鱻88日本料理 (Closed)

用訂位app 有優惠，諗住試下新嘢，唔好成日食大松日。點知⋯⋯9:30 去到，地點都好易搵，處於佐敦的邊沿，人流稀少。門面幾靚，播著一些 late night jazz，燈光幽暗，感覺幾高雅，不過要行一條長命樓梯。坐吧台，選 $1380 Omakase 餐。前菜合格，冰頭漬份量小但有得食已經唔錯。中間的海膽豆腐，海膽味太輕，無乜味道。自帶了Lynch Bages白酒，$150開瓶費合理。不過搞幾耐吓都未俾到杯。我一向主張美酒配佳餚，唯有唔食住⋯⋯ 第一次俾的酒杯超污糟，反映後都有再抹過先俾再俾我。安康魚肝配蘋果醋，好正！不過進入其他刺身就一般啦。中拖羅有一條明顯的筋，係吞唔到果種。中間出現炸蝦頭，炸得好鬆脆，成舊都食得。後上的牡丹蝦肉加燒蝦膏就反而麻麻。銀鱈魚做得唔錯，係差啲沙律醬 😂。唔想做港燦，都係唔好問人攞。食到呢度，都中規中矩。開始上壽司就有小小出事。質素本身都ok 的，但係少奶落order時講明唔食任何籽，結果都係上了三文魚籽軍艦。少奶好唔開心；上晒壽司，結果無海膽，少奶亦係講明最想食海膽，點知賣晒，亦無通知。另外壽司飯量偏大，反映了之後有調整。最後的火炙拖羅十分油膩，亦無特

同事介紹呢間日本餐廳，地點適中交通方便，佢哋有午市套餐。平日中午過來人唔算多，唔使等位就有枱👍🏻我揀咗個網燒牛扒御膳套餐，而同事揀咗個鍋燒烏冬套餐。套餐有茶碗蒸旦、 前菜漬物、味噌湯同飲品或甜品🍮主菜牛扒同烏冬份量充足，因為同事唔食牛舌(前菜)，侍應就幫佢換咗另一款前菜漬物-三文魚冰頭漬，但同事都唔食生😅，所以我唯有幫忙食埋佢啦😆，第一次食三文魚冰頭漬，侍應話係三文魚嘅鼻軟骨🤔，口感好特別，爽脆得嚟帶點醋酸，醒胃可口👍🏻，而其他食物都👌🏻，餐廳環境舒適👍🏻同事有VIP 咭，可享有八八折👍🏻

今日約咗阿嫂撐枱腳，兩個人食所以間好啲嘅餐廳，呢間餐廳位置比較偏遠佐敦地鐵站，近柯士甸路嗰邊多啲。但係都冇諗過間餐廳都咁多人，好彩已經訂咗位。餐廳門口好靚好雅致門口有條小樓梯，好美嘅裝修午市套餐都有幾個選擇，有魚生有熟食本來我揀味增煮牛肋肉御膳，不過佢話已經賣晒了☹️聽到後有啲失望！跟住我哋兩個都點左個網燒牛肉御膳，佢有一個茶碗蒸旦丶味增湯丶前菜、漬物，最尾會有甜品或飲品選擇主菜網燒牛肉望上去好似好肥麻麻咁，但係食落我哋兩個都覺得味道不錯，我覺得偏鹹，所以一定要配白飯，平時食唔到咁多飯，今日都食到大半碗，而且白飯好軟熟好味👍🏼最尾我哋揀咗甜品，呢個黑白果凍好好味呀，係朱古力果凍由於我走嘅時候已經差不多三點，所以餐廳已經冇人了，我即刻影左張相

呢間餐廳就係我們屋企附近，所以有時星期六日又想食好d，但又唔想行咁遠揾野食，呢間真不錯的選㨂，我老公最好點必定係網燒牛扒的set lunch ，真係超級好味同性價比高，擺盤又美觀，以及感受到日本人對食物的用心，真係非常美味，價錢只係138，但係環境同服務真係高級日本料理的感覺，所以我地都繼續光臨

臨收工我地先塊去到餐廳，但驚喜係店員冇黑面，反而都係好好笑容。鰻魚飯係超好味，鰻魚冇骨，好鮮味，反而和牛海膽炒飯真係好失望，係冇味既炒飯一樣，對唔住咁貴既價錢，不過餐廳環境氣氛都好好

