正宗山東餃子店

Open Now

Now Closed

粉嶺其實都幾多好野食 山東餃子店係其中一個推介豬油渣麵 $34我中意食米線或者薯粉 好似兩樣都要加$2佢啲豬油渣唔係好肥 唔同出面個啲炸到好鬆 佢好實但都好脆 冬茹索晒味 佢仲有辣菜脯 加蔥粒👍🏽👍🏽上海菜飯配豬扒 $50厚身豬扒 炸到岩岩 咬落去好鬆軟菜飯本身有少少咸味 佢再用豬油撈一撈個飯 包你一試難忘佢啲煎餃都好好食 值得一試

今日LUNCH去咗聯和墟的山東餃子店食。店面殘殘舊舊, 唔多吸引。上次去食咗個水餃面都麻麻地, 不過同事鐘意食佢D酸辣餃面, 但又我唔食得辣。今次我食咗生菜鯪魚肉翅面。個面係好大碗, 好飽。但只係碗仔翅既料加咗D米線落去, 但冇咗假翅囉。入面都係殘殘舊舊, 再加一碗無乜賣相既面, 個人就食得唔係好開心。飲品凍熱都要加7蚊, 碗面就要37蚊。我諗出去食碗仔翅仲好食, 都唔使咁貴。餃子方面, 我就覺得好淡口。整體黎講, 都係麻麻地。唔係同事口咪有問題, 我都唔會再食囉。

同同事出黎食lunch，食左幾餐茶仔想轉轉口味，黎左食餃子，嘩，真係好耐無黎食啦。無哂卡位，坐左張大圓枱，濶落嘅，但呢個位無乜冷氣有點熱。酸辣湯京蔥羊肉餃子湯麵（$50）一向喜歡食羊肉就點左呢款餃子，睇番自己的食評，原來幾年前個篇都係食呢款，哈哈，口味真係無轉過喎餃子大大隻，厚皮個種北方餃，幾合口味又飽肚。餡料算多，羊肉鮮味，有少少羊羶先似食緊羊吖嘛。上海麵配酸辣湯最夾，酸辣湯幾多料，豆干，木耳，冬菇等，調味不錯，夠酸夠辣，麵條吸了湯好飽呀加左幾多價下…無法嘅，百物騰貴食主食加豆醬沒優惠，12杯細細的真係有點貴。

山東餃子店逢星期二至日開到 00:30，係食宵夜嘅好地方！一直知道佢嘅餃子真材實料又多口味，最好係佢有一個"招牌山東餃子"係食到好多唔同嘅口味，簡直一份餃子滿足哂我花心嘅願望！不過今次口淡淡想食傳統嘅糖水，諗起佢都有糖水賣，就決定去買嚟試吓！我點咗一碗合桃露外賣，由於佢雪咗喺雪櫃，要即時煲熱都要時間，侍應都好好，招呼我坐底等，大概等咗15分鐘都可以攞到。有點意外係佢個碗SIZE幾細，而索價竟要HKD31(其中一蚊係外賣碗)，根據我嘅認知，佢算係幾貴.....好在味道搭夠，食得出佢係用傳統方法去造，呢個價錢呢個手工同風味，我接受！

卡比仔的女朋友住在粉嶺，今個星期六入粉嶺之際，自己一個，跑去了女友經常推介的山東餃子館。點了一款麻辣素菜餃上海粗麵，餃子很足料，內含五種蔬菜，包括雲耳、西芹、紅蘿蔔、白蘿蔔及蔥花。食落很爽口，而且餃子皮也搓得薄，外軟內脆！湯底本身很濃郁，而且有豬油渣在內，油香溶在湯內，令湯的鮮味又再提升！我覺得辣油也造得不錯，又麻又香，加上自家秘製辣菜圃，成碗麵的辣味，也變成了兩三種層次！麵線也造得彈牙爽口，因為是粗身，掛上湯汁也比較容易，每口也嚐到秘製湯底的奧妙。西瓜汁很清甜，店主加入了碎沙，有口感之餘也很透心涼，炎炎夏日，飲一杯冰涷西瓜汁，又健康又解暑！聽說這裡的酸辣湯也很出名，下次我會再來試試的！

