歡樂大排檔

Open Now

Now Closed

一行十人開心食生日飯，未試過食飯食到一肚氣。金沙涼瓜片又咸又油又唔脆，勁難食。一品雞，凍而無味，唔知食緊咩肉。瑤柱蛋白炒飯，好細碟。南乳炆齋，味道單一，好多汁，一啲好鹹一啲無味。鳳梨生炒骨，肉質好硬，掛唔到汁。所有食物都好差。最後準備切蛋糕時，職員攞出2個蛋糕，有一個蛋糕被跌爛，水果全部整跌晒，沒有道歉，只有不停解釋強調唔關佢哋事。仲好話第二個蛋糕無事，不停解釋佢哋蛋糕會好小心處理，絕對唔會跌爛蛋糕，但事實就係蛋糕爛咗。非常不負責任。此餐廳我已食過多次，一向正常。但今日嘅食物真係好差好差好差。以後唔會再幫襯。

今晚16位晚飯，哩間大排檔已經系watch list 應該有一年，今次約會可以話大家都難得的滿意，近年系香港都比較難得。味道(4分)- 所有彩式都真系好夠鑊氣，非常熱辣辣，好有以前大排檔風味。- 叫了十幾個菜(太多太好味影吾切，加埋openrice暫時我只可以放12張相，另外名字可能同餐牌吾一樣咖),可能只有2到3個系剛剛合格高小小    - 乳豬感覺吾系即燒，皮有d靱。    - 生炒糯米飯太少蠟味。    - 豬肝粉腸煲得好少粉腸，豬肝亦太熟太”鞋”-比較好的菜式🈶   - 魚腸焗雞蛋，表皮脆香，魚腸多，   - 炆龍躉尾，肉滑又多肉，加埋燒腩仔同支竹真系配合得好好。- 懷舊蝦多士  環境(4分)- 簡單得來有特色，起碼比附近開間排曬隊🐷x記好好多。-居然有張大檯可以坐16人，旁邊仲有個小屏風，吾錯。服務(5分)- 可以話大部分女服務員都好到位，有笑容，有熱誠，仲非常主動幫忙，系香港比較少見。- 除了兩個男的系目無表情，但都做足無托手肘。-打過2次電話，一個女性的聲音語氣,給人感覺比較兇。衛生(4分)- 正常啦！比高一分系連女廁都話系幾乾淨衛生。- 抵食(5分)- 埋單$3394，

食過呢間歡樂大排檔幾次之後，今次趁住中秋帶屋企人嚟食飯，試吓呢到嘅圍餐😋發現呢到真係好適合同朋友/親戚聚餐！呢到裝修懷舊風，好似穿越去80年代咁！整體食物質素高😙- 乳豬: 外皮燒到脆一脆，唔食皮嘅都唔驚冇嘢食，啖啖都係肉，仲有汁唔驚乾得濟- 上湯龍蝦伊面: 大大嚿龍蝦，一圍分每人都有得食，仲要好鮮味🦞食到伊面唔夠食- 脆皮雞: 其中一樣我最鍾意嘅菜式😍食到最後個皮仲係脆架。雞胸都嫩滑，雞脾更加唔話得啦- 蝦棗: 好彈牙食落有蝦味，如果比多啲醬就好喇- 鮑魚鵝掌: 圍餐有得食鮑魚太有口福了！鮑魚好淋但鵝掌唔夠入味🥹整體嚟講嘢食高水準，啱晒一大班人嚟食，會再嚟！

朋友生日一早book定檯，餐廳環境ok。叫左11個餸，人均$300。必食香脆豬扒皇：好普通既豬扒，唔脆！點解會改咁既名？同普通自己醃既煎豬扒冇咩分別。相比之下光榮冰室豬扒好食好多燒鵝：個汁ok, 但鵝肉好柴叉燒：幾好夠淋，如果加返啲甜味會更好炸大腸： 味道好，但唔脆，成碟都係淋焗魚腸：正常炸栗米：好好食！夠脆，粟米又甜蝦多士：正常，冇咩特別梅菜扣肉煲：第一次食咁dry既梅菜扣肉，肉鞋，少梅菜、個汁都麻麻地蒜蓉炒西蘭花：呢碟菜有驚喜，調味好好潮洲普寧脆豆腐： 冇味！無調味炸豆腐，個汁好差，蔥加水就當汁，冇味，豆腐炸完又唔脆蠔仔餅：味道好，但偏油，成碟野淋晒

