新麻蒲 BBQ (形點) (Closed)

其實我不嬲都係韓燒嘅粉絲 呢間餐廳亦都係我嘅名單內之一 難得有三日假期就決定嚟慶祝下 而家佢哋午餐做緊買三送一我哋叫咗以下四個套餐烤肉套餐:特級午市($168) 豬牛($118)佢將兩個烤肉套餐放埋同一盤霜降牛肉 肉質嫩味又濃 護心肉 牛肋肉就醃左 味道甜甜地 我用黎包生菜食 正水冷麵配烤豬肉($82)份量十足 豬肉片同水冷麵分開 麵夠晒冰凍 有晒碎冰凍住 醋同芥辣自己落 味道自己調風味牛排骨肉湯($82)牛排骨以為用湯煮完會好似煲湯肉 大錯特錯 厚身但好嫩 啖啖肉 牛味又濃 有連住骨部分仲嫩 超推介跟餐嘅飲品亦都非常之吸引叫咗兩杯覆盆子紅醋汽水少少酸又有氣夠曬開胃埋單除番開一個人都係一百蚊非常之抵

呢排心情差，好想瘋狂食肉,所以就搵埋個ＦＤ去左食韓燒。入到新麻蒲,硬係試下佢個特級牛市套餐。是關有牛又有豬，睇落係最豐富。點知入到同Ｄ職員請話食燒炸，一埋位就已經送上好多前菜。ＯＭＧ，係勁多前菜，不過見到附近唔係食燒燒既都有前菜送。燒炸呢Ｄ最怕就係食幾舊肉就會覺濟，所以就叫左杯酸梅可樂，杯野像勁開胃，第一次飲，估唔到酸梅同可樂都幾夾。係等Ｄ肉送黎既過程，店員除左送上前菜外，仲係燒炸爐四周加上蛋槳。Ｄ蛋入面本身有泡菜係入面，就咁食已經好好味，不過個餐有生菜包埋，可以包住Ｄ蛋同一陣Ｄ肉一齊食，諗起都爽。一邊食住前菜一邊望住出面個公園景，餐廳環境裝修幾靚，但識坐一定好似我咁同係卡位，望出去雖然係公園景，但夠光猛，心情都開心Ｄ！前菜都有幾款，我個人最ＬＩＫＥ就係個涼拌海帶，酸酸地，又開胃，食完一啖又忍唔住係咁再食！唔夠一陣店員就送左一大盤肉同菇上黎，我地兩個人都係叫特級牛市套餐。所以真係好豐富。由期係個霜降牛肉，真係好大塊好厚切。食落去個肉汁又，爽！跟住燒埋佢個五花肉，直接燒一燒兩面再剪成一條條。用支夾炒熟後製成生菜蛋肉包！果然自己整完再食真係有加成，係咁包，Ｄ生菜包曬又可以叫店員再加，爽！之

好耐都無食過韓燒了，所以今日就約左個朋友一齊食🙈🙈我地兩個就叫左個二人套餐，兩個都食到勁飽勁滿足。一坐低已經有唔同既涼伴小菜同埋沙律，比我地食住睇menu,岩曬我地呢啲放工好肚餓既人之後我地就叫左個2人餐share,2人餐包左燒烤拼盤同埋步隊鍋，食完超飽！！🙈🙈呢到除左涼伴小菜，爐邊蛋都係任食，我地都貪心地加多左一轉🤘🏻🤘🏻🤘🏻🤘🏻步隊鍋都有唔少配料，正！食完真係令我地好滿足😍😍

