大川滬 (Closed)

土瓜灣的大川滬主打上海菜，價錢合理，食物質素不錯，性價比高！我們選擇了特價2人餐$288，包括有兩個湯，一個點心，一個主菜，一個時蔬，兩個飯和甜品，相當抵食！豆漿天然解喝！蕎麥胚芽茶帶有非常香濃的麥味！老火湯清甜足料！酸辣湯夠酸夠辣又夠材料，十分開胃！上海小籠包皮薄而且不易破！內裡充滿湯汁和肉汁，餡料鮮嫩，鮮甜味美，非常高質，十分推介！不愧為招牌菜，絕對值得一試！鐵板花爆牛肉鐵板上菜能夠保持溫度，夠鑊氣，又夠惹味！杞子魚湯浸菜心魚湯十分濃郁，令菜心都變得更清甜！菜飯、白飯桂花荔枝蘆薈凍帶有桂花香味，荔枝的甜美，很不錯的甜品！豆沙窩餅外層煎至金黃色，脆卜卜，厚薄適中！內裡的豆沙蓉甜而不膩！

今晚好想食中菜～決定黎土瓜灣大川滬食dinner先來一籠小籠包，高質既小籠包一定要皮薄，多湯汁，大川滬既小龍包絕對做到呢個要求「涼伴海哲」清新開胃，是前菜好選擇「賽螃蟹🦀️」蛋白絲加上香口的咸肉，送飯一流之選，我地仲特登點了一碗菜飯share，送呢碟賽螃蟹之後係成晚最中意既菜「黃金蝦球」 爽口鮮甜既大蝦🍤拈上香口的咸蛋黃，一起炸，香脆而不油膩非常好味食完熱氣野，點返碟菜先～ 奶油津白一碟份量好多，味道唔錯～最後仲試咗一盅醃篤鮮，超足料呢分別有小棠菜、咸肉、香菇、荀...成餐飯超豐富呀，好滿足

心血來潮想食小籠包，經過呢間上海菜就試下！小籠包一籠4粒，皮唔厚，一咬落去有驚喜！滿滿肉汁流晒出嚟！韮王鱔糊既鱔又粗又彈，同平時食果啲又淋又幼完全兩回事，仲有又唔油膩個，唔錯！銀絲卷即叫即炸，外脆內軟，點埋鱔糊個汁都得！手爪餅同蔥薄餐有啲似，店員好細心咁幫我地剪開咗幾塊易啲share，熱辣辣食會食唔停口，自己本身都鍾意食薄餅類～花雕醉雞，雞夠凍又滑，酒味唔太濃，味道適中。值得推介既係餐廳既蕎麥胚芽茶，本身鍾意飲玄米茶飲多幾杯就鞋口，呢個就愈飲愈想飲，飲多幾杯都係咁滑，又健康又好飲！

今日去土瓜灣大川滬食野。聽個名就知呢間餐廳係食上海菜。去得食上海菜，小籠包同鍋貼點可以唔叫？由於去到都晏，怕小朋友餓就即刻叫野食。上菜速度都算快，份量又足，賣相精緻，味道好食，先生同我對呢間餐廳一致好評，下次約埋朋友再黎過。佢哋服務都好好，老闆nice ,因為我有小朋友，連坐低時飲既茶都有再介紹一下係蕎麥胚芽茶，小朋友都可以飲。茶好香蕎麥味又唔太濃，清清地好好飲。鍋貼🥟-皮脆肉嫩，煎餃都可以噴湯汁，老公勁贊小籠包-皮薄餡靚， 夾起個小籠包已經見到啲湯汁係入面，勁正糖醋魚🐟-酸（尾尾）好開胃賽螃蟹🦀-一個字滑蝦仁炒蛋🦐-足料好多蝦上海排骨菜飯🐖 -排骨好香脆，層皮一D都唔厚，好似冇落野就咁生炸一樣，勁好食甜品係-擂沙湯丸🍡，香濃芝麻餡料加外層既黃豆粉，比例岩岩好，囡囡返到屋企都問幾時再去食過👍🏻👍🏻

