牛屋餐廳

Open Now

Now Closed

上網睇左邊度出名酥皮湯，顯示出呢一間，喺一條街充滿美食的其中一間，外表不算突出，用Google Maps都好易搵到。剛好撞正5:30第二round 開舖Menu都算多嘢揀，兩個人食都好飽，可以叫一個主菜兩個小食

一心諗住食懷舊餐廳冇鐵板 羅宋湯過分鹹薯條又係過分鹹 牛扒諗住七成熟結果太熟全場最好食嘅嘢竟然係意粉，因為唔會太鹹都明白係人手唔足夠，但係要掃碼點餐冇咗懷舊餐廳嘅感覺

牛屋餐廳酒吧📍吳松街143號地舖👅8/10💵150/pp招牌威靈頓牛柳見附近既食客都叫，即刻跟住叫(^з^)第一次食威靈頓感覺幾有趣酥皮包住啲醬料再包住一塊厚牛柳，口感好豐富，牛柳surprisingly 幾juicy！西冷牛排餐牛排夠曬大份 我地叫左薯菜 牛排要5成熟肉質原全唔同一般排房 唔係果種鬆肉粉既口感實實在在既牛排質感 唔韌食落滿滿既肉香味薯條外脆內軟 沙律菜夠Fresh忌廉酥皮湯其實係為咗酥皮湯而黎🤭漲卜卜好吸引👍🏻夠曬熱辣辣，牛油香味撲鼻🧈，酥皮好鬆化得黎有D厚度，浸落湯到食依然保留口感（≧∇≦）忌廉湯就正常發揮#jengfoodguide_佐敦

人齊先可以入座，入座開始計90分鐘好彩好快都有湯飲，有麵包食住先。不過麵包唔係外脆內軟嗰種，而係風乾左成個餐包再焗脆外面，食起嚟已經冇麵包鬆軟嗰種，個人唔太喜歡。牛油已經一早喺廚房搽入餐包裏面，所用嘅牛油…唔香，無味，我估應該係用植物油吧🙄紐西蘭牛柳比想像中大件，亦好食，雖然唔係我要求嘅成數…所以都驚喜依然好食，可能係本身來貨不錯吧👍🏻牛柳側邊嘅伴菜，薯條唔係特別好食嗰種(即係擺耐咗都會好食嗰種), 擺耐咗就會變乾。而切條嘅菜，一啲沙律汁都冇，亦都唔太新鮮，有兩粒車厘茄，有一粒已經係外皮發霉黑色一點點….👎🏻👎🏻 咁都可以放上碟俾客人食嘅咩？而另一粒就係奇怪味… 要讚嘅係呢度嘅侍應服務態度有禮貌 🙂

突然想飲酥皮湯搵到呢間專程楂車過去食我叫的酥皮忌廉湯完全無味無料，好似飲緊無味麵粉水咁🤨叫左個比目魚拼豬扒餐 $178，黎到好明顯係鱈魚柳黎，咁點解餐牌你地要寫比目魚？比目魚又點會炸到咁🤮 全部炸到乾哂唔係煎☹️，硬到食兩啖就放棄😔個蒜蓉牛油汁又係無味🫠唔知想點🫠以為舊式扒房就會好d，食完覺得佢係完全無心機做😔，市道唔好周街都靜， 好心就比d心機做好D喇，可能自己鋪有無客食都無所謂🤷‍♂️唔想做就比人做吧😔一個食客食左個咁無誠意好失望的晚餐😔心情失落到一個點，店主你明唔明白！😔😔

今天去佐敦食午飯，之前也食過這間餐廳，現在好像轉了手我叫了一份蒜蓉雞扒薯菜🥰價錢是48元會包牛油餐包和餐湯雞扒有少少燶了，其他方面都ok午飯時間長期有人在餐廳內等位我看到有其他人叫了豬扒餐，晚上也10分吸引有機會，下次再試試♥️

今次黎到佐敦鋸扒🤪一入到黎就feel到果種舊式扒房懷舊嘅氣氛😳今次叫左個雜扒餐😎好可惜今日冇酥皮湯🥲雜扒餐入面有羊架真係好癲😂仲要好香羊味好高質🤤至於豬扒都夠淋同都幾好味😋唔係攞好多粉醃過果種👍🏻牛扒係我個人覺得係呢3種扒冇咁好食果個😳都有牛味但略嫌un左少少🤏跟住仲有2塊煙肉同埋1條腸仔就正正常常啦👌🏻同埋佢呢到係有得揀多飯🍚佢一上到黎我d朋友都嘩左出聲😂最後呢到凍飲都唔洗加錢幾好👍🏻Overall黎講價錢算合理，加埋一$200有找🙌🏻因為入面有羊架又配餐湯餐包同埋凍飲所以價錢都叫合理😊價錢：7.5/10味道：7.5/10服務：7.5/10環境：7/10

