鱻88日本料理 (Closed)

而家喺香港食高質日本菜真係好多選擇，好似今日同朋友去呢間，又係一間有實力但又唔會貴到令人乍舌嘅餐廳。雖然近日天氣涼咗，但無損我對魚生刺身嘅熱愛。佐敦近柯士甸站新開有餐日本高級料理，主打omakase, 一上到去環境陰暗，燈光柔和，份外有格調。長吧枱有兩位師傅喺到為客人準備食物，正中間有個大木盒，透明玻璃面，入面擺放住各式魚生剌身。睇見咁嘅陳設，對一陣嘅食物有滿滿的信心！先嚟玉子海鰻做餐前小食，兩片厚厚的玉子蛋夾著燒海鰻，好似一隻麻雀咁的骰，一口食落去，玉子嘅蛋香配上燒海鰻嘅肥美肉質，都唔錯！坐得吧枱位，最大嘅享受當然就係睇住廚師準備食物，眼見佢手起刀落，將山芋切到每條粗細一致，再配合刀鋒撞入砧板嘅聲音，突然間覺得自己好似現場睇烹飪節目咁！一碟山芋蕃茄沙律就咁擺喺我哋面前，清新醒胃！刺身拼盤有三文魚腩、深海池魚、帶子，重點推介深海池魚，平時我都唔多食白身魚，因為多數都係較腥而且口感較韌。但呢個池魚刺身令我忍唔住要食多兩件，唔腥有魚油香，廚師做喺上面切咗d花紋，美觀得嚟又易咬開，讚呀！我哋仲叫咗個三式鰻魚茶漬飯，餐廳職員建議先食原味，乜都唔好加。原味嘅的確係同平時食嘅好唔同，平時鰻魚飯酱汁

12月初黎呢間餐廳食日本料理，其實好鐘意呢間的饅魚飯諗番起名古屋的饅魚飯三食，呢間同樣好有水準！沙律調味幾日式，酸酸甜甜， 有幾塊豚肉片同加左d芝麻，味道好香口，同沙律好夾。南瓜天婦羅個人覺得呢款係隱藏美食呀！其實如果唔係友人話想食，我係唔會叫南瓜的。 但估唔到佢好好食 每一塊南瓜都好甜，而且炸得好脆口，係做得唔錯的天婦羅刺生：有深海池魚、帶子、蝦、金目鯛等等。最特別的係帶子加左鹽同埋用青檸墊底， 唔洗點豉油，淨係點少少鹽已足夠，青檸同鹽味帶出左帶子刺生的鮮甜味 蝦的做法都好別出心裁， 加左燒過的新鮮蝦膏，味道豐富左。 呢度的刺生每一樣的處理方法都唔同，好驚喜！蒲燒活鰻魚丼三食一食： 就咁食原味的鰻魚饅二食：加上蔥花、紫菜等配料一齊食三食： 倒入茶湯 變成茶漬飯咁食一開飯盒蓋的感覺係：鰻魚好大塊！ 仲多過飯鰻魚煮得好入味， 魚皮帶脆，魚肉有少少脂肪，好香口。 其實就咁原味食 就已經覺得好好食D飯吸晒d燒汁， 食食下好想叫多碗飯！！二食我都幾鐘意， 加左紫菜同脆脆 令口感豐富左，又唔會蓋左本身的鰻魚味。 三食我就麻麻，因為我覺得d湯會沖淡左個味。呢間的廚師好好人，當我問佢時，佢好用心咁介

估唔到香港有間咁正宗既日本餐廳，前菜先叫左個白蘿蔔蕃茄已經顯出廚房功架，需知道日本最出名就係將蔬菜整到好開胃，呢度正正將新鮮既蔬菜整到好鮮甜，將唔起眼既食材整到提升一級。之後就叫左一份刺身，拖羅一D渣都無，雖然略嫌唔夠肥但係鮮味十足。而甜蝦亦都唔似出面D放題或者次等日本餐廳咁一陣雪味，令到你好似食完一條再食一條。最後叫左一個好精彩既三食鰻魚飯，特別係加埋紫菜蔥粒黎食成個味道出曬黎，最後整個湯鰻魚飯亦都清一清個喉嚨令到成餐唔會太肥膩。同埋特別一提呢度服務超水準，侍應招待周到兼唔會趕人走，值得推介

