牛屋餐廳

Open Now

Now Closed

教會姐妹生日😆一行4個靚女齊齊出佐敦搵野食😋😋 靚靚C小姐喜愛食牛，所以靚女CK小姐睇OpenRice 搵左2間好野我地選😆💜～ 咁就投票黎左呢間😆😋真心平夾好食，4x幾蚊起，嘩，邊度搵😆😋去到門口入面已經爆滿～ 同埋要等齊人先可以入坐😊我地門口等左一陣😊 最後到左3個，靚仔哥哥好人都放左我地入去坐低先💜😆 齊人之後叫左牛仔骨 龍脷柳 雞扒 同一份牛扒，真係勁抵，又大碟😆 我地全部都係分享一齊食😋😋 先讚下個羅宋湯真係好濃，再加上我習慣性會飲下靚女姐妹個白湯一啖先😆飲左人頭啖湯🫠 個忌廉湯都好濃，牛仔骨都好出色🫠😆😋 反正樣樣都好食，呢個價錢真係無得輸呀～😆😆

Lunch set超抵食，主菜連餐包及餐湯，最平$50左右就可以食到飽飽，冷熱飲品加$3。環境是舊式扒房的裝修，餐廳雖然不是很大，但都算坐得舒服。已經不只是第一次光顧這餐廳，是因為被它的食物質素及抵食價錢吸引，而且每次都見有不少熟客來。落餐前侍應先問我們選什麼湯，我們選了一個忌廉湯及一個羅宋湯，餐湯的味道很好，而且夠濃，餐包經過烘焗，中間還塗了牛油，十分細心。先介紹蒜蓉雞扒配意粉，雞扒煎到皮少少脆，意粉軟硬度剛剛好，配秘製蒜蓉汁的味道很夾。接著介紹燒烤汁豬扒配薯菜，有足足兩塊豬扒，份量一點也不少，燒烤汁很惹味，薯條是波浪粗薯條，炸得剛剛好，枱面仲放了整支茄汁給你慢慢點。此外，雖然餐廳的侍應大部份都是男士，但他們的服務態度也不錯，很有禮貌幫我們落單及埋單。總括而言，用這個價錢食到這樣質素的扒餐，實在十分超值，而且味道非常好，下次有機會我們也會繼續來幫襯。

老實講！唔係彈佢但係畀嘅評語只可以麻麻地，如果我有喺呢間餐廳嘅回憶，可能會加少少分，可惜我冇！喺網上見到有梁祖堯加持，老店嘅格局同網上介紹都講到好好食，所以就即管去試下。因為個門口係舊式牛扒屋嘅樣，未入去之前係有啲期望嘅，入到去叫嘢食嘅時候。現佢只係得枱上面簡單嘅餐牌嗰幾樣選擇，如果唔係因為網上話佢係黃店，我諗我已經走咗，又或者根本唔會入去，但係就睇在佢黃店分上💪🏽一入去就叫我隨便坐，然後就問我飲乜嘢湯紅湯定白湯，呢啲對話十分港式🤭ok我揀咗紅湯，因為我從來唔飲白湯，我個腦就喺度諗咁奇嘅我連食物都未揀佢就問我要乜嘢湯，但係一睇到餐枱上好簡單嘅嗰張 menu我就知道，其實佢得幾樣嘢揀；雞扒豬扒同意粉。另外仲有比較貴啲嘅就係牛柳牛扒之類，呀！仲有羊架。我揀咗個紐西蘭牛里脊配薯菜，佢走開之後我好好奇點解唔問我要幾多成熟嘅。佢好快咁就上咗個紅湯(羅宋湯)，嚴格離講個湯係唔好味嘅，另外仲有個餐包舊式茶餐廳嗰種餐包，我唔評論喇。然後過咗一陣間個牛里脊嚟到，當時我個心已經舒服咗少少因為當個湯唔好飲嘅時候，都會擔心嗰個肉好唔好食，但係個肉嚟到嘅時候睇落好似幾q彈，切落去嘅時候都幾淋，入口其實係軟熟順滑

好耐冇食，剛行過， 又黎食下。 中午1:00， 真係少左人，都吾係好爆。 雖然尼度地方不大，但服務都好好。 午餐最平 $48 ，有湯有餐包， 加$3 有熱冷野飲。叫左個雞扒意粉，雞扒煎到好脆， 羅宋湯是我鐘意既濃湯😋見到好多人都食牛扒，下次可以試吓。😁

港式扒房老字號，佐敦牛屋餐廳，午餐lunch抵食，$48起跟餐有湯&麵包，冷熱餐飲加$3，不用加一羅宋湯幾濃味，餐包已搽牛油有烘過燒烤汁豬扒配薯條有骨豬扒兩大塊，配有少量沙律菜，薯條即炸上檯仲熱辣辣，略嫌燒烤汁淋在豬扒上太多汁，下次要叫汁另上紐西蘭牛里脊配飯牛扒有3小塊，煎7成熟左右剛好，軟淋淋唔錯這天我剛好在午市最旺場的時間光顧，全餐廳滿座，所以座位都很迫，餐廳裡面雖然地方比較細小狹窄，但服務態度不錯

