十十四川料理 (Closed)

經過zara隔離扶手電梯落地面，推開玻璃門，就會見到呢間四川菜餐廳。平日7點都好full, 好彩有book位咋。招牌酸菜魚魚型碟好靚，未食已經覺得有意思。魚肉嫰滑，啖啖肉且無骨，大量酸菜，大豆芽，仲有寬粉，QQ彈牙，吸哂精華，相當鮮味。尖椒皮蛋大量尖椒碎同蒜蓉味鋪在皮蛋上，味道濃郁，皮蛋彈牙，兩者拌勻食，夠醒神。清炒萵筍絲萵筍絲粗幼平均，清甜爽口，當味蕾都是麻辣味道時，呢道菜正好清清口腔，舒緩一下。農家炒米粉比我想像大碟。米粉樣子好似好濕咁，但食落唔會太油太濕，味道適中，材料簡單，好有家庭菜feel。葱爆牛肉揀左辣味葱爆牛肉，辣味好夠，京葱微甜，牛肉份量唔吝嗇，牛味唔重但肉質算滑。每碟菜都好夠份量，原本想留肚食冰粉作甜品都食唔落了，唯有下次再試啦。

每次放假都好喜歡來這間餐廳食可以室內燈火闌珊享受美食。亦可以坐室外chill下。手帕青瓜是將青瓜拍成了薄片，可以清晰地看到手帕纹路。配上一些辣椒和花椒，醋等，味道非常比較偏酸，而辣度适中，是一道開胃小食。酸菜魚是一道主打川菜的经典菜品。入口即能感受魚肉鮮嫩，酸菜的味道非常浓郁，但不会过于酸涩。配菜也很丰富，有水晶粉、咸菜、大豆芽和萵筍等，口感非常丰富。这道菜还有一点点麻辣的味道，让人吃得非常过瘾。辣度有分大、中、小辣，甚至走辣。孜然烤羊肋扒是一道西北菜，我覺得羊肉的肉質非常嫩，而且味道非常香濃。孜然的味道也非常浓郁，羊皮炸到香脆可口，油芝夾雜一齊食，又不會讓人覺得過於油膩。很是讓人回味。炒椰菜花是一道素菜，但味道也很美味。椰菜花的口感非常脆嫩，而且配上一些蒜末和辣椒，味道鲜美又獨特。最后是豆漿，這是專統健康飲品，含大量大豆精華提供滿滿蛋白質，味道非常濃厚口感也非常細膩，口感非常细腻。服務員非常熱情，讓人感到舒適，而且坐室外可以帶埋小寵物一齊進餐，享受用餐樂趣

第一次帶阿媽去食酸菜魚之前去朗豪坊嗰間食過，今次帶阿媽嚟元朗呢間食酸菜魚可以揀唔辣小酸，啱曬我阿媽唔食得辣，但係好鍾意食魚魚肉份量好多啖啖肉， 雖然係叫唔辣，其實都少少辣配合小酸就非常好食黑醋骨分量比想像中多，啖啖肉黑醋味濃郁，但係唔會過酸，肉質嫩滑孜然牛肉主食方面，我媽揀咗嫩雞煨麵雞肉真係幾嫩，都幾多仲有啲菜，配埋麵嚟食， 味道唔會太濃郁又唔會太淡， 食咗咁多濃味餸，食返呢個嫩雞煨麵確係不錯 我媽講咗好多次68蚊一個嫩雞煨麵好抵食最後叫多一個士多啤梨冰粉比阿媽我阿媽未食過冰粉，所以佢以為我叫咗一個麵又要多一個粉我阿媽見到冰粉係甜品就好開心佢對這個士多啤梨冰粉非常滿意，因為佢根本就好鍾意食士多啤梨成日自己出去食飯，反而好少帶阿媽出街食飯希望以後都可以多啲帶阿媽出去食飯

