Shine (Closed)

今日先知嚟緊至少兩星期都唔會有啖好食，夜晚冇堂食，等於攞咗大胃條命啫，趁未生效，拿拿臨出去食得一餐得一餐天寒地凍，斟嘅水都係暖嘅，及時水呀三重芝士嘅薯條真係不得之了，條條都蘸滿晒芝士，相當入味呢杯mocktail顏色好雨水，飲落好有驚喜，有果肉同啫喱，而且唔會好甜Cocktail重檸檬同柚子香，加上好香rosemary，好易大啖大啖乾咗佢呢度每日限定嘅海膽意粉，果然係招牌超濃郁嘅海膽醬，仲有大大塊堅海膽，好回味Tiramisu味道不凡，落咗啲杏仁，酒味後回湧想嗌呢碟最好問問侍應，每日唔同，今次係士多啤梨cheesecake，好食到暈咁高質嘅餐廳，希望佢地可以捱過呢個寒冬啦

Shine 係尖沙咀已經開左近3年，每到需要慶祝﹑女生聚會或是八婆聚會時，就會選擇這間Shine。　環境可說是型格得來帶一點獨特的風格。高卡位﹑大長枱或是bar枱都可以滿足想慢慢吃飯﹑飲酒﹑partytime。　茶包今日單純想用一頓好飯滿足這一月的辛苦。點上一份SHINE Burger 。　漢堡不單有多層的餡料，而且頂上配有兩圈炸洋蔥，再配上配菜的薯條，wa份量十足。　男朋友一咬下漢堡時，其實都有一點困難，因為真的太厚了！茶包偷偷咬了一口，烤到剛好的大啡菇配上手打的漢堡肉，真的太好吃了，再加上新鮮的蔬菜，應該可以一口氣吃光光吧~　茶包更欣賞碟上的配菜，因為薯條夠熱，應是新鮮炸起，調味的咸度剛剛好，外脆內軟，如果醬汁上再加多一點點心思，就更好了！　茶包其實都幾鍾意法式寶雲酥焗羊架，沾上果仁的外皮，稍微煎一下，然後擺入焗爐慢火烤製，羊架的熟度剛好，切開成一點點的粉紅色，每一口都是鮮嫩軟滑，羊脂的油香，真的令人十分幸福！再點上一杯調酒，清爽的感覺，迷人的酒香，真叫人沈醉在這個時空中！餐牌/酒牌

上網search 到Shine都幾多好評，加上朋友介紹，話食過覺得好好味! 落單既時候, waiter問有無需要切開個漢堡包兩份，都真係一種細心既服務態度!!首先試左，賣相好吸引，帶子好新鮮，完全無雪味，沙律有幾種水果加埋黑醋配三文魚籽，食落好開胃!主菜叫左，係香港食西餐，通常我都唔會叫海鮮，因為好難估計質素。今次有大驚喜!個墨汁意大利飯超夠熱，好明顯係岩岩整起就即上碟，煎帶子勁香口，有3隻超大既青口，講真青口多數都會好普通，加上我又好怕腥味。點知完全無腥味，仲食到鮮味，仲有隻超大隻既虎蝦，好足料，食材有水準!另一個主菜試左，個包好軟熟又有好香既牛油味，我記得有食家講過最好既牛肉漢堡，溫度係大約70-80度左右，咁樣肉汁就最能夠鎖得住，安格斯漢堡真係無偷工減料，好厚身，煎的岩岩好，能夠帶出牛肉既香味!薯條係即叫即炸，又熱又脆!最後試埋甜品, 好香奶味同輕咖啡味，好滑!唔會太甜，都幾岩作為飯後甜點，今晚好多正野食，好滿足!

