Shine (Closed)

朋友話出尖沙咀有咩好食，我就想OpenRice搵，見到呢間餐廳名列前茅，好似都幾吸引，主打都係食西餐，就同佢book枱上嚟試一試。餐牌選擇多多，有得選擇粉麵或者肉類，仲有不少前菜，甜品及飲品選擇。北海道帶子明太子意粉配三文魚籽子$228味道好清新，忌廉味道好香濃，味道一流，而且北海道帶子係刺身級，口味彈牙新鮮，三文魚子亦都非常新鮮！芝士焗加拿大龍蝦意大利飯$258喜歡食龍蝦嘅不能錯過，質感爽口新鮮，鹹香十足，而且芝士味道香濃，而且佢個意大利蕃蕃茄味好濃郁，同平時食嘅唔同，質感係正宗意大利飯，有啲硬身嘅口感，喜歡吃正宗的不能錯過！Banana Strawberry $68Mix Berry Yogurt $70飲品都係極力推薦，雖然我哋唔係太鍾意飲酒，但係佢呢度嘅Smoothie&Yogurt好正，除咗甜味適中之外，而且個味道亦都係比較fresh完全唔會假，好飲到平時都飲唔晒成杯飲品嘅我成杯都飲晒！呢間個景觀唔錯，入面都幾有feel，而且嘢食係真心好味，如果約朋友gathering或者慶祝節日都係不錯之選。

有一排無同男友去啲有情調嘅餐廳食dinner，呢晚佢就搵左間氣氛唔錯餐廳。睇相其實有少少似樓上bar，但一開lift門就見到餐廳座位好闊落。蕃茄紅酒燴藍青口 - $188青口嘅份量好多，同埋落咗好多茄醬洋蔥，仲有新鮮嘅意大利蕃茄仔，所以有比較清新so fresh嘅感覺。秘製凱撒沙律配巴馬火腿 - $168個人感覺呢個沙律最合口味，而且唔鍾意食菜嘅男友都好like，因為佢已經撈好，所以令男友覺得每一塊葉都有味係非常之好食嘅，仲有好香濃嘅芝士味，parma ham熟成時間比較短，但係咁樣配沙律食就比較fresh。煙三文魚蝴蝶粉 - $188碟中間有兩幾大嘅smoked salmon，另外亦落左好多煮熟咗嘅smoked salmon，所以個粉好有鹹香味，醬汁比較杰及濃郁，可以佈滿響每一粒蝴蝶粉上。Zombie - $88Water - $58

今日同男朋友預早食紀念日飯 所以揀左間西餐黎食😙Peach Yogurt $ 70 Less cream呢杯野飲好飲 淡淡既桃香亦有小小果肉 尾韻有小小yogurt味 成杯既味都好夾🥰黃金手工蟹餅配秘制酸辣醬Homemade Crab Cake with Chutney Sauce $188好真材實料既蟹餅 有一絲絲既蟹肉係裏面 食落好重蟹味同埋咬落好酥脆 但如果酸辣醬再多啲會更加好 因為可以幫蟹餅減膩🥰 成個配搭都好唔錯😍龍蝦湯Lobster Bisque $88好濃龍蝦味 雖然可以再濃啲 但我已經覺得好唔錯😌 飲落好順滑 亦好香蝦膏既味道😍好好飲👍🏻請把我帶走Tiramisu $80 呢個甜品都好高質 平時cheap既Tiramisu cream會好硬 但呢到既係好creamy得黎又唔會好甜 手指餅亦都吸曬咖啡味道☺️ 兩個人share岩岩好❤️特級安格斯漢堡配脆炸薯條Angus Burger with French Fries $198呢個漢堡份量都幾大 一個女仔應該都食唔曬成個餐 漢堡肉係五成熟 但我就覺得岩岩好🤓

