桜

Open Now

Now Closed

荃灣區除咗豆花減價，手卷也參了一腳，分別有＄10丶＄15同＄20的類別，也多選擇。就以減價招來，吸引咗一羣吃貨，眼見＄20類別是最多人選擇的，之前食過三文魚手卷，今次就揀咗炸軟殼蟹手卷，平均要等20分鐘，到手時軟殼蟹炸得脆卜卜，熱辣辣，好好食，而且店面有芥辣豉油同普通豉油，一次過唔洗再落芥辣。除咗手卷，仲有其他刺身，丼同食物提供，能夠滿足各人所須。可堂食可外賣，但堂食係要企喺度食。

住喺荃灣嘅朋友如果想食日本手卷第一時間都係諗不如過葵芳食啦，嗰邊嘅食物選擇比較多啲。不過有時懶起上嚟真係連一個兩個站嘅地鐵都唔想搭，不過行過路德圍食糖水 ，嗰邊條街見到一間新開嘅日本手卷店叫做-櫻。鋪頭貼滿晒唔同嘅手卷真係非常之吸引所以就立即試吓！鋪頭大概最少都有30款唔同嘅手卷同埋有飯食嘅，見得到價錢其實都真係非常之親民～平嘅$20唔使嘅飛魚子手卷去到大大粒嘅帶子甜蝦手卷講緊都係$42，呢個價錢係呢個地段就真係非常之抵食嘅。我自己首先就叫咗一個三文魚腩手卷，之後見到佢有一個飯個名幾特別嘅叫做蟹將軍丼，成個飯都係用蟹來做主題有軟殼蟹啦蟹子蟹棒，一睇到就覺得非常之豐富！三文魚腩用得非常之充足，大概都有半隻手掌咁大塊嘅三文魚腩，非常之厚身。壽司飯嘅飯身亦都係非常之鬆軟，三文魚腩魚油非常之肥美～每一啖都令你非常滿足！蟹將軍當一上枱嘅時間真係好壯觀，個軟殼蟹真係有差唔多一隻手掌咁大！仲要係炸得啱啱好唔會有油膩嘅感覺，咬落口係非常之鬆脆～你可以試吓配合蟹子一齊食嘅時間，軟殼蟹鬆脆加上蟹子一粒粒彈牙嘅口感，再加上蟹子箇中充滿着海鮮鹹香嘅鮮味，兩者真係配合得天衣無縫！食到最後仲可以用紫菜包住蟹棒食，

荃灣有條食街，是包羅萬有的，而比較特別是開了一間外賣手卷店，叫（桜），名字很特別，原本想同朋友去品嚐一下手卷，但是看見雪櫃的刺身很新鮮，還有其他款式的丼飯和小食，便叫了不同款式來品嚐！我們分別叫了三文魚刺身，鰻魚飯，芝麻八爪魚手卷和帶子配蟹子手卷，由於是外賣店，所以只有站立來食，但都別有一番風味。三文魚刺身是厚切的，又很新鮮，脂肪分布很平均， 顏色也很鮮艷，店員說原來是每天新鮮運到的，但價錢卻很便宜，只需$50就有很多片，十分抵食，喜愛吃三文魚的朋友必定要食一下！鰻魚飯的鰻魚是簿切的，沒有細魚骨，份量也很足夠，配上鰻魚的醬汁，果然是絕配，而醬汁份量也很多，不會馬虎地噴兩下就算，飯面也有少許的蛋絲，也可以拌飯來吃，而米飯方面，是用壽司飯來煮的，不會有過多的醋味。就算自己吃一個也不會過飽。手卷店當然要讚賞一下手卷， 他們的手卷做得非常出色，手卷的紫菜是脆脆的，即叫即整，而手卷的刺身份量也很多，八爪魚有兩隻大的，在外面$16的價錢是吃不到的，帶子也是厚切的，只需$16-40左右便可享受到，別的風味！而材料也很新鮮！但建議大家手卷要立刻食，那才可以食岀鮮甜的味道！最後提醒大家，由於這個是外賣店

