鱻88日本料理 (Closed)

鱻88位於佐敦, 從地鐵站行過來大約10分鐘以內。店內環境和式, 有卡位, 有箱座, 今天與朋友一起來獲安排坐在吧檯, 可以近距離觀看廚師表演。身為鰻魚粉的我, 當然要order 幾款入冬當造的時令鰻魚菜色。蒲燒活海鰻魚丼(三食)這款提供三種食法，包括特製的鰻魚醬油、紫菜、芥辣和蔥等配料以及茶漬，各有特色鰻魚肉厚身鮮甜, 厚肉質實淨, 魚肉細緻,活海鰻原條放係明火串燒爐上生燒,雖然唔係用炭燒, 但都有炭火效果,鰻魚面層焦脆, 食到陣陣炭火香經反覆燒烤鰻魚的油脂香味完全散發出來配上特製的醬油, 味道完勝。二食是加入芥末、紫菜和蔥, 三者mix埋一齊食味道又昇華到另外一個層次。最後倒入茶湯，變成茶漬飯魚味濃鮮配上熱茶漬, 油香與熱湯配上北海道七星米, 是一流的享受。除了吃鰻魚飯外，另外又叫了以鰻魚製作的料理，活海鰻博多活海鰻博多係蝦膠同活海鰻的集合體大廚自家手打的芝麻蝦膠, 爽口彈牙,燒活鰻魚肉質厚實油脂四溢, 口感亦具層次。最後喜愛吃日本菜的話怎會不叫天婦羅呢天婦羅七點天婦羅七點有海蝦、茄子、南瓜、日本小青椒等等吃的時候可以沾綠茶鹽、蘿蔔蓉及天婦羅汁天婦羅口感酥脆, 脆漿薄身, 吃完之後

同朋友仔嚟到佐敦覓食，嗰日落住大雨，由地鐵站一直行其實就唔係好遠嘅，嚟到餐廳門口有啲狼狽，店員即刻出嚟幫我地將把遮修好，再安排我哋上去坐低，期間都非常有禮貌，而且面帶笑容，所以我哋第一印象都覺得幾好！入到黎見到環境好闊落，裝修好靚，而且都幾有情調，座位好舒服仲有cushion可以攬!最近愛上左食金目鯛，佢係屬於比較淡味嘅刺身，但食到最後又會有一種好香嘅鮮味，配埋柚子汁食就最夾！珍寶帆立貝夠晒大隻，鮮味十足！牡丹蝦都非常鮮甜，食得出餐廳對食物質素有要求！再嚟一個軟殼蟹牛油果沙律，不得不讚呢個汁好好食，唔似出邊咁樣落現成醬汁。天婦羅粉薄夠脆口，隻大蝦甜甜地好好味呢一個鰻魚飯可以加茶做泡飯，啱晒凍凍地嘅天氣，鰻魚炭燒到窿窿地，非常香口，配埋蛋絲同珍珠米，加上少少紫菜蔥花一齊食，一試難忘！之後仲有豆腐雪糕配手炒黑糖， 呢個雪糕豆腐味超級濃！配埋黑糖漿，感覺有啲似食緊沖繩豆腐👍🏻走嘅時候店員都記得主動攞返把遮俾我哋，食嘢期間嘅服務都非常好，我同朋友仔都食得好開心，一定會再嚟！

上年食過原址既另一間日本野, 整體覺得雖然算平同新鮮, 但淡而無味!今次再經過, 見到轉左做「鱻88」, 唔知又會唔會好D呢???餐牌既選擇都幾多下, 而且lunch hour仲有得食around 500蚊既Omakase, 好似幾正, 下次可以黎試下!另外佢地近排都推廣緊活鰻魚, 平時急凍個d我睇唔上眼, 今次有個「活」字, 應該可以試試!食既野望落雖然唔多, 但原來都幾飽肚下, 不知不覺開始覺得個胃頂住頂住!食左咁多野, 整體都覺得係好好食既! 味道出色, 唔會太濃底者太淡, 而且份量適中, 唔會係細細碟覺得比人呃咁~雖然每一款都咁好食, 但入面有d係超好食既, 大家一定要試試!首選推介: 燒活鰻魚($78); 燒得真係勁香, 外皮燒到脆卜卜但又1d燶都冇, 所以唔會食到有苦味! 另外活鰻魚真係活鰻魚, 食落去唔會又實又乾同勁咸, 好似食緊新鮮既魚咁滑, 勁好味!次選推介: 深海池魚($108); 據聞係DRY-AGED池魚黎! 而家先知魚都有得DRY-AGED食落口好香魚油味, 但又唔腥又唔會好油淋淋咁! 而且魚肉冇平時食到個D咁腍身, 又係勁好味!第三名: 帆立貝刺身($98)