位於唐樓地下的舖面，舖位不大座位不多，但我們二人吃飯坐著四人卡位，坐得也很舒服。為了吃餃子而來這間店舖，我們點了白菜鮮肉煎餃、酸辣京蔥鮮肉湯餃和上海粗炒。不論是水餃煎餃，味道都好，肉汁豐富，肉、菜和餃皮的比例適中。湯餃的酸辣湯既不夠酸也不夠辣，幸好桌上有醋有辣椒油，可以按照自己喜好增加酸辣湯的酸味和辣味。上海粗炒的味道比較淡，算是不過不失啦。若是當作平日午飯，這間店比較貴，餃子湯麵都要35至40多元一碗，飲品需另計，豆漿也要12蚊一杯，汽水十蚊一罐。

很多媒體，都有介紹過聯和墟內的平民美食，但奇怪的是，對於這家山東餃子，美食雜誌或ig 美食page卻一直很少提及。作為一個粉嶺人，這可是我最愛的餃子館，這晚，我又來會一會這個情人。其實這家店曾經細鋪換大鋪的，在聯和墟這個美食墟，能夠生存已經不容易，可以把生意做大更加是難得。店內是一般家庭式餐館的裝潢，畢竟，這些小店靠的是實力。餃子款底也有十幾款，平日我是吃京蔥羊肉餃的，今天點了香茜雞肉餃。餃子的湯底，有清湯、酸辣湯或麻辣三種選擇、麵方面有上海麵、紅薯粉、一般的米粉河粉等。最後，我選了個人最愛的配搭：上海粗麵，麻辣湯底。其實我一直很喜歡這家店的湯底，味道很豐富，原因是，老闆娘在製作湯底上，花的心思其實不少，湯底加入了大量配料，包括辣菜甫、蝦米、油渣、蔥花、紫菜（可選咸酸菜）等等。本身的湯底味道已經濃郁，加入油渣，更帶出湯底的咸香，淋上的辣椒汁亦麻香十足，辣菜甫亦很爽口。上海粗麵不會太淋，有咬口亦有口感，這也是我每次都選擇的原因。最後就到主角餃子，今次點了香茜雞肉，第一口吃下去已經很香的香茜味。餃子內很足料，大大舊餡肉，雞蓉和芫茜混合在一起，每一口也令我這個芫茜fans ，感到心靈滿足。這

今日女友話想食餃子，所以去做廿四孝男友去做外賣仔。踏單車由屋企去聯和墟買野食，今次第一次黎，因為聽朋友講都幾好食。我今次叫左煎餃同湯餃，叫左四款餃子有白菜、芹菜、東菇同粟米。同叫左左一個魚肉碗仔翅。有少少唔開心，其實我覺得本身應該更好食，但煎餃可能拎番去途放在盒內，所以原本外脆皮變淋左😭下次會在店內堂食試下，但湯餃則好食好多，而且配上沾的醬汁更好味。但如果要數最愛的一定會是魚肉翅，特別係翅中的魚肉，實實的魚肉充滿魚肉味，跟平日食的碗仔翅感覺大大不同。

好小咁夜係粉嶺出沒 粉嶺店舖好早關門 即使有開都得小貓三四隻 心諗番屋企整炒麵王食 點知行行下 見到叫間山東餃子館 餃子控既我一定入去一試，店舖雖然唔大 但去到晚上10:15仲係坐滿 都真係有佢吸引之處。 叫左個招牌山東餃子（什錦） ， 想咩餃都試下 ， 到選湯底時 原來仲有清湯 、麻辣、酸辣選 仲有秘製湯底有豬油渣 好正 。不過深夜唔好食咁heavy 好 都係叫左清湯配蕃薯粉。 估唔到舖頭細細 ，除上海麵外，仲有咁多選擇。 真係好驚喜。 餃子係新鮮人手包，什錦有玉米餃、冬菇餃、白菜同韭菜餃。 料好夠味 ， 皮都好滑。當中冬菇餃子好值得encore . 小店真係俾到好多驚喜。