朋友選擇我至愛的日本料理,就來到鱻88 食晚飯來慶祝我生日。 地方寬敞不錯,具有日本風。* 我們不約而同坐在吧枱前,可以睇到師傅細心製作料理及傾計。* 朋友選擇依個88 omakase ,只需$888位好抵, 唔駛過千。** 前菜 前菜有三款,有甜酸的小蕃茄配柚子汁,滑滑麻醬豆腐及鮟鱇魚肝。特別鮟鱇魚肝口感挻身滑嫩,嘗到魚肝的香醇。* 師傅好專製作料理。**刺身三款<赤貝> 赤貝以岩鹽,橘子汁來調味 ,入口爽脆,帶鮮甜美無比。*<左口魚> 入口魚味是比較清淡,已沾上酸, 可提鮮味,令魚油之甘香慢慢散發。* 師傅好專心用火槍炙燒刺身, 好型呢!*<間八> 間八腩位被火槍炙燒,肉質帶好微酸,口感似食肥豬肉,魚脂香入口溶,魚質感黏牙。**燒物<廣島蠔> 燒廣島蠔以帶甘甜的白味蹭調味來燒,味道好夾,沒有蓋過蠔味, 蠔味依然夠突出鮮味。**揚物<櫻花蝦炸豆腐> 豆腐外層有佈滿炸過的櫻花蝦,入口外脆內軟,豆腐好滑溜,好惹味呢!**壽司 (八款) 壽司碟旁是渣物,有薑、沙葛、 沖繩苦瓜, 可清一清味蕾作用。* 

人生有幾多機會有得食omakase，同事升職請食飯，一請就請呢間omakase！平時食開好多日本野，但今次實在太好食，值得好好紀錄下食左d咩！侍應安排我地食在吧台師傅前面，我地叫左每人888hkd omakase套餐。好快有人過黎問我地有咩唔食得，然後又送上熱毛巾比我地抹手，好細心！全個晚上師傅就o係我地面前準備食物，菜色由佢發板，每次上菜都好好介紹一番，慢慢每碟每碟上，比我地度過左一個漫長而又perfect既晚餐！前菜：海膽茶碗蒸每一次食日本野都會食茶碗蒸，本人一見到呢個前菜真係大喜！海膽味滲落去蒸蛋，海膽應該係上碟之前放落去，唔會焗到太熟，新鮮味濃，加上配料豐富，難得見到有香葉，令蒸蛋味更出！剌身三食：師傅會因剌身既濃味程度上碟，首先係較淡味既時令魚。每一件剌身都非常非常新鮮，明顯比外面食到的鮮甜好多倍，可以在香港食到咁上等既剌身，真係好似上左天堂咁！最令我驚喜既係最濃味既火灸左口魚剌身，魚油味充滿成個口腔，齒頰留香！炭燒吞拿魚鮫：一般吞拿魚食法都係拖羅剌身，原來其他部位都可以用黎上菜！魚鮫即係魚既下巴，雖然冇咩魚肉，但油脂豐富，記住魚油好有營養價值，食多少少都okay!間場時間：

話得呢間餐廳係寧靜之選，唔單止係因爲佢坐落於靜中帶旺嘅佐敦，而且餐廳嘅內在環境亦好舒適，唔會聽到街上嘅雜音，令客人可以係一個寧靜嘅環境享受日本美食。餐廳嘅內部裝修充滿著心思，以木質同木色作主題，令食客一上到餐廳內站已經感受到和式嘅感覺。而係我哋坐嘅枱隔離，仲有以玻璃樽同燈泡為裝飾嘅間隔，非常特別而且吸睛。活海鏝焗玉子蛋糕落單果陣冇諗過可以有鰻魚同玉子蛋糕呢個組合，於是就嗌咗一客黎試。第一口食落去係淡淡嘅蛋味，跟住好快就 食到淡淡嘅鏝魚香味由玉子滲透出來。 有別於平時食開嘅玉子燒，玉子蛋糕食落更加鬆軟，口感一流。牛油果軟殼蟹沙律又係一客軟殼蟹多過沙律嘅菜式， 雖然軟殼蟹切開左，但明顯見到係一隻原隻嘅軟殼蟹，非常足料。 牛油果唔會切得太細粒，大大粒食落好有口感。刺身黎得日本餐廳當然要試刺身。 落單時一口氣嗌咗真鯛、三文魚同深海池魚三款刺身。 三款刺身厚切得黎鮮味十足，食落非常有滿足感。串燒盛合(六合）餐牌上冇寫到串燒盛合係有邊六款串燒，但黎到嘅時候果然都係我哋想食嘅串燒。分別有蒲燒活海鰻魚串、岩鹽燒牛舌、岩鹽燒黑毛豚腩肉串、長蒽雞串、牛油果同青椒仔。鰻魚串係一貫嘅厚切鰻魚，食落好有鮮味。