酸菜魚($198/例牌) + 花雕醉雞($78) + 鎮江肴肉($68) + 四川樟茶鴨($128/半隻) + 清炒土豆絲($128)(茶位$10/另加一) .去元朗YohoMall食呢間四川菜💁🏻‍♀️酸菜魚辣度可以揀，我地食小辣，啱啱好呀唔會好辣🆗辣油唔多，味精唔重，酸菜好食，鱸魚零腥味，好滑又冇骨， 對唔多識食多骨魚嘅人係no problem！大大兜裡面有好多配料，最like薯粉索晒湯汁掛湯勁正👍🏽酸同辣平衡做得幾好，食完肚仔暖流翻滾🔥花雕醉雞雞肉夠鮮夠滑，花雕汁酒香都幾勁，好入味，感覺好滋補😁樟茶鴨煙熏味濃，色澤微紅，做到外酥內嫩，係高質嘅樟茶鴨🦆🌟半隻份量都唔少，好多肉兼唔係骨頭骨尾；鎮江肴肉晶瑩通透，口感似果凍，整得唔錯，味道中高水平；清炒土豆絲，入口超爽脆😋員工服務態度好，環境乾淨企理，整體好評🩶

孜然烤羊助排孜然不僅能中和羊肉的羶味兒，更加外皮鬆脆，肉質嫩滑，食起來好有新疆燒烤的風味！香脆薯條(香辣味)以為冇乜特別，點知真係非常好食，好食係辣孜然粉，食落去好過癮，條脷會麻痹，但係會令到你食完一條再一條，不停咁食，非常好食！四川樟茶鴨呢個餸菜真係唔係度度都可以有得食，見到有梗係即刻嗌啦，外酥內嫩，仲帶有樟木和茶葉的特殊香味，一口咬落脆皮，感覺食落有少少似扁皮鴨，別具風味，肉質比較有咬口，味道變得更加有層次感!酸菜魚非常抵食，性價比極高，唔使兩舊水，但係份量超級足料，魚肉份量多，魚非常滑，唔算好多酸菜，但係味道十足，又唔會非常酸，食到最底見到仲有寬粉，非常滑非常煙靭，仲要超級入味，食落去口感係QQ加埋啲湯，一流！超級推薦！青蘋果梳打👍🏻

餐廳有落地玻璃，室外佈置華麗，有卡位、方枱、圓枱；室外仲有園林位，環境優美。餐牌選擇都多，又有套餐提供，套餐有齊前菜、主菜、飲品、甜品。酸菜魚：湯底加左大量酸菜、大豆芽、萵筍、寬粉，蔥花，未上枱已聞到陣陣鮮香；鱸魚片滑溜，酸菜酸爽甘甜，非常惹味，果然係招牌菜。紅燒乳鴿：外皮燒得香脆，近胸肋位置更覺嫩滑無比，而且肉汁飽滿，正正就係美味既關鍵。炒花菜：簡單既家常菜，脆爽開胃，清炒都超好吃。脆炸鮮奶饅頭：熱辣辣炸到金黃色，外脆內軟，點埋煉奶，大人細路都鍾意。黑糖椰汁芋圓冰粉：芋圓煙韌彈牙，冰粉爽口清甜，加入黑糖椰汁調味，口感十足。冷泡洛神花茶：洛神花顏色鮮紅，甜酸滋味，好有層次感，冷泡飲用，更加可口。總結，餐廳環境舒服，食物質素高，值得推薦。

十十四川料理位於元朗，店內裝潢非常有氣派，感覺上都唔係好似一間典型嘅四川菜，反而更加似係chill 嘅西餐、bar、甚至酒店！點解咁講？因為佢有outdoor area，浪漫嘅波波燈，室內特別高嘅樓底以及美輪美奐嘅 chandelier，都令到用餐體驗滿足程度幾何級數提升😍食物更加係超水準！先來一個招牌菜酸菜魚，醉菜份量同汁調劑得非常好味，魚肉本身都好鮮嫩彈牙，吸收左湯底嘅精華令到肉質又滑又香，食到停唔到口😋燒乳鴿亦都係非常高質，乳鴿皮燒得好香脆，但係仍然能夠保持入面嘅肉質有口感又唔會韌，鎖住晒乳鴿嘅肉汁，加上選材優質，乳鴿真係非常young ，所以啲肉地先可以咁嫩滑！夫妻肺片份量好多，超級抵食，麻辣汁亦都好惹味，煙煙韌韌嘅口感，食完非常開胃😍一餐飯當然要有啲碳水化合物啦～絕對唔少得炒土豆絲，又飽肚又好味。而且餐廳係寵物友善，有養狗嘅朋友仔下次不妨嚟試下😁

