上海香港麵家

Open Now

Now Closed

趕緊6點前怱怱的衝入餐廳，點了一個豆漿一個粢飯，仲提供鹹豆漿嘅餐廳係呢啲比較舊式嘅上海老店先會有，自己鍾意鹹就將加油炸鬼，今日嘅quota唔夠，只可以食粢飯😂佢哋嘅吃飯係即刻包，所以呢上手都係熱辣辣，佢哋都有提供甜嘅粢飯，呢樣我就冇試過啦，反而咸粢飯，新鮮熱辣嘅關係點都係咁好食嘅，雖然油炸鬼唔算好趣，但係中間嘅肉鬆同埋榨菜可以彌補到佢嘅口感，糯米飯亦都唔會過眼，整體嚟講喺香港食到呢個質素都算唔錯

🚦上海香港麵家（銅鑼灣）🍙粢飯🍙$267/10【味道普通】每次經過都會有一條隊排，終於忍唔住食返一次😚食落就正常發揮，入面係肉鬆、油炸鬼、榨菜🌱都足料因為係即叫即整，所以我就同佢講要少飯🍚見到有啲人會想要多肉鬆，佢都有求必應👍呢個就係即叫即整嘅好處😛以$26來講，其實啲料有啲少，係港島價🤣整體7/101️⃣有啲貴，但係可以一試，不過就唔係好明點解會有人排隊🏃‍♀️其實可能只係普通lunch time，大家就快快手手買返個返去公司食😗食落就正正常常一個粢飯🤣2️⃣見到入面仲有好多唔同嘅上海麵食，鍾意上海菜嘅人一定要去試下😋3️⃣環境就一般，衛生情況都普通，因為見到食材都係冇冚蓋，例如油炸鬼都冇包實，所以大家可能要注意下❗️

早排同事喺第二度買咗個粢飯俾我..完全唔得..🥲就令我諗起銅鑼灣呢一間粢飯..好耐冇食..今日喺銅鑼灣特登都買來食..行入去就見到員工喺度包緊粢飯..$27一個..雖然真係唔係平..但味道真係好好味..見到佢即時包嘅…攞上手仲暖粒粒..食落好足料..榨菜 肉鬆 油炸鬼👍🏻整得最好係佢糯米飯嘅口感..返到公司同同事分咗一半..佢都大讚好味..好多年冇食過..食落味道依然係好味..會再返嚟食👍🏻

上海香港麵家🥛📍 銅鑼灣渣甸街29號地下▃▃▃▃▃▃▃▃▃▃▃▃▃▃▃▃▃▃▃▃ 以前係銅鑼灣返工果陣，都已經好鐘意去呢間食早餐😂，事關佢地個粢飯真係好足料， 味道又唔差，最重要係唔貴，好岩做早餐😆🌟粢飯 $26糯米飯包住油炸鬼、肉鬆、炸菜，配料份量岩岩好，唔會太少，而味道都唔錯，我都鐘意食呢個😌🌟凍豆漿 $10好香豆味，甜味岩岩好。鋪頭仲有咸豆漿，但個人比較鐘意甜味多d ~整體推介指數：❤️❤️❤️❤️🤍▃▃▃▃▃▃▃▃▃▃▃▃▃▃▃▃▃▃▃▃

經過上海香港麵家， 即興入去食宵夜。 位於銅鑼灣渣甸街， 這條街有很多不同的餐廳， 而上海香港麵家絕對是老字號的食店🥰。 最掛住這裏的粢飯和熱豆漿。宵夜有酸辣湯雲吞麵$60、粢飯$26、 凍豆漿$10、熱豆漿$10。 ▫️凍豆漿&熱豆漿🥛 ～ 粢飯和豆漿， 兩者是絕配， 這裏的豆漿香濃好味，冬天飲熱豆漿就更佳。 ▫️粢飯🌯 ～ 口感紮紮實實，有肉鬆、榨菜和油炸鬼， 這個黃金組合，配上熱騰騰的溫度，非常滿足。 ▫️酸辣湯雲吞麵🍜 ～ 酸辣湯的酸度和辣度都剛剛好， 麵條是上海幼麵，非常掛湯， 另外還有四隻大大粒的雲吞， 配上非常豐富的湯料， 好滋味。 喜歡這間老字號食店，食物保持水準👍🏻。

