秘 (享成街)

Open Now

Now Closed

完全唔知食咗啲咩，叫咗個脫皮有根既吉列豬扒，而家D食市真好揾，甘都可以收得貴過大戶屋。大家認真考慮下先好去。兩個人咁就冇咗幾舊水 唯一特色就係畀個石頭你 自己煎熟返啲牛扒

天寒地凍最啱食一啲即燒即食熱辣辣嘅嘢，於是就嚟咗荃灣呢一間日式板燒吉列牛醫下肚🤤雖然舖頭嘅面積唔算大冇乜裝修，不過都算係乾淨企理。有少少油煙味，如果通風好少少會更加好🤏去嘅時候可能係食飯時間比較多人，等咗20分鐘左右先入到場⏰坐低之後，我哋即刻就點咗佢哋最出名嘅吉列牛套餐。上碟個速度都算快，個餐$118蚊，包有切好片嘅一份吉列牛，一隻切開一半嘅糖心蛋🥚一個紫菜素飯🍚同埋一碗湯🫕值得一讚嘅係佢哋會預先喺鐵板牛嘅外面上咗一層炸過嘅麵包糠🍞然後燒肉前預先查一啲牛脂肪喺塊鐵板以免黐底，再放上吉列牛喺鐵板上面燒🥩牛肉落鐵板燒時記得唔好燒太耐⏰否則個牛肉就會太韌。因為愛情有麵包糠嘅原因，個吉列牛食落外脆內軟，可能佢哋用嘅係美國安格斯牛肉，牛肉嘅脂肪比例算幾好🤤👍以呢個價錢嚟講都算平同埋大份，鐵板牛再加個紫菜飯真係夠晒飽肚👍

味道正常！ 咁啱見唔使排隊就諗住一試無妨。點知完全中伏。晚餐用餐時間1小時，我哋一家人只不過坐咗都可能未夠半個鐘。 手仲攞住碗飯，個侍應就收走晒所有嘢。 全程兩個女侍應都係黑口黑面。

秘地址：荃灣享成街22號地舖平時經過見到好多人排隊，一試點知就好失望呀🥲。秘燒黑松露吉列牛🐮$158一拎上來就覺得份量少咗啲😂，沾上麵包糠嘅牛小排油花分佈均勻🤩，唔會太瘦，但就無咩牛味味道啦，而且肉質就比較硬同埋食唔出黑松露味🥲，味道不過不失，真係好失望呀😕。#nicefoodie荃灣----------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover   #hk  #香港 #香港美食 #美食 #荃灣美食 #打卡  #荃灣 #香港口味  #隱世美食 #隱世小店 #半價優惠 #人氣餐廳 #人氣美食  #香港好去處 #吉列牛 #日餐

【印象中油煙大】 幾年前吃的，來回憶一番。當年曾經熱度一排，餐廳外排滿人龍，我與朋友們都等了很久才能進去。餐廳不大，座位擁擠，油煙味濃。那時第一次嘗吉列牛，印象中一般，及後發現原來每間吉列牛都是這樣，不是我想像中外脆內腍的口感，暫時未嘗過外脆的，大家有介紹嗎？不過印象中其他食物是好吃的👍有機會可以再試。 秘 (享成街) (荃灣)荃灣享成街22號地舖

同朋友收工嚟到荃灣，2個人唔知食乜好，行經一到見到個大大隻字既秘，咁就吸引左我哋既注意，決定入去試下乜東東。鋪面小小坐得都幾舒服，睇完餐牌我哋點左個板燒吉列牛定食同秘燒牛肉鍋，外加和風薯條同手羽先，即係雞翼。一陣啲野食就上齊，個薯條同雞翼正常水準，有杯啤酒搭配就更好。板燒吉列牛就有驚喜啦，外表炸得金黃色，入面就得微熟，想幾多成熟就睇個人喜好，我就貪心啲，十成熟至三成熟都試哂，完全滿足哂我食牛既慾望。係吉列牛既比較下，朋友個牛肉鍋相對失色左，算不過不失。人均150左右，食得滿足，比得舒服。

朋友介紹呢間叫''秘''既日式燒肉餐廳, 今次呢間係荃灣, 平時經過見到好多人排隊, 我嗌佐一份安格斯牛小排, 一碗好大既飯, 有溫泉蛋, 牛小排份量多, 唔會食唔飽, 價錢合理, 味道唔錯, 有牛味, 都算有汁嫩滑, 普普通通, 間唔中都可以黎食下. 唔知吉列牛味道如何呢, 見好多人都嗌, 下次黎試下先. 

荃灣高質既吉列牛雖然同日本既吉列牛做法有啲唔同，但香港黎講我好滿意黑松露吉列牛好香松露味，但唔會遮左牛本身既肉香用個爐仔去燒返適合自己既生熟度就更易入口，同日本唔同既就係依個爐仔日本多數吉列牛都唔會有爐比客人去調整生熟度。飯有味素鋪面，撈埋點牛既汁醬就好香，如果味素可以比多啲就仲正食物整體都好滿意👍🏻記得第一次黎要排好耐隊，但依次當時係正疫情高峰時期，所以冇咩人

荃灣🇭🇰 中伏⋯⋯完全唔吉列 勁細塊牛.一直想去佐敦食好耐嘅吉列牛 但成日都有人排隊所以一直卻步～ 今次經過荃灣原來都有分店 咁就試下啦😊.叫左個必嗌嘅吉列牛 同一個牛小排吉列牛完全一食就知係一早炸完放係到 啲皮一啲都唔脆 勁淋 又細塊 真係極度失望🙍🏻‍♀️.反而牛小排仲好食過吉列牛 但都只係「普通」「可接受」「唔難食」絕對稱唔上「好食」🥹.唔知係荃灣分店問題定間間一樣啦 但真係唔會再黎🙍🏻‍♀️要食吉列牛一定有更好選擇～