約左朋友食飯，我同佢都想食川菜，見有好多元朗友推介依一間係yoho 嘅酸菜魚。試下佢先🥰不得不提佢嘅裝修真係好靚，入到去所有座位都好舒服。都不失為一個宴客嘅好地方😚點可以唔食佢最signature嘅酸菜魚，酸菜魚湯好夠味，魚片好滑身，完全冇碎骨，佢個底仲有好多唔同嘅蔬菜配料都好好食❤️小菜方面呢，我就叫咗涼拌土豆絲、花雕醉雞同埋孜然炒牛肉。特別推介炒牛肉，惹味得嚟啲肉又好滑，夠火候❤️朋友仔見到有炸饅頭話一定要試下。又真係幾好味，炸得恰到好處，外脆內軟，又唔會過左火，鍾意食炸饅頭嘅朋友仔可以試吓最後，我哋有叫一個黑糖糍粑做甜品，佢嘅黑糖汁真係做得好好，唔會死甜得嚟又唔會好快就到杰左🤭真係好好味我同朋友成餐飯都係咁話呢間餐廳好好味，可以有下次🙈果然元朗有推介係唔錯❤️❤️

今晚同朋友去左YOHO嘅十十食四川菜。食得辣嘅朋友都應該會鍾意四川菜，一般四川餐館嘅格局都係偏向中式，但今晚呢到比我嘅感覺反而係少少西式，燈光柔和，成個氣氛都比較chill，適合初約會/紀念日餐。近幾年做得四川菜嘅餐廳大部份都有酸菜魚，不過就唔係間間做得好。我地就叫左招牌菜酸菜魚、樟茶鴨、毛血旺同埋芋圓冰粉做甜品。↘招牌酸菜魚 $198我敢講係我食過最好食嘅酸菜魚top 3。一般酸菜魚都係相類似既酸辣酸辣，但呢到嘅酸菜魚有好特別嘅麻辣香，我地兩個人差唔多將成兜湯飲哂。重點係!佢真係超級多魚，絕對對得住佢嘅招牌。↘四川樟茶鴨 $128係被隔離枱吸引到所以先會嗌呢個菜。未上碟已經聞到好香😍呢碟樟茶鴨嘅特點係皮好薄好脆，食落有好香嘅鴨騷味，唔點汁比較好食。↘毛血旺 $138毛血旺嘅豬紅係有咬口嘅豬紅，如果大家有食過劣質豬紅就知個啲一咬就散。大腸好有豬腸獨有既味道 以上兩樣都好有咬口，牛栢葉都好爽脆。↘黑糖椰汁芋圓冰粉第一次食冰粉，因為食左好多辣野嘅關係，食完辣再食佢會好舒服。但亦因為呢樣甜品本身水份唔多，所以最好另外再嗌多樣飲品就perfect啦!總括而言，呢間算係我食過咁多間川菜黎講較好嘅