以前淨係識去尖沙咀揾好野食，依家發現佐敦都有好多好食嘅餐廳。今晚同女朋友去左食日本料理，等大家係Blue Monday之前食餐好嘅今期餐廳主打活鰻魚，亦係我地嘅最愛叫左一份「活鰻魚塌塌米」，鰻魚熱辣辣，鰻魚下面有一塊脆卜卜嘅米餅。我地好鍾意呢一味餸，好味又爽口我地仲叫埋「燒活海鰻魚飯（三食）」。之前係日本旅行嘅時候試過鰻魚三食，非常好味，印象好深刻，估唔到返到香港都有機會食到。三食指鰻魚+飯、鰻魚+飯+配料（香䓤粒、紫菜絲+Wasabi）、鰻魚+飯+湯。我最愛嘅係最簡單嘅鰻魚+飯除左鰻魚，我地仲叫左三款sashimi，三文魚、深海池魚、帆立貝，其中最令我意想不到嘅係深海池魚，有種令我以為食緊頂級Toro嘅感覺仲有叫左一份豚肉野菜沙律，打算有菜又有肉，味道都十分唔錯最後食埋佢地嘅豆腐雪糕，豆腐味超濃，雖然天氣凍，不過無阻我地食雪糕事後我同女朋友都一致認為呢度嘅服務態度都好值得一讚，令我地食得好舒適

唔知有無人同我一樣覺得旺角尖沙咀太嘈，開始要去另一區搵食。今日就搭過幾個地鐵站黎依間靜靜地既日本料理。距離地鐵站幾分鐵路程，方便到達。門面都幾靚，樓梯上去座位幾多。有Bar枱同卡位，一樣坐得好舒適。食物價錢中高價，另有Omakase餐選擇。但今次我地唔算太餓，所以只選擇了單點。______________________________🔸SEN88沙律 $98除左一般蘿蔔絲、青瓜絲，依個沙律仲有牛油果、炸薯薄片。所有食材睇師傅切出黎，即叫即整。仲有平時沙律上放既蟹子轉左做三文魚子，口感更豐富，並帶點魚油香。🔸 三文魚(五切) $88🔸 平政 (三切)$98🔸 帆立貝刺身 (一客) $98刺身擺盤十分精美，並配上即磨既Wasabi。全部塊塊都幾厚切，又新鮮。帆立貝最為突出，一客四粒。肉質肥美啖啖肉，好鮮甜。三文魚唔係腩位，脂肪相對少，口味就因人而異。平政唔算成日會食到，味道似油甘魚。魚油味唔重，魚味適中，肉質有少少彈性。🔸 燒活海鰻魚飯 (三食) $258成個蓋飯盒上，配上三種配料，仲有一壼熱湯。海鰻燒得外皮好脆，質感濕潤鬆軟。食到最後仲可以放入蔥、紫菜、脆脆粒同熱湯，變成茶漬飯。🔸活海

話說本身訂了位諗住黎食omakase 點知去緊途中有點唔係好舒服於是就改了散嗌先試試質素免得浪費留待下次好一點再試試omakase 首先嗌了三款刺身 (➀鰆魚 ➁平政 ➂深海池魚)鰆魚味道比較濃郁平政油份不重，肉質帶點爽彈深海池魚肥美帶油香生蠔味噌燒，生蠔肥美飽滿，味噌帶少少甜，而且燒得剛剛好，生蠔仲keep到juicy同埋鮮味土佐豆腐，豆腐裏上木魚碎，炸得酥脆，內裏的豆腐仍然keep到軟滑，加上微甜嘅醬汁，很不錯燒活海鰻魚飯(三食)，鰻魚有兩種口感，有一半係比較香比較脆身，另一半就比較肥美，我就比較喜歡香脆一點，三食當中比較喜歡茶漬飯，茶湯味道不太濃，但加了脆米同紫菜更有口感，亦更加香💕牛油果軟殼蟹沙律份量不少，軟殼蟹都幾厚身，亦都唔會炸到乾晒整體來說味道不錯下次再來試omakase 😊

