沙田友冰室 (Moved) New Location

菠蘿飽加奶茶係香港人最爱的simple breakfast and afternoon tea. 如果製作出色，淨係賣呢兩樣嘢都夠晒，昔日上環的蛇竇，揸甸坊的金藍湖，現在的金華，都係我的至爱。今日下午有事去石門走一趟，辦完事肚餓行咗去沙田友買個包加奶茶祭下五臟廟✨菠蘿包加奶茶外賣$21個飽漲卜卜還是熱的，剛刚出爐，飽底柔軟得來又有筋性，淡淡的牛油味配合甜而脆的菠蘿皮，What a perfect match ! 杯奶茶落咗一包糖，還有些苦味，以為唔夠，其實一啖飽一口茶，甜苦交溶，啱啱好。總結一下，沙田友的飽是very good ，但杯奶茶唔係最好的级數，比一般茶記好，中上之作，$21亦是合理價。

依間野越做越差，就今日晨早出下馬鞍山去石門，諗住轉下口味，點知火都黎X埋我叫一個B11餐 根據單及餐牌係雙蛋，但出黎得一隻，要自己追，同姐姐講，就話係主廚出餐，佢話事架，我照落單追啦，我就補一句，如果改餐單唔改餐牌同收據唔得架喎，姐姐口氣估計都唔係第一次，一隻蛋都呃？！腌肉落梳打茶記我預左，不過唔該清好梳打粉先，唔好同我講冇，牛扒摺疊位一啖都係，個薯餅陳年油”億”味，頂你凍奶茶得奶味，凍齋啡，冇啡味，極其量叫黑水進餐期間，聽到同場多次出錯餐(錯食物配搭，遲遲未到，甩單(係已經再飛紙仔)，你廚房唔夠腳冇料到就唔好開早市啦拜托🙏🏻，簡直為侮辱食客😡我好後悔我嘥左個食嘢quota，食間仲差過大X樂嘅早餐，拜託你早啲執咗佢，一係就換咗個廚房，$60起石門可以有更好選擇

平時都間中去呢間食，貪佢夠走腳。食物質素本身都麻麻地，今日食完塊雞扒有血水味不以為意，結果下一日就勁肚疴。一日去左四，五次廁所。搞好d食物質素啦😑以後唔會再去。

3月26日下午一時三十分在沙田石門沙田友冰室，點了沙姜雞飯，吉列魚柳沙律，熱奶茶2杯，沙姜雞鞋，淋上雞上面啲汁有臭油益味，食咗一件以經唔想食，吉列魚柳好濃，沙田友永遠都不會再去，行咗過隔離丸記食牛腩粉。

受到街坊愛戴 平價茶餐廳😛👍🏻每次經過石門都會食呢間冰室，裏面選擇好多，常餐丶炒粉麵丶包點呢啲都有😗！今次就食咗菠蘿油☺️菠蘿油 $28熱辣辣新鮮出爐菠蘿包😆👍🏻都做得好香脆！甜度適中，裏面夾咗一大舊牛油🧈又熱又凍嘅口感好好😋而且菠蘿包個size都唔算細，呢個價錢都可以接受！另外仲有唔少蛋撻麵包呢啲 下次可以再試吓其他👍🏻不過值得一提係啲侍應姨姨態度都幾好見到佢哋好忙都好熱心處理好多唔同野

已經幫襯過幾次，今次決定寫個食評讚下！每次必叫蔥油雞扒飯！52蚊！雞扒大塊又滑，蔥油咸度岩岩好！今次最驚喜係呢個沙牛包！38蚊！包皮脆度剛剛好！一啖咬落去外脆內軟，而且甜甜地應該係沙嗲裡面有少少花生醬！沙嗲味濃，牛肉又正！真正好味道！至於茶方面，奶茶出色！凍檸茶就普通無咩特別！店內有貼出冰室奶茶蛋撻由幾十年老師傅用心製作！臨走都買左兩個麵包蛋撻回家食！

首先形容一下個亞姐先4、5十歲，身材矮少，少胖，長直頭髮，扎低馬尾。事件就係打電話去落order叫杯奶茶，佢👂電話d語氣已經5係好，我叫完杯奶茶，你係咪應該回答好/ok呢！呢個女皇5出聲，hold咗條線1x秒就cut我線，係hold條其間我有喂喂，冇人回應。跟住我就梗係再打電話去問有冇落單啦！打第二次去，個女皇話你咪打咗電話嚟囉！咁你（女皇）冇應吖嘛！呢個女皇已經5係第一次態度差，平時個靚女有禮貌，個靚女一放假，佢頂個日就係咁，我係客，但5g點解要受d咁嘅氣！今時今日5係咁嘅服務態度。5想做咪返去做你個女皇囉！

#沙田友冰室 #石門美食 屯馬線開通左之後其實好方便一出去就見到呢間沙田友冰室俾佢嘅設計吸引咗 充滿懷舊味道🗣一坐低就叫咗個蛋撻加杯熱咖啡🔸蛋撻酥皮夠脆熱辣辣一入口好滿足👍🏻🉐👏🏻👏🏻🔸焗茄汁豬扒薑飯 $63焗飯無野好批評 都正正常常不過不失可以一試 都未去到要專登搭車去食不過係石門黎講 真心正😍特別蛋撻🤤評分🌟：3/5