今日放假入咗元朗搵朋友,喺形點一期真係好多嘢行,好多嘢買,又有好多美食。今日朋友帶咗我去一間四川菜,十十四川料理,餐廳裝修得好有格調,環境舒適整潔。招牌酸菜魚小辣 198元,酸菜魚賣相吸引,魚肉分量好多,入口魚肉非常嫩滑,魚肉鮮味香濃,味道酸酸辣辣,最正就係啲魚肉全部都冇骨,食落去大啖肉,酸菜辣椒令魚嘅鮮味提升。魚香肉絲鍋巴 108元,魚香肉絲窩巴食落去味道甘香,下面嘅鍋巴做到脆卜卜,完全將會口感提升,魚香肉絲味道帶甜,辣,香,鮮,濃郁嘅香料味道,好適合用來配白飯,令人忍唔住一口一口食不停,呢個菜簡直係色香味俱全。津白肉絲炒年糕 78元,炒年糕口感煙煙靭靭,軟糯得嚟又唔會黐牙,津白肉絲帶有淡淡清香,提升惹味口感,整體味道非常配搭,無論口感同味道都做得好出色。西湖樹影 98元,一個賣相勁靚仔嘅菜式,蘆筍非常鮮甜,上面加咗啲蛋白,菠菜,令到口感特別幼滑,賣相精緻,蛋白同菠菜真係有西湖樹影嘅感覺,蘆筍質感清新,同蛋白菠菜味道非常配搭。

約朋友到元朗Yoho Mall吃晚飯店舖位於地下，樓底高，很有空間感。燈光柔和，挺舒服。因為這間店不是位於正門入口，好易受被忽略，由中庭那邊（即Zara)電梯落地下外出便是。當晚晚餐幾豐富😊😊😊共點了5款菜招牌菜 老壇酸菜魚 $198必點的當然是招牌菜酸菜魚。點了少辣，很多魚而且是啖啖肉。如果好像我吃小辣的，這個辣度是可以接受。魚很滑，我們還點了白飯，可以加湯拌飯。紅燒乳鴿 $681件切4份方便進食，熱辣辣上菜，皮脆肉嫩因為味道不錯，所以後來我們加追多一碟。鎮江肴肉 $68雞絲粉皮 $68份量挺多，醬不是太甜花雕醉雞 $78很香的花雕味，雞很滑餐牌：

平時經過yoho都成日想食呢間川菜餐廳，好開心今日終於book 到黎食喇。餐廳位於形點一期地下，有室內和室外座位，室內設計時尚簡約，好多吊燈裝飾，因為樓底較高，非常有情調。特別鍾意佢餐牌上個quote，「世上只有兩種人，愛吃我很愛吃的人。」招牌酸菜魚 例牌$198 湯底十分之濃味，基本上所有應該要有嘅味道都好似煲哂落去，酸菜，花椒，辣椒等等。有時食酸菜魚係好怕為咗味道，落得太多配料，好阻住主食材。簡簡單單一個好嘅湯底配幾種簡單嘅食材，魚肉，酸菜，大豆芽，冬粉，蒿筍。每種食材都昇華哂。花雕醉雞$78花雕味夠哂香，雞件都算叫做做到雞啫喱，所以肉質同雞皮都整得好滑，酒味香而不嗆。夫妻肺片$88肺片食落夠彈牙爽脆，調味辣度調中，以香為主。所以就算唔食得太辣嘅朋友，都唔伯因為太辣食唔到。裡面嘅青瓜芫茜配合埋一齊食，口感好好！清炒萵筍絲 $78清清地嘅炒蒿筍，爽度有保持到，食落應該有應有嘅清爽，因為佢落左菇菌類一齊炒，菇味都好出，每到唔會太單調。辣子肥腸$108呢個惹味之選，大大盤！豬大腸每舊都夠哂厚肉，炸到外脆內軟，辣味應都夠哂香口。特別嘅係會配埋炸薯條，又飽到肚又好味，飲啤酒就更一流。

