沙田友冰室 (Moved) New Location

放假唸住搵間茶記嘆杯奶茶食個早餐，經過沙田友見啲裝修幾得意就入去試下嗌咗招牌豬軟骨米粉豬軟骨係硬嘅都係第一次經歷😂😂😂啲米粉又好淋😂黑松露炒蛋都幾滑，不過成份都係凍涷地應該整好咗好耐嗰啲唯一係杯奶茶叫正常，都算有茶記應該要有嘅水準但！係！啲餐具嘅污糟程度真心係我去過嘅餐廳入面最污糟頂唔順叫阿姐拎叉俾我地再用滾水浸再抹先可以勉強接受而家尼啲時候仲有餐廳可以咁唔注重衛生都真係幾佩服😂😂😂

其實唔係第一次食。不過次次叫走冰/ 少冰，都係俾返半杯冰我，然後拎走啲冰杯野少一半，凍飲已經加左$3啦，仲要俾成杯冰，咁不如叫啲客飲冰啦。食物算OK，蛋撻，豬仔包，西多都係熱辣辣。不過西多啲糖漿又係少到得滴，又係要睇伙記面色叫佢加多啲。不過算啦，都係茶餐廳姐。樓面態度就不太好了，食野就唔差既，算係新鮮，即叫即整。下午茶先推介大家去，人流無咁多會好啲。單上面QR code係scan唔到嘅，惟有呢度講啦⋯⋯

自從屯馬綫一期開通之後，就好有興趣去每一個站行吓，今日就嚟到石門站，周圍行逛後有啲肚餓，就搵間茶餐廳醫肚，見呢間冰室個名又幾得意，門面又裝修得幾靚，於是就入去坐低咗。以冰室嚟講佢嘅價錢都算幾貴吓，或者個價錢係包含着佢昂貴嘅裝修費啦！落單嘅哥哥仔裝扮成個e-kids嘅Tommy咁，我都唔係想外貌協會嘅，不過佢又真係木口木面，似乎唔係好知道咩叫顧客服務咁，咁都算啦，我覺得都係我自己要求高啫，不過全場得三枱客嘅情況之下，我等左20分鐘都未有嘢食，先發現原來漏咗單，真係有啲嬲嬲豬好彩追咗之後就好快有得食，呢個肉醬意粉配杯熱飲埋單要$59，仲要個份量都真係少得幾可憐，餓起上嚟真係會覺得唔夠飽，不過味道都算正常嘅。咁呢個常餐相對地就抵食啲啦，豬扒麵嘅豬扒係好食嘅，夠淋唔嚡口，麵都煮得彈牙爽口。個蛋炒得幾滑，黑松露醬份量適中啦！真心唔係好夠飽，所以嗌多個菠蘿油，菠蘿包係好食嘅，不過個菠蘿包係凍嘅，所以舊牛油完全唔會溶喺個包入面。食完之後，終於明白點解呢間餐廳晚市時段都可以冇乜客，下次再嚟石門玩嘅時候唔知仲見唔見到呢間鋪呢⋯

經過見佢門口裝修都ok就入左去試下，點知比佢門口呃左！首先想講員工態度超級唔好，第二就普通茶記都會有既「出前一丁」都冇，心諗中伏喇！最後叫左個肉丁蛋面，個面質我都算，個湯喊到想嘔,仲叫左杯凍寧茶（少甜少甜）,杯野黎到好甜囉（不過哩個就睇個人口味）,其次係d冰多到篤唔到檸檬，哩間野我唔會再試，我亦會叫我朋友唔好食哩間野！實在太難食！

早上出左去石門做野🤭做完遇著狂風暴雨！係附近搵野食🍜沙田友冰室-裝修好特別！係舊時冰室咁👍🏻侍應有禮。叫左個番茄豬潤通粉，湯底番茄味好濃好好味，豬潤時間剛好，唔會overcook👍🏻黑松露炒蛋又滑又香，配埋牛油多士脆卜卜！值得推介！下次要試埋個蛋撻😌

