新麻蒲 BBQ (形點) (Closed)

天氣好好陽光普照 sunny day ,入了Yuen long 踏單車。去了南生圍，來回踏了兩個鐘見肚餓啦，去， yoho,搵食先兩人套餐三百多元，有齊唔同架豬郊部位，有無張限 refill kimchi and egg個蛋第二次，豬油流到邊邊再注入蛋漿，特別滑同彈牙的。燒腩位好多脂肪，燒完油脂流出食入口其實唔會太油膩，加上我一定用生菜同泡菜夾埋一齊食，多左蔬菜架夾利同水份，食多多都唔驚滯同肥啦。不過店服務一般，按成4-5次鍾同等好耐先有人應你

晚上大約八時入座，餐廳只有一半座位有人，我們3人，卻安排我們到一張8人台，但已坐了4人，我們如同撘台一樣，要求可否坐其他台，她卻話其他是6人台，不能坐，但當時起碼有5至6張台是無人坐的，這情況下為有離開，以後都不會再去。

母親節前夕我哋去咗yoho mall 行街，順便去咗食久違了既韓燒😋見到一間韓燒店價錢合理就入咗去食我哋叫咗一份平D，一份貴少少lunch set 套餐。有豬頸肉、五花腩，牛仔骨同埋D雜菇。仲有D前菜小食有海帶泡菜等等，爐邊仲有common 蛋漿都好全面，D肉方面我最鍾意都係豬腩肉同豬頸肉，韓燒我覺得燒lee 兩隻肉係比較出色，其他牛肉普普通通都可以接受，套餐包了一杯飲品，所以lee 個套餐喺假日嚟講都OK，大眾化價錢

新麻蒲燒肉有多家分店，趁著連假來元朗分店回味自上次去首爾食的韓式燒肉午市有Lunch Set 可以選擇，價格平易近人，買3還會送1喔，4個人來超超超抵食！今天共點了兩個套餐，都是韓式燒烤系列吃韓式最大的樂趣就是有非常多美味的小菜可以續，可以吃得很飽足又很爽。豬肉套餐新麻浦護心肉80克+秘製豬頸肉80克牛/豬肉套餐新麻浦護心肉80克+牛勒排80克肉質都算不錯，爐邊蛋更是一大亮點，套餐還加送一晚紫菜飯以及一杯飲品。以這樣的食物份量及價位其實還比韓國吃划算的

在家工作 午飯覓食 係屋企附近呢間韓燒餐廳開餐 位置闊落 叫左兩個餐烤肉套餐:特級午市($168)烤肉套餐主要分別為霜降牛肉 同五花肉 霜降牛肉無醃過 油脂味及牛味都幾濃郁 護心肉夠嫩 另外其他肉都幾好 韓式醃肉味道唔會好咸 仲有燒什菇 滿足 風味牛排骨肉湯($82)份量十足 牛排骨厚身啖啖肉好嫩 牛味亦夠濃 底下仲有吸晒湯薯粉 湯底正宗有落紅棗洋蔥 估唔到咁好食 有驚喜套餐仲有配埋飲品 呢個價錢真係超值員工亦主動換烤爐盤同收碟 有效率 讚

元朗YOHO MALL一期有好多唔同類型嘅餐廳餐廳，見個Menu多選擇又吸引，有多款韓式午餐選擇，真係揀眼花撩亂。既然想食韓式燒烤，呢個餐又有晒呢度幾款王牌食物，就叫呢個特級午市套餐啦！雖然餐廳設計主要係用灰黑啡嘅沉色，但因為有幅落地玻璃，餐廳外嘅陽滲透入嚟，又望到出面嘅園林景色，坐得好舒服又感覺溫暖。侍應先幫我地準備好燒烤爐同餐具，爐邊放左啲泡菜，落埋蛋漿，啲蛋就可以撈飯食。等左陣跟餐飲品就上啦，呢杯石榴果醋酸酸甜甜幾開胃。呢個特級午市套餐，有齊主打肉類，樣樣都可以試吓。護心肉我都係第一次食，咬落幾爽口彈牙，亦都淋身容易咬開，細細件燒到有啲焦香，配埋個汁甜甜地幾好味，應該係小朋友嘅大愛。特級霜降牛肉，鍾意佢厚薄適中，油脂比例均勻，唔需要任何調味料，已經食到牛本身嘅原始風味。五花腩都係呢度另一推介食物，亦都係燒烤時必食嘅。燒熱左嘅油脂慢慢溶化，令肉質更加香口。牛肋排本身有秘製醬汁醃制，甜甜地。好有韓式燒烤嘅味道，肉質較霜降牛挺身，有咬口。總括呢度坐得好舒服，整體食物水準唔錯，加埋出邊嘅園林景色，無論身心都好滿足！