今天和姐姐在荃灣逛街，逛了一陣子，肚子開始抗議，於是找找看附近的美食。姐姐說想食壽司，剛好在避雨時看到一家新小食店一一「櫻」，就去試試看。店面比較小，但麻雀雖小，五臟俱全:手卷款式很多，嫌不夠飽的還可以點飯丼。還有小量的炸物選擇，我當然不能錯過至愛的炸魷魚鬚哈哈!最後點了一份三文魚海膽手卷，一份火炙牛油赤海蝦手卷，以及炸魷魚鬚。不能少了的圖片如下:先說三文魚海膽手卷，三文魚口感不錯; 海膽比我預期的好，有淡淡的甜味，而且不會很出水、很散的感覺。整體來說這款味道偏淡，習慣濃味道的我不太感冒。不過小小一份食完剛好滿足了要吃下午茶的胃，估計細食的、減胖的應該會當午餐吃。再說姐姐的火炙牛油赤海蝦手卷，大大的蝦，看到就流口水了，忍不住在姐姐手中吃了一口。牛油很香濃，但不會很膩，伴著大海蝦彈牙的口感一流。姐姐吃了也說不錯，下次會再點。最後上場是炸魷魚鬚: 超級新鮮，熱呼呼的，但也不會太熱，剛好可以入口。最難得的是粉漿很薄!! 而且很香脆!!! 看圖有真相，現在看到也想再一份。我覺得這款值得一點的，好好吃，伴沙律醬一起吃回味無窮。這款力推!下著毛毛雨來這裡吃也不怕，因為有篷子擋雨。如果想外帶也行，店

今次去左掃街， 見到手卷就即刻心心眼去咗食。桜，呢間鋪算大，總共佔左兩個舖位，一邊係賣熟食另外一邊就係賣手卷。而且全部手邊個價錢都唔會話太貴只不過都係$50樓下，而最平嘅都可以去到$18。今次就叫咗三文魚手卷，蟹子手卷，仲有北寄貝手卷。 佢地全部手卷餡料嘅份量比我想像中來得多。 以往食嘅都可能只不過係兩塊三文魚，但係今次佢有三塊好厚嘅三文魚，作為一個好鍾意食三文魚嘅人表示覺得好夠喉。而蟹子手卷，蟹子味道濃郁，而且都係放到就來滿瀉。蟹子，一向都比較難加到wasabi，但係呢間鋪頭好貼心，有Wasabi油，所以只要加幾滴成個蟹子手卷都有晒Wasabi味。最後北寄貝手卷，但因為見到佢減價所以就試吓。其實北寄貝通常算係一種比較偏門嘅食材，但係呢間鋪頭竟然可以有北寄貝覺得係一個奇蹟，而且仲有係有減價嘅時候比我遇到，我簡直覺得我行運。講返食材方面，都係做得十分之出色，北寄貝仲有原本嘅鮮味，而且份量都唔少起碼有至少有四塊。總括來講呢間個CP值都好高！

記得早排香港仲好流行食手卷，但香港人嘅創意真係無窮無盡，好快就比其他野取代！雖然係咁，但今日行過荃灣路德圍，呢到仍然好多唔同嘅食店，而呢間手卷店都仲係好多人等緊，咁就一於試試佢！今日同我嘅好閨蜜食盡佢！先黎一人一個手卷，我要咗個三文魚腩，朋友要咗個玻璃蝦！個蝦勁大隻，朋友話又都好新鮮，望到都覺得幾吸引！！而我嘅三文魚腩都好肥美😋😋之前我地仲要咗個蟹將軍丼，我地計過，咁樣叫應該抵食過叫兩個軟殼蟹手卷😎😎 原隻嘅軟殼蟹炸到岩岩好！ 仲要見到有蟹膏😋 成個飯除咗有蟹之外，仲有蟹籽同蟹柳，同啲飯一齊食岩岩好，又唔會太單調，難怪叫蟹將軍。另外仲試咗新野，吉列沙律三文治！ 呢個就無咩特別嘅，整體唔算太油，間中試下新野都幾好。仲有個好抵食嘅忌廉蟹肉薯餅，廿二蚊三件！出面仲有邊度可食到咁平？！ 所以二話不說就叫咗。

