魚一壽司 (京都廣場)

Open Now

Now Closed

今日行過銅鑼灣好想食日本菜，揀咗喺駱克道京都廣場嘅魚一壽司，餐廳入面座位都算多，平日夜晚都座無虛席，我哋好好彩唔使等就入得。餐廳嘅餐牌選擇繁多，日本料理嘅菜式應有盡有，由期間限定、日本直送嘅海鮮例如長腳蟹、活象拔蚌刺身、原條鯛魚刺身，到石燒/網燒/壽喜燒A5和牛，到日本生蠔例如令和之怪物，再到大量種類嘅小食、沙律、刺身、手握壽司、火炙壽司、軍艦、手卷、卷物、燒物、炸物、天婦羅，再到數之不盡嘅清酒，成個餐牌總有一款日本料理啱你口味！我哋今日想食壽司，所以嗌咗一堆壽司，包括中拖羅壽司、大拖羅壽司、火炙三文魚、火炙左口魚邊、腐皮壽司、花之戀壽司、珍寶帶子壽司、炸軟殼蟹手卷、海膽手卷、火灸原條穴子、三文魚腩壽司、日本飛驒牛火炙壽司、辣味三文魚軍艦同海膽魷魚軍艦。中拖羅同大拖羅入口即溶，油脂含量重，食完口腔充滿又香；珍寶帶子大粒得來又清甜，食落幾有口感；火炙左口魚邊係我嘅最愛，火炙過後啲魚油香出晒嚟，食落去又香又滿足；其他嘅壽司質素都好好，食得出食材用料新鮮唔馬虎，推介呢一間魚一壽司比喺銅鑼灣行完街而又想食日本菜嘅朋友！📍銅鑼灣駱克道491-499號京都廣場地庫位置就腳：🍊🍊🍊🍊🍊餐廳環境：🍊🍊

魚一壽司位於銅鑼灣京都廣場既地庫，樓梯旁掛上燈籠🏮和有一些藝人和kol 的簽名做裝飾用QR code點餐，位於銅鑼灣價錢方面合理👍🏻🔸麻醬烏冬 $38有一塊熟蝦和2條蟹柳🦀，係幼身嘅烏冬沾上了麻醬好均勻再配上了青瓜絲🥒🔸火龍卷（8件） $88火龍卷一上，好有霸氣🐲長長一條，每一嚿上面都鋪滿蟹籽和紫菜碎而且仲有蝦頭同蝦味炸到好脆🔸拖羅壽司四點盛 $118係有大拖羅、中拖羅、赤身和蔥吞拿魚腩，一次過食晒好滿足呀😌 魚味超濃，魚油滿滿🤩🔸貝類三點盛 $88有珍寶帶子、活赤貝、生蠔好新鮮同鮮甜，而且3樣都好爽口！🔸火炙左口魚邊 $20好喜歡左口魚食落去入口即溶的感覺🔸鱈魚乾 $32好脆身，唔會好硬👍🏻👍🏻🔸活赤貝（2件）壽司 $52因為貝類三點盛係有活赤貝，食左之後好好味因為真係好爽口同新鮮，所以要再嗌多次嚟食😆😆

和朋友相約一齊試這間日式餐廳 ，叫咗 1. 牛油果魚生沙律 加咗 少少 好肥美的中拖羅 以及 其他角切魚生 稍為 嫌棄牛油果唔夠多2. 清酒煮蜆 加咗清酒同味淋啲蜆好鮮甜3. 溫泉蛋牛肉飯 朋友仔點都要食啲飯 燒牛肉 好好味4. 海膽魷魚軍艦 ／ 生芥辣八爪魚軍艦海膽魷魚軍艦 感覺冇乜特別但係生芥辣八爪魚軍艦 啲八爪魚食得出好新鮮5. 刺身六點盛 初初以為唔係好特別，但係食落啲刺身都好鮮甜6. 芝士玉子燒 價錢唔係最平，但係真係食得出 食物材料新鮮 好味 侍應服務有禮 細心介紹

朋友仔去日本旅行要食壽司唔夠喉，喺香港要再食新鮮壽司同刺身，我推薦佢嚟銅鑼灣呢間魚一壽司，以前成日幫襯元朗本鋪，而家開左銅鑼灣呢間店舖面色好寬敞，但都容易滿座，叫助力非常之有😆我哋坐低二話不說就叫咗以下食品:🥢特選壽司三點盛-3款魚各有特色，最鍾意都係池魚，鮮味突出🥢日本直送大拖羅- 大拖非常肥美厚切，色澤鮮艷🥢玉子壽司(2件)- 兒時回憶至愛欲置甜甜地由濕潤🥢火炙北海道帶子- 火炙過嘅帶子外脆內嫩，好鮮甜🥢海膽魷魚軍艦(2件 )- 食得出魷魚好鮮甜🥢蟹肉蟹膏軍艦(2件 )-完全係鮮味嘅代表，鹹鮮香嘅蟹膏配合鮮甜嘅蟹肉，至高無上嘅享受🥢貝類三點盛-貝類三點入邊最喜歡嘅係赤貝壽司，好爽口鮮甜又大隻，顏色非常鮮艷🥢火炙左口魚邊-每次必叫嘅壽司，微微火炙後嘅左口魚魚油出晒嚟，好香口🥢牛油果軟殼蟹卷 (4件)-最後encore呢款壽司，牛油果同軟殼蟹係最Perfect嘅組合！