其實係巴士站附近開餐廳都係幾好嘅選擇👍🏼，今次呢一間就係因為我成日係到等巴士嘅時間，見到佢門面幾靚，所以今次約我嘅親愛的黎呢到食。😄今日黎到佢已經佈置到好有聖誕氣氛，服務員帶我地上去坐，餐廳裝潢係高級日式風格🤩，有卡座位同壽司bar 位。我地就揀坐壽司bar，一來方便傾計，又可以睇住師傅整野食。🥰⭐️刺身 - 平政魚、三文魚、帆立貝🤤當然係新鮮好味，❤️平政魚望落好似油甘魚，食落佢嘅肉質比較彈，三文魚鮮甜，❤️帆立貝淡淡肉，師父係上面放左海鹽，更加帶到帆立貝嘅鮮味。隔離仲有個青檸，可以榨d汁出黎令到帆立貝更青新。🤤⭐️沙拉🥗 - 和風芥末籽牛舌沙拉蔬菜新鮮，芥末籽個沙拉汁酸酸的，好開胃。牛舌者燒得好好食，有d半熟。⭐️野菜天婦羅😍真係好多唔同種類嘅蔬菜，仲要係日本品種，例如青椒仔、茄子同蕃薯等等⋯⋯⭐️海鰻博多佢係一邊鰻魚，一邊係打好嘅魚膠。我本身就麻麻地芝麻，所以會覺得芝麻太多。🙈⭐️蒲燒活鰻魚丼 （三食）第一次食三食，想信係以下三款1️⃣就咁好似平時食丼咁，撈鰻魚汁食。👍🏼2️⃣可以撈埋d日本飯素食。👍🏼3️⃣倒佢個壼似茶似湯嘅野，倒落飯到做茶漬飯。🙈頭兩個食法到ok，最後個個令到個味好淡，不建議。😂

我一向好中意食鰻魚，同事知道就同我講話佐敦最近有間餐廳主打鰻魚料理，聽到之後我即刻邀請佢放工陪我去試下！哈哈我就叫左個活海鰻塌塌米，呢個係一個小食，將鰻魚放係脆卜卜既脆米上，鰻魚既燒汁入味、再配上脆卜卜既脆米，一軟一脆十分有口感呢！雖然最近主打鰻魚，但餐廳都有其他日本食物，我就叫左個刺身，甜蝦非常新鮮，入口好鮮甜彈牙，唔會有腥味，三文魚腩好肥美，油脂豐富，厚切食落非常滿足！和牛炒飯，呢個炒飯除左有和牛粒之外，上面仲有幾塊厚切和牛片，非常足料，炒飯味道足，帶有和牛既肉香味，仲有牛脂係入面，飯粒炒到粒粒金黃，又夠大碟 非常好味！呢度既菜式性價比好高，下次一定會再黎！