小編一家四口上星期三到貴餐廳用膳，感受到食物質素十分差劣，我們每人叫了個午市套餐，儘管價格頗合理，但韓式烤牛肉味道令人失望。此外，我們還點了芝士年糕拉麵，味道欠佳，故希望貴餐廳好好反思食品質素問題。此外，服務方面也欠佳，職員態度不友善，說話語氣不太好，有位員工還板着臉跟我們說話。食物質素已經咁一般，還不會在服務方面加強，比顧客一份誠意和笑容，連基本尊重和禮貌也缺乏，何況命令你們積極投入服務……本人對貴餐廳印象十分負面……呢啲冇服務冇質素嘅餐廳，應該都唔會再有下一次，相信商場還有更多、更好的選擇吧！

近排被強制性放假，朝早過咗返工時間買咗港鐵嘅全日通到元朗、屯門、天水圍一帶同同事周圍行，午飯時間，响元朗Yoho Mall I 搵到間好抵食嘅韓國餐廳，呢個時世有得揀梗係唔會搵D坐得逼夾嘅食肆，呢間枱與枱之間有距離之餘，坐得亦濶落，全面落地玻璃，與室外綠悠悠嘅風景溶為一體，有如在國外露天茶座咁⛱🧉🌈，差D唔記得仲響香港😆同事同我都唔想食燒烤，因為怕麻煩&多多少少都有油煙味，雖然韓式燒烤套餐好抵，但係我哋都揀咗午市套餐，每款午餐都包一杯餐飲，總共有六款可以揀，杯杯大大杯，款式亦好特別。鮑魚蔘雞湯 $92，超濃雞湯香，真材實料，骨膠原豐富到湯面過一陣就起骨膠膜👍🏼👍🏼韓式豬肉餃子刀削麵 $72，儍的嗎？咁大碗，要大胃王至食得哂，喜歡新鮮大隻蜆肉，喜歡鮮味十足嘅湯底，喜歡微煙韌嘅刀削麵，但豬肉餃子就痳麻地。覆盆子紅醋汽水熱柚子茶

去咗元朗攪完要攪嘅嘢之後搭車走，經過呢個yoho mall，見到呢間韓式餐廳，入去是旦食，入去之後發覺呢度樓底高，加上落地玻璃出面就係屋苑嘅garden playgrounds ，有好多綠色植物同埋空間感，令人感覺舒暢。Menu有好多lunch set揀，我哋要左精選石鍋拌飯($72)，有牛肉或者章魚🐙揀；燉牛排骨($92)；韓式清燉牛尾湯($82)。免費餐前小食，唔單止好食，碟豆腐嘅presentation都幾好。燉牛排骨個湯底好野味，配上一碗白飯嚟食啱晒。相反，韓式清燉牛尾湯個湯底都幾清甜，飲入口覺得有股清甜暖流慢慢流到去個胃到，好有feel，牛尾好夠諗，味道也夠清淡，但清淡中又有牛味，我幾鐘意呢個lunch set。

原來護心肉好矜貴㗎！見介紹話係隻豬嘅橫膈膜同埋個肝中間嗰一層 ，本身低脂得來，又可以保護肝臟。護心肉係呢度王牌之一，我都係第一次食，個樣又真係幾似個心喎😅。肉質唔鞋口 ，又彈牙，好容易咬開，配埋個醬汁甜甜地幾好味！牛肋牌用秘製醬汁醃製，上枱時仍保持立立令，油脂唔算多入口好淋，唔錯。特級霜降牛我自己就最鍾意喇！原來全部都經由韓國廚師嚴格挑選最高質嘅牛肉部份出黎，所以一定係信心保證。因為牛本身高質素，油脂分布均勻，燒香後油脂漫漫滲出，牛味香濃，唔需任何醃料已經好正。五花腩肥瘦比例均勻，本身營養價值高，又多膠原蛋白，正！另外加左個海鮮豆腐鍋。原來係經10個小時嘅海鮮同埋大蝦去熬製而成。怪不得個湯咁鮮甜，豆腐又好滑，而且個辣度適中，飲完覺得全身暖笠笠，如果份量再多啲就好啦。今日嘅韓式燒烤好滿足呀！呢度位置方便，座位闊落，可以容許慢慢傾慢慢講嘅餐廳。

好耐無黎元朗，都唔知原來yoho mall開左咁多鋪頭，今日同朋友黎搵食，真無太多選擇，揀左好耐最後都係決定黎呢間新麻蒲BBQ。間鋪係yoho地下，門面都幾靚。因為我地早食，唔洗點等位，入面裝修都算靚。今次好好彩，可以坐到窗邊，望到yoho出面既公園仔，好靚，唔錯。Menu都多選擇，多數套餐都係牛同豬，不過朋友唔食紅肉，我地就叫左雞同雜錦拼盤套餐。一坐低已經有前菜同爐邊蛋，店員做野好快手，唔洗餓住等上菜，呢樣野抵讚！爐邊蛋仲要係無限添加，正！呢個係雜錦拼盤，有豬肉腸、大蝦、雜菇、年糕，好多款式，樣樣都好大份，食材亦都好新鮮，好抵食。雞肉拼盤入面啲雞係蜜糖雞，燒完唔洗落醬汁都好好食。呢個芝士炒年糕拉面非常唔錯，甜甜地、炒炒辣，就算唔係好食得辣既朋友都唔會食得辛苦，而且年糕煮得夠煙韌，拉面入味、份量多，推廌！埋單375，2人份量，食到頂住個肚走，抵食，唔錯！