原來元朗名物於銅鑼灣都有分店～一出地鐵站行數步就見到了～餐廳有多款壽司 刺身以及熟食選擇整體來說價錢都頗親民平日晚上都幾乎滿座 可見其高人氣⍢極上三品御膳 $288分別是吞拿魚蓉 海膽 及三文魚籽吞拿魚蓉口感綿密 加了蛋攪拌吃更特別而海膽入口滑順 三文魚籽爽口 份量快滿瀉三款同樣送飯一流 這個能以$28元加配麵豉湯及茶碗蒸 壽司方面分別點了玉子 三文魚火炙三文魚 火炙左口魚邊 活赤貝及珍寶帶子 全部都新鮮 價錢親民特別一提活赤貝壽司活赤貝新鮮爽口彈牙 其中一件包了紫菜 口感更佳珍寶帶子真的很大塊 而且入口鮮甜 牛肉薯餅 $28餡料是牛肉碎粒及薯蓉外層炸得脆卜卜 蘸上燒汁更為惹味明太子雞翼 $42雞翼外皮酥脆 多汁嫩滑明太子醬非常濃郁 帶微辣⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡/5⧐魚一壽司📍銅鑼灣駱克道491-499號京都廣場地庫 #foodiegoodie_cwb

日本生蠔(令和之怪物）依隻被稱為令和之怪物嘅生蠔有成隻手掌咁大，蠔肉肉質飽滿，海水味唔會太重，入口鮮甜爽口。火龍卷(8件）外形好似一條火龍咁嘅炸蝦卷，好有氣勢，上面有滿滿嘅蟹籽，啖啖都有脆卜卜嘅口感。極上三品御膳一份三款嘅小型丼飯，分別係三文魚籽、海膽同蟹膏蟹肉。海膽最突出，粒粒都完整鮮甜。蟹膏撈飯一流，配埋蟹肉，雙倍蟹味！整體飯量都幾多，啱晒2個人share食。貝類三點盛壽司除咗單點仲可以叫盛合，平啲嘅價錢可以試多幾款，仲有唔同嘅主題，貝類有肥美嘅帆立貝、爽口嘅赤貝同滑溜嘅生蠔。

自從銅鑼灣開咗魚一壽司，位置好方便我所以間中都會去食。呢度出名性價比高，食物種類多元化有壽司、串燒、燒物、和食同鍋物等…每次去都會食焦糖鵝肝壽司😋今晚又叫到成枱都係食物😂焦糖鵝肝壽司～大大塊嘅鵝肝面層係又脆又香口嘅焦糖,鵝肝入口即溶,成個口腔內滿滿油脂感,超好食!火炙左口魚邊～經過炙燒後油脂四溢,肉質肥美 花之戀壽司～食壽司必叫之物,三文魚好厚雞翼串～燒到啱啱好,鹽燒好惹味京蔥雞肉串～鮮嫩多汁雞肉,京蔥燒得香口牛舌串～每片都好厚身,非常彈牙免治雞肉棒串～內𥚃有爽脆細軟骨,沾上滑嫩鮮雞蛋,口感更滑溜豚肉野菜串～用薄薄嘅豚肉包住燒,野菜仲有豐富的濕潤度青椒仔串～外皮好薄,吃起來微甜鱈魚乾～微烘得香脆,佐酒小吃麻醬烏冬～份量頗多,每條烏冬都沾滿醬汁,麵質滑溜

魚一壽司🌟免治雞肉棒串🌟本鮪丼🌟加拿大海膽手卷🌟唐揚炸雞🌟茶碗蒸最近成日都想食吞拿魚，但係有陣時夜晚唔知邊度有得食，上網見魚一壽司嘅comment都唔錯，就去試下la，點知又有啲驚喜wo。因為目標係食吞拿魚，所以叫咗個本鮪丼。一嚟到就覺得超級靚，有三大塊大拖羅同埋兩片赤身，再加上好大份吞拿魚蓉。每一塊大拖羅都係超級厚切，入口即溶，油脂味好香。吞拿魚蓉同赤身都好新鮮，食落兩款都夠鮮甜，加上少少醬油成碗飯都食晒呀。我仲order咗個免治雞肉棒串，次次食日本嘢都必點，呢一間嘅雞肉棒串係有雞軟骨嗰種，所以食落去口感好脆，而且配嘅生雞蛋嘅quality幾高，有蛋香味，加埋雞肉棒串係perfect match。嗰一晚仲好好彩咁遇到師傅蒸多咗茶碗蒸，所以每一台都送咗一碗，茶碗蒸燉得好嫩滑，隔離左右都食得好開心。

