上海婆婆 (新都城中心) (Closed)

因為早吃飯，終於都可以到這非常受歡迎的餐廳吃飯了。第一個前菜是雞絲紛皮，麻醬的味道不錯，而且不會太乾身，易入口，做得好。蒜泥白肉的醬就略為淡口了一點，令到整個菜式的味道變得太淡了。這味雪菜炒年糕的年糕處理得不錯，不會太油，也不會太硬。做得煙煙韌韌的，口感不錯。最後推介一下生煎包，底層脆脆的，而上層軟。內裡的豬肉當然也是軟軟的，有肉汁，味道很好。

又快到一連3天的假期, 再加上公司發了雙糧給我們, 我和同事都蓄勢待發要好好去吃一餐 以豐富菜式填飽肚子來送走2016年!!! 卒之選了在將軍澳的上海婆婆 雖然寶琳站對我來說有點遠 不過都不緊要啦 反正過來走走吃吃都不錯!!! 大約7pm來到, 客人不太多 站在外面很快就已可以入坐 在等待期間 看到這裡有很多蟹粉菜式 原來現在吃大閘蟹都不遲耶!!! 未入坐先看看海報就已流口水了! 其實上海婆婆的其它店子我都有吃過 感覺價錢不貴選擇又多 而且裝修每間都很雅潔 這間亦不例外, 店子內裡很大 沙發位多, 坐得超舒服! 而且每位服務生都佷友善(包括經理在內, 真的超nice!) 勤勤換碟換水不在話下 有空還會和你談談食經 感覺很有人情味在內 不會是坊間那些木口木面冷冰冰黑面的討人厭傢伙 所以這餐我們都吃了接近3小時!!!!哈哈~ 先來杯鮮豆漿 -入口冰涼, 豆味十足, 口感不會太甜, 好好喝! 大大隻的花雕醉雞- 份量十足, 價位約hkd 75, 但絕對值此價!!! 首先每件雞件都夠大件, 是脾肉的闗係, 入口啖啖肉, 嫩滑非常 而且雞皮夠薄, 連着浸滿花雕酒的嫩滑

這间上海婆婆已經光顧了很多次，晚饭時間非常多人。如在本區想食上海菜都沒有太多選擇了，所以襯平日放假，路経這裹便嘗試這裏的下午茶時段。雖則下午茶時段但仍有午市套餐。我和老公各自叫了一客下午茶餐。黃金炒飯來了，撲面而來的黃金(咸蛋黃)香氣，立刻食指大动。份量不是迷你版，飯炒得甘香 ，粒粒分明且內裏軟熟， 鹹蛋黃不是過份地多，每粒飯好像被鹹蛋黃薄薄包著 ，師傅炒飯的功架不錯輪到酸辣湯麵 賣相不錯 材料豐富有木耳冬菇絲豆腐，但似乎只有辣味，唔夠酸唔夠濃郁，味道沒有層次，頗單調。 麵條是可以的但整體只有搶喉的辣， 印像中這裏的酸辣湯都是這種味道，仍然沒有一點進步，有點兒失望。 隨著酸辣湯套餐有一款小食-- 牛肉包。 包 底外脆內軟仍有牛肉汁，可以加番少少分 數。每款套餐都有一杯豆漿或餐飲附送，我們要了豆漿。 豆漿有豆味而且不太甜。埋單唔使一百蚊， 可以接受。

計好晒時間6點半就食晚餐，幾乎無乜人等緊位，直入有卡位坐，真愉快～望向餐廳，樓底算高，座位多又太逼，復古懷舊裝修真有秊跟了婆婆落樓下食飯的感覺。2個大食之人叫了5個菜，菜的份量很足，叫3-4個可能會更好。 黃金四季豆。 咸蛋味太搶，豆角味不足，閉上眼根本分不清在食蛋黃炒什麼野椒炒牛肉片。 牛片很嫩，炒得很入味。 但茨汁太濃太杰，多食幾片已經咸到要用開水洗了才能入口。 而且菜譜上只顯示了一隻辣椒仔，以為只有少許，誰知入口方知辣得過份。 不能食辣的男友只能望洋興嘆。建議下次標明辣的程度老干媽肉碎炒年糕。 都是因為我愛食辣，又一個男朋友望洋興嘆的菜。 年糕還是津白肉絲炒更好最後2味已經無心機影相了。其中雞絲粉皮成了全天解辣良品

我試過雪菜肉絲麵和青菜煨麵，雪菜肉絲麵麵質彈牙，味道一流 。小食方面，我試過蔥花家常薄餅、三絲春捲和鍋貼。我推介蔥花家常薄餅，它不會太油膩。而三絲春捲的餡料有蘿蔔絲、菜絲和肉絲 ，外皮非常酥脆。當我一咬下鍋貼，鍋貼的肉汁馬上噴出來。