常常吃到的北方湯麵，少有吃到酸辣湯底的，某天一個人蕩著，在一家食肆就吃到一碗酸辣湯麵。小人要的是酸辣湯底、羊肉餃子配上海麵。酸辣湯底是正宗的上海酸辣湯，內有菇絲、荀絲、肉絲等等，調味很到，能夠刺激味蕾，未吃麵之前已喝了半碗湯。上海粗麵較之廣東麵條腍，每條都可以直滑入口，配酸辣湯很合襯。預期中以為較厚的餃子皮原來那麼薄，一下子大力一點很容易便夾爛。羊肉軟綿，一點也不羶，反而帶有很香的肉鮮味，蠻不錯的。吃過之後，甚是滿足，但不會太飽太漲，是一個驚喜。

餃子面加一罐汽水，原來已經加到51了。湯太咸，吃完後有一點口渴的感覺。賣點是餃子，但比之前已差了不少。配菜不錯，豬油渣是最愛。份量不過不失，但以52蚊的價錢，可以在聯和墟吃到其他更高質的食物了。

山東餃子在聯盛街上，店字很小，之前經過也沒特別留意，今次特別去試試。2人不用等，可以坐卡位:叫了:京蔥羊肉餃子麵上枱時，見到餃子很大，相比其他餃子店，這算是加大碼版餃子，一口一定吃不完，羊肉味非常濃，唔鍾意食羊羶味的就唔好試，個人喜歡食羊肉，所以覺得好好味，麵是上海麵質地，軟硬度適中。白菜鮮肉餃子:餃子又係相當大隻，白菜和鮮肉份量剛合，誰也搶不到誰的味道，薯粉較硬，個人不太喜歡，湯底算是清淡形式。個人食後覺得餃子大大隻算是這間店的特式，愛吃餃子不妨到此一試。

經過山東餃子店無數次 今日第一次幫襯有湯餃 煎餃 飯 麵 中式糖水 飲品 都幾多選擇 我揀咗白菜鮮肉煎餃-6隻 $31 + 熱椰汁紫米露 $18 煎餃即煎 熱辣辣 一咬落去爆汁 但略嫌多油咗啲紫米露啊錯 正正常常 比預期大碗以前喺聯和墟又多間食店可以選擇嚕

睇到幾多正評，所以去試下。 叫咗京蔥羊肉餃同埋素菜餃。 我買外賣，五分鐘路程，返到屋企個外賣盒已經有啲支持唔住。本來期待北方餃子咬落會煙煙靭靭，點知同廣東雲吞皮冇乜分别，仲一夾就爛。好彩羊肉鮮嫩多汁，不過就食唔出羊肉應有嘅香味。素菜餃反而有驚喜，入面啲素菜有多重口感。我要咗唔辣嘅湯底，好入味！ 值得一提嘅係，已經加咗價，比起OpenRice餐牌圖片貴幾蚊。

一次過嚐了七款餃，共十隻~招牌雜錦水餃(湯)：芹菜鮮肉餃，芹香爽口，肉鮮有汁~粟米鮮肉餃，粟米粒多，但皮爛~冬菇鮮肉餃，菇香濃郁，完全蓋過了肉香~蕃茄鮮肉餃，茄味濃厚，但造成餃子的味道怪怪的，不太配搭~京葱鮮肉餃，京葱濃香吊出肉鮮味，最喜歡的一隻~韮菜鮮肉餃，韮菜香濃，與豬肉比例剛好~前麻辣青椒餃，皮脆，麻香與辣度十足，青椒清香亦夠出~整體皮偏厚易爛，用來煎的好像比較好~結帳時看到店嬸嬸在一角落用心地包餃子，確是心思製作，繼續支持小店經營