老婆最近愛吃中菜，而中菜當中最得其歡心的絕對是上海菜。最近比較忙，沒有太多時間外出，唯有在屋企附近食個快餐。意外地，裝修同服務唔錯的上海餐廳，價錢竟然好親民。客飯套餐同湯麵，都不過係六七十蚊一位，好相宜。糖醋魚塊做得好好，口感唔錯，茨汁亦睇得出大廚的功架，酸中帶甜、甜中又有一點鮮味。雲吞湯麵分量十足，賣相看似清淡，但麵條的口感同味道都拿捏得好好。而且雲吞餡料豐富，仲有青菜添！小食都唔錯。食物係正宗上海餐廳的質素，價錢又貼地，標準快、靚、正。

是夜到土瓜灣北帝街晚飯，好友極力推薦大川滬，正宗上海菜，價錢合理，而且服務不錯，一於試試！獲安排坐四人卡位後，老闆熱情地介紹招牌菜式，小店的確人情味濃，而且雖是平日，但入座率頗高，證明口碑不錯，令我更期待！家鄉燻魚魚肉外脆內軟，醬香味濃，口感酥香軟嫩，很不錯。韭黃鱔糊每條鱔絲都均勻地沾上醬汁，口感爽滑軟腍，食得出魚鮮，味道鹹中帶甜，夠哂甘香惹味！上海小籠包厚薄適中、肉餡鮮嫩、汁濃肉香，湯汁鮮甜味美，不易破皮。香煎鮮肉鍋貼鍋貼外皮Q彈，充滿韌性，煎至金黃酥脆，肉餡滑嫩，絕對是美味與鮮香的結合！砂鍋雲吞雞(例)熱騰騰的雞湯飄香四溢，味道清甜，雞肉好嫩滑，仲有大量鮮甜青菜，配大大粒彈牙雲吞，用料十足！奶油津白香濃既奶油被津白徹底吸收，香甜綿滑，奶油味極濃郁，再配以鹹鮮金華火腿黎調味，香滑又可口～豆沙窩餅上海菜甜品必點豆沙窩餅，外層煎至金黃色，厚薄適中，外脆內軟、甜而不膩！最後點選特色甜品橙花玉露內有粒粒鮮燈皮，帶桂花香，好適合於重口味既川滬菜後點選，口感特別清新怡人～

好耐冇同啊媽撐枱腳，見佢咁中意食上海野一於帶佢黎間正宗上海菜試下，環境幾大而且企理，洗手間乾淨，老闆娘服務態度好好，好詳細介紹食物特色。小籠包大隻多湯汁好juicy, 皮既厚度剛剛好，一啖咬落去熱騰騰既湯汁同肉餡，好味道！香煎鍋貼最特別係佢個底好脆，肉餡同樣好juicy! 蘿蔔絲酥餅完全展示到師傅既厲害，好鬆脆而且蘿蔔餡份量足夠，味道甜甜地又鹹鹹地。大力推介奶油津白，好多汁好夠味，但又唔會話好鹹，我同媽子唔撈飯都食到成碟，好香，菜煮得夠稔。排骨粗炒唔太油膩，粗麵口感煙韌，配料份量剛好，排骨亦都夠入味。最後大力推介甜品，橙花玉露！！橙皮碎皮桂花，清香涼爽，絕對係解膩最佳良品，特別食完上海野，佢喬麥茶都係解油膩，清香消濟！