超有水準價錢有大眾化嘅餐廳Shine,之前生日飯同朋友聚會都會到呢間餐廳幫襯，由頭盤主菜到甜品都十分滿意，喺尖沙咀有呢個食物質素價錢真係10分化算 環境舒適地點方便 今次結婚週年帶埋老公一齊去試吓，老公都大讚不絕 、墨汁海鮮意大利飯👍🏻好出色，之前兩次都係OpenRice book位好開心兩次都訂到窗口位置 自成一角 私隱度較高，一定會回頭 介紹多啲朋友去幫襯。侍應生好有禮貌 個個服務態度好好十分滿意 十分滿足

2018年11月19日慶生日，整體感覺環境有點嘈。生日祝賀句的朱古力字與本人要求不符。最後因在上甜品時需時、人手不足以答應本人揮手意舉、錯誤配對生日碟的事情，讓本人未能盡興於整頓生日飯中，卡位，現在算是無可能由本人訂到。

好多人都鍾意揀星期五放工後出街晚飯， 搵個地方Chill下 、Relax下。 今次揀咗位於尖沙咀嘅"Shine", 地點方便， 喺K11過一個街口就係喇。 入到餐廳，服務員幫我哋安排咗窗口位， 梳化夠大坐得好舒服， 一邊望住街景， 一邊聽著輕快嘅音樂， 心情即刻輕鬆曬! 佢仲為我們細心介紹食物， 最後決定叫煙鴨胸無花果沙律、 黑松露薯條、 西班牙蒜味蝦配多士、 香辣椰汁燴藍青口同埋燒安格斯肉眼扒。 因為食物份量唔算細， 我哋三個女仔食真係夠曬。 佢個煙鴨胸做得幾嫩滑， 味道和厚度適中 ; 蝦多士嘅蝦又多又新鮮， 蒜香味濃； 青口用咗椰汁做， 有少少辣味， 味道幾特別，食得開胃。 我嘅朋友手提電話冇電， 佢哋仲提供埋叉電器， 服務細心，讚！

今日約左閨蜜👭食飯傾計，上網搵間就腳既方便大家返屋企。揀左呢間SHINE，係I-square附近，一間商廈既6樓。一出lift就係餐廳，燈光比較暗，播住歌，傾計野飲幾有feel🍸🍹。食物同飲品既種類都好廣泛，應有盡有！$68 香蕉士多啤梨Smoothie $78 黑松露脆炸直薯條即炸薯條，外脆內軟，配黑松露醬係絕配！smoothie酸酸may may幾開胃，唔會太甜，無打到太杰，唔會張住個口，幾易啜😗！$198 特級安格斯漢堡配脆炸薯條 🍔唔記得burger都配薯條😅砌到好高既burger，每一層都好豐富！塊patty好有肉汁，但我最最最欣賞既係大啡菇，超級Juicy！$168 芝士菠菜意大利雲吞配煙肉南瓜汁好cheesy，雖然塞滿哂芝士都唔會話好膩，5粒既分量岩岩好。$45 橙汁以為會係鮮榨，點知唔係，似fruit punch多啲，一般。$80 心太軟 等左差唔多15分鐘，應該係即焗，上枱仲係暖既！真係流心！配住雪糕食一凍一熱好正！飲飽食醉每人$350，有小食，主食，飲品同甜品，OK啦！

慶祝生日🎂見到餐廳咁多好評 梗係book咗位先我哋星期日夜晚嚟到 唔多人 好快安排咗坐窗口嘅位置 幾舒服👇🏼首先嚟咗兩杯嘢飲 latte同lychee sangria 冇咩可以挑剔👇🏼👇🏼鵝肝多士 嘩 咁厚嘅 鵝肝仲可以保留到嗰浸油香 真係好想再叫👇🏼龍蝦汁意大利粉 龍蝦汁味道好濃 食到舔舔脷真係👇🏼最後就係漢堡包嘅薯條 睇落真係好靚 個漢堡包要分開來食 食得好滿足 買單七百幾 嚟慶祝節日真係一個好好嘅選擇 推薦