之前銅鑼灣返工，一定嚟食栥飯當午餐，今日經過銅鑼灣香港麵家，一定要再幫襯！栥飯貴咗一蚊 （$26），但回憶嘅味道唔可以用錢衡量，見住呀姐大熱天時都用雙手製作熱辣辣嘅栥飯，非常感受到即叫即整嘅手工味道！叫姐姐切開兩半比我同男友食～今次試覺得味道好似咸左少少😅😅😅😅😅😅😅😅😅 但都仍然啖啖好足料，雖然$26蚊唔太平，但每次食完都會想再食多次🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️

昨天行過見到現想吃生煎包，於是行入去沒有人正在排隊等外賣的時段，很有禮貌問正在收銀的阿姐要兩個生煎包，竟然佢一句都不應我，完全當聽唔到，沒有反應。跟着我再問一句有沒有生煎包，他才說要1份四個，沒有二個。跟着我便問他為何之前他完全當我沒有存在那樣，不去回答我的問題。跟着他便很凶狠的告訴我，他正在忙收銀中，我說我問他的時候，他完全沒有客人在等着收錢的。以後都不會再光顧這間店了，因為他的服務及食物質素非常之差，那些食物真是不能入口的，從來沒吃過如此惡劣質素的上海歺。

衛生麻麻，餐牌上有芝麻粒，張枱未抺好，有肉碎。首先上的係餸加湯。回鍋肉包硬豆腐，椰菜同碎片回鍋豬肉，唔係好多。個湯好味，係上湯咸黃豆湯。之後比左兩碗飯，笑左，係咪驚我唔夠飽。菜飯唔係青綠色嘅菜，係林林地，飯有少少油嘅。不過不失，食得飽，唔係特別出色。好多人叫粢飯，下次要黎試下。

以前也曾來過這間店吃東西，尤其是粢飯、豆漿、餃子等，事隔一段日子，今次再次幫襯，感覺相差太遠。服務態度差就係人都知，但食物送到枱上的時候所有熱食都唔熱，真的不明所以。我叫了煎鍋貼、熱豆漿和粢飯，都是室溫狀態，粢飯裏的油炸鬼，因為攤凍了，所以變得非常煙韌，口感很差。鍋貼都是一樣，雖然是煎，但半點香脆的感覺都沒有。只有豆漿較為正常，除了唔夠熱外。不過這間店仍然客似雲來，一個走完，就有另一個會進來，是大家都懷念這些老式食店嗎？還是有些很好食的東西，我今次沒有品嚐呢？我應該不會再去幫襯了，但如果大家仍然10分支持這些老式食店的話，也不妨一試，但可能點湯麵之類的東西，會好吃一點吧。

今日諗住入赤柱行下，打算銅鑼灣轉小巴，小巴站門口正正就係依間老上海麵家。一個早上，滿滿既人氣吸引左我同友人一試依間麵家好似好歷史悠久，成日都會經過，每次都見到員工在門口製作 新鮮既豆漿同粢飯。今日終於一嚐即製粢飯，有驚喜！平時食開粢飯都係凍左，而依個熱laklak 餡料都非常豐富，有榨菜，肉鬆，油炸鬼，飯粒分明。再叫左個鹹豆漿，非常特別少見。入面似一碗淡醬油色既熱湯，但唔會好鹹。有蔥花同榨菜。仲有一個嫩雞煨面。面條掛湯，不過不失。不過價錢唔平，3樣依類傳統街坊小食要 HKD100,

