沙田友冰室 (Moved) New Location

之前經過見到呢間野火焰乾炒牛河好似好有鑊氣，仲有斑蘭蛋tart，綠色的好特別。星期日下午去試試佢，大大個下午茶餐牌棟喺門口，入到去餐牌都有乾炒牛河茶餐，到落單嗰陣就話其他炒粉飯都有茶餐，浄係得乾炒牛河 今日 冇茶餐，得正價$52，仲要熱飲都要+$3，吹脹😡 最後都叫咗當食正餐食多啲。見到隔離枱食茶餐炒貴刁嘅份量，我嗰碟正價牛河份量唔多得幾多，又冇鑊氣，味道同份量都對唔住呢個價錢。斑蘭蛋tart食唔出斑蘭味，$10/個。熱奶茶ok。

沙田友 ，這茶餐廳的名字颇有趣味，意即住在沙田區的朋友！ 這裏交通非常方便 就在石門港鐵站外的瑞京廣場。餐廳裝修行懷舊風格，大玩本土文化有街市魚檔吊燈、大排檔燈泡裝飾，店內店外都很多打卡位！下午茶時段，我們點了下午茶餐 星洲炒米和雞扒薯條配自選餐飲，追加一份蛋撻😙！星洲炒米 不辣反而有點像火腿肉絲炒米粉，質感不油爽口雞扒薯條 (可選擇沙律) 炸雞扒有意外驚喜 ，皮脆內嫩 ，內裏還保持肉汁!凍檸檬茶 有點苦澀味，可能茶底放得太久了！餐廳沒有特色招牌菜，整體出食物質素中規中矩，性價比高！

一向好欣賞呢度既班蘭撻，果日想買，個櫃唔見有，咁我就問有冇啦，個大媽勁串咁答：你見到呢度有咩？我問出爐等幾耐，佢答：總之而家冇真係唔該晒，態度咁惡劣，以後唔會幫襯，垃圾

家在西貢，其實是近馬鞍山的邊緣地帶，亦即是話，本人生活，出沒的地點，同沙田區是息息相關的。再加上新工作的地點在沙田，我可以假設，我已經成為了一個《沙田友》。然而，就在我工作的地方，就有一間好有味道既茶餐廳，有少少玩復刻，也有少少玩食字，名字叫《沙田友》的茶餐廳，以沙田同老香港玩意做主題，未入去，單是看見名字，已經覺得非常之有趣。茶餐廳的設計，是老香港的風味。一入到去，就令大家看見7、80年代的人和事，喜歡懷下舊的朋友，這餐廳的設計，可以讓人懷念下過去既。更搞笑的，就是玩晒本土文化，玩埋廣東話俗語，收銀處就收銀處啦，傍什麼水....不過，收銀處亦的確是食完野要去 "傍水" 的地方。此外，每一檯都有一個路牌仔，而路牌的上的名字，不是檯號，而是沙田區內的各大小街道名稱。更深入香港文化的，就是用餐的檯，其實是一張 "偽" 麻雀檯。對，此檯雖不能打麻雀，在此茶餐廳，應該也不能打麻雀，但這樣的餐檯設計，真的令任何一個香港人都想起，麻雀檯。先說早餐，我點的是一份最香港式的公仔麵。普通的大光麵底，早知道湯是沒什麼味道的。所以我要了五香肉丁，因為辣辣地，香香口，會增強湯底的味道，再者，肉丁的肉夠味也帶有

早排一朝早去買面包,八達通無錢,諗住比現金,點知個呀姐即黑面大大聲講用八達通,之後我話:"八達通無錢可唔可以比現金?"佢黑晒面唔耐煩咁答;"你有散紙就可以買,我地無錢找"😥今時今日咁ge服務態度仲邊有人去幫襯你呀?

