崗沒有市區既繁囂，假日去呢頭的確可以清靜一下！$30-$40左右可選飯、麵、小食麵有，仲配野飲！走左商場內發現仙跡岩，是年青的回憶吧！下午有tea set 或menu上單點！鹽酥花枝炸粉唔厚，再沾滿准鹽最惹味！花枝丸大大粒有咬口，麵線份量剛好！湯底伴上少量香蒸片、紫菜！必飲胚芽珍珠奶茶，珍珠有彈性咬口！好喜愛胚芽那種香麥味仙跡岩日出+上檸檬，清新解渴！鋪滿花生醬既厚片多士，多士面烘得脆脆！裡面亦有層層軟熟麵包！悠閒下午tea time之選

朋友上星期去完日本旅行回來， 相約我於朋友住處附近嘅新蒲崗取手信， 我當然非常樂意。 取完手信後， 我和朋友於街中雞啄唔斷 ，實在很久不見，有太多話題要講，但街上寒風凜凜，天氣實在寒冷，朋友提議往新蒲崗廣場嘅仙跡岩食飯再慢慢傾計， 我舉腳贊成。仙跡岩始創於1994年，係香港首間引入台灣珍珠奶茶，結合台式茶店概念的悠閒茶室， 中學時期的我已開始光顧， 很喜歡他們調配的高質素的台式飲品及專業的台式食品………… 可惜的是，現在的仙跡岩只有兩間分店在香港， 今日能夠再次光顧，過往的回憶慢慢地再想起來了。位於新蒲崗廣場1樓嘅仙跡岩， 雖然不是什麼高級裝潢， 但正因為他走簡約風格， 令人感覺自在舒適。一進入餐廳門口，充滿笑容既餐廳侍應已上前招呼， 帶領我們坐於窗口位置，並介紹公司嘅推介食品， 在餐廳侍應嘅介紹下，首先來一碗招牌小兵歌三牛麵#牛、牛筋、牛肉#($59)，味道就如餐牌上所推介，牛肉是經師傅用心熬製，配合軟嫩既牛筋及入味牛，一口咬下，完全收買了我，尤其湯頭喝起來有濃郁既牛肉味，我非常喜愛 ; 雖然這個不是套餐，但跟飲品可享有半價優惠， 我揀選了可可咖啡系列中的炭燒點子(原價$26，有

This is a horrible restaurant which provides rubbish food, Not clean tables, chairs, dirty environment , Flies everywhere , Not fresh food provided, Taste of food is horrible.Cold food and drinks (supposed to be hot drinks)Definitely will not ever come back .

本來一直懶得寫食評，但呢間細個成日食，執下執下得返兩三間，連呢間我去親都冇乜人（希望只係周末少人吧，地方係唔易搵的），真係好擔心會冇埋，明明野食唔輸俾好受歡迎的茶x,咖啡x之類丫，重要平好多，服務都幾積極啊自己好中意飲朱古力雪香，今次冇飲，有機會至補相食下午茶好抵食，夜晚其實都唔貴，而且選擇愈來愈多，由紅燒牛肉麵到飯果d都有（以前明明得好難食的麵線，但牛肉麵幾好食播）重提供埋火鍋添，希望呢間野多d人食，留得住啦，個商場又真係蚊都冇多隻ge....

記得以前讀中學的時候經常光顧仙跡岩，但後期大部分的仙跡岩都已結業，今天到新蒲崗工作，可以一嘗過去的味道。麻辣豬頸肉闊條拉麵配茉香珍珠奶茶 $52麻辣味道十分開胃，豬頸肉彈牙，闊條麵麵質過腍。整體味道不過不失。值得一提的是茉香珍珠奶茶，珍珠煙韌彈牙，可惜奶茶偏重奶味欠茶味。12時半左右不用等位，入座的都是學生比較多。

晚間在新蒲崗上課，當然要找地方晚飯，來到新蒲崗廣場，看到易拉架是芝士雞煲，看來很吸引，於是去看看。曾到過此店，這次想吃芝士雞煲，當中選擇有兩至三種，也有其他台式食品。選擇了雙重芝士雞煲，因對芝士甚為喜愛。枱上有著另一個飲品的介紹，看來是新品，於是要了藍海玫瑰。芝士雞煲，是連著酒精爐，邊加熱邊吃，選擇了鳥冬。芝士與雞，放在一起，鳥冬看來是乾身，應該是配合湯底所設。雙重芝士雞煲，芝士熔在湯中，除了湯味清，帶著芝士香，非常配合。雞肉滑，雖炸過，味道剛好，配合芝士味，沒有因炸過而干擾湯汁及芝士味道。藍海玫瑰是藍加深紅，色彩對比強烈，深紅色應該是玫瑰味的糖漿。酸酸甜甜，甜味不多，剛好，甜中帶出酸，玫瑰清淡清香，每口也有玫瑰香，完全地吸引，非常喜愛。雖然不是什麼高級美食，可是味道是互相配合，選用的芝士也不是貴價，若選用濃味芝士就會遮蓋整個味道，可見對味道的要求，不會因價值平宜而馬虎，這也是吸引客人之道。

