三多炸肶 (Closed)

住大埔的朋友一定認識三多，其炸雞肶是鎮店之寶。雞肶用麵包糠炸，外皮炸成金黃色，香脆非常。別以為雞肶肉會乾身無肉汁，相反，當咬開雞皮的時候，滴滴的肉汁慢慢從裡面滲出來，肉亦十分入味，難怪三多炸雞肶那麼出名。

2018.2.23 🍗🍗 旺角—『 三多炸肶 』🍗🍗經過幾次，見到有炸脾食，價錢唔係特別平，但每次經過都有幾多客，所以心思思黎試下.一來到就 order 隻炸脾，要等約5—10分鐘左右，係等既期間都見到有好多客人來叫炸脾.好多人來只叫炸雞脾食，唔需要其他目的，只係為左隻即炸雞脾就已經足夠😍.終於有得食，大大隻炸脾，係最厚果位有切一刀令到受熱均勻啲，一咬落，外皮好脆，咬落好爽，有肉汁，雖然唔多，但都嗅到有陣酒香味。雞肉嫩滑。香料味不會太多去蓋過雞肉本身香味。好正，好好味。但如果可以再落多啲酒就更岩我，超鍾意酒香味。.店內仲有其他即炒粉麵，我見都有其他客人外賣拎走，我見到真係即炒。應該幾有鑊氣。.下次經過旺角都要來隻炸脾🍗.店名:三多炸肶地址: 旺角山東街88號地下炸雞脾 $30隻.

之前都知佢喺大埔好出名架啦 不過一直都冇機會入去試 依家佢出左黎旺角wor 有咩藉口唔食呀我驚一隻炸肶會比男友食晒咋 所以都係叫一個餐算啦 費事冇得食啦個餐有兩隻雞肶（可以揀炸肶或滷水) 同埋炒腸粉/炒司華力腸 雞軟骨粒同埋兩罐野飲（可樂或忌廉） 梗係趁熱食咗先炸肶先啦 嘩隻炸肶大過我隻手掌呀 果然夠份量呀 我地一個要中辣一個就叫小辣 佢成個面都係辣粉 所以其實小辣都好鬼辣 唔食得辣嘅朋友一定唔好叫中辣呀 佢嘅雞肉皮真係炸到香脆 連平時唔係好食雞皮嘅我都忍唔住食晒全隻嘅雞皮 雖然佢炸到出邊咁鬼死脆但係裏d肌肉竟然一啲都唔老 好鬼死亂滑囉 一啖咬落去仲有肉汁㗎 真係juicy到震呀佢好細心咁有支竹籤拮住同埋俾埋個手套我地 唔怕整污糟隻手細細粒既雞軟骨好好食 一d都唔油 但係我食極都仲有 好大盒呀我都見到好多人散叫左呢個腸粉 雖然佢只係普通腸粉 但係加左d醬汁同肉鬆芽菜炒埋都幾惹味

聽聞三多炸肶出名好食，所以今日就近近地黎旺角店試下所謂神物！一入鋪頭就去櫃臺同收銀姐姐買左一隻原味炸肶，需時10分鐘，等待過程中淨係見/聽到廚房啲人嘻嘻哈哈傾計冇做野，10分鐘已過去，由1-2張單等到6-7張單，廚房依然只係掛住傾計，然後我就叫收銀姐姐幫我跟一跟張單，足足等左40分鐘(冇作大)我隻炸肶終於出爐，滿心歡喜以為以為終於可以填飽肚，一拎出黎只見隻炸肶黑蚊蚊，十分之不健康。連影相打卡既心情都沒有！叫人如何留得住$30咁既質素，唔會想黎第二次！利申：廚房員工唔該檢討下👎🏻👎🏻👎🏻

炸髀即叫即整，唔會太鹹又唔會太濃味，皮有少少麵包糠香脆有口感，好正！雖然要等10分鐘等到頸都長，但值得一試！有膠手套提供，食得好方便。但$49套餐跟埋嗰杯爆檸就好普通，下次可以慳返$19。下次會再來食

即叫即炸，等10分鐘左右有得食！好在當時唔係太多人，可以坐喺度食冇咁呢hea炸脾炸得好脆～但係d 肉質唔太乾，加少少辣粉非常惹味！唯一隻炸脾仲有d 雪味～扣分炸脾唔一定要配紅豆冰嘅，配杯懷舊金牛都好滋味！

早幾日睇食評見不錯就來試試，收銀一直同入面同事傾計，人企面前都唔問你要咩，當你透明咁，講完佢都仲好似唔想做生意咁，到等果陣，有個女仔似朋友唔係返工果種，夜晚六點幾七點先返工咩，之前果d都食緊或攞走，係我一直等都無人叫，原來份野係我都唔理，我望住佢地先有個話叫啦叫啦，另一個先叫我號碼，食物再好，比你地d咁既服務對客人，我諗無人再黎，請你地既人我真心祝佢好運，九流員工，不之所謂😡😡😡一肚氣！

近期興起炸脾熱潮，炸肶取代左之前雞扒嘅位置，都合理嘅！ 因為炸雞扒始終做唔到雞肶嘅juicy 程度，而肉質都唔夠雞肶滑！賣點：生炸雞脾，即叫即炸~所以需時等候至少10分鐘！店內仲有3個是日午餐，相對地比剩叫炸肶來得實惠。落左單就可以坐係度等雞肶到！熱辣辣，隨雞肶跟一個膠袋。方便外賣！三多炸雞肶$30炸粉外皮用麵包糠，即吉列做法處理。生炸關係，可以鎖住左雞脾嘅肉汁！size都夠大，當一餐黎食價錢ok嘅！但未至於有太大驚喜！定係大埔總店真係好味好多呢?

