上海香港麵家

Open Now

Now Closed

由細食到大，每去一次，的確如評語所述，態度越黎越差，連基本粗炒回煱肉客飯都係細碟左兼味道都過舊時。瓷飯本來又新鲜又快趣，但係小巴站旁而夾雜噴出黎癈氣，唔知點解細路仔時又唔介意……總括黎講以前行過都會入去叫豆漿生煎飽瓷飯，而家寧願行前少少去公和，冇再去呢間好耐。

首先是沒有掃針咭的手機，問店員，叫我坐下先，跟住又無同你掃，等了幾分鐘，叫咗兩次侍應想點菜，都話唔得閒，完全忽視，因為顧客不多，很難理解，最後起身走，以前食過，食物普通，以後不會再去。

放工夜一夜想頹輕食，涼涼地自然想飲熱豆漿，靜靜地～小籠包 $38傳統厚皮小籠包，湯餡多，唔一定皮薄先好食嘅鹹豆漿 $18用料十足，有啲重口味同煲耐左，爭咁啲樣樣分明嘅口感，但仍然係我喜歡嘅味道見到好多粢飯嘅負評，$27係頗貴，但目測其他人食都好吸引，下次會試！

這店偶然有幫襯，粢飯已大不如前，價錢更是全香港最貴的一間，九龍一知名店加油條加三元，它竟加十元，店員態度惡劣也是稱得上全香港最惡劣，不停批評責罵顧客，甚至過份地大聲說‘你又唔係幫襯十萬八千七’！好想支持香港老店，但這間….. 决定永不踏足！

10年前食過這間鋪 今日再來 味道依然冇變 都好難揾到一間難食過佢嘅上海鋪 叫了豬扒擔擔麵 佢地話新鮮 心照吧 蔥油餅 鹹到不堪 豆漿完全冇味 你收得呢個價 都對得住呢個價錢 其實已經唔係講緊幾錢 總之十分難食

路過見到好多人幫襯, 所以決定入去試一試1. 粢飯- 油炸鬼唔脆， 榨菜得個鹹字， 肉鬆普普通通， 整體都係屬於普通味道。(6 分)2. 鹹豆漿- 有炸菜，蝦皮， 個湯底味道直頭係豉油加水，整體不算好味。(6 分)3. 豬扒擔擔麵- 麵太淋，湯底還可，炸豬扒淋晒， 豬扒醃料有薑汁味。(5分，未合格)4. 燻魚菜飯- 個燻魚似豬腳薑味道，不似預期，個菜飯簡直離曬譜，都唔知粥定飯！(4分，不合格)成功呃咗三個人入去食，一定無下次。

店家服務員不允許叫外賣顧客進店使用座位（當時有空置座位，且外賣均正價外賣盒另付）。經溝通後才允許顧客進店。叫外賣時態度不佳，不給線上支付，服務態度很不好。去系情懷，但店大欺客是真

睇評價又救左一命、吹到香港數一數二好味😍😍！？！！真係成功呃左我去啦，懷疑呢間野好多打手，未食過咁差既粢飯🤢🤢🤮..1. ❌成價比十分低因為評價吹到好大，係有一定既期望，至少！至少！要對得住$27先叫一個好既粢飯掛第一點，已失敗，用咁貴價錢買左件垃圾..2. ❌非新鮮即叫即做熱辣辣，的確係，表面上既糯米飯。但唔代表入面既配料都會係新鮮熱辣出爐🤣我係13:30去到舖頭買，當時舖入人流都唔少，見到枱面已經整好一堆粢飯（約30個）。可能咁岩啦，當時粢飯師傅係無整緊，所以❌即叫即做（覺得已經比評價呃左😂）👉🏻拎上手表面熱辣辣既時候，都仲對佢有一定期望既🥲🥲🫠..3. ❌餡料多？但出曬油 硬到咬唔開👍🏻餡料多？errr 可以講係油炸鬼比起平時既大啲，但相對榨菜肉鬆好少，真係好少，同埋一啲都唔貼飯，啲餡會分散晒，不可稱為一體。下面張圖，其他就係我放棄左咬硬過條命既油炸鬼，加埋唔好味 0特別性既糯米飯.之前我都有寫過其他粢飯評價，暫時黎講 佢完全係「全香港最難食最唔抵買既粢飯」白白浪費左我$27，心痛、牙痛、荷包痛🅾️