肉肉🦊很喜歡吃內地那種油條豆漿的早餐，說實話香港也有部分這樣的，但是都沒有糍飯和咸豆漿，咸豆漿沾著油條的美味真的不是人人都試過，但是肉肉🦊覺得，試過便會很難忘！以前在內地我的早餐就是，生煎包咸豆漿，或者是辣湯油條，OMG酥脆的油條蘸著湯汁絕了！.言歸正傳，這家位於銅鑼灣的小店24小時營業，我們兩個人點了一桌子不過100💰出頭！而且服務員💁都說的上海話，我當時就覺得應該是正宗的啦！說說我覺得做的不錯的，可以偶爾解解饞的，咸豆漿！！無敵推薦，他家還有咸豆花，不過我喜歡甜的豆花所以沒點，菜飯不錯，不油，豬排是新鮮豬排不是雪櫃的！.糍飯一般，我更推薦九龍灣的那家糍飯，是我在港吃的墜好吃的啦！油條一般般，不夠脆，但是泡在咸豆漿還是滿滿回憶，想當年無數個夜晚和朋友去閶門姚記豆漿的日子！建議可以打包咸豆漿，油條回家炸一下，再配合著吃！.店名：香港上海老面家地址：渣甸街29號

韮菜鮮肉窩貼(4隻) $29皮比較厚 唔太好食暖暖地應該唔係新鮮煎係幾大隻幾足料既.嫩雞煨麵(小棠菜)$45雞湯既質感比一般的湯麵濃郁 好味小棠菜有菜甜味麵質偏林 不過好似話傳統煨麵再林啲.獅子頭菜飯 (送中湯) $48 大家見到2碗飯時唔好驚訝 因為個碗細所以比足2碗你XD飯比較油同林 但都有菜香味獅子頭朋友覺得好味 特別配埋佢個汁但我就覺得太濃味.熱豆漿$10 可以走甜 用碗上係銅鑼灣想醫飽個肚可以過黎食 但唔好expect太多🤣

卫生好差服务好差只有现金支付，而且一边拿完现金，一边拿碗装食物，还有包饭团，我指出来找钱和弄食品是否可以分开？？那店员还骂骂咧咧，送分JB开，要买就买，不买拉倒。

呢間上海香港麵家喺香港都有返咁上下歷史，記得自己好耐之前食過一次，但係冇晒印象。今日路經銅鑼灣，同行朋友非常之鍾意食菜飯，就決定入去試吓。兩個人叫咗一個排骨菜飯，麻婆豆腐菜飯同埋小籠包。菜飯每人有兩碗，豬扒香口肉質唔錯。麻婆豆腐就鹹咗少少，如果辣返少少就正好多。小籠包係正宗皮唔薄嗰隻， 我覺得OK，但小籠包裏面嘅湯汁唔夠多。兩個人食咗130幾蚊，銅鑼灣來講呢個價錢好抵食，但入面嘅環境就有少少迫，可以考慮再幫襯。

唔知點解一直以來啲人對呢間上海香港面家評價兩極，我自己就一直都好鍾意呢一間嘅菜飯。今日又係去行山，行山之前就梗係要醫肚仔，銅鑼灣雖然好多食店，但係冇乜邊間係我今日嘅心水，地鐵站一出轉個靚彎就見到佢，我同我friend不約而同即刻話食呢間。記得以前我媽咪好鍾意買呢一間嘅粢飯俾我食，但我唔係好鍾意反而我鍾意佢嘅豬扒菜飯，佢嘅菜煮到好鬼林，同時又唔會失去菜嘅香味，所以我今日就帶咗呢一個做午餐；而我嘅朋友今日想試新野，佢就帶咗麻婆豆腐菜飯，但係佢食咗兩啖就放低咗，轉咗過嚟食我塊豬扒，所以我就試一試佢嗰碟餸，嘩真係好鬼死鹹，雖然辣辣地但係嗰陣鹹味真係好難頂，飲多幾杯水都唔掂；見到隔離枱嗌咗小籠包，睇佢個賣相有幾吸引，我哋又跟風一齊嗌，又真係幾好食喎，不過我嫌佢美中不足就係唔夠熱，如果可以新鮮出爐即刻上桌嘅話會更加好。而佢呢一個價錢係今日銅鑼灣來講算係咁啦