新麻蒲不嬲都好出名，呢日專情黎食午市烤肉餐😋呢到採光好好，有自然光射入黎，成個感覺好精神舒適～仲一直播住韓文歌曲一坐底就有人送上一啲餐前小食我地叫左特級午市套餐，包括4款肉同菇類，仲有杯特色餐飲! 話咁快啲肉就上左，啲肉都大大塊！霜降牛肉牛味重，口感好好五花肉，佢個爐火力好足，咁大塊肉唔駛一陣就熟左啦。我會將啲肉剪細，咁就可以方便用生菜包黎食啦！爐邊蛋蛋、泡菜、韓式辣醬都係我必加既😋 順便一提，啲生菜食晒係可以再叫佢添㗎護心肉同牛肋排都係有葉過，味道比起頭先嗰兩款濃烈好多，基本上啲醬汁都係唔需要沾，呢個時候食佢套餐附有嘅紫菜飯就最啱啦～啲菇款燒一陣就變熱啦～👍🏼火力足嘅好處👍🏼欣賞佢最後配菇咁樣就可以當係配和番啲熱氣😂餐飲都大大杯👍🏼

先叫各1份秘醬牛排，秘醬豬肉先，後來加醬油蟹拌飯。但蟹到先食，問他們我份牛同豬仲未到，他去睇下出左未，先知到去錯枱號係枱到攞返我張枱到他説去錯左客人無食過😱，我話唔要你取消。後來這份🐷⋯⋯燒下啦。把較剪剪唔到肉，火滾唔識即刻埋單走🤬⋯⋯服務員見到唔問發生什麼事。

雖然近日市道受到社會氣氛影響，但都唔阻周圍去發掘美食地方。今次就去到元朗YOHO mall一間韓國燒烤 - 新蒲燒bbq餐廳，因為坐落大型商場嘅関係，可以好舒服咁shopping 完就找到一間地方舒適地方醫肚。大大個門口，側面仲有顯示屏將推介資訊提供，睇到有個「韓國水原夏日三食套餐」，標榜京畿道水原牛肉，出名以嫩口聞名，一於試下係咪貨真價實⋯⋯地方闊落，環境空間夠大，亦都有韓國嘅前菜小食有泡菜、蘿蔔絲海帶絲，主菜就係個水源牛肉裏面有三款不同部位，分別有牛仔骨，但係並不是常見既薄切方法，係以長形切割，可以清楚見到一條骨連一大片肉，另一部份係霜降牛肉以及牛肋排。三款不同口味，霜降牛肉燒出來充満油香，食落美味嫩滑。至於牛肋排充滿咬口、肉質爽嫩。牛仔骨就更加美味，連接骨頭一起燒起來更加香氣四溢。除左食物有水準外，更值得一讚就係場地唔會周圍油煙味，因為每一張枱都有一個獨立嘅抽氣而且10分強勁，所以食完後都唔會成身油煙味離開。整體十分滿意，下次一定是去其他一個特色嘅牛肉拼盤。

今日同女朋友去左元朗行街, 見到新麻蒲呢間餐廳見到佢午市做緊優惠, 所以決定入去試一試。入到餐廳, 發現餐廳環境寬敞, 座位位置也很好, 而且每個燒爐上都有個吸煙機,所以感覺幾好。餐廳職員便問我我地要燒烤還是普通點餐。因為現場環境燒烤滋滋聲震耳欲聾,而且香味散發,所以我地決定燒烤。我們二人叫了兩個特級午市套餐. 套餐份量非常多, 一個套餐有霜降牛肉50G, 牛肋排50G, 護心肉50G, 五花肉50G,什錦菇類而且有大量韓式前菜涼拌。試想像一下, 百多元的一個餐便已經有多種肉類供應, 多麼划算。而且肉質非常好, 燒盤也有韓式蛋邊,坦白講, 呢個價錢呢個服務, 真係冇得彈。而且餐廳經理相當帥。總體而言, 本人推薦新麻蒲, 一來大集團, 食物有保證, 二來價錢不貴!

YOHO MALL有間韓式BBQ其實已經幫襯左幾次🤣今次出咗個新Menu✨推介韓國牛肉、牛肋骨、牛排😆所以又去食🤣餐廳地方其實都好舒服👍🏻通常都係卡位，非常寬闊所以去relax真係一流嘅選擇同埋服務都好好服務員招呼殷勤、有禮所以食得都好舒服👍🏻另外一個吸引我去幫襯嘅地方就係前菜😆有五款唔同嘅選擇有洋蔥、泡菜、生菜、沙律、海帶等同埋可以無限添加唔使逐次收錢真係非常正！👍🏻👍🏻👍🏻韓國牛嘅份量都好多🥺足夠兩個人食👍🏻同埋有蔬菜伴碟味道和一般牛肉真係有分別肉質比較軟身，調味亦甜甜地！都特別！最鍾意就係牛排，非常香！✨另外都會送埋泡菜蒸蛋！食完真係大滿足👍🏻👍🏻🤣✨

