佐楽 (Closed)

端午節媽咪想食日本菜，於是就膽粗粗推介呢間餐廳，一開始擔心佢唔中意，結果佢好開心。一出餐廳環境係靜同舒服，餐廳座位唔會太逼，就算坐Bar枱都係得6個位。餐廳服務唔錯，會問客人想食咩，會唔會考慮食omakase。點菜就會同你安排曬食咩先，重會話可能太多食唔曬，建議客人點餐分量，另外，壽司反而安排係主食，唔係一開始無耐就食。A5佐賀牛刺身：個人嚟講比較少食牛肉刺身，不過今次真係有驚喜，牛肉係新鮮，然後重有唔同配料令你食到唔同層次同味道。金星豚肉沙律：所有蔬菜都係從佐賀直送，蔬菜新鮮，小蕃茄甜。海膽山芋素麵：用山芋整素麵係第一次食，感覺不錯。炸牛蒡同天婦羅牛蒡：第一次食唔錯，炸牛蒡有少少過火，下次注意返就ok燒柚子味噌飯糰：柚子味好重，食完都唔覺得heavy雞油炙燒雞腿肉：雞腿肉好嫩好惹味，下次會試埋香草油。豚肉蘆筍卷：蘆筍新鮮鮮甜咬落多汁燒雞頸肉就無特別磯煮鮑魚：鮑魚佐賀空運到港，鮑魚唔韌好食，下面鋪左昆布吸曬d汁，正。特選壽司盛合8件：魚類新鮮，絕對會再食。呢一餐好滿足，一定會再去！餐廳7月會轉新menu，一定再去！

朋友提議來這裡試. 打電話來預約當日午餐仍有位. Receptionist 也非常有禮. 朋友聽了侍應推薦選了吉列A5和牛套餐. 我也選同樣的套餐但燒A5和午.Like all traditional Japanese lunch set. The set comes altogether with rice, miso soup and pickles. They arranged two servers so both of us got our food at the same time. 食物賣相不錯. 個吉列A5 牛好特別而做得出色. 不覺油但牛肉好juicy. 有下功夫.Waiter proactively asked our feedback and kinda worried when we have some rice leftover. 餐廳座落Times Square 後面所沒有什麼景觀. 坐位舒服, 不會跟鄰台好近. 亦有bar 台. 重點是好貼心的服務, 相比同檔次銅鑼灣日本餐廳.

相約好既每月飯聚，每次都會試新嘢，今次係 openrice 揾食既時候，就俾呢一朵花吸引住，覺得好別緻，好有心思！所以💢🔨就揀呢間日本餐廳啦～～將紙巾捲到咁細粒放係器皿入面，到食客坐低，侍應先倒水上去，即刻變咗濕紙巾，用黎抹手。成件事比起就咁放塊毛巾或包裝濕紙巾係枱優雅好多啊～每次食飯，我地都喜歡叫餐廳侍應介紹食咩好 😂 餐廳經理話我地知餐廳入面所有既厨師都係黎自日本或係日本深造過，所以係日式料理方面有一定既保証而佢地既食材主要來自佐賀縣，當然梗有主打既“佐賀牛”啦 ！！厨師真係好認真呀 🤓呢啲就係經理既心水推介：1. 芫茜沙律，講真係第一次食，係大膽既嘗試。。芫茜配上洋葱絲，再加咗少量估計係醋既汁料，食落非常清新，而且呢隻芫茜係完全冇一般芫茜既青草味同苦澀味！作為前菜真係很好 只係佢好大碟，又未有其他食物送上時，主要食佢，覺得略為單調咗啲 😂2. 食日本嘢時，池魚刺身通常都並非我既首選，但由於呢間餐廳既刺身類選擇唔太多，所以就決定試池魚。佢地將條池魚一魚兩做法，部份魚肉切片原味真接食用，部份就切粒同啲薑粒撈埋一齊食，兩種食法都食到魚肉既鮮味！之後，條魚骨重攞咗去炸。。。嘩！脆卜卜架