失望！完全唔明點解評價咁高！兩大一細(7歲), 晚餐人均都要$150, 但選擇少, 最離譜係碗飯的飯心根本未煮熟, 係硬嘅, 好難食！配菜極少 (一隻糖心蛋, 半粒車厘茄, 同少少生菜絲), 碗湯只得兩三啖, 肉類質素亦只係一般般 (我哋叫咗兩份牛小排同一份豚肉), 醬汁味道亦唔好, 而且無特別提供食具幫你分開夾生熟肉, 太冇衛生意識, 侍應又成日企埋一邊玩手機, 感覺中伏, 以後唔會再幫襯！一家三口尼個價, 如果幫襯其他餐廳, 仲有大把選擇。

朋友推介抵食之選，呢間屹立荃灣多年，依然抵食好味👍🏻晚餐大約7點到，唔洗等位，但入座後就開始好full，叫左三樣野食，今次無配set，另外叫左多左個蠔鍋都好正。1. 吉列牛牛肉有薄薄既吉列炸外皮，所以邊位已略為熟左，相對可以燒得快啲。不過本身用牛油燒，吉列皮會比較吸油，要視乎個人接受程度啦～但就不會影響內里既牛肉質素🤗2. 牛小排牛小排和吉列是不同口感，牛小排新鮮，入口肉質嫩，多汁，個人更鐘意牛小排🤗🤗3. 生蠔鍋超抵食👍🏻有7隻大生蠔，忡有豆腐粒、蘿蔔、芋絲，份量十足都係$98👍🏻👍🏻可惜唔記得影相🥹燒肉餐午市都抵，免費送氣水、糖心蛋和upgrade 個白飯，晚市配餐就要加$28-58不等，所以我地冇配set，試多個鍋物，更正🤭

其实地方不大好找，有点偏需要在荃湾广场附近进行导航，当然其他地方也有分店只能walk in是类似于烧肉like一样日式定食的形式，每份都会搭配1⃣️个石板自己烤肉，有体验感☑️两年也光顾过数次了，明显感觉🥩素质和以前对比略微有点下滑，但还是对的起人均💰150左右的价格！黑松露吉利牛依旧是必点！肉的油脂分布也很均匀！好恰！肉类推荐是😋黑松露吉利牛＞板烧吉利牛＞安格斯牛小排牛小排对比前两者有点寡淡暖锅的话整体偏咸，个人心目中清酒广岛蚝锅🦪＞牛肉野菜锅，蚝锅的话有海鲜和清酒融合的很好鲜甜，牛肉野菜锅越煮越咸！哒咩！小食的话盲点好像都还行，软壳蟹我觉得一般般，虾球和鸡块味道还是不错滴👍饮料感觉偏贵了🤣属于一家价格合理，味道也不错的特色烤肉店！在荃湾不知道吃什么的时候可以一试！

朋友有一次同我講食過好多次呢間秘，話幾好食，就帶左我黎食，因為假期，真係要等幾耐位，入面又唔係好大，都幾多人幫襯呢間，幾出名。再加上之前食過都係荃灣既初見，吉列牛難食到嘔，忍唔住係第一篇open rice比左差評，對比係個間呢間真係高質好多，啲牛係完全有牛味，仲有好幾款牛比你揀，份量都唔少加埋飯咁樣食一餐真係夠哂食，而我個飯就係加左啲紫菜既，我好鍾意加啲紫菜送飯，咁樣會入味啲同開胃啲，呢間我係一定會再黎食

係香港講起吉列牛，無人唔知呢間《秘》平日夜晚7點去，直接walk in，入座客7-8成左右基本上每枱都一定係叫吉列牛 板燒吉列牛 $118 加配定食 $38吉列牛驟眼睇都有10件以上，塊石夠熱可以燒到最尾（不過可能係我地食得快唔係逐塊逐塊燒😂），無熱力的話可以叫待應換，評論下肉先，每一塊都係可以一啖擺入口的size，正當我想咬一半就發現都幾韌，需要啲牙力、時間，如果一啖放入口唔會察覺到，表面的炸粉唔會因為燒完而脱落定食 跟飯素，溏心蛋，大根湯 唔吝嗇撒滿飯素、帶有微温的白飯一隻切一半的溏心蛋，蛋黃內餡流心清淡如水的日本蘿蔔湯？燒牛肉野菜鍋 $98 加配定食 $38 食燒牛肉係日本餐廳都會覺得係薄片牛肉，但上枱一見好似碎牛腩煲咁嘅😂 碎牛「腩」份量唔少，應該佔了煲嘅一半，偏肥，眼見帶有肥膏，煲入面都有不少配菜，例如金菇，冬菇，大量椰菜，芋絲等等，食到最後，真係好似牛「腩」煲

依家係人氣嘅吉列牛餐廳，lunch set包括吉列牛，糖心蛋同紫菜飯，整體感覺都唔錯，味道好好，份量適中，價錢亦都合理。吉列牛係一款受歡迎嘅日本菜，吉列牛扒炸得恰到好處，肉質鮮嫩，加上可以自己燒，味道香濃，令人回味無窮。糖心蛋係一款好簡單嘅菜色，但整得好食唔容易。糖心蛋煮得恰到好處，蛋黃好滑溜，而且有啲甜味，味道好開胃。紫菜飯簡單好味，飯粒軟糯，配上啲紫菜同芝麻，味道鮮美，健康又美味。Lunch餐廳唔算太多人，而且服務員都好有禮貌。總括而言，吉列牛、糖心蛋同紫菜飯都好好食，味道豐富，份量適中，價錢亦都合理，環境舒適，值得一試。如果你鍾意吉列牛，可以一試。