※本文以用餐當日的環境、服務和食物質素為準，口味亦因人而異，文章只作參考之用。-前排去睇戲前，順便去荃灣路德圍掃街兼食甜品，第一站揀左長期都幫襯既「桜」手卷，不過小妹係幫襯元朗分店多！佢係除左葵廣卷X屋外，另一間食得過既手卷！佢地有約50款手卷選擇，連海膽、吞拿魚蓉同炸軟殼蟹都有，例牌必點！如果有埋吞拿魚沙律手卷的話有多好？！除左手卷，仲有幾款丼飯同炸物，選擇不少！自助醬料區炸軟殼蟹手卷 $28先同男人一人一個炸軟殼蟹手卷，佢地既軟殼蟹仲係即叫叫炸，每次食都係熱辣辣脆卜卜；質素甚至比某連鎖壽司店同樣必食既軟殼蟹手卷高質，起碼唔會凍冰冰份量卻愈黎愈細！而「桜」既軟殼蟹份量大約有半隻蟹，食到底都有，真係好好食！吞拿魚蓉拼海膽手卷 $46小妹通常都只叫吞拿魚蓉單拼，第一次食雙拼望落好豐盛！海膽較大瓣似係用左加拿大海膽，唔會唔新鮮出晒水，食落唔係話勁鮮甜，但味道是可以的；而吞拿魚蓉食開同樣係一貫軟滑無筋，魚味明顯、加埋少少豉油同蔥花同食夠蔥味！活赤貝手卷 $38男人仲叫左個活赤貝試下，赤貝食落爽口，有一定的鮮甜度，加少少壽司豉油味道更突出。

今日放工之後，剛好走過荃灣的美食廣場，街道上都充滿着不同的小食店。我第一眼就比桜這間小店吸引了，食物在透明的櫃內看來不錯，再細心一看，發現這裡的食物都是即叫即製的。他們把食物的圖片都貼到附近的牆上，五花八門的看得我眼花撩亂，我今次就選擇左一盒放在雪櫃內的三文魚刺身、三文魚海膽手卷、海帶海蝦手卷、辣八爪魚手卷。餐廳可按照你所選擇的食用方式去裝我所點的食物，可供外賣或堂食。本身仲想試下他們其他海膽手卷，但因為個晚去得比較夜，所以都賣光了！本身叫完之後，有點驚叫左咁多手卷，會有好多飯要食，因為普遍出面的所有手卷都係得面頭有那些海鮮，而下面就只有飯。我係等的時候，就首先品嚐左三文魚刺身先，三文魚刺身比較厚身，而且鮮味十足，很好食的刺身！而且附近有辣醬油以及不辣的，還有一種是特辣的！由於食物是即叫即製的，所以需要一定的時間才有下一樣手卷。終於有了第一個海帶海蝦手卷，都係有鮮味之外，外表都不錯！之後都一個接一個咁新鮮製造完成，每一個都係由溫暖的日本米，加上由手卷頭去到手卷尾的海鮮所整成的，十分足料以及滿足！基本上你叫2至3個手卷，就會有飽肚感！而且價錢合理，不算太貴！我這樣點餐都只是差不多$150

今天經過荃灣荃興徑，看見一間新開的日式壽司外賣店(桜)，隔離就是出名的＄5碗豆腐花，所以很容易便看見了！在鋪外已經看見了餐牌，有不同款式的手卷，丼飯，街頭小食，和一些很特別的飲品！於是便走上看，便發現很多優惠的小食和手卷，和朋友揀選後，便選擇了幾道不同的美食。包括有蟹子手卷，火灸牛油帆立貝手卷，蟹將軍丼飯，特色吉列火腿三文治和牛油果🥑朱古力飲品！手卷很不錯，又新鮮又香。蟹將軍丼飯有全隻軟殼蟹，配上兩條蟹棒及蟹子，軟殼蟹炸得非常出色，不會油膩，還要全隻，十分抵食。飯的份量都很多，足夠當晚餐！吉列火腿三文治是十分出色的小食，因為第一下聞下去的感覺，好似西多士，但食下去是吉列的三文治一樣，很有趣。炸得油而不膩，入面的餡料都十分充足，有火腿蟹子沙律菜和沙律醬，配搭得很新奇，好味！價錢又十分便宜，簡直是情侶拍拖的街頭小食！而牛油果朱古力飲品很特別，其他店都沒有！但店內做得很岀色，想不到牛油果加朱古力原來是絕配，不會過甜！整體來說，員工服務態度十分友善，有禮，枱上還有很多配料，方便大家自己配搭，街頭小食和飲品都很特別，大家絕對值得一試！