閨蜜生日，當然要食飯慶祝一下30大壽，壽星揀左呢間係isquare附近既呢間shine🥂西式餐廳平日星期一，餐廳唔算多人環境不錯暗暗地幾有氣氛！坐底order了二杯冰凍飲品，ginger beer 🍺 & latte。西班牙蒜味蝦配多士端出來巳聞到陣陣蒜蓉味道，好香好野味！蝦肉幾爽口而且入味是滿滿的蒜蓉黑椒牛油味，很配合脆口既蒜蓉多士，好食😋安格斯漢堡薯條很有份量的一道，漢堡材料豐富很有層次呢。面層加了二件脆炸魷魚圈，漢堡入面有菜、蕃茄、洋蔥、煙肉、安格斯牛肉、大啡菇還有滿滿的芝士味道，安格斯牛肉肉汁豐富肉質腍身，好食再配合埋香脆薯條🍟很滿足呢！意大利菠菜雲吞有驚喜同個人較喜歡這一道，雲吞皮很薄入面是菠菜蓉黎，第一次食感覺很不錯👍🏻 醬汁咸甜既味道很特別，南瓜跟芝士煙肉味很濃郁同埋好夾，值得一試！

個人推介指數 8分 （10分為滿分) - 疫情未來時, 我和太太已很喜歡來這所餐廳, 除了食物水準高外, 環境優靜, 給人很舒服的感覺. 如今疫情開始綬和, 我們便再相約在此重温美好的時光. 今天我們特別早一點來, 店子還沒太多食客, 感覺更加寧靜.及至我們用餐完畢, 店內已幾乎滿座.我就是喜愛其昏暗的格調, 讓人感到放鬆. 此至到來,我和太太也想品嚐些從前未嚐過的菜式, 過了一年, 看看其水準能否維持. 先來的頭盤是一個小食叫西班牙蒜味蝦多士. 上枱時, 老實說和我想像不一樣, 我的想法還是停留在中式的炸蝦多士, 所以有點感到落差, 不過好戲在後頭. 其主要由烤香過旳面包, 沾上香味撲鼻的蒜蓉和蒜油, 再加上很多很多只蝦仁(絶對不細)把一只面包沾上滿滿的蒜油, 再放一只蝦在卜面, 一啖一個, 味道出奇的配合, 非常之惹味.我和太太一只一只地吃, 很快就把面包吃完, 最後還剩下幾只蝦仁. 這道菜絶對是是晚的驚喜之一. 中間來了兩柸梳打飲料 (KIWI AND LEMON), 味道十分清新, 消暑之極, 真的不能不點. 一邊飲着一邊傾談, 一邊吃小食, 也夠樂透了. 主菜方面我們前幾天吃

這間位於尖沙咀的Shine，主要以西餐為主，晚市都是單點，有多款前菜、沙律、意粉或飯、扒及甜品等，價錢定位中等。龍蝦湯龍蝦的燒焦香味突出，入口鮮甜濃郁，配上香脆多士。香橙刁草伴煙三文魚三文魚有刁草醃製，香味滲入魚肉內，配上酸甜橙肉及健康的紅菜頭，味道有對比。特級安格斯漢堡配脆炸薯條Burger煎至五成熟，大量肉汁流出，還有大啡菇都好juicy，不過麵包就浸腍了個麵包。炸薯條連薯皮一起炸，香脆可口。北海道帶子明太子意粉配三文魚籽意粉是推介必食，明太子鮮味及三文魚籽鮮甜，混合在creamy的意粉內，每啖都充滿鮮味。

今日呢間餐廳坐滿晒人,所以要坐HIGH TABLE。咁坐法有另一番風味。好欣賞呢度既水果茶,好賞心悅目,有燭光,保持茶既溫暖,又有情調。MOJITO間中會飲,但呢度有多款口味,BERRY MOJITO好飲,CRUSH左D FRESH BERRIES,好味!酒精濃度都強! 食物方面先叫左牛肝菌MUSHROOM SOUP,食到粒粒蘑姑碎,香濃飽肚,法包點湯一流呀!主菜加拿大龍蝦意粉,有半隻足料既龍蝦,蕃茄味既意粉惹味開胃。另外加左個安格斯BURGER,好有肉味,好厚身,有咬口,咬完一啖好有滿足感,仲有蕃茄同蔬菜,正呀!面頭仲有2個炸洋蔥。薯條香脆開口,見到薯皮,好新鮮呀!呢度既食物保持到水準,好味!回頭率高!

