蛇王燊

Open Now

Now Closed

叫左碗細既，勁多蛇肉，羹既顏色偏淡，「脆脆」極正，「紫蘚葉」又夠香，但勁多人，坐得唔太舒服，無計啦，好食就要屈就下了。

當天order的菜單：A 餐：蛇湯+蛇羮+蛇腩煲仔飯B 餐：龜湯+蛇羮+滑雞煲飯（等了半個鐘後轉了個羊腩煲仔飯）D 餐：蛇羮+油菜（七至八條）+糯米飯剛剛看完雜誌介紹這裏的煲仔飯，蛇羮及糯米飯．一心諗住同個日本朋友嚟試試，點知乃嘢！可能我由細食到大的蛇羮不似這裏所賣的，所以食落我覺得有點怪怪的，無可否認蛇羮內的料十分豐富，成碗都滿晒，但食落那些蛇肉，好似我個日本朋友（她第一次食蛇）咁講，有點似雞肉（老）多點．如果你接受到的話，建議可以加多點檸檬葉，因為真的幾香．薄脆就隨你喜歡啦！反而個蛇湯及龜湯就真的不錯，好好味，藥材味又不會太濃．而糯米飯就不過不失，都幾好味．報導說這裏的花膠蛇腩煲仔飯及羊腩煲仔飯幾好，張相又影得吸引，點知報導歸報導，現實始終是現實，d 料小得可憐，食落都唔知點解覺得冇乜風味．如果你想試試，建議早點到達（最好八時前），因為它的出菜次序沒有control，客人一多間舖就亂，我們order 個滑雞煲仔飯，人地遲來order先上岸，反觀我們像是被人遺忘了似的，等了大約半個鐘連滑雞飯都賣光了，被迫轉了個羊腩煲仔飯．最後埋單大約一百六十元．但我應該不會再來．

B餐: 蛇羹+ 蛇湯+ 花膠蛇腩煲仔飯$56另加一個糯米飯$16.蛇羹: 好多蛇肉, 偏杰, 有少少似酒味味. 都唔錯.蛇湯: 好濃蛇味, 一飲即覺暖身.花膠蛇腩煲仔飯: 花膠兩大舊, 好淋. 蛇腩都好多, 啖啖肉, 好味抵食. 煲仔飯就無咩特別啦, 雖然無飯焦, 飯粒無咩味, 但好彩係街邊露天食, 風味補夠. 一個餐咁多食, 好夠飽!糯米飯: 炒得唔錯, 幾煙, 臘肉就比較少, 味道都好香濃, 唔錯.後記: 餐煲仔飯有好多款揀, 但去到時已經夜晚八點幾, 保暖羊腩煲仔飯已經售罄啦! 而蛇羹其實都已經賣晒, 要等第二煲, 但客人依然不絕, 生意好到停唔到手, 最後等差唔多二十分鐘, 先有新鮮熱辣辣蛇羹食. 所以要食就要早d去啦.

去到門外d枱都坐滿人, 就入去坐係毒蛇櫃個邊枱. 2個人share了一個A餐一個D餐..A餐要了蛇羹+龜苓湯+羊腩煲仔飯D餐就係蛇羹+糯米飯+油菜個蛇羹真係好足料, 啖啖肉好好味, 個羹又不會太杰, 仲加了很多薄脆!!..不過對唔飲得酒既我黎講...酒味好似重了少少, 另外如果d蛇肉同配料再切得幼細d就perfect喇糯米飯抄得粒粒分明又多料, 但味道就淡了點煲仔飯好香, 仲有飯焦, 啲羊夠晒騷但就嚡左d..下次食的話會試其他飯龜湯最有驚喜, 湯很香濃又不會太勁中藥味2個餐份量很多..好好味但係冇辦法食得晒...下次食的話考慮叫1個餐加多腕蛇羹..應該會岩岩好最後走的時候再外賈幾腕蛇羹比屋企人食, 佢地都話好正~

蛇羹好多料,好好味, 無得頂.蛇湯都很好, 味很濃.

聽聞公司附近有蛇王, 這晚終於找到了, 就在一條橫街裡, 像廟街晚上的大牌檔. 食客頗多要等位, 而且不斷有客叫外賣. 在這些地方吃飯別指望有環境和服務, 但別具一番風味.叫了A餐($66), 已是最貴的一個餐. 包括蛇羮一碗, 龜苓湯一碗, 煲仔飯任選一個(有6個選擇, 如黃猄, 羊腩, 田雞等), 我點了花膠蛇腩飯.上菜超快. 蛇羮足料, 有極多蛇肉, 黑木耳等, 但吃不出和其他蛇王有甚麼分別. 煲仔飯的飯本身醬油不足, 而且有點飯焦和黏底, 配以枝竹. 蛇腩很多, 鹹淡適中, 很好吃. 花膠不太靚, 難媲美其他地方的花膠煲仔飯. 龜苓湯呈黒色, 有點薑味和甜味, 混和藥材味, 不知是否甜點? 喝後全身極暖, 飯氣攻心.結論: 廣東人愛吃野味, 冬季可間中來吃飯暖身, 且價錢大眾化, 其無拘無束的環境也適合香港文化

這次去蛇王燊是和家人一起去(2大2小),叫了兩客B餐(蛇羹+糯米飯+蛇湯+煲仔飯)+糯米飯+蛇酒蛇d料真係多!啖啖都係肉,蛇肉大大條,檸檬葉同薄脆任你加,食完成個人都暖笠笠!湯羹鮮甜,沒有味精!蛇酒回味糯米飯好足料

行親過呢度都比佢吸咗入去....而家自己唔係好順路經過都揾佢... 無辦法, 啲蛇同啲薄弱都好正!