今日同老婆慶祝生日，食物水準一流，有禮貌，服務良好態度，我地買佐個蛋糕放雪櫃，之後取走，各位服務員，大聲一句講，生日快樂！不生難忙。祇是小小問題，就係抽風欠缺少少，努力，下次繼續支持。

最近想食Beef Wellington，見到幾多人讚呢度又平又好食，所以就放假過嚟試吓點知食落一啲都唔好食，酥皮焗得唔好，又濕又淋，平時如果係好食嘅酥皮我通常食晒，但呢個我食淨好多，甚至乎係避開唔食，好後悔一人叫一個個酥皮忌廉湯比牛好，起碼酥皮正常，湯夠熱，所以如果你係專登過嚟想試beef Wellington 我覺得不必喇至於service 方面都好一般，一坐低就會迫你即刻講飲咩湯，連餐牌都未嚟得切睇⋯

幾個麻甩佬想去鋸扒，有人提議去牛屋，從前......10年前有多，都係10點後去牛屋飲酒，以前有卡位。而家就變晒4人枱，7點入去，7成滿，坐多陣已經全滿。肉眼扒 （$258 果個肉眼扒餐）唔記得影menu件肉眼唔會乸/醃到冇晒原本個肉質/好多平價牛扒醃得重手得濟，食到好重梳打粉味，呢度牛扒味道唔錯，個黑椒汁好重味，煎7成亦做得剛好，個色又煎得靚。薯條又夠熱。威靈頓牛柳朋友話唔錯，比較細份（同肉眼比）所以唔敢抽佢水試下。羅送湯，餐包上枱熱辣辣，好過去果幾間連鎖餐廳食牛扒。用餐時間90分鐘，因為到8點半仲有人係門口等緊，所以就要埋單走，亦証明佢幾多捧場客。場面就比較舊，真係食平靚正。

🎈 建議場合：#即興食飯 #普通拍拖 #特別日子👤 建議人數：2人（最多可容納4人檯）💸 人均消費：$100-200【2個人食咗啲咩？】- 紐西蘭牛柳（$178）- 墨西哥雞扒（$118）- 酥皮湯（+$18）- 套餐包意粉/飯/薯菜/淨菜加牛油餐包同餐湯⭐⭐⭐⭐「老派約會之必要」餐廳懷舊feel，乾淨服務質素佳牛柳重牛味無筋無血水，軟淋淋，雖然唔知佢有無落鬆肉粉，但真心超好食墨西哥雞扒就中規中矩，味道正常，似蒜蓉汁，勝在夠曬大塊牛油餐包熱辣辣，多牛油，唔會手軟羅宋湯係舊式香港味道，我鍾意略嫌酥皮唔夠牛油香，可能係因為本身食左牛油餐包如果想個忌廉湯再邪惡啲，可以叫侍應俾塊牛油你加入去啱啱食咗個港式扒房嘅晚餐，真係一個懷舊嘅美食之旅。餐廳嘅氛圍充滿舊時代嘅情懷，同埋年代感，好適合情侶黎場老派嘅約會。環境乾淨整潔，氣氛到位，係一間幾唔錯嘅餐廳。服務質素亦都非常值得讚揚，服務員有禮貌，樂於助人，確保每位客人都有愉快嘅用餐體驗。講到食物，牛柳絕對係亮點之一。佢味道濃郁，重牛味，無筋無血水，肉質軟嫩，令人愛不釋手。雖然唔知佢有無落鬆肉粉，但係佢嘅質地真係超級出色。另外，墨西哥雞扒味道雖然中規中矩

食物質素：👍🏼👍🏼👍🏼👍🏼👍🏼食物份量：👍🏼👍🏼👍🏼👍🏼👍🏼餐廳環境：👍🏼👍🏼👍🏼👍🏼👍🏼（需小但乾淨舒服）服務態度：👍🏼👍🏼👍🏼👍🏼👍🏼近來覺得香港本地最佳西餐廳~💕威靈頓牛扒容易咬開+超重牛肉味💕豬手大大份+軟熟加上蜜糖芥末醬 << 0油膩感💕酥皮湯配麵包💕牛舌（小食）💕法式田螺（小食）💕雜扒（仲有羊扒㗎！最抵食~）記得記得要book 位去啊~ 唔係成日有位㗎！P.S. 已經係第三次嚟！今次帶埋屋企人（連同長者），為咗等屋企人試到唔同嘅菜式，所以叫咗幾款share嚟食。多次麻煩侍應拎餐具碗碟等，佢哋都好好態度，見老人家猶豫要唔要叫多杯嘢飲，索性送一杯free drink 俾我哋添💕臨走想打包隻德國豬手，見我哋放唔入外賣盒，仲主動幫我哋拎返入廚房切開佢，俾我地拎走！