今日去買蛋撻，價錢牌全部寫住配皮蛋撻，點知店員就黑晒面，答我得牛油蛋撻。跟住我俾紙幣，佢又喝住我：唔得！淨係八達通！垃圾服務態度嘅餐廳，我唔會再幫襯。等執笠啦！

雖然平時喺附近做嘢，亦都經常經過石門站，但從來都冇嚟過沙田柚食嘢。今日想試新野，所以就嚟食。餐廳嘅裝修好有特色，非常懷舊，睇得出落咗好多心機。本身以為係普通茶餐廳，但睇餐牌啲野食比普通茶餐廳特別小小。我叫咗個芝士肉醬薑飯，配凍檸茶。呢個飯包埋野飲60幾蚊左右，唔算貴。個肉醬飯唔係普通大快活嗰種，個薑飯令成個飯嘅味道非常特別同野味。我朋友要食素，所以佢叫左個番茄炒蛋飯，佢話OK，味道一般，冇咩特別。基本上都會再返黎食。

三點幾入到黎,本身諗住帶個午餐椒鹽豬扒飯食。order完之後,話賣晒,咁只好嗌過第二樣。之後叫咗個蒜香生炒牛肉飯,碟野一嚟到賣相極不討好,咁我就以為好食唔好睇啦。頭嗰幾啖都覺得冇乜嘢,只係啲牛肉同普通茶餐廳一樣都係比粉過。但之後食食吓連續幾啖都有啲一粒粒嘅嘢,食落去沙沙聲。心諗算啦繼續食埋落去,食食吓有兩啖都食到有勁大粒嘅嘢喺度,呢啲一粒粒嘅嘢唔知係味精定鹽。真係頂唔順啦,叫咗個夥計過嚟,佢話換過碟比我。佢拎返碟野入廚房,之後過嚟同我講話嗰啲係蒜粒,但我食咗十幾啖都唔覺得有蒜味,亦都冇見過有蒜粒食落係沙沙聲同望落係白白地透透地咁。唔會再係依間食炒飯,真係太失望。

今日諗緊食咩早餐之際，見面門装修幾特别，行懷舊FEEL,又試下先早餐選擇都算多，價錢正常價，入到舖内感覺幾得意，有報纸介紹(想當年)，好彩早左少少黎，因人流開始多，早餐時段坐爆，開始要等位……但食物質數好一般，通粉有D咸，多士好硬

📍沙田友冰室 俾個裝修同埋出邊嘅人等位吸引左入去，伏 ✅設計裝潢係幾好，坐得幾舒服✅食物選擇多 多到我諗左成十分鐘❌唔好食 ！最好食已經係舊多士，番茄湯冇番茄味，得啲酸味❌叫咗個西洋茶豬雜湯飯，啲肉係冇味嘅個湯就有小小鹹味啦，西洋菜佢有獨立嘅西洋菜味，成件事Fail ，基本薑味都冇，佢啲瘦肉仲要係無豬肉味🚫人均消費：$60好味指數： 1️⃣2️⃣3️⃣4️⃣5️⃣ 4.9/10分回頭率：45%地址：沙田友冰室 (沙田)沙田石門安群街3號京瑞廣場一期地下G19號舖

沙田友，懷舊的港式茶記裝潢，並不討好本人，感覺它在「扮」舊，而不是真正有味道有故事的舊要了兩個小菜，附熱飲，白飯和例湯。先上例湯（疑似冬瓜薏米黃豆豬骨湯），大碗有料一碗夠兩人分食。奶茶，正常。黑椒薯仔牛柳粒，薯仔炸到脆口，沾上黑椒，很惹味 牛柳粒熟道剛好。配菜洋蔥紅綠椒仍保留爽口。整體不錯。涼瓜魚柳煲，上枱熱辣辣，味道正常。份量多，我猜，女仔的話，可夠兩人分食。整體來說，正常，沒有很出色也沒不達標。價格沒很貴，大約80蚊左右一個小菜。服務正常，我在非繁忙時段去，沒差也沒賓至如歸，哈如果沒想到吃什麼，又在附近會翻食。