早陣子朋友生日，我和朋友都未試過正宗日式omakase，終是決定豪試一次慶祝一下。今次來到鱻88，簡直是一次難忘體驗，不得不記下此篇食評。首先餐廳的裝潢十分高級，店員安排我們坐到壽司吧枱，由一位壽司師傅負責我地全晚的食物，師傅會安照我地進食速度慢慢逐道菜送上，每次上菜亦會細心介紹食物及推介配撘食法。先來的是海膽茶碗蒸，蒸蛋滑得一放入口就流進喉嚨，濃郁的海膽味滲透在熱騰騰的蒸蛋裏面，鮮甜的味道留在口腔不散，加上茶碗蒸內配料十足，有香茹、蓮子、蟹柳、香葉等等，味道更加豐富。接下來的就是剌身三食，圖片太多不能盡錄，剌身材料十分新鮮，明顯比外面食到的鮮甜及有口感多十倍，真係食過返唔到轉頭。比較特別係呢款火灸剌身，師傅係我地面前用火槍輕輕燒過魚身，食落兼備了剌身的鮮味及火灸過獨有的油香。到今餐另一主打-和牛串，和牛其實食過唔少次，但呢串和牛絕對係難忘之作。除了材料上乘，相信必定是配合了剛好的火喉才能做到此效果。食完唔會似一般街外食到的咁油膩或者食到滿口油，但牛香味卻係比我食過的都要濃郁! 食到呢度，其實我和朋友已經變到好靜，因為大家都顧住好好品嘗唔得閒講野了。看似簡單的天婦羅其實都絕不平凡，內裏

前個排黎完呢頭附近食鐵板燒，今次又黎食日本野啦～最近唔知點解身邊嘅人都好迷日本野，所以成日都提議去食。我份人冇咩主見所以都冇咩所謂，只要唔駛我諗就得今次食呢間日本野真係唔駛我諗啦，因為係食omakase，即係廚師發板，連食D咩都係由廚師決定，岩晒有選擇困難嘅我！廚師會先問你唔食嘅野，再揀最當造最新鮮嘅食材黎整，我一路食一路望下坐係隔離嘅人，發現大家食嘅野都係唔同，證明廚師精心挑選。首先係食左前菜先，有三味，分別係麥粒麵豉青瓜，燒拖羅同埋芝麻豆腐。麥粒麵豉味道唔錯之餘唔會好鹹，就咁食落口都唔會覺得over。燒拖羅就唔駛講啦，燒得香口，口感又好唔鐘意食吞拿魚嘅我對於拖羅表示很可以芝麻豆腐同我預期有出入，口感唔算太滑，但芝麻味極香濃，係足本嘅味道。帆立貝刺身極大舊有動L動L嘅感覺，味道好新鮮口感好之餘，重點係廚師會削少量柚子落去帆立貝表面，令佢除左刺身本來嘅味道之餘加多一陣清香嘅感覺呢個配搭好新鮮好夾，好想再食呀！廚師會重用隻碟。Mix 左豉油芝蔴蔥等等去調味嘅池魚。其實我未食過池魚，幾有驚喜，我本身怕佢係個種我唔鐘意食嘅質感，但佢出奇地爽脆，調左味可以幫手解一解食刺身嘅膩口感。然後又到另一

終於完咗死亡十一月，緊係要食返餐好慰勞下自己！《鱻88》這餐廳名好特別，又見有不少好評，於是就來試下。餐廳分兩層很有氣派，而且內𥚃的裝修好靚，感覺很舒服。我們的坐位坐在廚師前，可以看着他去處理料理也是一種享受。我們點咗幾度菜：長芋蕃茄海帶沙律、生蠔味噌燒、露筍帆立貝天婦羅、太卷、同埋散叫咗幾款刺身和壽司。個沙律非常喜出望外，第一次食長芋，很爽口，感覺對腸胃幾好，再加埋蕃茄有少少酸甜，開胃一流生蠔味噌燒又係第一次嘗試，少少甜，又有少少鹹，蠔味亦很出，不錯。刺身和壽司，新鮮就不在話下，特別個赤身同炙燒左口魚，超級肥美，油很甘香，超正太卷係今晚的驚喜之一，太卷用料很足，而且不同的材料分布在不同位置，吃下去時不停地有不同的口感和味道，內容很豐富最後以一球芝麻雪糕作結，為這個小慶祝寫上完美的句號。整體來說各款日式料理的水準和質素很高，很值得一吃再吃的餐廳。題外話，去當日見到有餐廳新推出的鰻魚系列，好吸引，下次去一定要試下！