喺佐敦屹立多年，店舖空間細小，歐陸式裝修，店員服務殷勤，上菜都快，今次lunch 黎等左15分鐘就有位因為之前黎都係食牛扒，今次就試吓佢地個雞扒🤭$48 有餐湯+餐包+雞扒配薯菜/意粉/飯，加$3有野飲（冷熱同價）羅宋湯都幾濃郁，唔係太辣👍🏻餐包有烘過，表面好脆，中間夾住牛油😊雞扒意粉都幾大碟雞扒去除內軟，肉質鮮嫩，側邊配上沙律菜，仲有意大利醋汁😚可能係繁忙時間，出面都多人等位，店員催我哋埋單🙈

朋友嚟過之後話好食，帶我再嚟食🍽️🥩一入到去店入面設計係好懷舊，用嘅木枱同碗碟好有舊式扒房嘅風味☺️餐湯帶咗一個羅宋湯，同埋一個酥皮海鮮白湯。羅宋湯足料同開胃，海鮮湯就比較膩，但酥皮好吸引😋食餐包最緊要多牛油！🍞🧈主菜方面，嗌咗鵝肝醬牛柳配薯條。牛柳熟嘅程度啱啱好，入面仲係又嫩又juicy~ 薯條正常，好食，有多啲菜就更好🤣 鵝肝醬同芝士份量適中，夠香而唔會太膩～鵝肝醬同芝士仲有個白汁焗飯，好大碟，味道同個海鮮湯好似😂所以建議二選一😂

我記得之前寫過一遍關於牛屋的好評，但其實有啲細節沒有提及，就係伙計態度。先講食物，我今次一樣，午餐時間到，唔算多人，坐低未睇餐牌，伙記已經大叫問飲咩湯，咁成個餐就咁互叫之下完成點餐。叫了一個西冷意粉，紅湯和凍檸茶少甜。食物質素冇問題，湯好飲，個餐包好淋，而且預先加左牛油響入面，好味。牛排好淋又夠牛味，意粉如果𨍭返幼身會好好多。$98咁嘅質素其實抵。但伙計由我坐低到離開都不停吹水，而且好大聲，大部分都夾住粗口，印象中上一次已經係咁，作為食客係感覺唔好，今次仲係伙計嘈交，不停粗口，又話出去隻抽之類。我唔理你講笑定講真，食客感覺唔好就一定。今次掛住吹水，唔記得出杯野飲比我，冇少甜到。🥹好希望呢間餐廳可以繼續做落去，但要改善伙記態度呢個問題，唔係就好多人寧願返大陸食飯⋯🙏🏻

#foodielagblah佐敦香港嘅懷舊港式扒房真係買少見少，牛屋餐廳成立於1970年，算係經典扒房之一！店面裝修復古懷舊，雖然店內座位唔多，但都座無虛席，一路食一路好多人係出面等位，值得餐廳真係好出名，記得打電話訂位先！.食物：1️⃣招牌菜係威靈頓牛柳 $238牛柳同酥皮煎得恰到好處，入口即溶，肉質鮮嫩多汁～份量亦好足料。賣相極其可觀，啱晒情侶拍拖嚟撐枱腳💕2️⃣芝士焗大蝦雞扒滿滿嘅芝士配大蝦雞扒，芝士果然係世一！呢個配搭又可以食到海鮮又可以試到佢哋嘅扒～雞扒鮮嫩可口！薯菜更加係香脆可口！3️⃣酥皮忌廉湯呢碗忌廉湯熱辣辣，出哂煙咁送到你面前！加埋焗到黃金色嘅酥皮，真係好鬆脆！4️⃣牛油餐包餐包翻熱過，微熱加上入面已經搽左一舊牛油，送到上黎果陣牛油融融地，包微熱，好香牛油味好正💕.值得讚賞嘅係，佢地每一樣食物送到上嚟都係熱辣辣出哂煙，有質素！除咗晚市外，佢都有做緊under $50個午市套餐，仲要包餐湯、牛油軟包同餐飲！係油尖區有食物質素又做到咁平真係要支持下！.📍: 牛屋餐廳酒吧 (佐敦)佐敦吳松街143號地舖.....#佐敦#懷舊#西式扒房#懷舊扒房#威靈頓牛#大蝦#雞扒#酥皮湯#牛油#牛油餐包

一向都知道呢一間餐廳雞扒好正所以今日lunch time去，坐低二話不說就叫咗雞扒意粉，另一個餐就叫咗龍脷柳意粉，連湯連飲品每人$51喺邊度搵呢，而且味道仲要好好，超讚！呢個雞扒啊煎到個雞皮少少脆口，搞到平時唔食雞皮我都忍唔住食咗少少。龍脷柳味道都ok，不過都係覺得雞扒正啲。一個飲熱檸茶一個飲凍奶茶，另外其實個set lunch仲有牛油麵包同埋個湯，紅白任揀，不過因為太肚餓所以食晒之後先至記得冇影到相。