新麻蒲 BBQ (形點) (Closed)

今日一家六口去元朗街街，行到差不多六點大家都覺得肚餓就走左去Yoho mall食韓燒，離晚餐時間尚早所以吾洗等位。大約二人份量，有豬肉，牛肉，小量海鮮同蔬菜等芝士泡菜飯，小辣辣地好野味開爐前小食午餐超扺食買3送1

Simply put for you guys, you don't get what you paid for. Customer service was complete trash. Hired a bunch of lil kids , they were splash water around when they were working. And when they serve you they throw your dishes on to  your table. Worst experience ever. Utter Trash.

阿爸話好耐無食過韓燒，咁就近近地到Yoho Mall的新麻蒲燒一燒啦，點了SS5牛+豬肉套餐（$548），貪佢有牛有豬肉，有部隊鍋，仲有雪花冰，食物多元化坐低後店員送上爐邊蛋，中間加了泡菜，等熱到咁上下就食得，蛋嫩滑好味道送上的一大推配菜，有酸蘿蔔，海帶芽，洋蔥，大蔥絲，生菜，野菜沙律等，仲有唔少得嘅泡菜，呢度個泡菜好好味，爽口微辣不過酸再來是牛肉壽司，店員問想食生啲定熟啲，哈哈，安全啲都係要熟啲啦，即叫即燒再加點點麻醬。牛肉油脂滿滿，入口甘香，好味未食完又到部隊鍋了，上菜好快呀鍋內有腸片，午餐肉，肥牛等，加入辛辣麵，清湯及韓式辣醬，等麵煮熟再搞拌一下醬料，食得，麵好彈牙，吸飽了湯汁辣辣的好惹味。燒物格第一層有蝦，腸仔，冬菇，秀珍菇片，翠玉瓜片同年糕，蝦不算太新鮮，但都OK嘅，食落都爽口。第二層就係霜降牛肉同護心肉，霜降牛肉無得輸，雪花肥牛，燒一燒，牛肉肉質鮮嫩，入口牛油回甘，回味無窮護心肉微微調過味，帶點甜甜的燒肉汁味，有咬口，都好好味！仲有就是牛排骨，啖啖肉好有咬口，口感大滿足霜降牛肉超級好味啊當然要包下生菜包啦，淨食肉唔得㗎嘛。套餐包兩杯非酒精飲品，要了柑桔檸檬同雜莓果醋，酸酸甜

寫左OpenRice 咁耐，一直都推介不少餐廳俾大家，但真係好少會俾unlike ～～因為我覺得餐廳前線工作人員辛苦，或多或少會多一份體諒⋯⋯但今次真係差到我想打出來！！話說享用完晚餐，食物質素已經好一般，簡直每況愈下，員工笑容又欠缺，成餐飯都食到好壓迫～～到付款的時候，門口放置了住戶申請Member 有九折堂食優惠，詢問店員是否住戶證有9 折，一開始話有，之後就話冇，自稱經理只解釋父親節派曬依家冇得Join，態度極度輕挑，仲大聲問我地係咪要九折呀？其實你可以解釋清楚，我地作為消費者只係想問清楚唔係刻意刁難你，其實講句唔好意思一時疏忽咪可以囉！經理～～當然最後叫佢收返我地原價，唔係貪佢個九折，但食完一肚氣，麻蒲BBQ 已經狠狠black list ！如果大家想體驗下另類服務可以去試試～😂

先打總結...除左個甜品雪花冰...真心麻麻地👉🏻👈🏻話說同豬隊友一家一向喜歡係yoho mall搵食，潛目標亦係要食晒甘多間食店，今次終於輪到呢間韓燒，本身都充滿期待嘅...我地4個人，首先點左個牛肉嘅二人餐，再另外加左牛舌、牛五花同護心肉....嘩，個set一上檯...放面嘅蝦感覺已經唔太新鮮，d肉亦冇乜光澤，入口「un」，亦冇咩肉味....跟餐所謂嘅部隊鍋更不值一提,如果真係有部隊食呢個鍋，應該都好唔精神單點嘅野，除左個牛五花好dd之外....真係好麻麻

端午節一點午市時段，前台冇員工，場內只有一位著淺藍色衫，戴眼鏡既中年阿叔，場內當時只有三四台客。由於要先取飛，等左五分鐘都冇員工理會入口處客人，朋友入內搵職員表示要攞飛，個位中年阿叔即刻黑面，叫我朋友出返去等，之後怒氣沖沖咁去前台出張飛比我地。再好唔耐煩咁叫號碼將其他等緊位既客人帶入餐廳內。希望麻蒲管理層注意人手分配，以免員工在壓力下工作引致情緒有問題。