一入到去餐廳環境非常舒適，餐廳佔地二千幾呎，枱嘅數目唔多，所以環境相當舒適和闊落！首先前菜就有牛舌煮得非常入味另外就梗係叫每日新鮮送到香港既魚啦，今次我哋就點左竹籤魚，可以有兩食👍🏻做刺身同埋做炸物跟住野菜天婦羅都做得非常出色擺碟做得非常靚跟住就係到活海鰻炒飯，炒飯做得非常出色，炒飯唔會太乾身而且配上鰻魚汁一齊炒，做得非常有口感，再配上大量活海鰻，活海鰻比平時普通鰻魚口感豐富好多肉質夠厚實，好食推介之一！

中午12點幾先上openrice訂下午2點半食午餐由於好last min先到佐敦站 幾驚過左last order時間 無得食😖惟有比个電話餐廳問可否先落order再盡快趕到幸好餐廳職員都好幫忙 🙏🙏🙏分別叫左味噌煮牛肋御膳+銀雪魚西京燒我地去到時已經上好菜 🥳🥳🥳一坐低就食得 溫度仲剛剛好 👍👍👍每个set都包左茶碗蒸蛋、前菜、漬身同埋味噌湯仲奉送即磨咖啡/甘味茶碗蒸蛋 非一般既滑溜 的確有驚喜 🤩前菜應該係哈密瓜🍈 但我地當左飯後果Anyway 哈密瓜爽口多汁又鮮甜 😚唔係平時大路送既有色無味生果味噌湯味道濃郁唔係勁稀釋加水个d朋友 不錯👍👉味噌煮牛肋御膳 $98👈濃厚既味噌充分包住牛肋條而且份量唔少 起碼有6 7件 好啱食肉獸😜同埋牛肋條有粉絲鋪底 索晒d味噌汁 好惹味👉銀雪魚西京燒 $168👈銀雪魚應該用味噌醃過燒得唔會太過火 肉質香嫩又滑 唔蘸沙律醬都已經夠味伴碟仲有球薯仔沙律 好開胃😋最後兩个餐都奉用甘味>雪糕分別揀左豆腐同芝麻味豆腐雪糕唔太甜 豆漿味濃郁 讚👍芝麻雪糕 就略嫌甜左d 芝麻味唔夠香😣不過豆腐襯芝麻都算理想配搭🤩🤩🤩

超高質嘅日本菜,位於佐敦樓上鋪 , 坐得舒服,環境清靜 ,仲可以睇到師傅整各種新鮮嘅食材,慢食好地方! 佢每日都有是日推介嘅魚,空運到港,一定要推介畀鍾意食刺身嘅朋友 😍😍!!竹簽魚刺身 $228評分:4.3/5呢條竹簽魚新鮮空運,係是日推介。師父為我哋介紹咗幾條魚,呢款味濃油脂重,再配合咗輕輕火炙嘅效果,火炙香味再配合魚生嘅油脂,正😋。 之後,師傅會炸埋個魚骨俾你食!野菜天婦羅$98評分:4/5最愛金針菇 ,口感好得意,炸得香口,但又保持到茄子,南瓜,青椒 入面嘅濕潤!活鰻炒飯$168評分:3/5濃味少甜,係烤鰻汁嘅味道,飯底偏軟糯,兩人食岩岩好。

Omakase 的主理廚師為客人提供時令食材是指定動作，作為食客的我每次對廚師準備的食材都滿有期待，今次光顧的鱻88在網上好評如潮，筆者心情更為興奮。在提供Omakase 的食肆而言，鱻88可算相當寬敞，有着過百座位。除Omakase 外還提供A La Cart Menu。當晚筆者嚐到了幾道印象深刻的美食，在此逐一介紹一下。石班魚刺身首次吃到，味鮮帶嚼勁，這種刺身口感甚為突出。冲繩涼瓜脆爽無渣，甘味清新，味道口感一等一！鰻魚飯兩食以新鮮鰻魚精製，並非一般吃到的普通行貨，鰻魚製作的工序複雜，先蒸熟再汁燒。一食是蒲燒鰻魚飯，吃到皮脆肉香滑的鰻魚。二食是以魚骨湯泡飯，吃到了魚湯的鮮美一面。

Sen88這店我已經光顧了好幾次，這裡食材新鮮價錢合理完全無法抗拒😋😋😋今晚食飯👏🏻👏🏻我叫了海膽一客再配上一碗壽司飯👍這店的海膽濃厚甘甜，味道之鮮甜實在令人再三回味🤤🤤🤤🤤抵讚！大滿足！