朋友今次揀左呢間銅鑼灣開左無耐以九州佐賀為主題既日本餐廳為我慶祝生日，一入到去氣氛好好，見到大部份客人都係日本人，佢安排左我地坐sushi bar，我地叫左吉列A5 佐賀牛，原條池魚sashimi，同埋手握壽司盛合 ( 特上八件 )每人四件我諗應該夠食。望住師父係我地面前整果然好吸精，呢條池魚sashimi($198)配埋芝麻同醬油真係好開胃，做前茶一流。A5 佐賀牛($338)一口即溶真係好回味，配埋少少盐同檸檬汁感覺一d都吾油，雖然呢個份量有d少貴但食到甘靚既牛咩都值～到壽司環節，師父一件一件送上我地面前，最讚既係唔同既壽司都配唔同既壽司碟，講味道同新鮮度我都覺得比起更高階既餐廳差少少但都好好味，但見到用料都唔係普通貨色，有我最愛既Kinki 同Otoro，每一件大小都一致，絕對唔係又細又薄。師父用噴豉油既方式代替用掃掃上面，唔會咸之餘又食到其鮮味，好正～最後佢地知道係我生日，特意送上芝士蛋糕配豆腐雪糕。總結，食生日飯除左要好食之外，用餐體驗都好重要，如果想去有氣氛既日本餐廳慶祝又想要高質d既日本菜，呢間係唔錯既選擇，最後埋單$1200兩個人，價錢都好合理～

每個星期日都會選擇一間銅鑼灣的日本餐廳食個晏～今次openrice見到呢間全好評新衰廳，又見佢評價好高，即刻決定黎試下。可惜伏到一個點⋯⋯其實裝修同服務都好好～可惜食物質素份量都係同區偏低好多。首先係A5佐賀和牛，我都明白A5係畀隻牛唔係畀件肉，但係食到成口筋可以話係第一次令人最失望可以話係個魚生飯⋯薄薄的幾片魚生，淡而無鮮味，三文魚子同蝦都屬於一般平價剌身貨色，佐賀直送？難以置信。可能老闆真係要用心research 一下，附近餐廳offer緊咩質素同選擇。我真心寧願你收貴d...畀番d似樣d嘅野客人食⋯這樣高不成低不就的質素，難以在呢區充滿日本餐廳的地方生存。對我黎講，食評總比食物好，無下次～

同班舊雨新知食飯，剛巧見到有間新開張的佐贺主題日本餐廳，訂位啦!佐賀一聽到就想起佐賀和牛，原來仲有呼子魷魚，海苔及嬉野茶都很聞名。我們經常食的丘比沙律酱及撒隆巴斯膠布都是出於佐賀。日本人一向在意細節，入到餐廳巳見到Table Setting 很悉心處理，每個客人枱上都放上一朵日本摺纸花，坐定後店員會在你面前加水到抹手纸，等慢慢升起發漲，雖然是小玩意，都算是餐廳的細心。店員端上嬉野茶，茶香特別，值得飲多杯。所以我們都無要其他飲料前菜 :什錦蔬菜沙律配有明海苔夾住來食蔬菜食出甜味，對我來講，可能太清淡，略謙小酱汁。金星佐贺豚肉香脆沙律喜歡有豚肉又有蔬菜加上脆脆配芝麻醬，很開胃跟著食刺食啦!向來只食新鲜刺身，咪浪費Quota 聽聞每日由佐賀空運來港，所以要食季節限定的。刺身盛合，配醬油咸味點到即止，呼子烏賊刺身透明光澤，鮮甜口感有嚼勁森林蘆荀天婦羅，我食過最Juice的蘆筍 餐廳以炙燒為主，色香味俱全的免冶雞肉串佐賀主題，當然要食佐賀和牛，入口即溶，好味最後，食埋有明海苔粥，飽飽，滿足第二個胃，食埋甜品，完美一餐雖然唔飲酒，光樹蕃茄蜜餞加入白酒好好味。食光樹蕃茄蜜餞比食光樹蕃茄更值得推介另一

為慶祝朋友生日，今晚專程book咗一間新開業嘅日本高級餐廳食晚飯。由於一心想點Omakase，當然選擇坐吧枱比較好，可以直接同師傅溝通，近距離了解佢用咩新鮮食材去製作料理。入座後，侍應隨即送來一杯嬉野茶。嬉野茶絕對不能忽視，因為水是佐賀直送，佐賀水泡出來嘅茶清香味濃，加上侍應話所有杯及碟等用具都來自日本具代表性瓷器「有田燒」工藝，真係「嘩」一聲！好似身處日本咁，正！Omakase由前菜、刺身到主食及甜品，一共有九道。歷時兩個小時，我同朋友可以一邊傾計，一邊慢慢品嚐美食，感覺relax！燒魚乾雖然唔知係咩魚，但燒得脆口，連魚頭都可以食，令食慾大增。武雄芫茜沙律一般芫茜我同朋友都麻麻，但武雄芫茜外表雖似一般芫茜，不過入口口感卻不同，比較爽脆，味道亦較淡及清，配少少檸檬汁加橄欖油，好好味。生蠔、帶子、油甘魚及拖羅厚切大拖羅肥美油脂豐富，入口充滿油香。帶子一開二都仲係珍寶size，鮮甜美味，生蠔係偏爽口的，一試傾心。森林蘆筍及羽根蒜頭天婦羅侍應話蘆筍當造，種植時早、晚都可以收割一次，怪不得爽脆嫩口。蒜頭亦好特別，有莖有根，以天婦羅方式炸完，香口鬆化。三瀨雞肉串燒簡單原汁原味嘅雞串，我配上少許鹽

