牛屋餐廳

Open Now

Now Closed

今次午餐時間行過呢間懷舊港式扒房，見到都有幾個人等拎外賣，自己一條友一於嗌個好耐無食既港式西餐🧐餐廳門口好有舊港式扒房氣氛，不過可能日久失修有點殘破，上面招牌都幾大塵lunch餐牌選擇唔多但價錢經濟實惠，到訪時疫情嚴重，外賣自取再平多幾蚊！每個午餐都有餐湯同牛油餐包，但唔包括飲品白菌汁龍脷柳跟餐羅宋湯同牛油餐包味道都正正常常，點知一打開發泡膠盒真係嚇一跳….一pat”白菌汁” 撻係食物上面，賣相令人胃口大減食落好味都可以原諒，但所謂白菌汁完全無任何菇味，似係港式忌廉湯濃稠版，好難撈匀意粉，亦無咩味道。意粉份量少煮得過硬，三塊龍脷柳都無咩味，最好食應該係伴碟蘿蔔仔，唔使煮都鮮甜….真心無下次

耐唔時都會幫襯下牛屋～通常係想食好多肉落肚嘅時候😅呢日返早冇食早餐，Lunch需要食飽啲！燒烤汁豬扒飯$56牛屋出名快靚平！入到去未坐低侍應就會問左你要咩湯先～基本上都係飲紅湯架啦🤓係餐包同湯擺底嘅時候順便落埋食啲咩啦～兩大塊豬扒🙉我覺得佢嘅份量好似越嚟越大….而且其實豬扒醃到好濃味，我今次食唔晒🙊羅宋湯-都係濃味，足料！餐包-我就幾鍾意食呢度嘅餐包，係細個食啲味道🤪熱檸茶-普通OK啦～

今日去左食威靈頓牛柳，而且唔需要等待⌛️本身好少食牛既我 我都去食就知唔可以錯過既食物同埋牛有好豐富既營養係裡面首先，佢有一個餐包比你 之後待應會問：你要忌廉湯/羅宋湯？～等一陣～之後你既前菜就黎啦～前菜：當然我會試下佢既忌廉湯，味道有少許重，有數粒粟米🌽主菜：有薯條食 當然食左先，我相信大部分既人 都中意食煎炸野既 味道有少許鹽做調味 客人可以選擇就咁食/點少少茄汁食牛柳方面：今日叫五成熟 食落去覺得都嫩口 上面好似係「酥皮」包住牛柳 感覺好特別 2樣一齊食會有種不一樣的感覺 就係…嫩口中帶有d酥皮 很特別大家有時間可以去試下佢呢個餐🤣

家姐今日話帶我去鋸扒。我滿心期待， 但原來我想多了， 佢係帶我去食懷舊扒餐， 位於佐敦， 餐廳小小一間， 座位不多， 但充滿風味， 未坐低服務員就問你要紅湯定白湯，效率奇高。但唔好誤會， 佢地又絕對唔係為左等你食完快啲走， 而係想你一坐低就有野食😅。我地決定要吃黑椒牛排午餐，羅宋湯是懷舊嘅味道，餐包鬆軟的，熱辣辣，好好味。黑椒牛排是薄牛， 但好惹味，最好吃嘅係薯條，現炸，配茄汁, 正。我地邊吃邊聊，服務員不會不停在你身邊行嚟行去， 所以食得好舒服。

見到已有很多食評介紹扒類餐，反而我覺得最特別係牛屋的酥皮海鮮湯。酥皮湯一向都很吸引人，又香又脆配濃湯確實是一絕。但牛屋的海鮮酥皮湯裏頭用料十足，全碗白湯滿放大大隻蝦肉，青口魚肉和其他海鮮，有驚喜

看到有網上youtuber介紹下，知道食店夜晚堂食不可以做，想訂購聖誕到會表示支持。但店舖電話一直長期沒法接通，由於除了電話沒有其他渠道，我們就直接到鋪查詢，店員說已不接單了。其實為何12月到會餐牌都可以upload到openrice，為何不直接在這裡也upload到餐牌通知想支持的朋友已不接單?

幾個人想据扒唔一定去西餐廳既😌香港都仲有啲懷舊港式扒房，我哋一行5人就試左呢間牛屋。我之前係附近返工個陣有食過Lunch，呢次就黎食Dinner，支持下本土既扒房😎🔸日式原隻帆立貝拼雞扒🐥$98 🔸美國一級安格斯西冷🐮$208野食方面，扒類質素都唔錯！當然唔會係高級西餐廳咁啦，但對得住個價錢。塊西冷係兩隻手掌咁大塊🥩都配薯菜/意粉/飯，所以都夠食。跟餐仲有餐包同紅/白湯，羅宋湯好飲😚🔸德國咸豬手配蜜糖芥末汁💯🐷$238本身想叫威靈頓牛，可惜賣晒😢叫左咸豬手，店員提醒要等耐啲，一開始以為漏單，但一上枱就明點解！係因為超大隻，慢工出細貨，外皮好脆又啖啖肉，點埋個蜜糖汁無得輸好好味，我哋5個人分真係啱啱好😻多人黎要叫一個食下😋🔸香草牛油大蝦意粉🦐🍝$108🔸芝心白汁焗西蘭花🥦$58唯一覺得個意粉油得濟，同埋淋左啲。小食正常，份量合理🥦總括嚟講，價錢真係好實惠，5個人食到好飽先700幾蚊，推薦大家黎支持下🙌🏼🙌🏼

