成記牛什粉麵

Open Now

Now Closed

本身出去食牛什就好少會食牛丸，覺得冇乜邊幾間好出色，但新蒲崗呢間牛什粉麵反而出名牛什同牛丸，一於嚟試吓呢度門口同室內都有位坐，可能覺得坐街邊好污糟，但係眼見其實都算乾淨嘅。見到丸什第一時間叫左先😋 另外叫左個牛腩撈麵同炸魚皮呢個丸什米望上去平平無奇，食第一啖米粉同飲個湯已經覺得充滿牛味，飲多幾啖都唔覺得口渴。而且牛什好入味，但唔係一味死鹹果種。牛丸由於係手打，粒粒大細不一，咬落去有超濃郁嘅牛肉味，冇錯，係牛肉味！有口感，味道有啲似山竹牛肉，勁好食😋😋😋一碗3粒都有啲唔夠喉🤣牛腩撈既麵都好香好好食，牛腩抆得軟腍，好入味，肥瘦均匀👍🏼雖然價錢好似比起一般牛什粉麵貴少少🤏🏼，但係咁既質素絕對值得呢個價錢！難怪好評如潮，手打牛丸真係好令人回味

門面裝修10分地道、鍾意懷舊唔怕邋遢必到、有回到未來感覺，各位華Dee, 祥Dee , 浩南、山雞哥粉絲可以一睹這種港產片感覺牛肚牛筋河：正式潮州人粉面做法、牛骨湯底加五香粉少少藥材滷水汁等制成、牛河煙靭比正常夠粗身、食落很滑身、牛肚牛筋中規中矩、價錢相宜CP值高馳名牛筋丸： 十級牛肉味牛肉丸、雖然冇嗰種10分爽口的感覺但係牛肉味十足，真材實料、食完自己仲要買多一斤返屋企打邊爐個人推介要有香港地道感覺必到之處

呢間牛丸麵好唔好食，相信都唔使點講，因為真係一碗好好食嘅牛丸麵。我喺黃大仙返工，前後已經幫襯過好多次，但今日去買外賣嘅經驗，真係令我嘆為觀止！入去買碗牛丸麵外賣，首先師傅無戴口罩之餘仲要一邊淥麵一邊講嘢，個下我已經猶疑緊想唔要，跟著阿師傅將個麵倒入外賣碗之後，再徒手（無戴手套）將個麵拎起再放返落個碗到，我個下真係忍唔住同個阿姐講，你地師傅又唔戴口罩又咁咁咁，碗麵我唔要喇，個阿姐仲要態度好差咁話 "唔好愛啦咁"。我之後都有諗過麵舖師傅煮麵係咁㗎啦，但而家疫情爆得咁嚴重，加上咁多食肆群組，無論係任何食肆保持返應有衛生好難咩?! 連戴返口罩咁基本都冇，就算碗麵幾好食都好，唔好意思，我真係幫襯唔落！個客望住都咁樣，如果個客睇唔到咁會點?!我無意劣評呢間麵舖，平時又唔會點寫食評，但疫情下希望買外賣都買得安心。

好鍾意睇逢星期三夜晚講宵夜ge電視節目咁岩睇完一集係介紹新蒲崗美食之後加上睇埋食評 好多人對成記都讚口不絕今個星期決定要去試試呢間馳名食牛丸 見到每粒牛丸size 都唔一樣就知道唔係用機打 而係人手逐粒手打出黎 真係唔簡單👍🏼👍🏼牛丸落左牛筋 令每粒牛丸的食起黎更加有咬口彈牙連個湯底都有非常濃厚ge牛肉鮮甜味另外叫多咗一碗牛雜撈麵牛雜炆得夠哂入味👍🏼👍🏼💬撇除個環境之外 味道係幾好唔錯價錢仲要唔貴絕對會encore再食😋

行過San Po Kong見到這間潮州粉麵,於是入去試了魚片頭河，魚片細細塊，而且非常彈牙！價錢合理，味道也是正宗的｡聽說這間餐廳的牛丸是十分好吃的，可以下次再來吃！

成記在新蒲崗小街內，舊式裝修，不起眼。堂食的話 ，不要期望坐得舒服，但整體整潔度尚算可接受的。食客大部份也是街坊，有學生餐提供。個人認為是這區內最好食的牛腩粉麵店。外賣牛腩牛丸河($41)，湯底濃配合他們的炸蒜青蔥，每食完一啖，就好想再食多啖。 牛腩半肥瘦，份量剛好。值得一提，他們的牛丸，不是那種爽爽牛筋丸，而係似比較實淨的山竹牛肉，牛味濃。平時行完山，由西貢回來也可從小巴站走過來試試，從四美街步行過來約10分鐘 😉