今日同朋友出YOHO睇戲，逛完街仲有兩小時才夠鐘入場，於是決定搵間餐廳吃個午飯。YOHO的餐廳包羅萬有，不同國家的菜館都輕易找到，而朋友就建議不如吃韓國菜吧！於是，我們就去了<新麻蒲BBQ>餐廳播放著流行的KPOP Music，而服務員就安排了一個窗邊位置給我們，環境十分舒適。午餐的款式非常多，差不多有二十多個餐可供選擇，而且還有買3送1，可惜我們只有兩人，享用不到優惠呢！而最吸引我們的，都是韓式燒肉餐，價錢不貴，而且可以親自試試燒肉，所以我們點了兩份燒烤特級午市套餐！點餐後數分鐘，服務員便端上了一碟碟的小吃，如泡菜，紫菜，沙律等，還有不同醬汁供稍後的燒肉調味。不消一會，燒肉及紫菜飯都送上了！我們這個餐包含牛肋排，護心肉，五花肉和什錦菇類，非常豐富！我們急不及待把一塊塊肉放滿在燒烤爐上，一邊燒肉，一邊聊天。在等待肉熟時，又可吃爐邊的蛋，真是分身不暇呢！燒肉真的值得一讚，肉質的油脂比例適中，不會太多肥肉，而且肉汁很多，就算不落任何醬汁都可！若不想跟飯吃的話，亦可選擇把菜包著肉吃，感覺較清新較健康！至於飲品，我們各自點了藍天檸檬汽水及石榴果醋，顏色十分鮮豔，充滿夏天的色彩。

OT返到元朗，又可想行太遠，可以去新麻蒲食BBQ宵夜套餐。新麻蒲成日都好多人排隊，一般都多人等下位，但宵夜時段就吾洗等位，岩晒剛OT完個肚到咕咕聲大家。餐廳好貼心送無限添食的開胃小菜，大家係等緊美味的烤肉時都吾慢餓親。小菜有自家製泡菜，海帶，大豆芽，新鮮汁津菜，店員說小菜會不時轉下款，絕對吾怕大家食厭。燒肉拼盤真的不少，有4款不同的肉，海蝦同蔬菜拼盤。其中的最受護心肉，好Juicy又夠味。最後，食埋佢的爐邊蛋真的好滿足，滑滑的蛋混左惹味泡菜，非常好吃。

入元朗探朋友要係形點搵地方食午餐，經過新麻蒲門口見到有套餐喔，難得星期日都有套餐，就去試試啦！門口細細但入面原來都幾大，卡位坐得好舒服。落完單好快就開爐同上前菜，前菜有海帶、大豆芽、雜菜沙律同泡菜，比一般韓國餐廳的前菜大碟，仲可以免費任添。因為無吃早餐好肚餓，所以即刻吃個部隊鍋先，配料好足，有午餐肉、腸仔、牛肉，份量好足，麵底係正宗韓國麵，夠彈牙，吃完好滿足，套餐包一晚飯同飲品，$82確實幾抵食。朋友叫咗份豬肉套餐，包兩份豬肉:護心肉同豬頸肉，護心肉係醃過嘅，唔會太鹹，夾生菜吃啱啱好，豬頸肉好爽口，陪埋豆瓣醬味道一流。朋友怕唔夠吃再加咗份豬肩肉，大大塊，完全唔會韌，十分推介。兩個人吃到飽飽都唔洗$400，真係好抵食。總結，環境、食物同服務都好滿意，下次會再來。