在石門做嘢，轉眼已過1點，便去京瑞廣場搵食。見沙田友有位不用等，便直入睇吓。原來佢逢星期一至五每日都有特惠套餐，不過我不太肚餓，便揀了一個秘製豬扒脆豬加一杯熱檸茶，盛惠$38。脆豬包上枱，見其頭頂插了沙田友Logo貼子，可愛。包頗大，差不多三分之二手掌大，即有4至5吋，而豬扒更大過包。👍🏻👍🏻👍🏻這個豬扒包，味道是出乎意外的好味，由於麵包是店內烘培，面包外皮微脆，猶其是頂部。麵包裏面軟熟，加埋用洋蔥調味的豬扒，很香口，可以一啖肉一啖洋蔥。豬扒亦厚身及大件，咬開肉質鬆軟，啖啖肉，好juicy! 😋😋😋檸檬茶嘅茶味濃，剛好平衡了豬扒的油膩，這個價錢，絕對超值。👍🏻👍🏻👍🏻

最近多左係石門出沒，一向經過開冰室都會忍唔住睇下餐牌，見依間餐牌幾有創意同心思，就入左去試下😆餐牌好多野想食，但無奈之後要食晚餐，只可試下特色小食🙈班蘭蛋撻係第一個吸引我眼球既食物，結果當然無失望👍🏻班蘭味雖然唔太重，但重點係味道平衡，食得出班蘭味又食得到蛋味😛加上個撻皮都做得唔錯，正！作為一個愛包之人，多士係我成日明知唔抵食但都會叫下既食物，依度個多士特別在，叫完本身既組合（奶醬多）後，仲可以加$3要多塊鮮油😍😍😍入口滿足又邪惡，當刻感覺正過食鵝肝😆😆😆

本身諗住坐低搵個地方食下野，點知入咗去之後發覺呢度嘅服務員態度真係一般般，而且食物質素都係非常一般！叫咗一個XO醬炒公仔麵！但係XO醬冇同個面一齊炒，而且個豬扒亦都係太過火！有少少失望

今朝出開去碩門 朋友就介紹我去沙田友食個靚早餐 唔洗成日食樓下餐廳咁悶沙田友成個裝修都行懷舊望主題 好有特色仿似返左去舊時ge香港咁叫左兩個早餐兩個早餐都有多士跟炒蛋個多士比其他餐廳好食 厚d同埋烘得好脆👍🏻個炒蛋都好食 好香好滑豬軟骨麵同火腿通都好味道食完早餐再叫多左蛋撻食酥皮同蛋漿都好香班蘭味蛋撻好特別有東南亞風味同埋熱辣辣咁食好好食

早餐質素差，多士冇牛油，炒蛋細到一啖就冇，懷疑廚房做野求其一隻蛋炒兩份。$40我唔會話貴，但你一係就加價，叫廚房唔好求能其咁煮俾人食。同埋今日去食早餐，有個冇腦呀姐上沙嗲牛肉麵時，明明我兩人台前面冇人，但條懶西因為唔想行多兩步，竟然起我身旁穿碗麵過來，但佢真係未訓醒或者盲既，碗麵撞左去兩張台中間塊膠板度。倒左啲湯去我個身度同個袋內，極不負責任咁想走左去就算，佢地啲員工個個都好似好閒咁，事不關己咁。我即時鬧佢，至傻下傻下拎廁紙，但竟然係抹台，唔係俾我抹身。有一個正常啲既至講唔好意思，但晒9氣，我淋返你轉頭講唔好意思得唔得？對呢間店極度反感，如果唔係朝早呢區返工，平時絕對唔會幫襯。

呢間冰室早餐選擇多少，包點選擇也不少沙爹牛肉麵套餐我最愛，嫩口的牛肉用濃厚沙爹汁煮到好入味，撈埋粉面底食惹味另外仲有半塊烘過面的麵包脆口，滑溜溜的炒蛋，再配搭埋餐飲，份量足夠斑斕酥皮蛋撻好特別，可以一試

Weekend 大約一點鐘黎左食lunch！最近減緊磅已經好耐冇食過茶餐廳⋯因為好想飲奶茶同食公仔麵🤣今日破一破戒黎食！本來淨係諗住食一個茶餐，但係見隔離枱菠蘿包勁大個！！！！就額外叫咗一個菠蘿油🤡 果然冇令我失望😋😋😋😋 全餐最好食就係依個菠蘿油🤣🤣🤣另外我哋叫咗一人一個豬軟骨公仔麵🍜，黑松露蛋加多士，凍奶茶🥤。豬軟骨好林好食！但係冇諗過湯底係羅宋湯🥲 都OK嘅。松露蛋係滑蛋，松露份量都幾多。唯獨是係個奶茶，感覺到啲冰係用生水，朋友飲完無耐就搞肚痛去廁所🥲如果唔係天氣咁熱，我一定會飲熱奶茶☕️ 但係個茶味係濃郁嘅😂😂 其實店員服務唔錯，冇某啲食評講得咁差🤣人手都十分充足！石門咁多茶餐廳，下次可能試吓第間先🙂🙃