哩間牛屋成日想食好耐，但每次都大排長籠。今朝做完野諗住去澳洲牛公司，點知可能冬至佢休息一天。咁就即轉去牛屋啦。11:30am開門我地第一批客人，跟住唔洗15分鐘就爆晒🤭🤭🤭雖然佢有好平既lunch set,但最愛食牛扒既我地緊係試下佢既扒😍😍😍果然無令我地失望，絕對要比⭐️⭐️⭐️⭐️⭐️，性價比極高。西冷好食過肉眼，百令蚊既價錢扒有肉味，絕對唔係醃到鬆晒既肉味。前排食過好多間懷舊扒房：荃灣莎樂美（垃圾中既垃圾），灣仔波士頓（價錢高叫食得落肚），荔枝角金鳳（塊扒唔得價錢還可以）所以哩間成日排晒隊係有原因，值得排👍🏻👍🏻👍🏻下星期三又去食過😋😋😋佐敦系列：⭐️⭐️⭐️⭐️⭐️牛屋餐廳酒吧 (佐敦)佐敦吳松街143號地下#飲飲食食 #食好西 #周圍玩 #周圍食 #介紹返 #牛屋 #佐敦美食 #牛扒

佐敦係同旺角睇齊嘅美食聚集地，今日開飯打算隨便走走，見到寫住「只此一間」牛屋餐廳好似幾抵食，條隊唔會太長，入座都快。#餐包𠝹開做2份，搽牛油，鬆化可口。#餐湯食過好多間粟米忌廉湯，呢間較為失色，口感似米漿，較淡，粟米粒係甜嘅，不過同湯好似分離咗，湯冇粟米香味。#豬扒烤得幾靚唔燶，雖然唔係厚切，但燒烤味都好食。炸魚薯條夠冧、䖆樽裝茄醬好正，菜得青瓜，呢個價包湯算好抵。#白菌汁龍脷柳個菇汁同炸魚幾夾，炸粉嗰層唔厚，啱晒怕熱氣又想食魚嘅人。

喺T3下，落咗成日雨，夜晚終於無落雨，唔帶遮都可以唔濕身。「牛屋」整體嚟講，食物味道同質素偏高⬆️，但份量偏細⬇️。🐮『紐西蘭牛柳』$168牛柳比想像中細塊，但肉質鮮嫩多汁，幾重牛味；跟「薯菜」——薯條份量多，幾飽肚⋯⋯🐣『意式檸檬牛油汁燒春雞』$168檸檬牛油汁有驚喜，牛油可以令到個春雞比較嫩滑，食落有肉汁；但好多cafe嘅燒春雞，都係一隻雞咁上，佢就得半隻，相比下份量比較細，有少少唔夠喉⋯⋯🐌『招牌法式焗田螺』$68田螺有六粒，比較淋；下面墊左一層厚厚嘅薯蓉，比想像中多（成隻叉咁厚）；牛油/忌廉份量適中，唔會太油膩⋯⋯酥皮羅宋湯（紅湯）多料，但味道偏鹹；友人認為酥皮襯白湯多啲，佢要次會咁叫。📍 牛屋餐廳酒吧 (佐敦)佐敦吳松街143號地下。回味指數：🌕🌕🌕🌗🌑地理位置方便，價錢可以接受，所以回味率偏高

忽然想食下港式扒房嗰種鬆肉扒，聽講牛屋係呢種港式扒房嚟講算好食，所以就入嚟試下。西冷同牛柳各叫咗一set。相比起其他港式扒房，牛屋無落得咁多鬆肉粉，咬落腍得嚟唔會好似浮屍咁發漲，算幾好。舊時細個物質唔太豐富，食到呢種大大份嘅扒已好開心。大個咗食多咗真扒，就會唔太想食呢啲港式扒房。不忘本，念舊情，也許才是食港式扒房的真正意義。