個牛扒$300幾唔平，但超多筋，好難食！唔會再去！另外，本來request咗window seat, 應承咗有，後尾又話人哋一個月前訂，我心諗你又唔係酒店，邊有人會一個月前訂，咁都算，去到食完，嗰張Window seat都冇人坐！

之前已經聽好多朋友推介呢間樓上西餐，今次放工就同朋友去食個晚餐，希望唔會令朋友失望啦！首先嗌咗主菜—芝士菠菜意大利雲吞配煙肉南瓜汁意大利雲吞皮薄，菠菜芝士味道豐富。南瓜汁口感順滑，再配上煙肉濃郁，係主菜嘅好選擇。法式寶雲酥焗羊架配薄荷醬羊架上菜嘅時候令人眼前一亮，擺盤好似藝術品咁，顏色配搭鮮艷。羊嘅味道少少羶，肉質厚實，配埋薄荷醬比較清爽。Mr Cool成餐都叫左啲味道偏濃嘅食物，飲品方面想叫番啲清爽嘅選擇。Mr Cool有荔枝同梳打呢啲比較酸嘅成份，相當refreshing，係呢餐嘅完結前清洗下個味蕾。請把我帶走Tiramisu英文名亦有Pick me up嘅意思，餐廳就巧妙咁翻譯做中文做請把我帶走為呢道甜品嘅名稱。呢款傳統經典嘅意大利甜品經過餐廳嘅還原都唔錯吃，手指餅浸滿香濃嘅咖啡味， mascarpone cheese嘅奶香幾出但就偏稠，面頭再灑上薄薄可可粉，夾埋一齊食增加咗味道嘅層次。

環境不錯, 服務一般.十分可惜青醬蝴蝶粉沒什麼青醬味, 反而是加了番茄.Risotto入面也沒有芝士，芝士焗龍蝦龍, 龍蝦歸還龍蝦, 飯卻是蕃茄口味...每人最低消費300元, 但是感覺不太值... 有點失望...

疫情關係，好一段時間不敢堂食，但宅在家太久，真的會想念跟朋友見面吹水，在餐廳裡吃食新鮮煮起的食物。知道Shine 換了Menu一段時間，難得外出晚飯，當然首選我的飯堂！菜式選擇好合胃，部分保留了之前的signature dishes。今晚主要是挑選之前未曾嚐過的菜式。火辣辣雞翼火辣辣雞翼果然名不虛傳，外表紅噹噹，一看就知多辣！雞翼外層炸得脆口，而且沾上紅紅的辣粉，惹味又辛辣。最抵讚是雞翼大隻啖啖肉，仍保留豐富肉汁，而且很嫩滑，大力推薦！青醬蝴蝶粉配雞胸賣相好漂亮的蝴蝶粉，加入不少橄欖油香草煮成的青醬， 令蝴蝶粉變得有光澤，而且粉質彈牙。配上西班牙蕃茄乾及玉米芯，酸酸甜甜食落清新，味道配搭非常得宜。雞胸肉好容易煮得好乾身，但這裏的雞胸做得恰到好處，雞胸肉煮得好軟身，似是用慢煮方法煮成的一樣，再煎香雞胸上下兩面，外香內軟。香辣蜆肉闊條麵又一碟惹味的菜式。吃完辣雞翼後，又想繼續大大刺激味蕾，選了辣闊條麵。除了原隻帶殼的蜆肉，面上還鋪滿大量淨蜆肉，確保拌勻後，每口都能嚐到蜆肉加麵。麵條夠咬口，味道少辣又香口，不錯。