今日同媽咪去Mikiki一田行街街,行完都已經成兩點，媽咪話想坐低飲杯台灣野同食個台式下午茶，所以我就企定定Open rice下附近有d咩，比我搵到隔離新蒲崗廣場原來有一間仙跡岩，以前細個讀書媽咪成日帶我去，而家都係時候我帶媽咪去啦餐牌同記憶中一樣咁豐富呀見到佢做推廣，有一大堆新飲品，我就叫左杯藍海玫瑰，飲落有d似波子汽水+益力多，酸酸甜甜夏天飲好舒服媽咪叫左杯柚子味既，比我果杯酸，無咁甜，岩哂媽咪口味台式滷肉飯滷肉超夠味，而且肉唔會好肥膩，滷蛋亦都好入味，而花生炸到好脆， 冇油溢味，令成個滷肉飯更出色招牌牛肉麵有牛筋牛鍵牛腩，滷得好夠味，而且肉質唔硬，湯底清甜，面唔會煮過頭，面質有咬口招牌甜不辣即係花枝餅，花枝超彈牙爽口，咬開中間仲見到有一粒粒墨魚台灣炸雞扒呢個雞扒真心西利，外面炸到好酥，果種酥仲要係台灣既酥而唔係香港既脆，而且超多肉汁同超嫩滑，加埋面頭既味粉，真係好似台灣夜市食到既雞扒後尾比爛玩媽味見到餐牌有得玩炒雪糕佢點都堅持要叫一個自己玩我地選左天堂鳥+橙醬，炒出黎超滑超香，堅好食食物飲品水準仍然維持得到最好既侍應服務態度真係好好爛玩媽咪玩炒雪糕，完全唔知點控制佢哋好有耐性走埋

新蒲崗覓食，來到新蒲崗廣場 ，，食返兒時嘅味道，可惜舖頭已面目全非 ，又見肚仔餓， 見到有間平民餐廳價格 十分抵。肚仔又有啲餓，食番碗麵。見佢報稱自己有招牌台灣牛肉面， 一於試下。都幾大碗 下，不過同台灣就有少少出入可能呢啲新派菜 ，我呢啲老人家未必識欣賞，不過佢味道都還算可以， 唔算太鹹， 牛肉都係琳嘅。其實我仲叫咗個鹽酥雞， 鹽酥雞外皮夠脆，肉汁豐富 ，咬落仲有少少濕潤， 唔會炸到過份乾身， 再配合佢提供既鹽 ，令到味道更加豐富，不失雞嘅鮮味又大又點海水鹹味。尋回兒時味道失敗， 但食咗新派台灣菜， 有趣之旅。

今日同fd去多一次，入到去間嘢空無一人（可能係工廠區，not working day）完全覺得唔好食+唔抵食，我叫咗個“花枝招展+茉香奶茶“（係lunch set👉49蚊，如果要轉嘢飲就要加錢）個碗嘢一黎到已經眼都凸一凸，蕃茄濃湯去咗邊啊，我唔係要蕃茄農肉，撈暈碗嘢完全都睇唔出佢係“蕃茄農湯“頂多係一匙羹蕃茄醬囉，完全同個menu嘅描寫有出入囉😂而個杯奶茶更似攞香精開，完全飲唔到以前嘅味道😂😂😂仲要一路食一路出汗，你有無開冷氣啊🤔🤔

家人說今天出街食飯，打電話叫我一起去。我收到電話的時候，已經上了巴士，所以提議到新蒲崗。仙跡岩是小時候十分出名的連鎖台式餐廳，近年已經很少見。這天在新蒲崗難得見到，我們當然要光顧。大大碗牛肉麵，湯底濃味，食完不會口乾。我喜歡麵的口感，不是太煙韌，但爽滑，有點彈性。豬軟骨魯肉飯味濃，豬軟骨煮得夠腍，正。我鐘意佢有幾多菜，營養感覺上比較均衡。我點的飲品是天然雪菊茶，沒有糖的，十分健康。我喜歡這個杯，設計得好好，拎上手不會熱。這頓晚餐抵食，性價比高，價格商宜，而且能讓我們食得滿足。味道亦尚可，有機會還是值得再來的。