位於佐敦嘅高級日本料理餐廳，誠意推介。1️⃣灸燒和牛壽司：即點即做，有得睇壽司師傅燒，燒得岩岩好，真係好香，食得出係好有質素嘅和牛，滿足感大爆發呀😀😍。大家食果時小心燙口呀!2️⃣活鰻魚壽司：好新鮮，外層香脆，肉質好嫩，油脂豐脥，鍾意食鰻魚嘅你一定要試下啦。3️⃣蟹籽沙律：沙律口感好清新又開胃，配埋酸酸甜甜嘅sauce😍 仲有好多幼幼青瓜絲，蟹籽咬落有種卜卜脆嘅感覺。4️⃣水信玄餅：呢個係額外送嘅。外型半透明狀、晶瑩剔透，非常夢幻，口感又滑又彈，加埋黃豆粉同黑糖就唔會太淡，甜得黎唔會太膩。 💡值得一提係呢度服務質素係無得彈，態度超親切，有禮貌同埋會細心咁講解食物背景。💡有唔同種類嘅位，吧枱、卡位(一邊食一邊欣賞師傅手勢)、廂房。💡裝潢好優雅，有日本風。燈光柔和，有情調。枱同枱之間唔會好迫，坐得好舒服。

見到網上既宣傳話呢間餐廳既鰻魚好出色我本身好鐘意食鰻魚一於黎試下前菜感覺不錯茶碗蒸水準都ok佢地既其中一個招牌係鰻魚蛋糕，但我冇試到主菜鰻魚飯，老實講水準不算非常高，但係香港黎講都中上最後有個甜點，好食

星期六要出街搵好野食，另一半因工作關係經常光顧這家日本餐廳，omakase也吃過好幾次，今次放假就帶我來試試🤤師傅好nice不停解答我地問題，坐吧台會多好多互動又睇到師傅的功夫。食物方面，每道魚都非常新鮮，海膽蒸蛋很甜，幾啖就食曬。最最最出色是toro, 師傅特別比左魚鮫位，超級肥美，好味到想尖叫。另外不得不讚的是，我在香港只吃過一，兩次沒有丁點腥味的海膽，這裡是其中一間，就算五星級酒店，點都會有一dd臭腥味，呢間的馬糞海膽無得彈！另一半話上一次來食海膽仲更加鮮味，想不到佐敦有間咁出色的壽司店。

看了之前的食評,考慮去到点活鰻魚套餐還是 Omakase88 (魚生)套餐。去到才知道活鰻套餐已不在 Menu上,要早2天打電話去訂才看。Omakase 套餐十分美味,材料新鮮,值回票價,甜品的綠茶和豆腐雪糕也好好味,餐廳環境也很寬敞優美。

最近發現咗有一間居酒屋喺佐敦附近新開食嘅嘢幾特別，主要係以鰻魚為主，總共有七道菜，見到咁特別就諗住約埋朋友去試吓入到去嘅氣氛亦都唔錯，坐得幾舒服，一坐低我哋就叫咗個鰻魚套餐第一道菜係季節沙律，二沙律入面仲加咗鰻魚炸魚皮，食落去好脆口好開胃第二道菜就係刺身三點，每一款刺身都食落去好新鮮，分別有甜蝦、帆立貝、油金魚，食落去好鮮甜都幾高質第三道菜就上咗季節魚刺身，原條魚咁樣上，食落去亦都好新鮮配埋特製嘅醬汁食落去好夾第四道菜係活海饅蒸年糕，平時食年糕就食得多，但係饅魚嘅年糕就真係第一次試，食落去口感都幾特別㗎，仲有啲鹹鹹地咁幾有驚喜下一道菜就係活海曼天婦羅，我都幾期待呢一個天婦羅，平時食海蝦天婦羅就食得多用饅魚黎整嘅天婦羅真係第一次食，天婦羅嘅炸粉唔會太厚亦都係新鮮炸好所以食落去非常新鮮同埋好脆然之後仲有一個蒲燒活海饅籠仔蒸飯，鰻魚嘅肉質亦都好爽口，配埋淡淡的鰻魚汁就真係好入味好開胃最後嘅甜品竟然有驚喜，係沒海饅玉子蛋糕，平時食開嘅蛋糕從來都唔會加海饅落去依間餐廳竟然用海饅來做甜品非常有驚喜亦都好特別整體來講都覺得好滿意而且加埋餐廳嘅環境亦都幾舒服