之前在網上有人介紹三多炸肶有幾好食，今日去旺角行街順路走來一試。即叫即炸，需時10分鐘。場內有少量座位，可作等候或堂食。叫了套餐，炸肶新鮮熱辣，跟餐飲是爆檸（紅茶加芒果魔豆）。炸髀貼上麵包糠炸，十分脆口，肉嫩唔油膩，但味道外於表面，而且是劏開炸，令肉汁流失，所以除了外皮沾有味粉外，雞髀本身無醃製過。49元套餐是中價，而爆檸是普通紅茶加人工味重的芒果魔豆，無檸味。可能唔係本店，而且開業半年，炸髀有待改進。

對炸雞脾真係情有獨鍾，怕肥，但特別抵抗吾到炸雞脾既誘惑！聽講三多炸脾好出名又正！同男朋友梗係要黎試試去啦呢到既炸脾新鮮炸就必然，但仲有辣度簡，岩哂中意食辣既我地但男朋友話怕小辣吾太辣，要一試中辣！其實仲有套餐可選擇加，但我同男友到想掃下街，所以一人一隻脾先下次再試下先主角-三多炸脾，成塊面咁大加！皮好脆熱辣辣，外皮灑滿辣椒粉，入面肉到好嫩，正！但中辣到真係好辣下，個咀係腫左，下次到係小辣岩我啲！好正啊另外，值得讚係，仲有手套預備埋，好細心！唯一係希望d枱椅會轉d舒服d，對於矮小既我，高椅到坐得幾辛苦

三多炸肶出晒名係神級炸雞脾依樣野我一早就知無奈好少有機會入到大埔親臨本店一嘗，不過今日有時間就近近地去左旺角分店試下！點解我會話依間野係唔顯眼？因為間野位於旺角唔算人流多嘅街入面食雞脾最緊要就係試下佢塊雞皮，所以唔食皮係一種罪黎嫁就咁一隻三多炸肶價值$30，而我今次就要左個套餐有一隻三多炸肶連一杯爆檸三多炸肶套餐 $49三多炸肶 (少辣)我今次就試左少辣味嘅炸肶，唔係因為我唔食得辣只不過我怕叫大辣就只會食到辣味，而食唔到雞肉味一咬開隻熱辣辣嘅，塊皮脆到會發出「吱」一聲仲會有少少雞油流出，加上雞肉肉質結實。唔會好似其他鋪頭咁，食完好似食左空氣落肚值得一試爆檸爆檸其實係檸檬茶加上蜂蜜粒粒當你咬爆蜂蜜粒粒果陣就會流出蜜糖味中和返檸檬茶嘅苦澀味，不過我自己就覺得唔算太特別總結黎講，三多炸肶絕對係一生人入面點都要試下話晒而家好食嘅炸肶買少見少，但配唔配套餐黎食就睇下你個人鐘唔鐘意飲檸檬茶啦鐘意飲的話一試無妨 

之前試過大圍分店都係食大熱炸雞脾🍗同炸貢丸，但今次旺角分店被之前食既差左幾多下！ 炸雞脾冇之前禁脆同d肉都幾乾， 炸貢丸又硬又咸，杯爆檸水d珠珠直情痴晒一pat pat, 勁淋完全不值一提， 唯一我覺得好既係炸貢丸細細粒,就算佢硬都唔算食得辛苦😔

是日跟尖子shopping, 肚子有點餓, 突然想起炸雞肶, 來到三多. 週日下午六時正到達, 也有四五個人等待, 由於是即點即炸, 所以要耐心等待一會. 點選了三多炸雞肶(HK$30). 等候數十分鐘, 終於接過誘人的炸肶. 先說外表, 外層炸得很酥脆似的, size也不小. 試一口, 炸肶的外層是用上帶點吉烈的炸法, 口感是香脆而有點零碎, 內裏的雞肉非常嫩滑多汁, 調味就是簡單的帶點鹹香, 味道不錯. 吃飽飽要去看BJ比賽.

聽聞已久 今日終於有機會一試 $47一個雞髀意粉 係立食 等左10分鐘 滿心期待 終於食到隻雞肶 睇落係OK嘅 但一咬入口 成口油 係油到一個點 我覺得應該叫油浸炸肶 我見有好多非本地人慕名而來...其實好多茶餐廳既肶都好食過三多 真係唔明白典解咁多post話好食 Soooooooooo baaaaaaaaaaaaaaaaaaaaaaaaaaaaaasaaaaaaaaaaaassssaaaaaaad

常常唱給兩個跟小人同樣喜愛雞肶的喵星人的歌仔：「今天起我要自己吔雞肶，落雨記得著雨褸，天天收起雞肶唔願放，大個仔係我~」開心的時刻永要即時留住，事不宜遲，買雞肶去也~吃炸肶很自然的想到三多，想起都流口水。熱騰騰的炸肶非常大隻，剎是有型的用竹籤插住，不見有大量的油流溢出來，證明炸得夠挺夠乾身。甫踏入屋門就出事了……被喵星人發覺，小人唯有撕開雞肉，浸一浸開水給喵星人享用。趁著牠們吃的時候，小人偷偷地吃，果然炸得通透，脆皮是不可不吃的；油潤的雞肉多汁而嫩滑，調味極佳，不需另加甚麼汁醬，是百分之百的大滿足！結果喵星人吃掉大部分的雞肉，為免搶奪事件再度發生，看來要買三隻讓小人及兩個喵星人一人一隻鳥~