因為要到石門工作，所以便試下這間，點了它們的招牌早餐沙嗲牛肉麵，配上炒蛋+多士，點埋個茶走先講左1) 沙嗲牛肉麵先 :與一般茶記的牛肉麵差不多...都係好好味...麵就有少少淋...但總括而言都係好味之選2) 炒蛋+多士炒蛋好滑，多士亦好鬆軟，這間茶記既多士做得好出色。3) 茶走跟茶記一樣好飲的奶茶，應該是選用黑白淡奶沖既奶茶，真係好好飲...一飲難忘 

晏晝12點左右，兩個人walk in唔使等位直接入，叫咗個午餐，一個瑞士雞翼撈公仔麵，一個星洲炒咪，一杯凍咖啡一杯凍檸茶，姐姐態度唔錯。一坐低阿姐就放低兩碗豬骨湯，我問佢我哋未嗌喎，佢話唔使錢送嘅。嘢食過咗5分鐘就到，食物質素都係一般茶餐廳水平，值得一讚就係周圍嘅裝修，好有心思，坐低食飯傾計好舒服。值得一講就係位置方面唔近大街，就算中午食飯時間都唔太多人，午飯餐牌算多款式，差唔多有10樣，仲送埋中湯，算抵食。

賣麵包個呀嬸態度差到痴線！好似個個都得罪佢咁，平時普普通通買個包都已經口氣勁衰，今次貼住個牌明明寫住有個包，去到同佢講完，佢發現賣晒都要俾佢鬧，唔通我買包要幫埋個呀嬸check埋你仲有咩包淨先買？賣晒唔識自己remove個牌仲躁人底？明明係一大朝早都可以咁躁，真心唔明點解。勸大家唔好再去依間野買早餐，石門仲有大把好選擇，至少我未係石門見過有任何一間野個態度好似個呀嬸咁差，點解仲要去依間野受人氣，搞到成日都唔開心。

我的友人是沙田友 所以她今天帶我來吃「沙田友冰室」的煲仔飯，她很推介「大澳咸魚肉餅人煲仔飯」。煲仔飯是要即是做的，而且製作需時，所以你一定要有耐性去等。在等待期間細心欣賞餐廳的佈置，很有懷舊風味，收銀處上面有一個很大的算盤，很特別。桌面上有東南西北的字樣，有趣，員工的制服也很別緻。香噴噴的煲仔飯送上啦，好香的飯味，好香的鹹魚味，還有一碟充滿香蔥的黑豉油。首先試一試個大澳鹹魚，是梅香的，但不會太咸，肉餅帶少少肥，而且不是絞得很碎那種，飯粒分明，每粒都有各自的地位。將豉油混和整個飯，非常好味，有肉香有嚼口，因爲煲飯是滿滿的，所以要吃到一半才開始鏟起煲仔飯的精髓 - 飯焦，飯焦金黃香脆，不會過火，剛剛好，這是一個非常好的煲仔飯，下次一定會再光顧。

今日同女朋友黎到石門站好少黎呢個地方 所以都完全唔知有咩食上過openrice睇發現都冇乜嘢好食咁跟住我地周圍行過見到呢間唔算多人 但幾有特色嘅茶記麻將枱未點嘢先派咗個例湯都係一般茶餐廳可以食到嘅嘢黎紅咖啡雞扒飯佢個咖哩好辣下但雞扒煎得幾香幾脆算唔錯幾好味咖哩比較辣干炒牛河好過癮 佢噴啲油落黎再點火燒一燒佢先食熱辣辣嘅干牛河幾惹味炒得幾香覺得唔錯茶走比我飲咗啖兩位食加埋$114晚餐黎講算幾合理同埋干牛河幾好味