一直都鐘情日本野，今日約埋男朋友去豪食，Omasaka 喺廚師為客人精選新鮮食材去設計一系列日式料理，仲會喺你面前即場製作，喺食物嘅另一享受，盡享色香味俱全嘅豪華享受！我喺第一次食Omasaka，所以所有野都好新奇！尤其喺等候期間望住廚師製作料理，師傅用火搶燒魚，又細心去握壽司，呢啲景象都喺視覺藝術我哋食左海芋蕃茄沙律，海芋幼身，而且爽甜，非常開胃，為之後嘅料理掀開序幕雜錦壽司好靚，我最欣賞喺左口魚壽司，入口即溶，而且油脂豐富，又帶甘香，喺必食！刺身新鮮，吞拿魚肉好好食，喺超有魚香味，完全無雪味，同出面食嘅完全係兩回事！魚肉喺回香，鮮味充滿晒成個味蕾！味噌生蠔好食到不得了！必食！太卷大件又好食，餡料豐富，有甜又有咸味，富有層次！露荀帆立貝天婦羅好食！炸得啱啱好，又有鮮味！最後仲送芝麻雪糕，正！

請吾到假去日本旅行唔緊要，近日經過佐敦發現新開左一間食正宗omakase的日本料理！鬧市入面竟然尋找一間寧靜的高級日本料理餐廳，燈光昏暗，餐廳分成兩邊，一邊系以卡座形式，一邊就系吧台模式，可近距離望著師傅整刺身/壽司的過程，十分過癮！餐廳特色之一就係剛剛所提及的omakase， 食omakase既好處就係整晚都會抱持住一種期待的心態，迎接著下一道未知的菜式！當然，如果你想自己話事既，餐廳都有提供menu比食客自選菜式！豚肉野菜沙拉對於肉食獸黎講，可能並不喜愛吃沙拉。但係呢個沙拉相信肉食獸的朋友食完都會大推，面頭的豚肉可謂畫龍點睛，烤過的豚肉配合沙拉菜和秘製醬汁，開胃至極，酸酸甜甜的感覺加上薄切烤豚肉，別有一番滋味。漬物盛合積物盛合應該系日本人首選的頭號喜愛前菜之一，有蘿蔔，生蒜頭和准生，配合醬汁，十分醒神啊！月見冷烏冬冷烏冬應該大部分人都十分鍾情，餐廳提供的冷烏冬，烏冬麵質系幼身的稻庭烏冬麵，爽口彈牙，面頭鋪上小小紫菜絲，增加口感。類似沾麵食法，拿著一小撮烏冬沾一口醬汁，完美～。當然唔少得月見啦，通常都代表溫泉玉子汁，今次提供的梗系2.0版本，鵪鶉蛋蛋汁，撈烏冬食，更加出色!活海鰻博多

人生第一次試Omakase-鱻88日本料理。有塊個掛招牌，好易搵到餐廳。 門口已經有店員帶上一樓餐廳安排入座。餐廳入口用雲石裝修，營造神秘感覺，上到一樓餐廳，就用日本和式格局，簡而實華。一場黎到，梗係要試試Omakase，向店員講左我地預算同埋想食鰻魚飯，店員就同師傅安排左下列食品：長芋蕃茄海帶沙律長芋新鮮到出“澀，夾埋海帶同蕃茄食，加上醋，perfect match!刺身-甜蝦 三文魚 真鯛魚師傳精心擺設，而刺身鮮味溢出，鯛魚鮮味猶如海上釣上黎即食一樣。土佐豆腐豆腐炸到表面脆，內裡滑。雞串雞串大大件雞肉，絕不慳皮，配有大蔥，味道香而好味。燒活海鰻魚飯(三食)鰻魚大大條，底有炒蛋飯，三種食法，由原味、配料到茶漬，都食好好味！呢度鰻魚飯果真名不虛傳。