🌃 餐廳為川菜館， 位於元朗形點商場一期地下， 鄰近元朗西鐵站K出口。 餐廳內裏有着華麗嘅裝潢， 超高樓底，佈滿明亮的吊燈， 寬闊嘅座位空間，讓人感覺份外舒適， 而餐廳設有室外位置， 燈光走柔和的格調， 較適合飲酒談心， 也適合帶同毛孩一起進食。-.🌶🐟🍲 酸菜魚💲198👉 酸菜魚份量有好多，魚片比較厚身，食落幾滑溜， 一啲骨都冇😋👉湯底呈金黃色，賣相十分吸引，辣度選了小辣，辣以花椒味為主，而酸菜味也較為突出， 配料有萵筍、金菇同埋薯粉，十分掛湯。.🌶💥 毛血旺💲 138👉 小編覺得呢個係必點既名菜， 而唔食得辣嘅人士止步🙅， 一上枱嘅時候已經充斥着麻辣交替嘅香味， 鮮紅色嘅湯底， 睇見已經十分開胃，Q彈既鴨血、肥腸、牛柏葉， 此時好想叫返一碗白飯伴啤酒🍻。.🌶🍲 一人一鍋定食(養生麻辣鍋)💲138👉 養生麻辣鍋選了中辣程度， 湯底呈鮮紅色， 辣椒落得比較重手，嗜辣嘅朋友會好鍾意， 火鍋配上了豐盛拼盤一份， 有各種嘅肉片、丸類、 菇菌 、蔬菜等， 絕對夠食。.🍨 黑糖椰汁芋圓冰粉💲45👉 黑糖嘅香味十分濃郁， 再加上椰汁， 口感煙韌嘅芋圓，混合埋晶瑩剔透嘅白涼粉， 食完十分滿足😋.👉

今日入元朗係Yoho 搵到一間幾吸引主打川菜的餐廳招牌係酸菜魚 我的至愛😍入座後職員好快手主動比茶我地👍🏻⭐️十十招牌酸菜魚酸菜魚的湯汁酸辣可口，魚肉鮮嫩多汁，酸菜能夠增加口感層次和酸度，入面配料有萵筍，大豆芽等等，仲有寬粉吸晒d酸菜魚汁，非常好味😆⭐️紅燒乳鴿乳鴿口感鮮美，肉質細膩，而且乳鴿肉質柔軟，而家火喉控制得啱啱好😊非常適合搭配白飯一齊食，值得一試。⭐️清炒土豆絲土豆新鮮，炒出嚟條條分明口感清爽😙，唔會因為過度炒而變得縮水或變色，好適合配飯及配酒⭐️十十蝦仁蛋炒飯呢個炒飯口感豐富，上枱非常香，而蝦仁和蛋的搭配非常恰到好處😉蝦仁帶有鮮甜，蛋能夠增加炒飯的質感，而且炒到粒粒分明，份量亦都好足夠👍🏻⭐️黑糖椰汁芋圓冰粉芋圓的口感煙韌彈牙，椰汁和黑糖的組合帶來了香甜的口感👏🏻，冰粉能夠帶來清涼的感覺，整體非常適合夏天食用😋⭐️飲品飲品方面都好多選擇，今次揀咗Suntory Premium，d餸菜配酒一流🥳

係元朗Yoho嘅十十唔好以為價錢會好貴其實性價比好高如果有樣狗仔仲可以坐室外添———————————✨金湯酸菜魚魚又香又滑 份量都好多入面仲有薯粉同埋萵筍個湯飲落去唔會太鹹亦都唔會太辣✨醉雞每次必叫 夏天熱辣辣最想食凍嘢雞顏色好黃好吸引 朔晒酒嘅香味再加上雞好滑好好食✨肉碎炒四季豆間唔中食個菜健康啲四季豆份量多 亦都唔會太辣特別惹味 送飯一流✨蔥油麵配炸豬扒個面好多蔥 鍾意食蔥嘅朋友一定鍾意食豬扒亦都唔會炸到好乾 有成四五塊咁多✨雞絲粉皮食凍嘅雞肉涼拌特別開胃大量嘅花生醬好香✨黑糖豆漿第一次飲呢個組合入面仲有啲冰粉感覺都幾新鮮唔錯✨椰汁芋圓鍾意食芋圓一定要叫食完辣嘢食呢個甜品啱啱好———————————食咁多嘢只係五百幾蚊咋喎性價比真係非常高仲要食物質素高推介大家來試一試