今日去左食個干炒豬扒公仔麵 ...黎既時候已經見到塊豬扒切左3舊 仲要炸到乾曬 咁本人唸住是但啦 可能味道好掛 就照食啦 點知食第一口豬扒 肥到咩咁成件都係肥膏....再咬第二舊 哇 乾柴到完全唔能夠接受...再咬第三舊 心裡十句粗口想講囉... 再食左啖面 略咸 食多啖 我已經接受唔到 大佬 想我洗腎咩 咁即刻同阿姐講 問可唔可以換啦 點知佢超無禮貌彈埋黎 碟野黎到你唔講 食到一半先講 ？ 我話唔換無問題 我唔每件試過點知你件件唔得呀 麵又咸 ...阿姐啤左我一眼之後無理我 我成碟野 咬過3啖豬扒 兩啖面 就走左 出去只能夠話比收銀果個聽 你地咁樣好唔得囉 ！咁叫食左一半？！ 呢間咁既野 野難食 阿姐態度又差 ！永遠唔會再去！我仲會同我所有同事開心share 添🤬

又係喺石門搵食嘅日子，呢間以懷舊港式做裝修的茶餐廳我都食過幾次，通常送完亞女返興趣班就會過嚟食返件蛋撻。今日我哋帶住亞女，叫牛油皮蛋撻俾佢食，佢好鍾意呀。牛油皮好香好脆，中間蛋撻心好金黃又唔會太甜，可惜冇影相。星洲炒米用料都好足，雖然下午茶只係30幾蚊，細細碟，但係裏面嘅配料都好多，蝦仁都有10隻左右。而且炒得好均勻，唔會一啲辣有啲唔辣。我哋仲叫咗楊州炒飯等小朋友都可以食，炒飯粒粒分明係，又唔會好鹹，小朋友都食得。凍檸茶中上水準，冰的份量足夠，茶味夠濃，甜度適中。

日期：9月28日人數：3人一家三口再到去石門搵嘢食。上次路過呢間冰室，覺得佢裝修好似唔錯，人氣亦都幾旺，就諗住今次專程嚟試吓，但同期望有d落差。我哋嗌左一個常餐，同一般差不多，裏面有豬扒公仔麵（我哋轉左通粉）、黑松露醬炒滑蛋、多士同埋一杯熱飲。另外點左個脆脆豬仔包餐。最後見餐廳外邊寫住火焰炒牛河，咁就叫咗一碟乾炒牛河試吓得唔得 (另加$3有杯凍檸茶)。豬扒係有煎過嘅，但係就太多肥，仲有唔少骨，所以其實無咩肉食。黑松露醬炒蛋多士屬於正常水準。而豬仔包只可以話一一般般，比起好食嘅奶油脆豬差左起碼一個level。乾炒牛河配料多，炒得都算幾香，但油份比一般乾炒牛河多，整體唔算突出。一家人一致覺得，以一個標榜冰室的茶餐廳來講，食物質素其實不如期望。後來我哋諗住試埋咖喱魚蛋，見佢$10有8粒咁平，就買咗$10。估唔到有驚喜，咖喱汁好香，魚蛋亦都頗為彈牙，亦冇話好多粉，絕對係抵食嘅。我哋見到魚肉燒賣都好大粒，但因為太飽，所以無試到。餐廳裝修係行懷舊風格，但係座位偏細，我哋覺得坐得偏窄，唔算舒服。餐廳位置幾方便就喺石門地鐵站外面，行1分鐘就到。

今日帶仔仔黎沙田石門上playgroup , 玩之前搵間餐廳食早餐 ，見到有間（沙田友）早餐幾多人排同價錢都唔貴，而且早餐供應到11:30，於是入去叫左兩份早餐。歐陸早餐（炒蛋，多士，茄汁豆，炸魚柳）+（熱奶茶）（$39）- 奶茶好香好滑，不過唔記得叫茶走，但都好香甜奶滑。

上網搜尋得知呢間鋪名物係干炒牛河，去到試食後真係名不符實，牛河炒出黎無鑊氣唔夠熱力，啲粉太干身得黎一啲油都無硬實實咁，啲粉味道又啖，成諜得個3片牛肉咁多，洋蔥又大塊又多，食後成口都係洋蔥味，牛河牛河，得個3片牛肉點夾埋河粉去食，仲話係店鋪名物喎。。。呢55蚊拎去大x樂好過，以後絕不幫襯呢啲所謂壞舊茶仔，花錢買難食