開開心心清假和老公先在家做家務，準備波仔的校服和開學書本等等，然後避開人潮提早去樓下的新麻蒲，豪一豪吃一頓超豐富牛 + 豬套餐set（可能是執屋執了一整天，超累，特別想吃肉！）新麻蒲的7小碟好好味，尤其是泡菜，酸辣程度剛剛好啊！套餐除了有燒肉，還有部隊鍋！內裡有豬肉，午餐肉，香腸片，蔥段，辛辣麵，湯底帶點點泡菜的辣味。入座服務員立即開火爐，所以我猜吃部隊鍋是放在燒肉之前吧（笑）為免麵煮得太淋，我們也乖乖先吃～很久沒吃過辛辣麵，覺得好彈牙，比起公仔麵口感更佳。套餐附四件即燒火炙霜降牛壽司，怕太生可以拜託服務員多燒幾下。霜降牛牛味非常不錯，脂肪滲入飯粒之中，幸福感倍增！主角以三層架形式登場～最上一層，有大蝦兩隻，豬肉腸，年糕鍋雜菌蔬菜。中間是我最期待的特級霜降牛肉鍋護心肉。下面是新麻蒲秘製牛排骨（記得要骨頭不要丟，把它也燒一下，超好味的！）調味牛排好味，最適合夾著配菜一起吃！護心肉，即豬橫膈膜和肝之間的肉，這個部位一隻豬只得少許，矜貴之餘，不含脂肪，和豬肉很不同的口感，特別爽！韓國人最愛！特級霜降牛，這一塊不用多解釋，單看顏色就知對辦。這一片實在是無須調味，無須配料，直接食，好味到升天！甜

位於元朗的一間韓式燒肉店。本來與朋友相約了去BBQ，但由於天氣實在太熱，便把室外BBQ改成室內燒烤，於是選擇了元朗的這一間韓式燒肉店。店舖提供了數款不錯的開胃菜，包括韓式泡菜，生菜，沙律，都非常新鮮，能夠達到開胃效果。主菜方面選擇非常多樣化，有豬牛雞的燒肉，甚至石鍋拌飯，韓式年糕，及迷你湯鍋均由有應，非常適合一大班人聚會。我們一行七人在中午時段去食，平均消費都是150左右價錢公道。店舖環境舒適，寬敞。

元朗yoho開左新麻浦咁耐，我都未去幫襯過，今日一早難得經開又見佢暫時冇乜人排，就入去食小小野試下。地方都好濶落好大哦！不過坐卡位對高大嘅人嚟講只有少少頂腳。開爐又係送無限refill嘅邊爐蛋同醒胃前菜，佢個泡菜同蔬菜沙律好好食。日日都三十幾度高溫，野飲就整返杯勁冰涼沙冰先，shark attack and strawberry flyhigh冇酒精$88，不過條鯊魚仲係海中游緊未上岸。另外叫左個燉牛排骨，$148，好大碗下，唔辣，甜甜地，啲肉燉得好腍，啲湯都好飲。甜品方面，呢個紅豆豆粉雪花冰真係要力推，因為佢啲雪花冰比好多店更輕更軟更幼細。整個甜品連紅豆蓉都不太甜。入面仲有啲麻薯糕煙韌好好口感。

今日約左朋友係元朗行街食飯，朋友話要食韓式燒肉，所以我剛行到元朗最大型商場就係附近搵食～搵到呢間未試過就食下啦～一坐低店員會即刻送上配菜 ，配菜有三款～我先睇睇餐牌，揀左個套餐～三款肉都唔錯， 肉質都比較淋身～個人口味比較鍾意食秘製牛排骨～新麻浦部隊鍋，入面材料有牛肉，腸仔片，午餐肉，年糕，公仔麵～火焰霜降牛肉壽司，店員會係你面前即燒，亦會問下你想要幾熟～ 配合唔同人口味～Cocktail rita-fly highShark attack cocktail兩杯都係要冇酒精既～最後加埋呢個雪花冰，我地兩個真係好飽，其實以上既份量我覺得足夠三人食～