我哋之前黎歡樂大排檔食過小炒，今次再同屋企人一齊去，book左間房有電視睇奧運！今次試啲唔同嘅菜式（我會話係比較似酒樓嘅菜）整體嚟講，食物質素都幾好，性價比都幾高。- **蒜片牛仔粒**：賣相不錯，果然有驚喜！估唔到廚師會用蝦餅/蝦滑配搭，好新鮮啊！而且牛仔粒都好嫩。- **鮑魚鵝掌**：鮑魚味道算濃厚，以價錢嚟講就應該唔係乾鮑，但大大隻好過癮，鵝掌就覺得唔夠淋。- **XO醬炒墨魚花西芹**：墨魚花切得幾厚，口感爽口，份量足夠。呢個餸我以前未試過，所以覺得有驚喜。- **上湯龍蝦伊麵**晚市孖寶西澳龍蝦+燒鵝，六個人一齊食，每人都有一大塊龍蝦肉，龍蝦都幾新鮮，但我最鐘意係個伊麵同個汁！- **孖寶配例牌燒鵝**：燒鵝不過不失，無特別突出。-**椒鹽炸粟米**：本身都係口痕見到想食，無諗過咁好食，絕對係MVP，大人細路都鍾意酥脆得來粟米本身又唔會話太乾，亦都唔係太鹹味道啱啱好！整體上，今次食飯都好滿意，餐牌見到有好多嘢想試 （雞煲翅、幅圖賣相好精緻嘅冬瓜盅etc etc）下次再嚟食！ps今次坐獨立房就要加一同埋有最低消費，之前就免加一希望呢啲評論幫到你Enjoy！

今日中午去歡樂大排檔飲荼，有意外驚喜，有特價點心，9.8每人只可以叫一份，雖然是特價，但味道都不錯＇而且服務質素不錯。還有特色人心烏荼入口茶，味甘香媽咪很喜歡。

真係食到一肚氣，強烈勸喻大家千祈唔好嚟食！😡😡😡我哋未夠下午兩點嚟到，等到兩點先叫下午茶，我望過手機大約2:06就俾咗張單一個扎住粉紅色短頭髮嘅女人。等咗20分鐘，一個點心都未到，我哋就問返同一個女人，佢就只係點咗個頭😠過多5分鐘我哋再問另一個女人，話要排隊等，好多單，明明都唔係好多人😓再過5-8分鐘我哋再問粉紅色頭髮嘅女人，佢先俾張單我哋，然後張單寫住落單時間14:35，即係由一開始冇落過單😡我哋同佢理論，佢仲死口唔認自己冇落單，仲話我哋遲嚟，話叫佢check返我哋幾點入嚟又唔肯，最後先半承認自己冇落單🤬🤬🤬仲要因為遲咗半個鐘冇落單，其中一碟點心冇晒！！！😾仲有我哋叫左呢個女人兩次比張BB凳我哋，兩次都冇俾到，最後叫另一個女人先俾我哋！！！🤬🤬🤬仲有啲嘢食好一般，唔需要嚟試伏！