掃掃下街俾我發現呢一間新開嘅鋪頭，就系買手卷的。初頭都覺得冇乜特別，但係見到佢有好少見嘅Wasabi油就心思思叫左去食。 而且當我想叫嘅時候發現原來價錢都唔係話好貴，同平時掃街個價錢都差唔多。今次我就叫左一個帶子手卷，同埋一個三文魚刺身，就係去睇下佢究竟有幾好食！帶子手卷嚟到嘅時候我差啲嘩咗一聲！因為佢比起我平時見嘅帶子手卷大好多，我指係帶子，而且仲要係2大塊孖住黎！ 手卷嚟到嘅時候係傳來一陣好香嘅紫菜味！而飯都係用日本珍珠米，因為見到佢係短短地同埋圓圓地。食落去個飯好友醋味，夠晒香。落埋特有嘅Wasabi簡直係一流。三文魚刺身都夠晒厚身而且肉質係結實，望落去就知道佢嗰啲係好新鮮唔係買咗好耐。不過揀嗰陣就麻煩啲要自己揀定一碟，因為每一碟個價錢都唔同。所以大家如果要食就要揀定喇！定係有啲三文魚係可以外賣俾你地煮，所以證明左佢哋真係原條三文魚咁拎貨。

經常去路德圍掃街，依晚見到間新開嘅手卷店，款式好多，就唔覺意試咗4款。首先係炸軟殼蟹手卷，炸得香脆剛剛好，裡面已有沙律醬，不用加豉油已夠味，同menu上面張相一樣足料，冇照騙！三文魚拼帶子手卷，d料多到塞滿曬，帶子又厚又肥，加咗勁辣wasabi，好刺激啊（落一兩滴好了）。雖然係辣，但辣得來唔係搶喉那種，反而wasabi吊起d鮮味。加州拼三文魚腩手卷，我最欣賞加州卷嘅牛油果，平時自己好難揀到咁新鮮嘅牛油果，個入口真係好滑身。馬糞海膽手卷多到就來跌出來咁，好少食到咁多料嘅手卷，店家真係落足料。兩個人食咗4個手卷，飲埋杯兒時最愛波子汽水，好滿足！

琴日去左荃灣食好野，好滿足。原來開左間食日本野新野，係做日式手卷、小食同丼飯，可以堂食同外帶。之前想試海膽手卷、軟殼蟹手卷、三文魚手卷等等，原來這間店咩都有，很多款式，有49款式，當中店長推介款式特別吸引，手卷價錢係HKD22起，我叫左炸軟殼蟹手卷HKD28，蟹將軍丼飯HKD52 同鰻魚丼飯HKD58，價錢很親民，款式又多，即叫即食很方便! 炸軟殼蟹手卷好好食，炸軟殼新鮮炸夠熱同脆，配上日本米真係好好食，好少地方有炸軟殼叫。我仲叫左蟹將軍丼飯，真係整反一個蟹形既炸軟殼出黎，賣相好吸引! 味道同炸軟殼蟹手卷一樣，因為是同樣的炸軟殼蟹，下次一定再黎幫襯。另外叫左鰻魚丼飯，鰻魚不是原條上，是切了片狀，有5-6條左右，味道口感都不錯，以呢個價錢食到鰻魚丼飯真係好便宜!