今晚一個人搞掂「食自己」，黎到新蒲崗搵野食就發現左新蒲崗廣場開左我讀書時最愛的台式鋪頭裝修新潮左，而且裝埋網上電視，一邊食野一邊睇到d無哩頭節目，差點笑到噴麵睇餐牌好似睇雜誌甘，我真係幾鐘意甘既設計，而且睇落d食物好好食哈哈，睇左幾次個餐牌，好多野都想食，但得一個人食唔到甘多野所以最後都係揀左我至愛的招牌牛肉麵牛肉麵湯濃麵淋，牛𦟌，牛筋，牛腩都煮到好入味，加埋有蜂巢豆腐，吸收哂d湯，真係好味到停唔到口好有驚喜加埋個台灣滋味腸同台式飲品，今餐真係好滿足

仙跡岩是我讀書時期最喜愛的台式餐廳，但隨着台式飲品鋪愈開愈多，同台式餐廳不斷引入，我就少左光顧仙跡岩了。不過今日來到新蒲崗的分店，仍舊保留著中學時期台式風味的裝潢，但menu中就多左好多台式食物同小食，超開心招牌牛肉麵，湯底濃郁，份量夠，而且牛肉，牛𦟌，牛筋都煮得好入味，超正加埋個小食台灣腸同台式飲品-莫卡點子，今餐真係好滿足飲品同甜品的選擇繁多，真係唔知點揀好，最好就一班朋友三五知己一齊食就最好啦

還有一個星期便要轉去新蒲崗上班，雖然這個本地傳統工業區，對我來說，絕對稱不上陌生，因之前曾有段時間，經常在這裡打躉，不過由於已經很久沒踏足這區，為穩陣起見，還是決定拿半天假，約埋老公陪我先去附近視察環境，擬定日後返工路線。午飯先在區內解決，沒來一排，發現原來唔單只大型商場，就是連橫街窄巷都進駐了不少新食肆。四圍巡了一圈後，決定揀位於崇齡街、新蒲崗廣場入面嘅悠閒茶室《仙跡岩》作為開餐地點。印象中，仙跡岩是香港首間將台灣的喫茶文化和潮流引入香港的店舖，而且更帶動了香港人品茗奶茶的熱潮，可惜近年分店買少見少。由於來到時已是下午二點，午市的人流慢慢散去，由最初的一、兩檯客，變成兩口子包場，真爽！拿起桌上的散點餐牌，嘩！印刷得非常精美，圖文並茂，而且項目分門別類，除了一系列台茶，如珍珠奶茶、香茶、烏龍、果乳酸、果樂園飲品等之外，還有台式小吃、厚片吐司、香脆點心、台式飯類、台式粉麵及甜點，仲要全日免收加一。如果想再經濟一點的話，亦可以揀精選粉麵套餐、台式精選飯餐，包飲品一杯。老公點了套餐台式豬頸肉滷肉飯 ($59) 跟珍珠奶茶，而我就揀咗厚片吐司和大塊雞排。滷肉飯先上桌，豬頸肉分量頗多，足足有 5

不知何故最近又迷上了飲珍珠奶茶，是日去陪家人到新蒲崗探望舊街坊，正當佢地成班聚舊而我又無所事事之時，正好就是偷偷地去嘆杯珍珠奶茶！去到仙跡岩的時候都被佢既環境嚇親，位於小商場的偏靜一角，不過有大大既玻璃窗，天然光不多不小地透入店內。咁所以先可以俾我靜靜地坐下嘆下，曬下太陽。不説也不知道，原來仙跡岩除左珍珠奶茶同多士小食之外，仲有很多台式料理同麵食！最後決定除左茉香珍珠奶茶之外，還多點一個炭燒豬軟骨撈米線炭燒豬軟骨撈米線發場！夷？米線呢？？？原來被滿滿的肉燥和豬軟骨蓋著先説説豬軟骨，入口即融！非常淋而且滑，但絕非梅！淋到其實都不覺得是骨頭，很軟很淋接著到滷水蛋對於從小到大都喜歡吃滷水蛋的我只有半隻是有點不滿足但味道很好，整隻蛋也很入味！最後不要忘了美味的肉燥，用肉粒制成，味道剛好，咸度適中，還有一點點切得很碎的洋蔥，十分美味，伴以米線來吃絕對一級棒！飲品方面是茉香珍珠奶茶，珍珠很有嚼勁，qq彈彈的。伴以有淡淡茉香的香滑奶茶，和小量冰塊，在炎炎夏日下真係透心涼埋單的時候才發現原來套餐是以$10的優惠價就可以配以大杯裝的茉香珍珠奶茶