放咗學落嚟搵食！新鮮出爐麵包，排晒長龍！好似好正喎我又排隊買先！隔離仲有燒賣魚蛋買㗎！有樽裝奶茶$20支都幾多款式個喎！價錢中等見到有個酥皮斑蘭蛋撻，好似幾得意喎！但係嗰日末見到有得買⋯大大隻蝴蝶酥，都好想試吓！仲有椰撻，紅豆燒餅，普通嘅牛油蛋撻！香噴噴，聞到都想食！吞拿魚包、腸仔包、腿蛋包⋯酥皮蛋撻$8酥皮幾脆，蛋撻夠軟滑！大大隻菠蘿包$8菠蘿皮好夠脆，不過麵包就空氣感多啲，唔夠實淨！食完好似都唔飽咁！哈哈

每次經過石門京瑞廣場呢間餐廳，都會俾佢既懷舊風裝修吸引住，今日終於有時間入去試試。晚飯中式小菜一般由$58至$88不等，包餐湯，白飯及熱飲。小菜款式都係一般大路菜式，我和朋友每人點了一個，分別是炒牛柳粒和炒芥蘭。每人先來一碗青紅蘿蔔豬骨湯，大大碗夠足料。🍵蜜椒腰果炒牛柳粒$78呢碟賣相唔錯，紅椒同青椒都炒得好爽，牛肉就夠淋，配埋腰果同洋蔥層次都幾豐富。原本想叫馬拉盞炒通菜，但通菜已沽清，所以就轉咗薑汁芥蘭$58。芥蘭一d苦味都無，反而有d薑味，但芥蘭就略嫌唔夠爽。來到茶餐廳就點都要飲返杯熱奶茶，茶底夠濃，奶又夠滑。

年初四選擇不多，揀無可揀唯有到沙田友。食完真係年初四咁樣！無！下！次！又要開門做生意，又請來龍虎武師。結果？就是夥計做事分哂心！而且嚴重騷擾食客！近距離的大鑼大鼓，令食客心跳加快，震耳欲聾！極之滋擾！而且燒香味道不斷湧入店內，味覺騷擾！人類吃飯不吃香的！叫套餐，唔上例湯！叫少飯無少飯。同事叫午餐肉燶邊無燶邊！大媽夥計放下碟子時整個手背碰上了我的飯上。告知她她亦全無歉意，笑著講：「係咩！」轉身就走。一個叉燒滑蛋飯，叉燒乾𠲜𠲜嚡爆！滑蛋完全無味！滑蛋過生！生蛋白一大泡留在碟上！非常不專業！搞呢搞路又舞龍又舞獅，幾好意頭都唔會有用！不如專心顧好食物質素，做好飲食業基本的人和事，生意自然滾滾來！

沙田友冰室 Sha-Tin Buddies Restaurant - 走懷舊路線, 酥皮蛋撻值得一試未計食物, 先看環境, 已經知道這裡有不少影相位. 老式的餐廳, 越來越少, 保留下來的, 或許又裝修了. 反而新店就會走懷舊風, 把昔日的風貌移植下來. 這樣子的懷舊, 真的有意思嗎?推介吃皇牌早餐「香滑炒蛋厚多士」, 香滑炒蛋, 說真的不是炒蛋吧, 也不太香滑. 厚多士, 算厚吧, 微脆, 不過面頭的牛油不夠均勻.「沙茶牛肉公仔麵」麵質偏稔身, 牛肉反而幾入味, 帶沙茶香.「香滑奶茶」，要茶走. 茶味未算太濃, 但就幾香滑的, 感覺上是奶強於茶.「酥皮蛋撻」, 一場來到, 還是來客名物酥皮蛋撻吧. 是剛剛出爐的, 熱辣辣, 酥皮相當酥脆, 鬆化, 帶牛油香, 蛋是挺滑熘, 不過稍嫌欠了點蛋香.走懷舊路線的沙田友冰室, 早餐水準一般, 奶茶未如理想, 但名物酥皮蛋撻就值得一試. 來這裡, 您為的是食物, 還是拍照?