🤤懷舊扒房🥩🐮男朋友好鍾意食牛，咁岩經過佐敦見到一間內籠好舊式風味嘅扒房，就入去試試。餐廳裏面雖然地方比較細小狹窄，但係服務態度唔錯👍🏻都會主動幫手移位，我地去得夜又食得慢，都俾我地慢慢食完先走。食物方面，我地就叫左個「招牌法式焗田螺」，薯蓉味道濃郁，好重牛油味，田螺口感柔嫩，容易咀嚼，真心推介大家去試下✨而牛扒方面，我男朋友就叫左個「美國一級安格斯西冷」，呢個味道口感就麻麻，肉質太淋，而且牛味唔重，唔太推介。我就叫左佢地個「招牌威靈頓牛扒」，果然係招牌菜！外面層酥皮鬆軟，裏面口感豐富，牛扒牛味重又帶點騷，鴨肝醬味濃，好好食！！另外最估唔到係，佢哋調劑嘅醬汁味道好好，蒜蓉汁蒜味香濃，威靈頓牛扒嘅汁醬味道好似紅酒燴牛柳嘅味道👅配菜份量亦可以自己揀，有多、少、正常份量揀，唔怕唔夠飽。

係佐敦番左幾年工間吾中都會去牛屋食lunch 個扒餐係平價之選$50有飽有餐湯扒有豬同雞揀今次揀左洋蔥雞扒整得岩岩好 吾會太鞋過份熟薯菜粉量都好 吾會太少薯條仲要熱辣辣 吾會淋晒 好正！ 大食嘅朋友都話份量足夠 好飽星期六日都有平價午餐 星期六可能要排10分鐘 但都好快有得入座上菜都好快 吾驚番工一個鐘會好趕

今日約咗個朋友收工食飯，因為要去一轉尖沙咀先，朋友就推薦食牛屋。由尖沙咀行到佐敦，貌似好遠距離，其實15分鐘左右行到，地點非常方便。舖頭無論門面定內裏裝修都非常有氣氛，好有以前舊式扒房嘅感覺。我哋食20:30，入坐率都有8成。門口餐牌大概就係晚餐主打。我同朋友都叫咗精選套餐裏面嘅紐西蘭牛柳，佢5成我7成，而所有套餐都包餐包餐湯同野飲。餐包上枱仲熱嘅，已經幫你搽埋牛油，走油嘅朋友要注意！餐湯都係紅白兩款，我地都揀紅湯，味道不過不失，但份量都大碗。主菜方面，牛柳有手掌咁大亦都非常厚，即使咁厚都做到5同7成嘅分別(朋友個塊明顯紅啲），雖然好基本，但宜家好多餐廳都做唔到，所以值得一讚！其次係就算我叫7成都唔會太韌，好易切！而伴碟嘅薯條份量亦非常足夠，普通女仔一定會勁飽！埋單每人$196，坐足兩個鐘，無人吹無人趕，美中不足嘅係無鐡板，但食物高質，氣氛一流，可以encore。

除了二百元樓下的威靈頓牛柳相當抵食, 而且做得很不錯外, 牛屋的午餐也做得很不錯, 性價比很高, 特別是其常餐, 也就是碟頭扒飯, 飯夠熱又不黏糊, 配菜不是普通烚菜, 而且沙律菜, 黒椒汁份量慷慨, 夠香微辛而且質感濃厚, 當現在快餐的汁醬偏油/水狀, 這種小時吃到的風味更覺矜貴. 雞扒肉汁豐富而且煎的火候剛好, 雞皮香脆而雞肉嫩滑, 分量比我的面還有大, 連餐湯及餐茶只是五十多元, 絕對是良心食肆.牛柳處理得也很不錯, 真的做到Medium的熟度, 肉香以百元以下的評論扒房沒什麼可挑剔的地方, 完全沒有雪味, 簡單鋪上黑椒和淋上黑椒汁, 相當滿足, 唯一有點挑剔的地方就是去筋可以再好一點, 有點部分較韌, 但這價錢和花園等連鎖平民扒房比較, 不能要求更多就是.Santgria is the traditional HK style steakhouse with lower price of steak. The chicken filet rice with black pepper sauce is the best in the price range of $50. Ver

