首爾家韓國料理

Open Now

Now Closed

看了一些不錯的評價、所以決定去試一試。結果與評價完全不符。食物淡而無味。叫了一份原味炸雞.......食咗咁多年韓國炸雞從來未曾食過一個咁差質素嘅韓國炸雞。同朋友最後決定：快食快走

服務員全程黑面，差到底，三個人安排著兩人細桌，旁邊有空位，也不可以調，為著多賺錢，全然不考慮顧客感受。大家食飯，食物質素是其次，最重要有個舒服點的環境，心情差，怎麼食都不好

門口裝修好有韓國味道，以黑色為主，感覺高尚。入到餐廳，電子化燒烤爐，抽氣做得好好，完全冇煙，最重要係價錢溫馨。一坐低，首先送上六款韓國餐前小食，零舍中二魚乾，屬於比較大條，口感十足，送酒一流，另外泡菜唔太辣，岩晒我口味。一上枱係牛排骨湯，湯係熱辣辣鍋度不斷滾，牛味直撲鼻，香噴噴，牛排骨份量有成4-5件，所以湯好濃味，牛肉又煲到好淋好鬆化，有如入口即溶。叫左醃左牛肋骨同豬裡脊肉。侍應好親切過來幫手燒，所以火候控制好到位，牛肋骨吸收晒醃汁，十分入味，無需點任何汁料已經好正，忍唔住講句，牛好有牛味。牛肉汁全部鎖係牛肉度，嫩滑冇渣，香濃好味。豬裡脊肉冇醃過，都算肥瘦相間，薄薄一片，好易熟，屬於比較有口感，爽得來又唔油，點上少少韓國辣醬，寧舍開胃。最後整碟紫菜牛肉包飯，不過不失，可能俾啲靚牛填飽左緣故。食埋附送橙，為晚餐畫上完美句號。兩人食到捧住肚走，滿足之餘，價錢合理，環境又一流，下次一定再食。

我真係好中意食韓國野所以我去到邊都係揾下邊度有正宗又抵食既韓國餐廰而呢間我都係咁介紹比我既朋友同埋同學黎食因為有好好既食物質素同埋有好多食物同飲品可以選擇我會推介想食清清地既人食韓式拌飯 $ 78因為食spicy 醬都可以係自己加落去想食清啲就食清啲而且拌飯入面都有好多唔同款既拌菜仲有紫菜同飯岩曬想食得健康啲既我地而芝士年糕炒拉麵又係好好食好大量既芝士而且有好道地既韓式年糕同埋個分量都係好多超及足料同埋有韓式炸雞入面包埋有沙律炸雞既肉都係好滑好脆而且超級香個雞真係炸得好正埋有呢間都一樣有韓國餐廳必有既不同配菜

韓國餐廳越開越多，新派既更係五花八門，所以偶爾都會想食返傳統既韓國菜。首爾家係其中一間，一睇裝修就知傳統正宗，因為室內都以韓式木傢具為主。麥茶天氣熱辣辣一坐底，店員就送上兩杯用鐵杯裝既凍麥茶。麥茶係韓國的傳統茶種，香港好少餐廳會提供呢種茶！味道有少少淡烘香，朋友話有去水腫之功效。八小碟前菜非常傳統的韓國餐廳先會比咁多樣前菜: 醃泡菜、醃海帶、醃魚仔、蜜糖薯仔、西蘭花秀珍菇腸仔、蓮藕拌黑芝麻醬、大豆芽、菠菜。最喜歡蜜糖汁薯仔，甜甜地又夠粉; 而醃海帶就酸酸味味，開胃！炆牛肋骨 ($128)超正的牛肋骨！一上枱時，啲汁仲係個煲裏面滾，飄來陣陣的香味。個汁非常鮮甜，因為用上左紅蘿蔔、白蘿蔔、冬菇、紅棗、八角去炆！牛肋骨無得彈，炆得非常鬆軟而且好入味，仲要啖啖都有濃郁的牛味！蘿蔔炆得非常淋，係口中溶化。最衰叫得太多野食，無叫白飯，否則送飯一流！韓式炸雞加沙拉 ($148)炸雞味道叫左雙拼(原味和甜酸醬)，個人覺得原味既好食，肉裏面有油香，唔會太乾。反而甜酸醬炸雞既脆皮有少少硬呢。沙拉無用好多沙律醬，主要有蘋果同菠蘿，清新解膩。炒辣芝士年糕拉麵 ($88)鋪面的芝士好多，而且欣賞用火槍燒過。醬汁