-一年後又再來了～～這次不吃龍蝦，試試其他💛♥《三重芝士薯條》新鮮熱辣辣炸起🔥分量十足，芝士多～趁熱吃外脆內軟，好邪惡🙈下次可以吃薯條喝啤酒chill一下～♥《黑松露大啡菇意大利飯》大啡菇不算很大，不過調味做得不錯💪🏻意大利飯十分足料～每一口都有大量材料❤️♥《Rose Latte》只有少量玫瑰花瓣🌹避免每一口都吃花瓣～喝下去有淡淡玫瑰花味😋♥小提示 Tips：這次吃得很少，不過環境氣氛很舒服，真的很適合在這裏聊天🥰

朋友生日，於是我哋就喺尖沙咀搵咗間餐廳嚟慶祝生日啦。今次我見到網上有人講呢一間Shine啲牛扒幾好味，於是我就同朋友嚟咗呢一度慶祝。嚟到呢度覺得個感覺都幾有格調，氣氛幽暗，幾有feel。呢度個餐牌都超多唔同嘅選擇，真係會選擇困難，不過因為我哋係朝住牛扒而嚟嘅，所以就當然係叫牛扒嚟試吓啦！除咗牛扒，我仲叫咗個香橙煙三文魚做前菜，有個冷盤擺前面會正啲～安格斯牛肉眼扒，一嚟到真係幾驚喜，因為真係好大件，而且非常香！切落好易切，佢既五成熟係真係五成，所以最厚既位比較多生啲既位，好岩我朋友既口味～食落脆脆地口，外脆内軟，牛扒調味都做得好好，周邊果d薯仔片超入味超好味！食完之後，我地仲加左個心太軟，心太軟係帶埋雪糕，一凍一暖既口感，正呀！仲有好濃既朱古力味。開心既生日飯！

尖沙咀一帶真係超多美食，所以約朋友就經常嚟到尖沙咀食晚飯。今日我個friend帶咗我過嚟呢一間叫Shine嘅餐廳，食物好好味！餐廳嘅環境係偏向暗嘅，都好有風格，環境都幾舒服，因為啲位都好闊落。見到個drink menu上面有得揀Bailey’s嘅朱古力就超級驚喜！諗都唔諗就即刻決定要飲嘢食方面，我就叫咗個南瓜汁意大利菠菜雲吞，再加一個蕃茄芝士焗薯皮，而朋友就叫咗個帶子明太子三文魚籽意粉首先嚟嘅係焗薯皮，賣相真係勁吸引！一睇就知道一定好好味！結果果然冇失望，呢個焗薯皮嘅外面做得啱啱好，食到薯仔嘅質感同時又有啲脆口，但係又唔會話好熱氣，真係好正！滿足感會高過食薯條！另外呢個上面仲有啲好多汁嘅蕃茄芝士醬，啲茄汁酸度啱啱好，好開胃，芝士又可以拉絲，成個口感都超正！好好味。之後到意大利雲吞，見到嗰下都幾驚訝，因為份量都唔多，不過都好彩，因為我食完薯皮其實已經有少少飽，同埋其實意大利雲吞望落好少，但係其實食落都唔會覺得好少，重點係佢真係超好味！啲南瓜汁嘅味道同菠菜雲吞放埋一齊係勁好嘅配搭！鹹鹹地甜甜地咁樣，勁好味！而且意大利雲吞嘅口感又好有咬口，總之就勁好味。朋友個意粉我都試咗啖，啲三文魚子好鮮甜

Shine今日尖沙咀接女友放工，順路搵下食乜野，女友話想食蝦多士，我上網搵下見到有間shine好似幾好就上去試吓. 環境店面幾闊落，環境優雅有格調西班牙蒜味蝦多士呢個必食，多士滿滿蒜茸好入味又夠香脆，蝦夠鮮甜香辣蜆肉闊條面蜆肉還蠻多的, 蜆肉好入味辣辣地幾香口，面夠彈牙, 番茄仲有一種很香的香草味道秘製醬烤春雞雞肉有醃製過，好鬼惹味, 雞胸肉都唔差，唔老唔會韌一入門口就有人深熱搽搓手液，地方整潔, 上菜速度都好快，店員有禮貌, 價錢合理