🥇(推薦no. 1 ）粢飯必食雖說質素係差咗少少，但係都叫係香港數一數二好食嘅粢飯！餡料夠多，即叫即做，糯米飯熱到辣手！🥈(推薦 no.2 ）鹹豆漿榨菜、醬油、豆漿、蔥花、油條、原來仲有醋。第一次食到有咁多料嘅鹹豆漿，飲完一碗真係好滿足。好多人話粢飯好貴，老實講你望吓對面啲即搖台式飲品，一杯都要$3x，$27一個即製粢飯，這個價錢真的好合理呀。如果冬天食嘅話真係會暖到入心。豆漿略甜，平時飲開微甜嘅我會覺得豆漿糖分有點太多。

記得小時候家附近有家豆漿大王🥛，久不久就會吃個又飽又便宜的粢飯。多年沒吃，時至今天，原來已經比華御結還貴😅 ❤️ 粢飯 $27熱到辣手的感覺很令人懷念☺️煙韌的糯米內裏是🔥烤脆的油炸鬼，配鹹脆的炸菜和甜甜的肉鬆， 其實美味也可以很簡單！💓 ❤️ 鹹豆漿 $18豆香很濃💋每一口都有香蔥和榨菜，是一碗很頂肚子的熱湯，令人滿足。 ❤️ 豬扒擔擔麵 $58一口濃郁的花生醬般的湯底，配一口帶點少煙韌的麵，絕了！豬扒是有咖哩粉醃過的，雖然硬了點，但味道很不錯喔😊 一定會再來。

約左友人去淺水灣閒遊一下，喺渣甸街等小巴之前，就黎左同一條街既上海香港麵家預先買定兩個粢飯做輕食午餐。可能因為好多客人都會光顧粢飯既關係，店員都已經包定一啲現成係度，同埋都會keep住密密手喺度包，買完拎上手都仲係暖嘅。見到餡料都新鮮，雖然$27偏貴但都有所期待。去到沙灘急不及待開黎食左先，油炸鬼偏腍偏韌，略嫌肉鬆及菜甫落得唔夠多，但整體上係平衡嘅，唔會似其他店家一係偏小一係大得誇張，個米飯嘅量岩岩好可以又食到飯又食到餡。

聽過人地話呢間既粢飯好好食又知道得銅鑼灣一間店 同埋聽聞以前係開24小時 所以今日黎到即刻要試試佢今次試左既有1.粢飯2,豬扒菜飯3.豆漿第一次食咁好食既粢飯 仲可以加錢 要榨菜肉鬆但係我覺得唔需要加都已經好好食原本行街行到好肚餓 呢個粢飯簡直救左我一命試完佢地既粢飯之後 飲埋杯豆漿覺得好似仲係唔太夠考慮左一陣 決定試埋個豬扒菜飯但係個豬扒菜飯認真失望第一 個飯好濕立立 第二 菜飯應該係切左既菜撈埋喺裡面第三 豬扒真係好難食 明明係炸豬扒 但同飯一樣 都係濕既但呢間D菜真係塊塊都好大塊 所以三樣野加埋就證明真係難食 同埋覺得嘥左錢 寧願用錢買哂粢飯都冇咁嬲之後求其食左兩啖都唯有交比垃圾桶真係太難入口了最後建議:幫襯的話 都只係幫襯粢飯同豆漿就好了

呢間算是老字號的了，住港島的人都多數食過。豆漿同豬扒麵以前真係好正，而家普普通通，影個湯出黎好濃厚，飲落好似普通湯品。豬扒不過不失，豆漿就仲keep 到。多人嘅話招呼麻麻地，而家招呼都ok 嘅。

😋😋自問都幾鍾意食粢飯，經開銅鑼灣總愛幫襯下渣甸坊附近呢間粢飯豆漿。食咗好多年，鍾意佢嘅糯米唔會太濕，加埋炸菜、油炸鬼、豬肉鬆，足料好好味。近年有試過其他地方嘅粢飯，真係同佢冇得比，唔係糯米太淋就係唔足料。$27一個粢飯唔算平，但好味足料，食完一個再加碗豆腐已經好飽。呢間餐廳都屹立咗好多年，佢嘅粢飯豆漿好出名，碰上食飯時段都算幾多人，不過上菜速度快，所以都唔使等位，一個人趕時間嘅話食個快飯絕對係一個好選擇。

遠近馳名嘅粢飯... 吸引唔少人幫襯... 我都唔例外! 每次去開銅鑼灣都好想去買個返嚟食!🤤🤤🤤廿幾蚊個粢飯... 話貴唔貴... 話平唔平... 不過食一個其實都已經好飽肚! 呢度嘅粢飯軟糯美味... 糯米唔會過硬或者過黏... 而且餡料份量十足... 有油炸鬼、豬肉鬆同榨菜!👍👍👍 近門口位有個阿姐即場整... 所以每次買到嘅都係熱辣辣... 食落特別正!😋😋😋除咗推介粢飯... 生煎包同鍋貼都唔錯㗎... 不妨一試!