港人生活節奏快，又習慣出街食飯，多少忽略慢慢吃慢慢享受食物的進食過程。追求細節及食物質素的的【鱻88日本料理】，在預備每一道菜時，更會選用高質刺身出餐。一來相對新鮮給顧客最好的；二來可以將食物的原汁原味完美呈現。【鱻88日本料理】處於佐敦舊街中，在地面要走上一條樓梯才能到達，餐廳全是日式裝潢，不是傳統的設計而是新派的全黑木系裝潢，十分舒服！整個感覺與佐敦舊街中的氛圍有點不一。在這裡渡過一個下午會有令人置身日本的感覺。餐牌選擇不多，最終也是選了一個幾樣食物有些更是廚師推介的品，不用想太多來一個輕鬆下午滋味遊讓廚師帶著我們走。一直看著師傅準備食物, 非常小心不過因為他太風趣了經常與我們交流。不過說真的...享受好像Omakase般的模式, 一定要坐壽司吧枱的。 師傅的刀工手藝好高啊！每一件都切得非常齊口呢！！👉🏻鰆魚三切＄118 鰆魚刺身，港人較少吃的鰆魚，少見的刺身才是主打菜式...鰆魚脂肪較少口味清爽,做法亦很特別。以炭爐燒香外層，令較韌的魚皮變得香脆，然而內裏仍保持刺身的新鮮。若要蘸點的酸汁更加惹味！✨深海池魚三切＄108深海池魚肥美帶油香，池魚頗有口感 ，魚味突出，入口爽脆有彈性！

和男友拍拖🤩佢今次約jor哩間餐廳鱻88～鱻，讀‘鮮’，幾特別既名字，一聽名再加三魚一字就知道哩到標榜新鮮既海鮮😋首先係魚生，分別有深海池魚、三文魚及帶子經典款，永遠唔會出錯，但係深海池魚則係我地既第一次嘗試！池魚香港好少有，一般都係去日本會多啲，入口即融，會令人以為食緊トロ，但係池魚味道更鮮更raw～超級推介中意トロ既朋友試下池魚，一定會愛上♥️然後有男友最愛食既鰻魚‼️香港食鰻魚都頗普遍，但係鰻魚三食我地都係係日本下呂食過一次鰻魚三食顧名思義即係三種鰻魚食法1、就咁食，堅持原味2、加上蔥花、芥末、紫菜和脆口米通一齊食3、澆上上湯（少量）一齊食重複完三食後可以選擇自己喜歡既口味繼續食哩到既活鰻魚三食同日本既有得揮，比較正宗。而且鰻魚本身既味道好足，令到三食豆好味大滿足❗️因為我地share一個活鰻魚飯，所以男友覺得唔夠喉，再點jor活鰻魚榻榻米，名字可愛其實即係鰻魚鋪再脆口米通上，進口會一脆一軟，口感非常不錯。最重要係要上菜後即刻食啊，因為鰻魚凍jor就唔好食啦❌是日晚餐亦係我感冒既最後幾日，男友貼心地點了荔枝花茶，等我享受完海鮮都可以暖下胃，感覺非常舒服♥️餐廳坐得舒服而且安靜，我地甚至坐

今日同朋友慶祝生日，去高級日本料理餐廳慶祝。一入餐廳，店員就好親切好熱情餐廳裝修到好日本風，用淺木色系為主，仲長長的吧枱可以望住師傅準備美食，真係好似置身於日本首先有個前菜前菜三式 $78胡麻豆腐: 豆腐係自家制，較厚身，豆味好重   配埋胡麻醬幾清新廣島蠔漬經過慢煮處理，蠔味濃郁且肥美海帶熟蝦彈牙鮮美，配埋日本的昆布更提鮮刺身三點，由師傅發板赤貝(一客) $98爽口彈牙  食落好鮮甜三文魚(五切) $88超級厚身肥美  食落好甘香同鮮甜，好想食多幾件真鯛(三切) $78淡淡的魚香，十分鮮甜，真係超級好食長芋蕃茄海帶沙律 $68上菜的時候覺都冇特別，但一食超驚喜，因為有好爽口既山薯  食落好清新好爽口！蕃茄好新鮮，酸酸甜甜十分開胃  真係好特別的沙律！雜錦天婦羅盛合 $138揚物炸得皮薄且香脆，材料都好新鮮  有7款唔同的食材，最愛隻大蝦，好鮮甜，好好味，食落唔會好油膩鰻魚飯三食 $258第一食伴入自家製鰻魚汁，有魚香且微甜，鰻魚好肥美厚身且帶炭香味第二食伴入芥辣紫菜米通，食落刺激且卜卜脆，口感豐富第三食伴入木魚湯做茶漬飯，魚湯較清淡，更突顯鰻魚的濃郁鮮味同炭香蘋果甘檸草木茶 好特別好