銅鑼灣最近開咗一間上樓日本餐廳，主打佐賀食材，但價格非常親民，所以，今晚特意同朋友來試試。餐廳位於15樓，裝潢雅緻且樓底高，共有40個卡位及吧台供客人用餐。由於選擇Omakase每人都唔洗$700，一於決交俾廚師發辦，唔洗自己煩惱揀選食咩好。個人認為Omakase是品嘗日本料理最高境界，因為廚師會將今晚最好嘅食材製作成美食，不單品嘗食物味道，更是細味廚師嘅心意。未正式用餐前，侍應先把一壺剛泡好嘅嬉野茶帶到我哋面前，即席倒茶並介紹呢杯絕不簡單嘅茶。原來嬉野係九州第一大茶葉產地。雲霧深山圍繞於盆地中，清新空氣加上潔淨嘅水質培育茶葉最好嘅生長環境，成為嬉野當地最具特色名產。今晚有幸品嘗，真心覺得比一般綠茶更好飲，更清香。今晚嘅Omakase一共有九道美食。包括：前菜：燒魚乾前菜：武雄芫茜沙律刺身：生蠔、帶子、油甘魚併拖羅天婦羅：森林蘆筍併羽根蒜頭串燒：三瀨雞肉燒物：西京燒魚熱食：角煮豚肉主食：三瀬雞濃湯豆乳製麵甜品：白酒配蕃茄其實每道菜都好出色，因為佐賀本來嘅食材就係新鮮。當中，有三款食材更令我一試難忘。第一，係生蠔。因為侍應告知我，呢個品種嘅日本蠔雖然較細隻，但因為生長靠近岸邊，而且採用密

相隔了一段時間⋯知道這裡開始了午市，近近地黎試一下可能仍未有太多人知道午市已經開始⋯ 到店時只得兩位客人坐下來侍應生跟我說試業期間有限定和牛定食半價優惠同行朋友二話不說便叫了一份而我則叫了一份醤油漬吞拿魚丼定食定食份量相當充足，而且這個丼更可以有三種不同食法1. 就咁撈埋吃2. 加少少紫菜同漬物撈埋吃3. 加熱湯當成湯飯吃平時丼飯的米飯份量大，基本上都食唔晒但咁様我就食到好多飯喇朋友們說他們吃的都超水準這間店無論午餐晚餐都咁得，我以後係銅鑼灣食飯不用愁了

日本那麼大，識飲識食的你，可有試過佐賀菜？最近尖沙咀開了全港首家九州佐賀主題餐廳，採用當地新鮮優質食材，如即日的魚鮮、入口即溶的佐賀牛肉、肉質細嫰的走地雞、以及連續七年獲特A級的佐賀米等等，聽店員介紹，這裡就連煮食的水都是從佐賀運過來的呢！為了煮一餐好飯，真的可以去到好盡！ 餐廳採用的擺設和裝飾好美，原來是佐賀傳統工藝「有田燒」；而食用的餐具，也屬「有田瓷器」，很能抵受高溫。晚上來到，每隻碟更有一朵手摺紙花，我很喜歡這份細心。 嬉野茶來自佐賀的水，浸泡的是嬉野茶，味道清香，帶點回甘，喜歡品茶的朋友一定要多喝幾杯。 糖度特出 光樹凍蕃茄 ($98) 要體現佐賀的優質食材，吃這款凍番茄就最好不過了！其糖度特高，甜得有點像吃水果，所以碟邊放了一小碟鹽，是餐廳「慎防」你覺得番茄太甜時，可以自行用來調味的，你說多誇張！除了甜，番茄的質感也很好，爽口、實淨、多汁，吃得出非常新鮮。 炙烤魔鬼魚魚翅 ($78) 燒雞泡魚吃得多，魔鬼魚魚翅又試過沒有？魚翅很厚身，烤得微焦，十分鮮味，蘸著沙律醬吃，佐酒一流！ Egachan農園 炭燒羽根蒜頭 ($98) 又是農場直送的另一例子，蒜頭