女朋友看完韓劇，進入了Korean mode ，於是便說要吃韓燒，只要女朋友開心，價錢絕對不是問題，於是便陪她到樓下的新麻蒲用膳。女朋友跟我說新麻蒲當時是隨着韓風而來的，分店開了很多，但由於能保持質素，所以這麼多年來還能屹立不倒，保持到分店的數量。我們點了個SS8 ，烤肉達人套餐。牛護心肉和豬護心肉的肉味較濃，一放進口整個口腔都是肉汁，由於肉的種類比較豐富，想爽口的有爽口，要肉質豐富的又有，要入口即溶滿口肉汁的都有，重點的是所有肉不會醃製度而且新鮮，故水準亦不錯。如果太膩的話，可以吃一點酸菜或者泡菜解膩，或者沙律都不錯而且可以無限refill 認真爽皮。最後兩個人埋單都只是500幾元，平過韓國街的很多，一般都是八百多元的。

今天和男朋友一起去元朗交收買鸚鵡仔，但我們又早到了一個多小時，在YOHO MALL逛來逛去，去左這間餐廳，我倆聞到肉香又有點肚餓，於是就決定試一試這間餐廳！我們一坐下來，侍應就馬上放了5大碟前菜，有泡菜、豆芽、海草、和包肉的生菜，侍應亦很貼心看到我男朋友是外國人亦serve了不辣的泡菜👍🏻餐廳的環境很舒適，很適合大家拍照我們order了一份「烤肉達人」，非常建議喜愛肉類的朋友order這份套餐，烤肉達人10款肉類和一款蔬菜，每款都由不同的醃料醃製👍🏻我最喜歡的是豬皮，烤豬皮十分脆口，加一點爐邊蛋，又是另一種好吃法！初時都不知道爐邊的黃色液體是什麼東東，經侍應介紹才知道，不怎麼吃韓國菜的我，真是十分大鄉里😅去肉照：

夜晚來到yoho mall 1期midtown樓下G/F的餐廳區，最近疫情嚴重，呢度都少人左，但晚上都有7成滿，果然韓燒魅力沒法擋。疫情驅使下，我都非常留意餐廳是否衛生，所幸餐廳本來衛生已相當良好，枱與枱之間空間頗大，不用擔心病毒傳播。店內卡位挺多，屏風高，可以杜絕前後枱的病菌及噪音。甫坐下，就見到枱上有好多配菜，店家毫不吝嗇，生菜、泡菜、沙律、蘿蔔等前菜都好豐富。醬料則是韓式燒肉醬，用以包生菜，少少辣，非常惹味。另一個醬係洋蔥沾醬，幫助口裡清新。韓式邊爐蛋，附泡菜，咸咸酸酸的味道好好吃，但好耐才熟透，有D遺憾。五花肉，肥瘦相間，係豬肉最嫩最多汁的部分，肥肉遇熱易化，瘦肉久烤耐左也唔會好難咬，絕對是韓燒中的精品。剪開一片片便可用生菜包起，沾些燒肉醬，惹味的同時又有生菜的鮮味解油膩，冷熱交替，係我最鍾意的食法。韓式牛肉拌飯牛肉拌飯睇落冇咩特別，但其實工序好多，好麻煩，顏色又要配搭得好，又要保持白飯溫熱，也不容易，所以大型店的拌飯通常冇咁好食在於佢地一早預先整好晒，食材就會唔夠新鮮。而呢度都冇呢個問題，份量都頗多，幾好食。一餐韓燒貴精不貴多，呢度$200，2個人就可以食飽飽~ 都幾滿足了~

利用抗疫的空檔時間，既然不能出遠門，又想吃好一點就到樓下吃燒肉吧，新麻蒲故然街知巷聞，原來新麻蒲的是當時韓劇盛行的時候來香港的過江龍，既然能在這麼多年後屹立不倒當然有他的本事之處，點了個SS8 ，烤肉達人套餐：包括有護心肉40g,豬頸肉，黑毛豬肩肉，五花肉，豬排骨，秘製豬皮， 霜降牛肉，牛護心肉，牛肋排肉，牛五花肉。室內裝修非常舒適，而且窗外更可看到霓虹燈的街景。前菜味道也不錯喔。沙律也refill了兩次。主角來了，排頭不錯這麼多肉肉， 分別有牛和豬。要爽口的有牛肋排肉，要肉質豐富的有牛護心肉，要脂肪重的有牛五花肉，豬頸肉口感爽口，豬皮也煙煙銀銀，無論牛肉豬肉肉味也是非常濃郁，相當不錯，整體來說論肉質，肉味，水準也是比我在尖沙咀韓國街吃過的好，難怪過了這麼多年還能保持分店數量。最後結帳包括+10%只是五百多，韓燒來說價錢也不算太貴啊，如果要在韓國街吃飽的吃到這個級數至少要$800以上啊。