一入來店員都好熱情,不過都唔係第一次來,都係覺得地方幾舒服再來食飯。小籠包皮薄涵靚每一件底下都野墊住，最啱我呢啲粗魯嘅人拎上嚟都唔會爛，夠細心。上海炒年糕都好正,味道arm arm好，都炒得幾野味。紅燒肉好特別有金針菇係底，好入味，每件肉都好有菇味，最後連啲菇都食埋。生煎包都唔錯,同平時一樣好依,用料十足,呢間都幾有水準。朋友聚會覺得呢間唔錯又唔會太嘈吵，而且搭地鐵下鐵又方便，服務都唔錯，下次會再來。

這間上海婆婆，屋企話搵間舒服d既傾下計，見到呢間環境都幾好，座位舒適，重要是聽講食物質素唔錯，就帶屋企人試下。這裡餐牌都幾靚，望落都幾吸引，經過店員既介紹，就決定左叫幾味小菜。首先要介紹的是上海粗炒，味道不俗，不算太油多，肉與菜的比例合適，粗麵將醬汁吸入味，分量充足抵食。另外，花雕醉雞更值得推薦，肉質爽滑，沒有太多酒味令雞肉變苦，味道較得剛剛好。清炒蝦仁，爽而不膩，啖啖肉，啱哂我哋鍾意食蝦又懶剝蝦殻嘅人。婆婆擔擔麵簡直是我的至爱，味道香濃嚟，又不太辣，很適合怕辣人士。當然一個開心晚餐唔少得叫個好味既甜品，最後叫了個香蕉高力豆沙，清甜不膩，可以食多個。

平時食開廣東菜，今晚约了一班知已相聚，便想嚐試上海菜刺激一下久違了的味蕾，於是便訂了附近的上海婆婆，附近住有九折優惠都幾好。店内環境不錯，有2人枱、4人枱／卡位，座位舒適，招呼都幾好，唔錯唔錯。這裡食物質素唔錯，尤其個招牌擔擔麵，味道香濃，但不太辣，比較適合怕辣的我。最值得一提的是花雕醉雞，肉質爽滑，但沒有一般醉雞的苦澀味，值得推薦。最後叫了個餐後甜品什果凍酒釀丸子，軟糯丸子加上果酸酒味，清甜可口，為这晚餐加上完美句號。

上班前與妹妹來到屋企附近的上海婆婆食個午飯，等了一陣都已經很快入座。我們安排坐在卡位位置，店員也好有效率地奉上熱茶及餐牌，中午時份，餐廳設有優惠套餐及麵點套餐，我們選擇了後者，麵點套餐可以自選一款拉麵再加一款點心，價錢只是$63，供應時間是由11:00am 至14:00pm，麵的款式及點心各有5款，我個人點了一碗婆婆擔擔麵及婆婆小籠包，而妹妹點了一碗回鍋肉湯拉麵及迷你素菜包。另外我們二人都追加$6配了一杯豆漿。鮮豆漿的豆味濃郁，入口香滑而不會覺得太甜，啖啖都是然豆香，冰涼透心又生津止渴，也是不錯的好選擇喔!平時食上海菜我都會點碗婆婆擔擔麵，一碗熱辣辣的擔擔麵真是好香，幼滑的麵條浸在於小辣濃郁湯底內，伴著豬肉碎、花生粒、蔥花及炸菜，食前先把湯底裡頭我花生粒與麵條攪拌下，每一口的麵條都好細滑而有嚼勁，充滿花生的香惹，一邊吃麵一邊喝湯，味道帶點香辣，且相當美味又開胃。食上海菜總不離開食籠小籠包，婆婆小籠包一共有四粒，每粒的小籠包大小均一，夾起時都沒有穿皮，皮薄帶有豐盈的肉汁，味道真是好鮮甜，入口的豬肉餡都不會感到好膩，飽滿多汁肉嫩的滋味讓一試傾心。回鍋肉湯拉麵當中有乾豆腐及回鍋肉，回鍋肉味道

同男友相識第一日，就係食上海婆婆。到今年二月，剛好一週年。懷緬一番。一樣睇戲前，食個上海婆婆。蛋黃四季豆 - 原來用蛋黃炒四季豆，兩個人食一碟，好漏。小籠包 - ok。紅油牛展擔擔麵 - 可以。紅油抄手 - 本人好錦意食紅油抄手，但呢個味道同平時唔同，唔係普通紅油抄手味道，好似剩係雲吞加咗辣椒油咁。真係好一般般。

將軍澳新都城食市林立，平平貴貴各式各樣的菜式以供選擇，是晚就揀選了中位價錢的上海婆婆醫肚，因已過了晚飯排長龍的時間，唔洗點排隊就安排我倆安坐於四人枱，舒舒服服。小食點了生煎鍋貼同婆婆小籠包，上菜時間快速，上桌時食物熱騰騰的，小籠包一籠四粒，咬落去湯汁滿滿溢出，肉汁鮮味，點埋醋食一絕。$36/4粒生煎鍋貼一碟三件，$36/3件，價格適中，鍋貼大大隻，底部煎得脆卜卜，咬落去肉餡滿滿，湯汁跟肉餡流出來，熱辣辣鮮甜又好吃。咸香蝦球，$118/碟，相比出面的餐廳這碟蝦球不算太貴，每粒蝦球都包著咸蛋黃，咸香味齒頰留香，蝦球肉質彈牙可口，而且蝦球大大粒，份量都唔小，送飯絕配。最後點埋雪菜肉絲炒年糕，$70/1碟，食完濃味野都想清清地叫個炒年糕，年糕煙煙韌韌，雪菜肉絲清淡，剛好中和口中的咸味，加埋這個炒年糕就飽晒，飲埋生磨豆漿，已經十分滿足！