這間韓燒第一次食,同事食過幾次都話好食,同埋唔錯,又抵食,這裏雖然唔係放題,但有好多唔同價錢嘅韓燒套餐畀你選擇.還有這裡的前菜是任食,有海帶,蘿白,泡菜,芽菜等等都好好食，加咗醋，酸酸地，好開胃前菜.我哋就叫咗個烤肉達人套餐438蚊,入面有好多嘢食,有新蒲燒護心肉,秘製豬頸肉,黑毛豬肩肉, 新麻浦五花肉,秘製豬排骨,秘製豬皮, 豬腸,特級霜降牛肉,牛護心肉,牛肋排肉,秘製牛五花肉.各樣牛同豬肉肉汁足,"葉"得好食.另外叫咗個炮菜薄餅菜好食,有蝦.我哋另外仲叫咗新麻浦五花肉同埋叫咗一碟霜降牛肉,牛肉好好食,牛味道好重 ,又有花紋,牛肉紋路有清晰,油脂佔半,入口有少少溶嘅口感.叫咗個部隊鍋, 好豐富材料,有生牛肉,韓式餐肉,年糕,有面,有香腸,有金菇,湯底酸辣,湯底辣度適中, 幾好食.食完正餐,要食甜品. 另外叫咗兩個甜品,一個紅豆雪花冰,雪花冰由鮮奶製成,有奶味道,唔會話好甜,又夠凍.同埋一個藍莓雪花冰,個雪花有軟軟麻糬有,好特別,個樣似麵包糠.

這間餐廳的食物質素算不俗。我最喜歡的辣豬肉飯都幾好味，前菜可以添食。星期一至五午餐有買三送一都算抵食。不過服務態度認真麻麻。我地坐低發覺少左個位，就叫侍應幫我地set返個位。當侍應回來時，我睇緊餐牌冇留意，佢竟然一句說話都冇講就一手拎走我手上的餐牌！我夠膽講茶餐廳的服務態度都未必會咁差！今次已經是第四次來吃午餐，但只遇過一個態度好的後生男侍應。其餘的個個都好似唔想做咁，唔係企係度玩電話，就係黑口黑面...

可能係平日，晚上八點左右，冇人等即刻入左去。本身諗住唔食韓燒，淨係食主菜，但入到去見到佢set晒位，最後都叫左啲肉燒下...一入到去佢會幫你set好晒啲小菜煎蛋咁，當然又係可以無限refill啦。Btw，次次refill都叫左兩三次先有，水都係咁，服務真係一般，食晒既野又唔收一收。肉就跟左個頁menu豬牛各一碟，佢個擺法同menu個個有啲唔同，但佢好似係按g俾客既。啲肉一般，有啲乾，肥豬肉又多左啲。呢個石鍋牛肉飯唔差，啲牛嫩既，材料都算多，飯焦適中。呢個冷麵幾好食，好有咬口，個汁唔錯，咩都唔撈都好好食。刀削麵個麵條都幾好食，有啲似烏冬咁，個湯底濃郁，幾好飲。個配料除左好似佢個名寫有既豬肉餃子之外，原來仲有蜆。之後就叫左個甜品，綿花糖朱古力雪花冰。我覺得好食，唔算好甜，啲冰磨到好細，入口即溶，仲要係牛奶黎既，因為我唔鍾意食啲冰係水黎既雪花冰，綿綿冰。但份量有啲少，價錢應該平番啲。

如果出街食飯，唔想食得咁油，有時韓國野都係一個好選擇。公司附近有新麻蒲，lunch想食light d(唔代表少飯呀），呢個拌飯都係一個好選擇。一個拌飯有齊澱粉質，蔬菜同蛋白質，加以控制份量，其實都不失為一個健康之選。而餐前小菜都有d醃泡菜呀，豆芽等等，實在簡單又美味。

第三次光顧，服務每況愈下，午餐時段服務尚算有效率，而且餐點明細清楚列出；晚上人多卻人手不足、侍應態度奇差！晚上6:30抵達，點餐時並沒說明無酒精飲品有哪幾款，我們點了兩杯無酒精飲料卻不納入其中，很可笑！（有沒有違反商品說明條例）食物方面，連鎖店的食物質素不能要求太高，所有肉同一種味道，而且所有都用肉鬆粉腌至毫無質感，也許適合沒有牙的人～服務質素方面，簡直難以置信，大部分員工都中規中矩，踢一踢動一動，唯一一位all back束馬尾的（非形容不可）遇到她的話要當心受傷！放下甜品時完全沒有留意餐桌有水杯，隨便放下食盤想走，直接打翻水杯，差點雪花冰都打翻！利害！當然是直接轉身離開，歉都不用道是常識吧！總結，此店列入可免則免！