前排咁凍~完全提唔起勁食日本野，襯依家有少少回暖~即刻去食我至愛嘅日本料理~仲要係新開嘅fine dining!佐樂個名幾得意~SARA~係一間以佐賀做主題嘅餐廳，推廣佐賀縣嘅美食同觀光，概念係佐賀嘅美食、佐賀嘅藏酒、佐賀嘅食器。入到黎環境好舒服~雖然地方唔大但樓底夠高。一坐埋枱就會見到好靚嘅摺花同高貴嘅陶瓷食器，經侍應介紹下先知佢叫“有田燒瓷器”，每隻碟嘅圖案都唔一樣。靚嘅環境配靚嘅食器~的確係會令人食指大動!刺身盛盒~分別有池魚、依左木、呼子烏賊、赤鯛同拖羅，唔使問~全部都好新鮮，頭果3款都係第一次食無得compare，赤鯛非常鮮甜肉質軟淋，拖羅入口即溶，如果唔係有啲筋真係會不知不覺流晒落喉嚨都唔知。羽根蒜頭天婦羅~係連根拔起嘅蒜頭，賣相似墨魚仔幾趣致，脆漿夠薄，熱辣辣外面好脆口，蒜頭軟淋淋嘅，食完個口一啲蒜味都無，真係食幾多粒都唔怕。三瀬雞免治雞肉串~如果一整條都係雞肉會溜左啲，所以佢落左雞軟骨，好有咬口，成個texture唔同晒，仲有個燒汁加蛋黃，甜度同滑度配合得啱啱好!有明海苔手卷~今次有海膽同碎拖羅，海膽分量多到有啲離譜，食到最後一啖都仲有，鮮甜之餘仲入口即溶，食完仲齒夾留

材料一流、好好味。特別魷魚刺身是我以前九州食一様新鮮好味。服務也非常好。叫第一支日本酒時他們推薦用白酒杯飲。最初驚驚地、結果非常適合。第二支日本酒推薦用切子的細細杯。好鍾意呢個服務。

期待左好耐嘅一餐日本菜~以九州佐賀為主題嘅fine dining, 終於都到喇~簡直開心到飛起!呢棟喺銅鑼灣時代廣場後面嘅商廈一啲都唔起眼~全靠我有個識鑽竉鑽罅嘅男朋友成日帶我搵好野食先搵到呢間新開嘅餐廳，抵讚!一上到餐廳~就會覺得同啱啱喺樓下 - 時代後街嘅鬧市好大對比~想讚下個cheesecake，雖然呢度主打佐賀日本料理，但聽聞有位師傅去過外國餐廳做主廚，有幾款拿手甜品，其中一款就係呢個比較soft嘅New York Cheesecake，甜味啱啱好，配埋個自製士多啤梨雪葩。芫荽沙律~唔中意芫荽嘅朋友包括我在內可能一聽個名就走夾唔抖，不過佢的而且確一啲都唔似香港食開果種芫荽，呢度出產自江口家嘅芫荽完全無臭青味，無好濃烈嘅芫荽味，食落反而覺得好清新、好脆，沙律裡面仲有清甜得黎帶少少辣嘅生洋蔥，配埋佢自家製嘅沙律汁酸酸地，完全唔覺自己食緊芫荽。先黎新鮮生蠔~佐賀黎嘅生蠔雖然無外國般creamy, 但佢氣味非常清新，蠔味非常濃郁，食完再飲啖soda water都仲有好大陣蠔味喺口腔度。烤雞腿肉~佢用純雞油煎嘅雞腿肉配自家製柚子醬，一啲油膩感都無不特止，仲好有雞嘅肉香味，煎完啲雞肉仲好嫩

大約兩星期前…從朋友口中得知於銅鑼灣TIMES SQUARE後街將會開一間以九州佐賀為主題的日本餐廳, 所以一直留意住佢地GEI開業日期等左咁耐, 終於等到佢地開張試業喇即刻相約好飲好食的朋友一同光顧 這間名叫 ”佐楽 SARA”的餐廳位於霎東街HOLIDAY INN HOTEL旁邊的OLIV大廈12樓, 選址相當隱蔽, 唔係朋友介紹真係唔會知道…聞說餐廳試業頭兩星期都只會作夜市營業, 3月19日開始才會開始午市 我們到達後, 由一位親切笑容的女侍應迎接, 並帶我們到SUSHI COUNTER位置坐下環觀四周, 餐廳不算很大, 座位大約40多個, 看他們暫時應該只開放了一半座位第一天營業, 不算太多客人, 晚上6時許連同我倆總共7位客人坐下不久, 店員為我們送上了兩粒貌似面膜的東西, 當我仍然迷思中他便於兩粒面膜上加水… 然後兩粒面膜慢慢地升起發漲, 非常有趣（可惜我忘記拍照）原來這兩粒面膜是抹手紙來的~ 真係失禮晒>< 接下來, 穿著西裝的店員(相信是餐廳經理)為我們介紹了一下餐廳, 並推薦我飲一款適合女孩飲用的MOMO濁酒細說之下, 原來當天剛剛是3月3日日本的女兒