今天回將軍澳探望母親，晚上到新都城食飯，母親喜歡食上海菜，就到位於二期的上海婆婆食。因為之前也到過其他分店食,味道不錯。砂鍋雲吞雞：湯厎鮮甜，雞肉嫩滑，雲吞大粒又足料，滑滑的雲吞皮包住鮮肉等等的餡料，令人回味無窮！😋酸辣湯拉麵：酸辣湯用料有：肉絲、冬菇絲、木耳絲、豆腐絲等，酸辣度適中，加入拉麵非常好味！👍婆婆小籠包：食上海菜必食的，小籠包肉鮮汁多，加些薑絲點些醋，真的令人食不停口😋香蕉高力豆沙：軟棉棉的外層包住豆沙和香蕉饀料，灑上少許糖粉，真是一流的飯後甜點！

早前帶婆婆去完東港城食<<上海婆婆>>之後, 佢就一試愛上, 回味左幾日, 今日諗住同屋企人再去Encorn, 一查之下原來新都城都有分店... 今次除左Encron左某幾款上次有食過既野食外, 另外都有order其他款式試試..【豆漿】HK$15好滑, 有淡淡既豆味, 少少甜【麻辣鴨舌】HK$70呢個小食辣到噴火!! 本身自己好食得辣, 但都抵檔唔到呢種麻辣...食左十條鴨舌左右, 條利已經好麻, 岩哂愛辣之人!! 份量都幾多, 鴨舌好入味, 入口口感較為煙韌【婆婆膽膽麵】HK$50黎上海婆婆點可以唔ORDER佢地既招牌菜 - 婆婆膽膽麵呢?!呢個膽膽麵湯底食落有好濃郁既麻醬味, 湯底食到差不多到底是較杰, 麻醬味更加濃, 肉碎唔算好多, 麵質林度岩岩好, 大大碗, 自己一個食一碗已經好夠飽 【砂鍋雲吞雞】HK$172呢個湯為例牌, 四至五人份量, 入面有半隻雞、6粒上海雲吞同埋幾棵小棠菜, 個湯極為清甜, 雞算幾嫩口, 雲吞皮薄, 餡料多而令雲吞望落脤卜卜~ 最正個湯唔會有太多油浮上面, 較為健康~【婆婆小籠包】HK$36每次黎上海婆婆, 我都會必O

唔知係咪就快到農曆新年既關係節日氛氣都越來越濃厚 令到我都對食物方面偏向中國菜多朋友約食飯 問我想食咩我淨係諗到中餐 其他暫時都唔想食住入到去將軍澳就變左大鄉里 真係好少入黎呢到新都城中心相當之大 真係搞到我都迷路了朋友一早拎定位等我黎食 上海菜 又黎小籠包啦!! 哈哈呢間上海婆婆同平時食開既舖頭有少少分別就係佢個設計裝修更具中國色彩 好似大宅門個啲客棧咁感覺唔錯 新舊特色 設計有意念懷舊感強 食飯都會更加會同環境融為一體 加強飲食體驗肚都餓 係時候點菜了酒醉豬手 $63醉雞食得多見得多喇 但醉豬手真係比少見既無他既 豬手既處理程序比較麻煩 所以有食都好驚喜酒味岩岩好 唔會太搞到苦又唔會乜味都無 豬手又爽口 皮又彈牙 肉質鬆又軟 加上佢用唔同藥材去整 感覺又幾健康特別!!!!鎮江肴肉 $72講到上海菜既前菜除左雞絲粉皮之外 我第一時間會諗到肴肉水晶肉加上整齊既切割 淨係睇都會有種好高貴既感覺而且肉汁啫喱入口即刻溶化 並且以豬皮作最面層配合調味得宜既肴肉層次相當分明 而且精螢通透 份外吸引加埋酸鎮江醋更加令人食指大動蟹粉小籠包 $78蟹粉比一般小籠包更矜貴 拆蟹肉加蟹羔程序煩複 而且時間

今日和朋友往將軍澳上海婆婆食dinner, 我們點了花雕醉雞, 鎮江小排骨、婆婆擔擔面、婆婆炒菜飯和蟹粉小籠包。花雕醉雞, 酒味好濃香, 雞肉鮮嫩啖啖肉；鎮江小排骨酸甜度適中, 排骨細細件, 容易入口, 開胃小吃；婆婆擔擔面略嫌醬汁比較辣, 面條爽口；婆婆炒菜飯飯炒得很香, 很有鑊氣, 菜粒好爽口, 飯熱辣辣, 美味；蟹粉小籠包湯汁好香蟹粉味, 熱辣辣, 皮薄餡靚。餐廳食物美味坐位闊落, 坐得舒適, 而且上菜速度好快, 好味上海菜,適合一大班朋友聚會, 朋友由於住新都城有九折優惠! 正!