約咗成十年無見既老朋友食飯,佢岩岩係外國返來，話唔想食西餐，記得佢同我講過佢果邊d日本菜好奇怪，d壽司包腸仔包菠蘿乜都有，咁不如就帶下佢食香港出色d日本菜啦！呢間鱻88係之前老世請過我地食飯既餐廳，入面裝修好別緻，如果唔想坐係卡位，就可以坐係bar台睇住廚師為我地製作料理。今晚同朋友坐係bar台，感覺超寫意！燒活海鰻魚飯（三食）一聽到活燒鰻魚就成個人都興奮，鰻魚好新鮮，食落唔會有腥味。鰻魚汁加埋飯食，仲有d蛋，非常鮮味！另外倒d湯一齊食，變為湯飯，加埋佐料食，味道又係另一番風味。深海池魚、鯖魚、帆立貝剌身池魚好厚好大件，好滿足！鯖魚係燒過表面再比我地食既，食落都係好嫩～帆立貝一試就知係靚野，掂！牛油果軟殼蟹沙律軟殼蟹炸得好香脆，加埋牛油果食，可以中和到油份，都唔錯喎什錦天婦羅7點盛合我最鍾意就係蝦好大隻，南瓜好香！

其實我一直覺得, 佐敦是一個臥虎藏龍的地方, 雖然食市沒有旺角多, 但佐敦的餐廳大多都較為高質!男友被宣佈下年會升職加薪, 心情大好的他經過佐敦道的鱻88, 就興高采烈地說要試試這間! (重提: 他是一位愛門面的男生)裝潢確實美美的, 而且師傅看起來都很專業, 加上我倆有選擇困難症, 所以我們放心地拜託侍應們提供當造的餐點給我們, 而且要少澱粉質的! (對, 姐在減肥!)燒活鰻魚(2串)《$78》※ 推薦指數: 5/5第一道菜是燒活鰻魚! 是因為太餓了嗎? 我覺得簡直驚為天人!活鰻魚比平常食到的急凍鰻魚更鮮嫩, 因為新鮮所以不用加過多的醬汁, 而且燒得香口鬆化豚肉野菜沙律《$78》※ 推薦指數: 4/5豚肉又脆口又香口, 因為燒的時間足夠, 所以不會過於油膩, 又不會燒得太乾! 配野菜沙律很夾~熟成深海池魚(三切)《$108》※ 推薦指數: 5/5必試! 第一次食熟成魚, 原來跟熟成牛的效果一樣, 入口不油但多了油香!而且因為有用熟成處理, 池魚比較爽口挺身, 好味好味~帆立貝刺身《$98》※ 推薦指數: 5/5都是必試的! 帆立貝刺身一客有四大粒!帆立貝刺身有多甜就不用多說, 師傅再

在香港吃一餐Omakase晚餐，其實並非想像中的貴, 其是同樣價錢而有質素的Omakase絕對會更勝五星級酒店的晚餐。佐敦地區有很多出色的食店, 鱻88就位於佐敦道，離圓方或佐敦港鐵站也十分近, 門面十分低調。餐廳風格樸素簡潔, 以黑色石材作為主要材料, 更顯高貴氣派。享受Omakase, 當然要坐壽司吧枱, 因為可以看著師傅準備食物, 及與他交流。享受廚師發辦，代表對廚師的信任, 並享受當刻最當造的食材。前菜三道小巧精緻，味道清新醒胃麻醬豆腐, 豆腐細滑、豆香滿溢，冰頭漬, 即三文魚鼻樑軟骨位, 以醋及味醂等醃製過，入口爽脆，酸酸甜甜, 非常醒胃。水雲, 外表與口感與海帶相似, 但質地更為柔軟, 清涼可口刺身三道赤身 -脂肪較少的肌肉, 口味清爽, 確實地感受到吞拿魚肉的美味帆立貝 -表面光澤，肉質鮮甜，帶子味濃郁。鯛魚 - 肉質爽甜，包著青蔥, 肉身淡香不油膩, 肉質嫩滑壽司欣賞師傅手藝才是Omakase的主菜。炙燒拖羅- 嫩滑而帶油潤，魚香濃郁，令人食指大動！間八-又名章紅魚, 脂肪比例平均, 入口爽口彈牙甘鯛 -油香稍遜拖羅， 但肉質有種難以言喻的清甜鮮味甜蝦 - 蝦身帶有濃厚