今日同老公去荃灣行街，突然發現咗有間新店鋪，原來荃興徑開咗間<桜>，見到好似幾吸引，所以行咗過去睇。 見到餐牌有差唔多五十款嘅手卷選擇，如果有選擇困難症嘅話都唔知點揀好，款款都好似好好味。 除咗手卷之外，原來仲有飯同小食，刺身等等賣。如果唔鍾意食壽司飯，都可以揀刺身或者小食。 由於我同老公都有D餓，所以我哋決定叫2個飯再加一個手卷。 可能今日落雨嘅關係，唔使排好耐隊就到我哋lu, 仲可以食住等雨停。 首先整好嘅係海膽拼飛魚籽手卷，哇，手卷俾我想像中大個，而且D海膽好新鮮，加埋D飛魚籽口感一流，紫菜咬落去係脆嘅，真係好好食。 蟹將軍丼有原隻新鮮炸起嘅軟殻蟹，食得出係新鮮炸起嘅，好滿足。 饅魚丼D鰻魚放喺蛋絲飯嘅上面，兩者一齊食出奇地好味。 出面擺咗張枱俾顧客可以即叫即食，值得加分，下次有機會再試其他。 桜 荃灣荃興徑8號昌泰大樓地下4B號舖

天氣咁熱最好就係食日本野喇。手卷壽司就最岩！做完野經過荃灣，見到呢間手卷店，出面放住一張小型吧台，仲有一大塊版列左有咩手卷，非常吸睛。摘日不如撞日，決定黎個浪漫嘅一人立食盛宴。叫左幾樣野食，包括三文魚拼海膽手卷($42)、炸軟殼蟹手卷($28)、一個螺肉小食($18)同埋一罐提子味汽水($8)。其實佢仲有其他丼飯同小食架，不過食唔到咁多！店員非常快手，幾分鐘我兩個手卷已經ready，抵讚！厚切三文魚令人一啖咬落去非常滿足，油脂平均，食完仲有淡淡嘅油香，相當不錯，加埋鮮味十足嘅海膽同外邊脆卜卜嘅紫菜，好豐富好滿足!佢地嘅店員推介左呢個軟殼蟹手卷，隻蟹都算幾大隻，果然無介紹錯！最驚喜係啲蟹肉係彈牙架！另外叫左個小食螺肉試下，份量都唔少，估計有二十隻左右，都只係十八蚊，啲螺仲要幾大隻下，口感爽口，少少辣，好抵食！呢度啲飲品選擇都唔少，我揀左我無見過嘅呢隻提子味汽水，唔太甜，為一人盛宴畫下美味的句號。一個人食左咁多野都係一百蚊左右，性價比高！

今日行過荃灣見到開左間新既手卷鋪，價錢都唔貴所以就試下。叫左馬糞海膽手卷、三文魚拼吞拿魚蓉手卷、軟殼蟹手卷三種手卷加個炸魷魚鬚，叫嗰陣店員同我地講可以睇埋隔離，有薯餅蠔餅嗰啲，問我地有無興趣試下。之後我地先知原來隔離店都係一齊既，見佢啲野食都幾得意，有日式薯餅、蠔餅同埋炸沙律三文治，就叫左個蟹肉忌廉薯餅試下。最快到既係海膽手卷，海膽味道幾鮮甜，而且以海膽手卷黎講呢個價錢都幾合理。最正既係佢除左有面頭嗰層海膽，個心都係有海膽既，性價比超高！平時食手卷最驚就係食完面頭嗰啲餸，之後成舊都係白飯，呢個就好好咁成舊都加左海膽！另外，我見到佢餐牌上面有三種海膽，但今次去見到紫海膽同加拿大海膽都暫停供應，而我自己本身都淨係食過馬糞海膽，所以就問左職員三種海膽有咩分別，職員答我紫海膽同馬糞海膽都係韓國既，而加拿大海膽就係加拿大黎，味道會比其他兩隻再鮮甜啲。如果下次再黎希望試下加拿大海膽。之後第二個到既係三文魚拼吞拿魚蓉海膽，賣相好靚！三文魚好肥美，而且幾厚肉，幾好食。而吞拿魚方面雖然係吞拿魚蓉，但魚味依然好濃厚，同埋我覺得變左蓉之後食上黎重方便左，唔洗好辛苦咁咬斷扯到個手卷爛晒。呢種雙拼既手卷可以一次