正所謂物以類聚，人以群分，作為一個食肉獸，身邊梗有幾個friend都好鍾意食肉，今晚就約咗大食老友出黎食韓式燒肉。呢間韓式餐廳喺酒店入面，所以環境比較寧靜，而且非常之乾淨企理。一坐低，侍應就拎咗6小碟黎，小碟嘅款式唔算話好特別，但味道都唔錯，特別係左下角嘅薯仔，甜甜地，淋淋地！仲有呢個乳酪味嘅蓮藕都好特別，爽脆嘅蓮藕配酸酸地嘅乳酪味醬汁，出奇地夾喎我哋今晚叫咗3碟肉＋1個石頭鍋飯，都幾誇張架呢個五花肉上次來的時候都有點，份量好多而且好好食，不過今次有幾件就肥咗少少。將五花肉放落個爐，睇住佢哋慢慢變色、慢慢熟，睇到我口水都流晒由於五花肉唔係太厚身，其實燒一陣就已經熟咗可以食，不過老友話燒耐少少，等到表面香脆啲就更加好味肥膏嘅部份燒熟之後非常爽口，明知肥，都忍唔住大啖大啖咁食瘦肉嘅部份都唔會鞋口，肉質都好爽，老友鐘意重口味少少嘅，點啲韓式辣醬食就非常滋味了！呢度嘅特級牛肋骨係必食推介！佢係完整一條咁樣上台嘅，顏色鮮豔的牛肉脂肪紋理分布均勻厚薄適中，剪開一件件，唔使燒好耐就食得！我哋上次試咗已經調咗味嘅牛肋骨，今次就食純味。我覺得純味好食啲，食到牛肉濃郁嘅原汁原味不過老友比較中意濃味嘢，呢次

今日同朋友L行完街，大家都想食韓國菜！之前我地都聽另一位朋友提過呢度既炆牛肋骨好正，反正我地又係銅鑼灣，所以就決定今晚一齊去食餐廳雖然係喺酒店入面，但價錢又唔係貴啵，同平日韓國餐館既價錢差唔多我地兩個女仔都唔算係好大食又唔太餓，所以都唔敢一次過叫咁多，叫住個“炆牛肋骨”HKd$128+10%、“五花肉”HKd$128+10%同一個白飯HKd$20+10%食左先！我地亦每人叫左樣飲品：“青檸檬汽水”HKd$28+10%同“韓國梨汁”HKd$20+10%啲野食未到就食住韓國料理必備既前菜先先黎既係“炆牛肋骨”同“白飯”朋友無介紹錯啵呢度既牛肋骨炆得又淋又入味，蘿蔔無渣，醬汁帶微甜，拎黎送飯真係一流而緊接牛肋骨送上黎既“五花肉”份量都唔少！五花肉一層肉一層脂肪，燒完放入口個下真係好爽其實我地食完都飽飽地架啦但兩個女仔又想食啲甜野....不過我想食鯛魚燒，朋友L又想食雪花冰我地最後抱住"甜品有第二個胃架嘛"呢個諗法就叫曬兩款，但雪花冰當然係要細既就夠啦-“回憶中的紅豆冰(medium)”HKd$42+10%估唔到細size既份量都唔細，好彩味道都唔差...唔係既話都幾難清得曬-“鮮奶油雪糕鯛魚

I had known about Seoul House for a while, and I'm really glad I finally had the chance to eat at this place.We arrived at noon and there was literally no one except the working staff. They were in the midst of their meal, but when they saw us, some of them immediately came to our service and showed us to our seats. This was truly professional, and left a good first impression. The food - we ordered one set lunch of grilled beef ribs and one a la carte item of marinated fried chicken that came w