因為懶多年無寫食評。今日真係唔寫唔得事源，今日路經多年前成日去啲牛屋，見午餐同以往一樣好抵食便入內重温舊日回憶。內部裝修多年不變，但侍應當然不同往昔。叫了我當年成日食開啲黑椒牛扒餐($53)。先嚟忌廉湯同餐包。包已搽牛油唔係以前畀嚿牛油你自己搽。個包又凍又硬，嗰面已經乾晒，牛油似有似無。忌廉湯，麵粉水+幾粒粟米，不食也吧。主菜上場：黑椒牛扒+薯菜。$53都預咗牛扒唔會靚，所以對牛扒肉質無要求，但……個黑椒汁真攞命不單似糊仲超，超，超……咸，諗住撥開個黑椒汁淨食牛扒，點知連個牛扒都超咸，哩餐真係挑戰我啲腎功能。整餐最正常啲係加$3啲熱檸茶，無錯，哩到要飲嘢無論冷熱都要加$3，華田，好立克，朱古力就要加$5。以往對牛屋都有唔錯啲回憶，但今餐全部粉碎，以後亦唔會有重回舊地啲想法。

牛屋是一間提供西餐的餐廳酒吧裝修白色裝修加深啡色桌椅配上暗黄色燈光酒吧西餐廳歷史有40年以上既老字號扒房七十年代開業嘅街坊港式扒房食物性價比高百幾蚊就食到佢哋嘅招牌牛排，肉香內嫩牛肉充滿肉汁客人落單後才加鹽調味的美國西冷網燒的烹調可以鎖住肉汁更令西冷肉質更加嫩滑什扒餐更配上肉腸,煎蛋火腿香腸 小食類可選焗田螺,墊底係放滿薯蓉,焗到脆脆地食落仍然好軟滑煎三文魚扒灑滿洋蔥同蒜蓉,入口濃香蒜勁 三文魚扒外皮好香脆 切開仍然好嫩滑有油香同油脂 入口細嫩無骨配埋大量薯條同蔬菜, 大大碟好豐富!威靈頓牛柳，五分熟，細嫩可口肉質軟嫩,醬汁配搭得宜 酥皮香脆!味道服務俱佳 環境又舒服消費$500143 Woo Sung Street, Jordan

.要係佐敦附近搵西餐良心小店食都唔容易💛之前黎過見到呢間餐廳大排長龍🍴今次經過竟然冇乜人緊係入去幫襯啦.🥢 美國一級安格斯T骨 配薯條$248🥢 美國一級安格斯西冷 配意粉$208大大塊勁厚身牛扒🐮叫左5成熟 咬落牛味好重仲要好淋完全唔硬😋不過肥膏略嫌多左少少🤏🏻食得多既話會比較滯薯條就普通啲 點茄汁就還好意粉就冇乜汁 乾少少🍝.價錢黎講有餐飲 餐湯 牛扒其實好抵唔怪之得成日都有人排隊啦🤣.🌟 牛屋餐廳酒吧 (佐敦)📍 佐敦吳松街143號地下.#hkcomidaamarilla💛#hkcomida_佐敦.#hkcomida #hkig #foodiehk #foodiegram #hkfoodblogger #foodiegraphy #foodlovers #foodstagram #happysharing #hkfood #foodie #香港美食 #吃貨 #手機食先 #相機食先 #foodoftheday #foodphotography #followme #likeforlikes #hkeats #hkrestaurant #followback #美味 #discove

🐮牛屋餐廳酒吧🥂香港本土懷舊格調既平民西餐成間餐廳以昏暗嘅燈光作為主調設計沿用以前港式西餐既風格類似花園餐廳同金鳳鋸扒咁個空間感就有少少逼不過小店黎講都無計今次同朋友 兩男兩女咁樣食飯其實氣氛都唔錯╰(*´︶`*)╯♡可惜我哋唔係咁嘅關係啦黎到呢類型嘅餐廳會有獨特嘅「儀式感」一開始會有個餐包俾你搽牛油飲埋個餐湯再開始上Main Course 招牌威靈頓牛柳 $228外表睇落都幾靚相對上 個Size比較細啲我覺得份量岩岩好太大舊又會食到好飽嘅不過個人口味鍾意食比較生既牛感覺呢個太熟同少少乾同埋個酥皮同個牛一切就分開咗不過自己叉返埋一齊食都無問題既個味道就正正常常啦德國鹹豬手配蜜糖芥末汁 $238個德國鹹豬手超大隻(*ﾟ∀ﾟ*)外脆內軟 鹹鹹香香 整得幾好食西冷 $208好搞笑 始終都係港式鋸扒嘅特色叫五成廚房都係會俾七成你（≧∇≦）不過味道係唔錯嘅整體來講個味道就正正常常 一般啦服務方面都係覺得正正常常啦雖然我朋友話店員有少少逼我地埋單走人咁而家呢個環境小店想快啲翻桌賺多啲錢都正常嘅個人覺得佢無態度好惡劣咁樣叫你走淨係俾啲暗示你即係譬如執下枱 比張單你等等都好正常嘅大家互相體諒啦價格方面