今日一早係形點睇戲，睇完早場突然想吃韓燒，朋友就建議去新麻蒲，位置就係形點1行到盡頭落扶手電梯到地下，好易搵。首先要讚下前菜，有海帶、大豆芽、雜菜沙律同泡菜，全部都好大碟，唔使吃兩啖又要叫人添，生菜好新鮮，而且清洗得好乾淨。我們叫咗兩個套餐再加一份豬肩肉，開始仲怕唔夠吃，點知差點吃唔完，份量好足，兩個人絕對夠飽。部隊鍋套餐($82)包一碗白飯🍚同飲品味道比我想象中好，本來怕泡菜太酸同湯底太辣，點知連湯都飲埋，唔太辣好好味，入面有午餐肉、腸仔同幾塊牛肉，個麵煮都剛剛好，唔會太淋有口感，套餐包埋飯同飲品，抵食。午市豬肉套餐，($92)包一碗白飯🍚同飲品兩份肉分別係護心肉同豬頸肉，護心肉醃過嘅，少少甜味唔會太鹹，夾生菜吃啱啱好，豬頸肉切得比較薄，燒完外脆內軟，加埋韓式豆瓣醬，正！黑毛豬肩肉($127）個樣有點似豬扒，好大塊，肉質嫩滑，好夠肉味，唔點醬都好好味，吃得出係高質豚肉。原來平日都有午市套餐，選擇多，都幾抵吃。讚讚這間的服務，侍應都有禮貌，按完個鐘好快就有人過來。

今日去元朗Yoho搵食,Yoho有唔少餐廳!一直都想試下新麻蒲，難得呢度有分店！梗係唔諗啦即刻去試啦！元朗呢間分店落地玻璃可以望到出邊好多花花草草！感覺好relax，而且環境闊敞，坐得好舒服！最近出咗個summer der,所以想試吓呢個套餐!係三隻牛嘅選擇分別係水原霜降牛肉，水原牛肋排同水原特級牛仔骨，而且仲有冬菇，雞髀菇同翠玉瓜！而且仲有幾種泡菜俾你免費任食，仲有沙律附上！而且有四種唔同嘅醬汁，更有一種啱你口味！

今日行過見到有個新套餐，妹妹話想試下，咁就一於入去食下啦。午市時間都幾多人，爆曬場。餐前小食當然不能缺少泡菜， 海帶和芽菜。 泡菜睇落好似好辣， 但實際只係微辣， 一向唔食得辣嘅我，都食得到，非常惹味。海帶夠淋身，帶點酸甜，非常開胃。而芽菜夠爽口，岩晒我口味。沙律和生菜夠曬鮮嫩，食多啲菜可以幫助消化。水源霜降牛肉牛肉厚切之餘，咬落去非常軟熟， 醃得夠曬入味。水源牛肋排睇落去好似好韌， 但實質入口唔韌唔鞋， 而且一啲雪藏味都無。水源特級牛仔骨牛仔骨夠曬厚肉， 煙韌之餘仲好有口感， 簡直係我嘅摯愛。當中也有一些蔬菜，包括冬菇，雞髀菇和翠玉瓜， 食完當堂冇咁濟。燒爐旁邊仲有蛋， 燒到差唔多嘅時候，蛋已經可以食，非常嫩滑鮮甜。夏日special set，三食套餐，二個人食完都飽飽地。 鍾意食燒肉嘅可以主打呢個set， 夠曬喉!

Book7:25左係形點睇戲.所以醫飽左個肚先！同老公同對仔女一行四人睇下食咩好之際，見到呢間韓燒都幾多野食，又有小朋友啱食既野，入到去無咩人，因為先5:45，但一到6:30就幾乎坐滿左！點左辣味豬護心肉、一份A5牛、水冷麵、仲有一碟醬油蟹！唔洗多講韓燒一定多前菜架喇、啲前菜不過不失、送埋碟沙律菜添，不過唔係幾新鮮，啡啡地色，講真唔送好過送.護心豬肉同A5牛都好食！鮮嫩多汁！我女女食親韓國菜都要食碗水冷麵、佢話呢個冷麵都唔錯！至於醬油蟹，只因我去韓國食過大好食既醬油蟹、呢個只可講可用黎過下癮、不要抱太大期望喔！埋單8百幾，價錢唔算貴.