🔸刺身 九點盛   $468 + $20 炸蝦頭用九宮格木盤盛上九款新鮮美味嘅刺身，當中有好大一份嘅海膽，生帶子3枚、 牡丹蝦2隻、三文魚3切，中拖羅、赤身、間八、池魚同埋油甘魚都係2片厚切，可以食得好豐滿，成嘴魚油香味，鮮甜又唔腥，正。另外附送五舊飯糰同埋紫菜畀你用嚟自製壽司，其實9款裏面，每款我都好鍾意食，見到啲刺身魚肉表面都係令立立十分新鮮，其中我最鍾意食嘅就當然係最矜貴嘅海膽，啖啖嫩滑 好鮮甜。炸蝦頭有2大隻， 跟餐只係需要加 $20， 一上枱就有好大陣香噴噴嘅炸蝦味， 聞到都流曬口水， 每個蝦頭係分為兩截，前截 蝦頭個殼剝開裏面仲係有蝦膏嘅，好好味。 後截就完全係炸得香透，一大啖入口食起嚟好鬆脆好惹味😚下次再嚟都一定要加$20要跟餐加工這個炸蝦頭。味道：8/10性價比：7/10🔸單點 ↓三款壽司 各2枚玉子  $18   兩大件玉子中間夾住壽司飯團，味道好甜美。鰻魚  $15   鰻魚都幾大條放喺壽司上面，味道偏甜，呢個性價比較高蟹足  $18   係靚蟹柳嚟嘅，味道不错。味道：7/10性價比：7/10

小編對日本嘢嘅熱愛係不分季節😆 近排發掘到一間日本野係銅鑼灣中心地帶，係食丼飯同各類刺身壽司🍣所以搵日放工去左試餐廳好多唔同嘅主食供應，例如丼飯、烏冬、冷麵，生冷野有刺身、壽司、手卷，咁仲有啲串燒嗌咗乜魚一極上刺身丼飯🍚叫咗一碗丼飯，兩個人share都好夠😋 呢碗丼飯有齊好多唔同嘅刺身，包括有牡丹蝦、中拖羅、油甘魚、鱆紅魚、日本魷魚、帶子、三文魚籽、海膽、蔥吞拿魚蓉同埋三文魚😋 真係超級豐富刺身六點盛今日主打刺身，另一個主食都叫咗個刺身拼盤🤣 刺身六點分上下兩格，上面左起赤身、三文魚腩、油甘魚，下面就左起黑曹以，第一次食都幾有咬口😆之後係好爽口嘅活赤貝同埋牡丹蝦🦐 全部刺身都各有兩件提燈串係朋友叫嘅~佢話好少見到有得食，所以呢度有就叫咗嚟試吓😍 我第一次食，估唔到幾有驚喜☺️ 提燈原來係雞嘅卵巢同未孵化的蛋，穿喺一個籤上😂 聽落去好似有啲奇怪，但想講係食落去係幾有口感😂 芝士玉子燒叫咗太多凍嘢，都食返個熱嘢中和返😆 玉子燒正正常常，一客有六嚿Ps: 建議黎嘅一定要book位八點走嘅時候仲見到人喺出面等位

今次呢間日本餐廳真係要大大力讚，其實佢入面好多菜式性價比都好高，好似普通壽司咁都有$1X/2件，我果日一眼見到呢個A5和牛餐2人餐($738)就已經被吸引住，主要係張圖好吸引又豐富，叫完亦都冇令我失望，非常值得推薦比大家。———————————————🌟和牛他他沙律沙律入面有生和牛亦都有熟和牛粒，兩種口味都好濃但又各有特色。生和牛可以直接睇到油花分佈真係好靚，又多又細密。至於和牛粒就係燒得好香，放入口就已經有種牛油嘅感覺，配上旁邊嘅蔬果食正好可以解解膩。🌟席前燒即場會有工作人員推車出嚟燒，成個過程打卡都好適合，睇住佢用火槍一路燒塊和牛，油脂直接滲出真係流曬口水，連埋蛋漿再逐面去燒，分成兩份後淋上燒汁，最後仲有一步畫龍點睛之作就係加上香蔥及炸蒜。炸蒜真心起咗一個好大作用，令成件作品更香口同時口感更豐富。🌟飛驒牛壽司真心放入口果下就真係以為自己返左日本，同名古屋果啲根本就係一樣味，。壽司上面配有海膽，海膽味雖然濃但唔會搶味，第一下入口會海膽味先慢慢咬就會食到濃郁嘅和牛味。🌟火炙飛驒牛壽司火炙壽司經過火燒油脂味更濃烈，呢個同席前燒其實會有少少相似，佢面層一樣加有香蔥同炸蒜，放入口都一樣係充滿