土瓜灣北帝街一向多野食～爸媽鍾意食上海菜，今次同左佢地嚟試下大川滬呢間上海菜～好少可聽到佢地會一路食一路讚～鱔糊 - 一向上海菜都油膩非常，呢道菜不但唔油膩，蟮仲又粗又彈🤤小籠包 - 非常多湯汁，皮薄，正！鍋貼 - 即叫即煎，個底煎到脆一脆，內餡一啲都唔乾，好食！樟茶鴨 - 熱食脆皮，涼食有肉味，凍左食有陣陣煙燻味道，送酒一流海蜇拌淆肉 - 淆肉彈牙不膩；海蜇又彈又爽，仲撈左爽脆既蘿蔔絲，夾埋一齊食落口感完全提升左去另一層次🤤涼粉紅豆冰 - 平時食紅豆冰真係食紅豆，花奶加冰....但呢個除左係椰汁+綿綿紅豆外，仲有切細粒既涼粉，飲管都啜到，口感豐富❤️橙花玉露 - 手工之作，胖大海+手切橙皮+桂花，食落感覺清涼又潤，為呢一餐劃上完滿句號😋

住系土瓜灣其實都好少系附近食飯,今日收左工好累就想近近地食完就算，唯有附近兜下啦，見到有間食上海野既，系出面望望有咩野食先再入去，好多款選擇，重點系吾貴😛一入到去而經立即有職員招呼我坐低，我想講呢到既職員十分有禮貌，我問佢有咩推介佢竟然勁有耐性咁同我講解，果一刻受寵若驚😛最後信佢推介點左個冰鎮秋葵做前菜，勁爽口，點埋個Wasabi醬簡直系絕配，醒一醒胃先，根住就黎個手抓餅，一d都吾油，好酥脆👍🏻之後黎個必點既小籠包，一啖咬開勁多汁流出黎，重點系個皮夠薄👍🏻再黎過醉雞，個酒味勁香，酒味夠之余又吾會覺得好濃，只雞又夠曬滑，最後黎個上湯年糕，一黎到就飲左淡湯先，好鮮甜，因為個湯入面都幾多料，同埋吾會覺得有味精咁，年糕夠曬煙韌，食到我同個朋友勁飽，埋單都係3百幾蚊👍🏻

今日難得下午先返工，返工前食個靚午餐先！去咗土瓜灣這舖頭，在內街的，唔係見到上次朋友在網上介紹，真的不知道這兒有這間咁好味的菜館🤭。午市時間都好多人，好彩只係一個人，否則未必有位。午市時段有客飯套餐，價錢由$45-$50，有白飯🍚跟，送老火湯🍵及冷熱飲品☕️一杯。點咗個回鍋肉客飯，一場嚟到，當然要試埋佢個招牌點心：小籠包（4隻）。先來個老火湯，老闆娘話老火湯日日不同，個個都讚不絕口，的確午餐都飲到咁正嘅老火湯，不錯👍客飯嘅回鍋肉份量都唔少，好惹味，小小辣，好有上海老店的味道。最後來個小籠包，即叫即製，熱騰騰，內裡的湯汁好鮮好正，真正係皮薄多汁，餡料又足，果然係招牌點心，正呀😍！下次試下晚市嚟食，試埋其他招牌菜先😋

初來土瓜灣區報到，附近都有唔少隱世又高質的美食，比起連鎖店吸引得多。橫街中有一間甚有看頭的上海餐館。估唔到入面仲有私人包廂，環境都唔錯。晚市除咗單點，有唔少的套餐選擇，二人餐都算係非常之抵食同豐富，有齊前菜、點心、主菜、湯羹同甜品等等。小籠包好多汁好美味。粟米羹係真材實料。個雞煲都有唔少驚喜，唔係傳統的川式麻辣，而係上海菜系獨有的風味，幾惹味。蔬菜都好新鮮。甜品亦都係有誠意之作，令人感覺幸福。整體質素都唔錯的上海餐館，值得再來。