平時通想去開既大衆化扒房有兩間，其中一間係已屹立佐敦超過50年既本地扒房，牛屋🐂🐂🐂味道不錯之餘又性價比高↗️精選套餐（可跟飯🍚/意粉🍝/薯菜🍟雜菜/,🥗羅宋湯或忌廉湯、牛油餐包及餐飲一杯，加$18蚊可轉酥皮湯）上：日式原隻帆立貝併雞扒薯菜🐓 $98下：洋蔥豬扒意粉🥩🍝 $98帆立貝很大粒，煎得剛好，軟熟鮮甜🤤,配以一路食開他們大過手掌的雞扒，雞扒味道不錯👍,重雞味，沒有冰鮮的味道,配以正常的意粉🍝，至於豬扒份量亦很多，但較雞扒差，有一點韌，但不得不讚他們的波浪薯條，又熱又軟熟，好好味😋😋他們的午市也很超值，至於晚市，我通常都食呢個餐，不過他們的威靈頓牛柳、招牌焗法式田螺、德國鹹牛脷也值得一試，起碼對得起個價錢😊最後，近排他們的冷氣好像有題問題，坐某些位置真的蠻熱，希望他們跟進一下，由於這間店舖的座位不是太多，比較擠迫，所以某些時段有機會要等位，冬天去比較舒服，不用等位等得禁熱🥹

本身同朋友book咗8:30嘅枱，點知突然間落大雨搞到我哋遲咗到 成九點幾先至到。好彩店員好nice咁安排我地入座環境都幾安靜，係傳統嘅舊式扒房仲有音樂聽🥰一入到舖頭會覺得好warm 好似電影情節入邊咁 幾舒服😌一坐低，我哋就即刻嗌嘢食。因為朋友以前嚟過，所以都係佢發辦朋友叫咗一個羅宋湯，店員推薦左酥皮配忌廉湯，話會好夾好好飲 ！所以我就叫咗一個酥皮忌廉湯 酥皮係焗到金黃色嘅 好靚同埋都幾好飲叫咗一個招牌威靈頓牛柳 🙌🏻個人覺得性價比好高，同出邊嘅威靈頓牛柳有少少唔同 牛柳好林好軟熟 我哋叫嘅係五成熟嘅 入面都好粉嫩 食落一啲都唔乾唔柴 仲幾juice 😋講真呢個價錢食到手工咁復雜嘅威靈頓牛柳都算係咁配菜嘅薯條係我最愛嘅波浪形薯條 外脆內軟❤️❤️朋友叫嘅係美國一級安格斯肉眼 超級大塊 大塊過我塊面🤣🤣 又係性價比好高好香口 啖啖都係肉 真係勁滿足 仲可以揀汁㗎～食扒嘅朋友，記住唔好掛住影相啊 凍咗就冇咁好食㗎啦🥹一定要趁佢熱辣辣嘅時候食係最好味的🙌🏻最後埋單唔算貴又滿足 我下次會再嚟😋

估唔到過哂午飯時間，2：00打後去到，都仍然客似雲來。午餐：燒烤汁豬扒意粉（$56）凍檸茶（+$3）有餐包、紅/白餐湯。主菜超大碟，兩大塊豬扒，煎得好靚、好香，外層微脆，肉質軟腍；燒烤汁唔會過咸，調味剛剛好；意粉有𡁻頭有口感（亦可選白飯/薯菜/淨菜）；另外仲有些少沙律菜。整體嚟講，CP值高，唔怪得咁多人幫襯。都有一段時間冇食呢類型嘅午餐，久不久食一次，特別有風味。午餐都有威靈頓牛柳，有機會搵日試試。不收加一。只收現金。

正如禁題所講，夏天不能去的扒房係因為當日我哋坐嘅位置係樓梯底亦係廚房出菜位置，一坐底無幾耐，完全感受唔到冷氣，Order時問店員可唔可以開大少少冷氣，但原來因舖頭太舊關係冷氣已經開到最大，依到俾一個建議係即使冷氣開曬/舖頭太舊，都可以添置風扇令到室內空氣流通一點。不過最唔開心既係，埋單走人嘅時侯發覺舖頭門口對出既位置係有冷氣風的，而店員知我哋坐嘅位置較熱都無主動提出調過去，不過依間係一間平價扒房，所以我唔可以要求店員有體貼嘅水準。講返食物先，當日叫左兩個餐：威靈頓牛柳、黑椒牛仔骨（西冷同肉眼都賣曬）餐湯+$18 有得轉酥皮 幾不錯餐包牛油太少太少了，有去過應該明我所指嘅太少係點，少到我以為未搽佢俾漏左牛油我......睇網上食評大家都講二百幾蚊可以食到威靈頓牛柳性價比高，但我只可以講依個係一個酥皮加牛柳並唔係傳統工序好多既威靈頓牛柳，但酥皮係好味的。而負評俾薯條係因為 完 全 唔 熱，可以講係開店炸起無保溫無翻炸，非常失望！黑椒牛仔骨就味道可以，係舊底扒房可以搵到既黑椒汁味。