有人成日話要食魚一壽司😂因為抵食得黎，壽司刺身夠新鮮，其他熟食水準都幾高😋今日叫左啲壽司：特選壽司三點盛&貝類三點盛，魚類鮮甜唔會腥，貝類好爽口炙燒壽司五點盛，燒過之後更香😋牛油果軟殼蟹卷，即炸嘅軟殼蟹，正👍🏻炸物：炸雞軟骨粒，好大份，夠三四個人食，好好咬😬吉列廣島蠔（3隻），炸得剛剛好，蠔依然飽滿，唔會縮晒水什錦天婦羅（7件），天婦羅粉漿幾薄幾鬆，食落有驚喜👍🏻👍🏻小食叫左份鱈魚乾，好脆，薄片唔怕太飽肚辣味冷麵，好接近回憶嘅冷麵😋不過今次有啲辣😅

今日係銅鑼灣成8點半先收工，突然好想食壽司，然後朋友二話不說就帶左我去京都廣場嘅魚一壽司。呢到係我第一次黎，一入到嚟確實又俾佢嘅裝修驚艷到，我覺得佢都用咗唔少心思去裝修，同埋一串串嘅日式燈籠亦都好有feel。睇一睇餐牌，原來嘢食嘅價錢都幾合理，食完之後都覺得所有魚生都好新鮮，喺銅鑼灣以呢個價錢食到其實都幾抵食。首先第一樣嘢叫嘅就係鮟鱇魚乾，完全冇腥味，呢個一定要叫。主菜就要左魚一極尚丼飯同本鮪丼。兩個我地都要左免費加飯，因為最鍾意呢度嘅飯同醋嘅比例好好，食落真係會想食多幾啖飯。其中一個都加配埋麵豉湯同茶碗蒸。呢度嘅面子湯絕對冇馬虎，用咗好多魚去熬製架。石狩鍋配埋隻溫泉蛋一齊食，有暖身作用，呢個魚湯湯底好濃，超級好食，加上仲有好多蔬菜，勁健康。

好朋友生日🥳今年請佢去食，我地都勁鍾意嘅魚一🥰魚一焦糖鵝肝壽司⭐️鵝肝表面鋪左糖粒再火炙😍焦糖嘅甜脆、鵝肝嘅柔軟，口感豐富😋挪威三文魚腩刺身⭐️勁厚切😇脂肪條紋分佈平均，肉質嫩滑🤩珍寶帶子壽司🌟一隻帶子好似兩隻咁大😆，夠晒鮮甜😆左口魚裙邊壽司⭐️ 肉質柔軟細膩，魚油甘香😉炙燒壽司五點盛⭐️有鰻魚味道濃郁嘅原條穴子另外嘅和牛、三文魚、左口魚裙邊、帶子，火炙過令到味道更加提升❣️軟殼蟹卷⭐️軟殼蟹炸得酥脆，飯卷上有紫菜、蟹籽口感有層次🤤蟹肉蟹膏軍艦⭐️蟹肉一絲絲、蟹膏香濃，一野拍落口超正😈牛舌串⭐️用咗牛舌芯，軟腍得黎又有咬口😚蕃薯天婦羅⭐️粉漿厚薄適中，番薯軟糯甜美😍泡菜豚肉鍋⭐️爽脆嘅豚肉片同娃娃菜份量都幾多，泡菜湯底好惹味🤓

元朗名物，久仰大名了！星期六中午12點到達可以直入，午餐選擇非常多，我同媽咪都花多眼亂，不過《魚一》出名刺身新鮮，所以我哋選擇咗方便一啖入口嘅壽司。🥢壽司梅 $98⭐️⭐️⭐️⭐️午餐包前菜、茶碗蒸、麵豉湯，其實食晒成個餐都好夠飽，所有刺身都不用質疑其新鮮度，最估唔到係件蛋都好好味有蛋香，麵豉湯𥚃面有碎三文魚，不過有一敗筆係茶碗蒸唔夠滑。🥢壽司竹（火炙）$118⭐️⭐️⭐️坊間少有嘅火炙壽司餐，同埋原條穴子最吸引我，其他壽司都ok幾好味，沙律醬唔會係一大pat，食得到食物原味，不過相比起”梅”嘅款式，就好似遜色咗些少。二人共消費：$238