帶住阿女老公拍拖嚟到土瓜灣， 覺得肚仔餓，見到大川滬門面幾光猛乾淨， 唔使等位就入去坐低。阿姐服務態度好好，笑容滿面，即時準備bb櫈同餐牌，見選擇有困難既我們 ， 跟手阿姐介紹以下食品。真係好細心。嫩雞煨麵 （$58）- 真係好適合小朋友食，好香雞味，雞湯底。雞肉同菜切到細細粒， 雞肉好滑，面條索曬湯汁好林，但唔係爛。三歲人仔都食到小半碗。小籠包（4隻）$38-  皮薄餡靚，趁熱食，咬開會爆汁，充滿左湯汁，肉汁，好好味。鮮肉鍋貼 $40 - 皮厚左少少，但煎得好香脆，咬落去同樣好多肉汁（湯？）帶點少油，肉質鮮甜。上海炒年糕 - 份量都幾大碟，有冬菇絲， 菜絲，肉絲， 醬汁調味唔錯。年糕唔會痴住一大舊， 每塊都彈牙煙韌。老公都話正。紅油抄手（6隻）- 未食過好似乒乓波咁大粒既抄手 ，帶點甜味，個皮好滑。再點左個客飯滑蛋蝦仁，配白飯靚湯 例湯 紅蘿蔔粟米湯，賣相就一般，但好足料好好味架！蕎麥胚芽茶 $6/位 - 好清新，健康。 食咗好多肉同醬汁，飲返啖口氣回復清新。老公話一個人都可以食個客飯。食到勁飽都係300幾蚊, 服務態度又好，味道又好，下次要試埋糖醋魚或樟茶鴨。好期待

星期日下午來吃，有幾個假日set lunch, 我叫左『苦瓜炆魚』，我見張單打了『鱸魚』，等了很久，一位侍應走來跟我說沒有鱸魚，令一位像是比較高級的很欣切的來說再替我check下，轉頭告訴我沒鱸魚，轉為『沙巴龍等』可以嗎？我答『可以』，又等了一會兒，午餐終於到，雖然是等得久，但我肯定這是即叫即整，所以感到非常驚喜！

土瓜灣以上海菜為主打，輔以日式、粵式和港式小菜；滙合傳統與新派菜的精粹,晚市時候另有廳房作私房菜，餐廳走廊闊落可容納輪椅和BB車,相當適合家庭聚會或是朋友飯局。晚飯時間完結後,他們會搖身一變成為酒吧,客人可以伴隨著音樂或欣賞直播球賽，一邊喝酒，一邊聊天。另外大川滬亦提供港式早餐和多種菜式的午餐,可說是全天候全能型的餐廳。菜式方面,來大川滬必食的當然是上海菜,小籠包、鍋貼、葱油餅全部都是即點即做。大川滬招牌菜包括大川滬秘製茶鴨，用上等茶葉醃製的鴨肉帶著微微的茶葉味道，鴨肉外脆內嫩，十分鮮味。此外，大川滬奇妙炒飯用料有海鮮粒、菜粒和彩虹炸米、效果脆軟兼得、賣相吸引。另外，燒汁黃鱔籠仔荷葉飯也是大川滬人氣菜式，飯底混入燒汁味香濃，黃鱔的味道滲入荷葉和飯倍添好吃。大川滬的下午茶最近有一系列新出品，都以西遊記為主題，其中「八戒誤闖盤絲洞」，是以上海蒸銀絲卷配以肉絲及沙律醬，中點西做，將軟熟香甜的銀絲卷夾上了肉汁香濃的豬肉絲來過crossover，外面添上可自選的沙律醬增加外觀及口味。價錢不貴,值得一試

上海小籠包小籠包就是可以試到這家餐廳合不合格的指標這裡的小籠包價錢不算貴, 一客有4隻一隻看起來是非常的大顆, 而且未吃已經看到入面是超超超超多的湯料!!一咬下去果然是非常的爆漿, 大家吃的時間要小心燙味道不錯, 值得一吃香煎鮮肉鍋貼難得的鍋貼是煎完還是保持到入面的水份和不會太DRY一隻份量也不少, 入面材料看到的是滿滿的, 而且肉質豐富!!上海炒年糕一碟超大的份量, 加上醬汁點來吃, 辣辣的口感才是真正的炒年糕風味一片大小岩岩好, 口感煙UN