拍完拖尖沙咀Shopping完 搵緊舒服D既西餐廳坐下睇openrice 就搵左附近呢間Shine我地比較早6點前就有位之後大約7點好多黎既人都有book台原來上到去環境唔錯 燈光柔和好舒服加上服務員既態度都好積極有禮由於我個人好中意食海膽所以叫左員工介紹既週年菜極上海膽意粉醬汁加入左海膽 每一條麵都沾到醬汁不過我最中意係佢加左魚子魚子份量中間收埋左好多 連埋d麵一齊食咬落去鮮味爆出來同個麵醬好夾另外叫左一個脆炸德國鹹豬份量非常多 差D食唔晒好彩男朋友夠大食4人一齊分享會更好皮炸得好香脆 不過我覺得就咁食有小小太鹹要夾埋佢碟既酸菜就中和番唔少入口舒服D 無咁漏飲品方面選2杯都無酒精romantic story 選選甜甜一定無錯實好味另外一杯味偏甜 有d似棉花糖味

要俾自己抖下氣，舒適既地方地點又夠哂方便，岩哂放工行完街之後黎hea下..疫情下既我，每日都係洗手洗手洗手，留意住自己掂過d咩，身邊既人有冇咳 等等等等..長時間既精神緊張，呀媽都睇唔過眼話出去行下食下野🙈見好多人介紹呢間餐廳，一出地鐵站幾分鐘就到，疫情下會更加珍惜出街食野既機會❤ 地方好企理又夠大，幾返幾個朋友飲下野傾下計係幾好既選擇黃金手工蟹餅 好大份好脆卜卜 中意食香口野就岩哂！但如果得2個人，可能已經好飽🤣🤣燒美國露荀豚肉配燒汁 豚肉肥瘦適中，配埋露荀食起黎冇咁罪惡🤪北海道帶子明太子意粉配三文魚籽 主菜熱點之一🦜芝士焗加拿大龍蝦意大利飯 有興趣都可以試下其他！係旺區難得搵到個好坐又好feel唔算太吵既地方，下次要飲返1，2杯過下癮😀

上次黎呢幢大廈食野，係食麻辣火鍋，今次就完全唔一樣，我地食個高質靚西餐！唔好講咁多，我地即介紹下d野食先！係食物之前，今晚既餐飲，我自己就揀左杯 Sangria，佢已經預設左係 Sangria Red 黎既，入面有大量既水果粒，連同易入口既紅酒，係唔錯既餐酒黎呢一杯係 White Russian，主要係用上比較少見既咖啡酒 Kahlua 再加上 Vodka and cream 而成既，帶有香濃嘅咖啡味，但同時又有幾強勁既酒精味，岩曬鍾意咖啡既朋友啊主菜黎啦！第一個有呢個 芝士焗加拿大龍蝦意粉，完全俾佢嘅賣相吸引住，最吸引嘅當然係佢上面嗰隻開咗邊嘅加拿大龍蝦啦，上面嘅芝士焗得非常靚，成隻龍蝦都呈金黃色下面係茄汁意粉呀，佢嘅時間控制得好好，所以意粉嘅軟硬都非常適中，而且味道調教都唔錯，我雖然份量唔算太多，但係整體來講味道係幾好嘅真係要再俾大家睇吓呢隻加拿大龍蝦，都真係好高質㗎，睇吓上面啲蝦籽！同埋燒得啱啱好嘅芝士配埋一齊食，真係好正，好想食多幾隻啊！第二個主菜有佢，燒安格斯肉眼扒配野菌紅酒燒汁，第一眼除咗我見到牛肉之外，另外就係佢隻碟我覺得都幾靚，唔知點解覺得呢個擺盤設計好唔錯，所以都係一