地方有少少難找,原來是在酒店的一樓,裝潢以木為主,感覺有點高級。首先來了很多道前菜。這天的心情就是想吃紫菜飯卷,選了蔬菜口味的,,就是我想像中的韓國地道風味,見眼前有個火爐,當然要點燒肉啦,點了個五花肉,店員中途有來幫忙燒,燒得好一點也不油,豬皮煙韌又香。醃牛肋骨肉,超入味,而且牛肉味濃,也不會韌,愈咬愈有味,而且份量也多,值得吃。另外點了兩杯飲品,青檸檬汽水和梅子汽水,我的梅子汽水甜甜酸酸,解渴又爽口。

喺銅纙灣行行街想食炸雞，果陣5點幾，女朋友就提意食韓國嘢啦順面當食埋晚飯，都好喎，就即刻search到呢間幾好食評嘅韓國餐廳。.上到去，見好多枱都有留座牌，侍應都問我哋係咪book咗枱，當然就無啦，但係見咁早都安排到我哋坐窗口位。裝修唔錯，同時位於柏寧頓酒店一樓，感覺相當良好。.韓式料理感重，一來有六款前菜小碟送上，餐牌上有韓燒炸雞人參湯之類，既然我想食炸雞，我就見炸雞分別有汁同無汁，問下侍應可唔可以每樣一半，佢話無問題，正！於是我哋就點咗。。。1、鴛鴦炸雞2、韓式純豆腐湯3、辣炆牛肋骨4、紫菜牛肉包飯先讚一讚六小碟，每款都好好食，尤其係魚仔，黑豆同泡菜。魚仔相當入味，黑豆味道帶甜極開胃，泡菜完整而且汁濃，再配白飯一流。最好的事就係可以添食兩次。先上豆腐湯配一碗珍珠米飯，湯中除咗有豆腐之外，仲有泡菜蝦仔魷魚仔同打咗隻蛋，咁深色帶微辣嘅湯唔算太濃啱啱好，味道極之韓式。.炆牛肋骨更比我預期更豐富！雖然窩中明顯有條粗大嘅牛骨，但牛肉亦非常多而且炆得極淋，當中仲有白蘿蔔入晒味又甜又淋，食落無根，明顯有用心揀過，個汁香甜送飯一流。.然後到我心目中嘅主角出場—炸雞148蚊好大碟呀，而且有雜果沙律配

本來當天是想要日式拉麵店晚餐的，但經過伊利近街的時候，我倆被這家「首爾家」的招牌吸引到，徐徐走入去韓式世界當中。這是位於隆堡柏寧頓酒店一樓的韓式餐廳。其實常常都好奇韓國餐廳會有多少韓國人在工作，眼看門面，也走過入去洗手間，這邊的韓國人跟香港人的比例大概是1：1吧。這裡的環境也算是幽靜，在這邊晚餐可以選擇韓式燒烤又或者是其他食物。 餐前小食的份量有夠多吧，邊吃邊聊，都已經把面前的餐前小食通通吃畢。 紫菜牛肉包飯 ($68) 想起韓國美食，飯卷一定少不了。吃著飯卷總是有種滿足的感覺，一來飯卷入面加入不同的材料，二來飯卷的份量十分豐富。飯粒是粒粒分明而又黏度剛好，中間裹著淋身而又肉味濃郁的牛肉，加入不同的配料，讓味道層次顯得更高。可是個人認為這個飯卷的頭尾部分有點「偷雞」的，因為飯卷的頭尾部分，被紫菜包裹著的地方有點空虛，要是把更多飯跟配料填滿紫菜卷的話，賣相跟個人感覺會更佳。 香蔥醬汁 ($40) 以這個作為小食，實在是一個大挑戰。香蔥醬汁這個名字聽落去也蠻好聽的，但醬汁是甚麼回事？其實就是加點酸汁在洋蔥上面。開始吃面頭的洋蔥的時候，感覺它們甜甜的，也很易入口；吃到中間的部分，感覺