第一次Omakase，唔錯體驗。由店員服務到食物水準，各方面都表現到高水準一面。店員熱心介紹本店食物，安排好周到，前菜、小食樣樣有，一應俱全。 燒活海鰻魚($258)店員上菜時，介紹呢款鰻魚飯有三種食法，三種食法都唔錯：首先係原始食法，食出鮮魚鮮味。其次混合紫菜絲，蔥，washbi等配合一併食，而washbi係新鮮磨，所以帶出另一種鰻魚味。最後係倒魚湯，似茶漬飯咁食，又另有番風味。刺身-不得不讚，鱻88魚生鮮味程度拍得住在日本食一樣，而且師傅處理魚過程細緻謹慎，個人欣賞之處。甜蝦🍤 - 大隻又鮮甜。 三文魚🍣 - 厚度猶如魚腩，新鮮肥美。雞串-熱辣辣燒雞串，燒串唔鹹但又夠香味。炸豆腐-炸豆腐個皮好美味，夠厚實。

以前常覺得在香港吃的壽司沒水準, 不過近年越來越多高質壽司店進駐, 加上本地薑開的質素也不錯, 所以有時如果想吃餐像樣一點的壽司, 其實巳經不用下下飛日本了. 跟好朋友聚會, 佢係識食之人,  聽朋友話早前就見到這家鱻88開店, 看朋友吃過評價不錯, 就興致勃勃約我一齊來試試Omakase當日被安排坐係吧枱前, 可以望住師傅準備食材.食材新鮮與否, 一目了然.一邊食一邊睇住師傅製作食物, 胃口都大大提高.決定享用Omakase, 師傅會詢問我地對那一種食材過敏或不吃的,餐廳都會因應客人個別需要作出調整頭盤三小碟: 水雲母、鰻魚玉子、鮟康魚肝每款都是一細細一碟,相當精緻,當中水雲母帶點酸酸的味道,好增加食慾.我最期待的是刺身,先上魚太, 魚味雖然不重,但肉質細緻, 口感鮮嫩甘甜美味,配上青檸辣椒蘿蔔泥醬汁相當開胃.第二款刺身就係針鯛刺身兩味,連皮食的針鯛刺身口感最好, 魚肉比較結實,魚味濃郁.第三款刺身就係赤身, 深紅色吞拿魚, 色澤亮麗,鮮味十足, 而且沒有筋.師傅用來自日本根室馬糞海膽, 海膽入口相當creamy, 之後會有一股鮮甜味湧出來, 濃郁的海膽味道, 令人食指大動.特別推介

話說今日本來就同友人係佐敦唸住求其搵d野食就算嫁啦，誰不知行過見到呢間日本料理餐廳好似幾吸引同門口侍應招呼鬼死咁好 就入去去試啦望住壽司師傅食日本野係滿足既見到有個幾特別既餐牌 活鰻咁我個人就對鰻魚真係一般 不過友人就好啱既 所以我勉為其難嗌左一碟 (好彩有嗌到，後面講原因)豚肉野菜沙律 $780沙律成日都食 點樣整得好食呢？我認為新鮮已經好重要 呢一碟完全做到呢一點 豚肉好野味 酸酸甜甜 醒胃之選！漬物盛合 $78漬物姐係日本泡菜啦，都係蘿蔔呀，淮山呀 呢個蒜頭做個特別好食 停唔到口冷冰見烏冬 $68 幼扁日本烏冬滑到不得了 點醬汁再 加 葱同少少Wasabi 勁好食 活海鰻博多 $228 再重申一次 我唔鐘意食鰻魚既，但係呢一個真係超級好食 頭三位鰻魚當之無愧佢分左三層 首先上層係脆爆鰻魚皮 中間係嫩滑鰻魚肉 下面係蝦膠 口感非常完美之餘 味道仲頂級好食 壽司盛合 12本 $488壽司我唔逐一介紹啦 講我自己較為喜愛既帶子長又厚 上面加咗小小柚子 食落唔腥海膽份量幾夠 新鮮！和牛 油甘魚 池魚都無一件可以搵到入話唔好食！總結，日本料理我自問食得多 呢一間無論係熟食定壽司都一等一 價