經朋友介紹去左呢間上樓大排檔試下, 本身食物水準唔錯, 上openrice睇食評都是好的. 但如果一間經營手法令人有懷疑食店. 想我再幫襯都好難.  搵姐姐落order是手寫單(寫食物no)之後出張電腦單俾我地, 我望一望後大致上都是我地落的食物就開始同朋友開開心心吹水, 陸陸續續上菜覺得味道唔錯. 到我再想睇下有咩未上來時, 今次睇到張單最尾二項打了"海杉斑", 急急出櫃台叫對方截單. 櫃台有兩位部長扯貓毛咁. 第一個答我的笑笑口同另一位講 "人地唔系要海杉斑 改番虎杉俾人啦, 條海杉千幾蚊呀". 另一位即改單. 我又好怒又好笑, 我講我從來無落過魚我都唔食魚, 你搵番姐姐落的手寫單我睇我地底叫左咩野.  另一個部長話唔洗咁緊張無食過唔會收你錢的.  你家陣緊系咁講啦, 到條魚上左來又或我地飲多兩杯無留意古惑位夾左啖來食時就唔系呢回事了.  再睇番之前食評 12/2023 原來都有兩編關於呢間野怪招手法, 只是今次我地好彩咋我地實際叫佢招牌椒鹽粟米 $58, 再諗就算真系一時錯手入錯NO最多都是變下咕嚕肉, 椒鹽鮮魷, 點會由椒鹽粟米跳左去千幾蚊的海杉呀

餐廳同一般的排當唔同係3樓，樓下就有個比人打卡的地方，一開始係比距個懷舊感吸引的！帶住兩個小朋友上去環境都比較舒服，而且我地坐的係卡位，望落樓下可以睇到街景，小朋友都好開心😁至於野食味道就不過不失，炒飯個人感覺比較干，蝦同骨嘅份量就比較少，豆腐煲唔係太夠味，其他都仲可以😌整體來講，如果帶住小朋友想慢慢坐舒服咁食大排檔嘅話都可以試下！溫馨提示：週末無優惠，平日9點後堂食9折！

又是共享天倫的定期聚會，家人提議到開業不久的歡樂大排檔。食店以新派大排檔裝修作招徠，燈光明亮，以街坊食店而言，環境算是不錯。一份有5大件雲吞，最妙之處是內藏一隻爽口彈牙的蝦仁，錦鹵汁內有半肥叉燒及三色椒，醬汁是有點肥膩，但甜酸度剛好。三星是鵪鶉蛋、豬膶及冬菇，但三星並非不會轉變的，從別人的食評中發現叉燒也會出現。三星中最差的是豬膶，細小之餘也蒸得過火，口感粗硬。賣相和味道均有進步空間，生菜色澤暗啞，欠缺油水，水魷和牛柏葉味淡是意料之中，然而質感也不達標，少了嚼勁。釀茄子賣相和味道都不錯，只是熱度不夠，影響了口感。縱然食店為雞仔包起了一個別緻的名稱，但水準也是一般。燒鵝皮脆肉厚，而且件數甚多，以1/4隻燒鵝而言，十分超值；可惜瀬粉卻溫溫吞吞，盛器也不大，大概是2-3 人份量。炒腸粉鑊氣十足，食材均勻沾滿豉油，豉香撲鼻是簡單而出衆的美食。從價格看是沒什麼好投訴的，但食物又怎可以不論質素。驟眼看以為廚師炒烏冬時忘記加入肉絲，細心查找便發現廚師以全肥肉條取代肉絲，染有豉油的肥肉便與烏冬完美混合。從健康或味道出發，剔走肉絲比加入肥肉條的炒烏冬更為優勝。