行開灣仔買halloween嘢... 當然要拜訪吓佢啦(自從北角蛇王良轉咗formula之後, 已經唔係咁好食)... 哇! 唔單止啲蛇正, 啲飯仲正!warning: 有味精...主角- 蛇.. 好食...好濃味, 但係無乜藥材味.. i like!糯米飯好惦呀,幾足料蛇湯... 哇呢個同平時啲蛇湯唔同...好濃好夠火喉... 有藥材味... 當歸...蛇肚瑤柱炒飯, 好香好煙韌一粒粒... 正... 唔係普通酒家做倒...食到一粒都無得剩... ps. 佢啲士油調過味, 好正, 不過又係有味精... 記住飲可樂解番炒飯5分, 其他4分

說這裡是正宗路邊檔真的無可口非，因舖內是沒有多餘位置，而選坐在路天的話就很容易跟途人擦身而過；坐在這裡半個小時，像一面坐在街市中央，一面開餐。天氣轉冷的頭幾天又適逢過來灣仔，就跑來這裡要份蛇羹套餐，就是要等都要了個田雞煲仔飯；煲仔飯是從對面的太源拿過來的，一家平宜兩家著，特意跟伙計說等到煲仔飯上檯才上蛇羹，起碼不會食到到喉不到胃！而街市百態就在這裡觀察得到！蛇羹上檯，好像跟先前的食家照片的份量有所出入，蛇肉比想象中小，跟坊間普通的蛇檔相若，唯一較好的是湯羹鮮甜，應沒有味精的份兒；煲仔飯很得妥，沒加添醬油的白飯都吃出很有田雞的鮮味，這個煲仔飯的味道比起蛇羹更出色。以五十多元一份套餐，其實都幾化算，起碼這個煲仔飯都值，但再算一下這裡的環境，分數絕對會拉低，而蛇羹方面，希望蛇肉的份量是個別性的問題吧！

上次食晏時間經過呢度，人多到爆。趁住天氣未回暖，今日同老婆黎試下。兩點鐘後，小小舖位仍半滿。兩人叫了兩碗糯米飯，一碗大蛇羮，共$70。點知叫左野食先睇到有套餐，抵d喎，仲有碟菜...下次都係睇清楚d先落order。蛇羮d料真係多得緊要，啖啖都係肉(蛇+雞)。$42碗都幾抵，味道亦幾好。但我自己就略嫌太多料，都唔似食羮。臘味糯米飯就無乜料，成碗得幾粒臘肉，但飯有咬口，唔油膩，又多蔥，而且細碗得黎d飯「質」得好實，份量不少，食完都飽晒。當然，貪心的我想，如果多幾片臘腸膶腸就更好啦。

踏入深秋，準備過冬，正是進補好時機。路過灣仔，一直都想試試蛇王燊的蛇羹，果然名不虛傳；湯羹鮮甜，蛇肉又多又大條；以往食蛇羹總是蛇絲雞絲分不清，今次終於可以大條大條蛇肉嚼嚼嚼。食完一碗還是意猶未盡，於是再加了碗龜苓湯試味；黑黑的一碗濃湯，味道有點像海帶湯，沒什麼藥材味；熱熱一碗飲下去，頓時全身四肢都溫暖起來，好滿足。本來更想試那些抵食套餐的，五十多元就有蛇羹，蛇湯和蛇腩煲仔飯，一定好正；只是實在坐得不太舒服，周圍街市人來人往，又要坐摺櫈，旁邊更是一箱箱的毒蛇（！），也許下次可以外賣試下。

今晚叫左個Ｄ餐，糯米飯、蛇羹、菜心這三個餸，開頭見佢份量咁少，睇少佢添，可是，最尾是食唔晒個糯米飯。蛇羹係足晒料，調味品任你加，原來加左檸檬葉同薄脆係咁鬼正 之前去其他地方食係無呢兩樣O野喎！食完餐飯，覺得好似成個人都暖笠笠~~~坐響度面壁食羹，發現原來佢唔係全年開架喎，見到牆上寫：『開業時間：中秋節後至來年農曆三月尾』，所以，其他時間來吃應該佢地無開門。

天氣開始轉涼，最好當然係食煲仔飯、羊腩煲或蛇羹啦；早前剛食完煲仔飯，羊腩煲一個人又太多，只好選擇食蛇羹，想起這間都幾好，價錢又平又足料，上堂前便來食返碗。叫了一個套餐，包括有：蜿羹+糯米飯+油菜。蜿羹- 套餐只有跟細碗，但一個人食，都已經很滿足了，再加上檸檬葉絲及薄脆，就更是一流，真材實料蛇肉又多，不像某些蛇店用瘦肉代替，實在值得一試再試。臘味糯米飯- 很香臘味味，雖然很油，飯又比較偏硬，但就很合我口味，食完這兩味，已經又溫暖又滿足了。油菜- 菜很青綠，也算新鮮，可惜係凍的，相信係一早煮了很多，有客人叫就過一過熱湯便拿出來，下次可以免叫了。

蛇王燊終於番嚟啦,真係好急不及待嘆返碗蜿羹,星期六晚7點半,4人行約埋一齊品嚐,雖然今年加咗少少價...但仍然會支持佢,因為真係真材實料,正!!!1) 細蛇羹x2 ($30/碗)2) 套餐- 比細蛇羹大少少既蜿羹+ 糯米飯+ 油菜($48/餐)四人共消費: $156