小南國 (Closed)

I visited this restaurant long time ago and found that the food was not bad but expensive. Service is average.

以前兩個人去過食晚飯﹐試過佢既稻草肉荷葉餅﹐真係夠晒的骰﹐一啖兩啖﹐甘就冇左成碟兩舊肉勒﹐仲唔覺得呢碟醬汁肉有咩特別好食。蔥油拌麵都ok既。不過唔知點解﹐得小貓三四隻既一晚﹐上菜都耐﹐而且最唔掂係d菜竟然係暖唔係熱既。。。。不過以佢收既價錢﹐大把有得揀﹐好食過佢好多﹐而且服務又唔係甘週到﹐真係唔需要黎食。

小南國在上海是名店，但來到香港似乎唔係好掂，希望?地唔係同一間店啦。酸辣湯又唔酸又唔辣，好似食緊街頭碗仔翅！難得有位職員仲夠膽話：「係呀！我地的酸辣湯係唔酸唔辣架！」有無搞錯！奶油津白淨係見倒一pat白色無味的液體，津白好鬼林，老人家最合適。小籠包皮勁厚，完全唔合格，唯一好處係幾飽肚。唯獨是蔥油泮麵就幾好食，油可少一點就更好。老實講，以咁貴的價錢，好吃的上海菜中環仲有大把選擇。

非常失望！一家人為我的生日而到小南國慶祝，本想香港的水準應「泊」得住上海的，可惜大家都大跌眼鏡。首先烤夫太甜，做法也不夠正統、醉雞的汁也太咸、砂窩雲吞雞翅的湯太「味精」！黃魚一D 都唔鮮，d 肉質角「梅」同腥，個酸汁簡直好似用李X 記一包包咕嚕肉醬汁做出來一樣，太酸啦！重有小籠包，D waiter一放低，我o地經已知道完全唔得，皮厚又硬，如果唔立刻食，層皮會硬化添！所以全飯最可取的就是最冇難度的塔菜冬荀。送的甜品馬蹄露，完全沒有期望，所以亦不需失望、矣！<br>雖然我知道小南國以冬坡肉和生煎飽出名，但如果只懂做好兩味菜式的話，這間所謂「名店」亦只是虛有其名罷了！！

上海正店都係不外如事，冇乜驚喜。

係上海是好出名的食肆之一，仲係好多報章雜誌都有介紹，不知幾巴閉，來到香港當然要試一試。抱著好大期望去食，點知失望而回，除了個小排骨之外，其他都不外如是。例如個一品煲，入面有雜菜同D腐皮腐竹及其他好平的材料，已經值160幾蚊，另外個上海炒麵，心知正宗的上海炒麵係唔同港式做法的，點不知來過好似街邊的豉油王炒麵，而且仲有陣炒「火農」味。