難得約齊舊朋友，一行15人黎到「歡樂大排擋」歡眾一下晚餐 預早book定枱點菜食好西! 朋友食過話呢間餐廳食物質都係超哂班! 餐廳安排咗房，我地咁多人都坐得好舒服!為咗呢餐我lunch都冇食，留定肚黎大吃大喝呀! 叫咗16道菜，每道菜都係超水準，由於太好食，掛住傾計食下停下，一路食d菜一路上，唔係每款都影得切相，只能揀幾張相同大家分享一下!先黎上陳皮燒鵝王 – 燒鵝肉質好鮮嫩保留到皮脆肉juicy，而且真係食到淡淡陳皮香味，基本上唔需要點太多汁，係我食過最好食燒鵝!  回味安格斯牛柳粒 – 牛味香濃，熟成度岩岩好，呢個菜絕對唔會令人失望。古法雞煲翅 – 呢道簡直係成餐飯精髓!!! 成碗金黃色嘅雞煲翅，遠遠見到已經流哂口水，飲第一啖真係有條龍飛出黎，超級足料，成碗湯係好香好濃，翅夠粗身，大啖大啖翅食落口，好食到癲!懷舊蝦多士 – 呢款懷舊蝦多士已經愈黎愈少餐廳見到，岩岩炸起脆口熱辣辣嘅多士配上大大隻蝦喺面，呢個香脆誘惑程度係即使你知道好熱，但都係忍唔住要即食入口!脆皮炸大腸，潮洲普寧脆豆腐，椒鹽炸粟米，瑤柱蛋白飯……全部都實在唔駛多講，一個字 - 「正」!油鹽水浸蜆 – 聽個名咁簡單食落

3月26日揾食肥華和靚媽及大細仔仔嘅，飯局敘會又選擇咗呢間，楼上食店舉行，因大仔仔話此店嘅，招牌菜，大排檔炒蜆，首屆一指，而細仔仔就對此店嘅， 椒鹽羊鞍一試難忘，加上肥華，亦想一試佢嘅，一品燒雞及豉油王中蝦，孖寶餐，所以一致贊成，今日在此店開餐。眾所周知此店新開舖時以食品，平，靚，正及不收加一小費及免茶位費為賣點，但現今此店已有，增收加一服務費及茶位費啲措施，但話雖如此，肥華一家人都仍然覺得，在比店食晚飯喺物有所值，今晚，所點每款餸菜，都喺預期中嘅A+級水準，而待應員工亦有良好，待客態度，雖然呢餐喺比之前，食貴咗一成費用，但肥華依然，認為此店喺一間，平，靚，正食店👍👍👍👍👍

見呢間中菜館開左一輪 終於搵到時間過黎試下 🐖沙薑豬手-沙薑汁有少少甜甜地 少少酸酸地 係一個好開胃既冷盤😋而且仲好大碟添 好抵食😁🕊️紅燒BB鴿-BB鴿新鮮炸起 外層脆卜卜 唔會太咸 唔錯👍🏻🌽椒鹽炸粟米-椒鹽炸得好香 粟米都好甜 如果中間個心可以食埋就完美喇😁🥬家鄉海鮮雜菜煲-底湯好清甜 菜同大蝦同鮮魷好新鮮 係一個好有鮮味湯底既雜菜煲👍🏻🍚生炒臘味糯米飯-略嫌唔夠豉油香 唔算好足料 發揮正常～我地今次叫左幾款小菜 整體發揮唔錯 如果一大班朋友黎仲可以訂間房 自成一閣 唔使怕嘈到人😂當日大嘅7:30左右去到門口已經座無虛席 環境氣氛相當熱鬧 真係好有大排檔feel😂環境方面 地方好乾淨 座位好舒適 係一個進化版的大排檔👍🏻

餐廳設計成大排檔feel，裏面有好多懷舊可以打卡位置。食物質素超班，性價比十分高。最令人震撼係海鮮名碼實價，唔係一般寫時價，令人卻步。老闆話兩星期就推出一個正斗菜式。 與朋友共聚， 試了好多菜，完全冇得輸。試了雞濃湯灼象拔蚌，黑胡椒炒肉蟹，燒牛肋骨，自家燒燒鵝，芝士龍蝦伊面，豬肺白菜燉清湯， 台山蠔磚 (師傅自創菜式)， 煎蠔餅，麻辣汁撈豬手仔。最後猫山王布甸，好好味又好cute,又係另一個打咭點。餐廳有包房，也有大堂，悉隨尊便。

包房消費，要求最低消費6000，唯有兩張臺，每張臺坐六七个人~以前去都唔使收加一，今日既然收加一~埋單七千幾，水果糖水都无一份送，d野食麻麻地椒鹽九肚好鹹，豆腐火楠都鹹，得鷄好味，其他都麻麻地