前排同朋友去開尖沙咀食飯，朋友就推薦左呢間餐廳話佢哋食物選擇都幾豐富🤣環境非常舒服😌食物質素都有驚喜！餐廳有提供新A La Carte menu！都有龍蝦、牛扒、千層麵等等各種菜式！_火辣辣雞翼 $168聽佢火辣辣係咪覺得應該會好辣呢，炸過嘅雞翼食落去香口惹味，由於小編本身都幾鍾意食辣，所以覺得唔算話太辣_特級安格斯漢堡配脆炸薯條 $198漢堡嘅份量足夠兩個人分享，安格斯牛肉肉質都唔錯，配上番茄和生菜等等配料更加清新，旁邊嘅薯條亦非常香脆_Devil and Angel $68呢度亦有提供多款特飲選擇，今次小編嘅朋友就叫咗呢杯朱古力沙冰，朱古力味道濃郁，配上上面甜甜嘅Cream😂邪惡得黎夠晒滋味_Iced Fruit Tea $68Shine Secret $128食到最後梗係要叫返個甜品啦，甜品嘅擺盤非常精緻，有齊馬卡龍、蛋糕、水果粒，味道唔會太甜，小編特別鍾意佢嘅馬卡龍

約了舊同事飯聚，只因要剝牙而延遲了日子，還好的是早訂位可以預留到窗口位置，雖然望出去只是街景，但好在較為靜，方便閒聊。原本以為舊老細會飲酒，但他卻因要駕車而自律，是晚不飲了。我們各自要了飲品(例如我要的Mr. Hero，但來到的都不像在網上所見的樣子，所以不提也罷)，然後就要了蕃茄紅酒燴藍青口 ($188)及甜蜜蜜雞翼 ($168)等兩個小食，及各自要了北海道帶子明太子意粉 ($228)、脆炸德國鹹豬手配蜜糖芥末醬 ($288)及法式寶雲酥焗羊架配薄荷醬 ($308)等主食。蕃茄紅酒燴藍青口內有大粒的乾蔥，蕃茄紅酒汁都幾惹味，但他們指藍青口比較小，紅酒味不夠。甜蜜蜜雞翼焗得剛好，肉質滑而不太乾，表面的蜜糖味道頗為討好。主食方面，我要的北海道帶子明太子意粉，帶子慢火煎得剛熟，軟綿綿的帶點半透明，意粉內有些雜菌及明太子，忌廉汁味道好而不覺膩。至於脆炸德國鹹豬手配蜜糖芥末醬，據舊老細講就嫌炸得太乾了，皮也不脆，味道一般。法式寶雲酥焗羊架配薄荷醬也不見有麵包糠包著的法式寶雲酥，只像普通的焗羊架般，舊同事覺得味道也只是一般。餐廳是我選的，但見他們的反應，我倒有點愜意。

想係尖沙咀搵性比價不錯的西餐其實有好多選擇，Shine便是其一，環境也不錯，適合和朋友一齊談天說地😜👉 手工豬肉丸子伴溫泉蛋兩粒大大嘅豬肉丸子，食落去又好香脆，再配上溫泉蛋，幾有新鮮感嘅一道菜式😋👉 脆香魷魚配蒜香蛋黃醬魷魚雖不是炸至金黃，但都好香脆，同清清嘅蛋黃醬都幾配合😍👉 海鮮墨汁意大利飯海鮮好足料，味道濃，墨魚碎和飯拌勻，食落去滿口彈牙爽口👍

星期六晚2個人1200蚊，1杯house white，一個煙三文魚凱撒沙律，唔可以話好食，菜略嫌唔新鮮，food court 質素，煙三文魚百佳買可能好食過佢。一個龍蝦湯，溝左水咁，非常稀，無鮮味無龍蝦味，好在佢係橙橙地色，唔係都唔知係乜湯。主菜：一個黑毛豬扒，算係正常，唔可以用好食黎形容。一個帶子明太子意粉，淨係食到胡椒味，完全食唔到有明太子，帶子煎得還可以，算正常。意粉屋都好食過佢，燒餓價錢庶渣級數。