好久沒來首爾家！ 今次客人比上次多，氣氛比上次熱鬧。未來主菜前已有六碟前菜上枱😋首先來一個醃了的牛肋骨肉 $138有店員細心幫你燒。醃左的牛肋骨肉有滿滿的蜜糖味，的確很滋味! 仲有菇呀，洋蔥呀，等等做配菜。第二係人蔘雞湯 $158石鍋上超熱的!! 人蔘味超濃，連雞骨也可以輕易咬碎呑掉，證明湯真的敖了一段不短的時間。好正!傳統石頭拌飯 $88$88這個份量挺抵食，督穿蛋黃，加上韓式辣醬再撈勻佢~熱熱的不錯。最後一定要食甜品作結，才感覺是一個完美ending。所以點了鮮奶油雪糕鯛魚燒 $88。製作時間為為大約二十分鐘，可以預早叫定。鯛魚燒內是紅豆，而雪糕則有雲尼拿同朱古力味，溶得挺快，所以要趕快食~最後真的後飽，捧着大大的肚腩，就滿足的歸家了~

下午獨自一個人在銅鑼灣午餐，到晚上寶寶終於完成了他的事，可以過來一起晚餐。既然下午是日本菜，很無厘頭地到想不如晚餐到一個韓國料理。打算到位於隆堡柏寧頓酒店的首爾家，但一直記錯了是PARKLANE，還好相隔不遠。黃色調的燈光加上木餐枱，讓人感覺很放鬆。除了韓式料理，這裡還有燒肉。不過料理選擇很多很吸引，所以我們都決定不點燒肉。前菜都是一般韓式餐廳可以見到的，如昆布﹑薯仔﹑芽菜﹑泡菜等。比較特別的有一個芝麻醬蓮藕，芝麻味濃之餘點微酸。韓式炸雞肉(醃)配沙律($148)十分大份，炸雞已經夠多件，再加上大半碟沙律。平常比較多食炸過後外皮香口的韓式炸雞，這次試了炸完再加上醬油的炸雞。醬汁是酸甜味道，十分開胃，咬落沒有香脆的炸粉和雞皮，酸甜醬汁醃得很入味。肉質還算嫩滑。韓式純豆腐湯($88)是我很喜歡的一個韓國菜式。附豆腐湯會送上一碗飯，如果一個人食一個豆腐湯也已經會很飽。豆腐湯用上多種不同材料，如泡菜﹑翠肉瓜﹑豆腐﹑洋蔥和冬菇等，所以味道很香。特別是泡菜的香味，不會太咸或太辣，用來伴飯一流。韓式炒粉絲($88)用上大量椰菜﹑洋蔥﹑蘿蔔絲和牛肉炒成的。粉絲彈牙，而椰菜絲的爽脆令整碟炒粉絲的口感更好

銅鑼灣shopping搵好嘢食 生活嘅一部分最近又重新愛上韓劇 果斷食一餐韓式料理。朋友介紹首爾家，其實位置還算方便。地鐵站過去10mins左右。4人行緊係食4人餐啦。我地點了燒五花腩，牛肋骨，雞肉，韓式泡菜餅，韓式粉絲，韓式湯鍋。上菜速度很快，專人教導如何處理生熟食物。可惜限時限刻，韓燒如何能於一小時內完成，時間使我們無法真正細味美食。7小碟，真的很小碟，但味道真的很韓國。燒肉新鮮，沒有雪藏味，和生菜一起吃更佳。韓式泡菜餅太油膩了，但顏色鮮豔，一件餅已超過一星期既卡路里，哈哈，小食為妙。沒想到韓式湯鍋的用料十足，菜多夠晒健康。味道鹹中帶鮮，清淡而不失鮮味。其他無影了，時間完全唔夠，但味道還可以。可能因為booking太多，我地這些walk in客下次醒目吧

Never had Kalbi that was nearly 80 fat. Never coming here again. There was a nice selection on the menu, but anyone if the quality will be the same as the picture. The restaurant was clean, but nearly empty at lunch time. I guess this explains why. There are plenty of good Korean restaurants in area. I would avoid this one. The food quality is below standards.