新蒲崗潮州粉麵食店「成記牛什粉麵」裡面有大量屬於「牛肉」類的食材提供，包括人手手打的「牛丸」。我在「成記」裡面點了一碗，包括有手打牛丸以及牛筋腩在內的潮州粉麵，由湯底到食材都有非常濃厚的牛肉鮮甜味道。因為我在光顧完「成記牛什粉麵」之後，發現「成記牛什粉麵」廚房製作出來的「牛筋腩牛丸麵」製成品，湯底有非常濃厚的牛肉鮮甜味道，所以亦間接令浸在湯裡面的牛筋、牛腩和手打牛丸裡面的牛肉原味變得更加濃厚。至於「成記牛什粉麵」的「手打牛丸」裡面，「手打牛丸」除了有牛肉本來應該就有的濃厚牛肉原味之外，我還從「手打牛丸」裡面，食到一陣感覺來自黑椒的辣味。另一方面，由於「成記牛什粉麵」「手打牛丸」是人手製作的食品，所以「手打牛丸」實際製成品的口感，比一般的牛丸更加彈牙，更一啖都有新鮮而濃厚的牛肉原味味道。至於「成記牛什粉麵」裡面的「牛筋腩」，「牛筋」跟「牛腩」的實際比例也都尚算接近，不會偏向其中一邊。「牛腩」實際製成品體積尚可，雖然已經跟「牛筋」完全被處理分離，但是「牛腩」不會因此變得太支離破碎。不過，有一點可以肯定的就是「成記牛什粉麵」裡面的「牛筋腩」，「牛筋腩」的實際口感都非常之軟腍。我透過試食「牛筋

如果你來到新蒲崗，想吃一碗簡單的粉麵，我一定要向你推薦成記的牛腩河。這家粉麵店，當然沒有高大上的裝修，但他們的牛腩，絕對是區內一絕，吃過一定翻尋味，連美食家蔡瀾也極力推介，而他們牛筋丸，亦相當出名。

嘩，食咗佢咁耐，唔寫食評都唔知佢香港仔有分店，我開頭食佢係因為牛什河咋，我細個果陣，唔知係唔識食丫，定真係間間都有水準，我覺得是旦入一間粉麵檔都好好食，果陣連波鞋街嗰間樂園$10碗都覺得正，但後期我發覺嘀河粉開始出事，切得越黎越厚，又越黎越鞋，之後連嘀牛什都開始出事，又硬又冇味，就好難搵到檔好食lu～之後聽人講呢間好食，咪黎試下囉，雖然嘀河粉都係差嘀，但佢牛什幾好食但令我驚喜嘅，係佢嘀牛丸！開頭話佢嘀牛丸自製，我自己心諗係潮州個隻彈彈牛丸，咬落去係爽同彈嘅，但佢唔係喎！佢係似山竹牛肉嘅結實版，開頭唔慣㗎，越食越好食，又得佢係咁可能零舍覺得佢特別啦！佢嘀牛腩呀！丸呀！牛什都好食，但嘀菜同嘀粉麵就麻麻地，不過算啦！太完美好辛苦，有少少缺陷，我接受到，同佢街邊檔，唔靚㗎！風味嘛！

久聞成記大名，今晚無事，特意前往。既然心有目標，自然不作他選，也不點粉麵，以免評論不準。淨牛丸大。有十粒，外表粗糙，一睇就知手造。佐料青蔥炸蒜，湯底正常口味。牛丸走的不是爽彈口感，程現出來的反而是淋軟，更像蒸的牛肉球，但牛肉球會溝豬肉，相信這個沒有。牛味足，入口舒服，相信溝入不少牛脂肪，外表粗糙是證據。整體不錯，唯獨味精多，口乾了。再來墨丸小，七粒。湯底與牛丸的一樣。墨丸也不是爽彈路線，但粉沒下多，味精也較少，入口綿密實在，墨魚肉成數高，只是不是新鮮貨。有溝馬蹄，作用點睛。整體而言，家住附近，或步行至此十分鐘的話，值得一到，店是舊，但乾淨程度不太差。

山長水遠去到新蒲崗, 就是為了食這悠久歷史的牛丸! 說實在此店除了牛丸外, 其他粉麵都是一般貨色!不過此店的牛丸真的很出色, 唔怪得咁多人推薦,所以小弟特意叫了一碗淨牛丸加牛腩汁!牛丸食得出是手打的，牛肉味道濃郁, 配上也是濃味的牛腩汁, 真是絕配, 所以小弟最後連湯都飲清光。口感方面，手打肉丸唔算彈牙, 質感比較腍!細細粒很容易入口!只是題外話,104元一斤生牛根丸真是比較貴! 我用52元買了半斤生牛根丸, 回家打開只有9粒, 但堂食10粒熟牛根丸只是41元, 所以覺得買生牛根丸唔抵, 有被欺騙的感覺!!!!!!

本身冇乜期望咁去搵宵夜食，見有麫檔就試下，結果有驚喜。叫了一碗淨牛丸，一碗牛腩麵。牛丸食得出是手打的，味道濃郁。口感方面，以手打肉丸來說是可以的。味道有少許香茅味在內。唯一問題是有點鹹，不宜食太多牛腩非常好味。脂肪比例非常適合我，唔太肥，但有薄薄的一層脂肪。咬落好淋，唔黐牙，處理得好好。麵好爽口彈牙，非常有咬口。至於個湯，鹼水味偏濃，少一點會更好。食到一半加左少少辣油，辣味好強，一點點已經很刺激。

麻甩時間😆成記牛丸真係好出色😋唔怪得咁多人推薦～·🐮牛丸牛腩河（$40）手打牛丸似係扎實版既山竹牛肉🤣唔彈牙但牛肉味濃，加埋剛好既調味，真係回味無窮👍🏻愛了💞🤤牛腩偏肥，同埋有一串似係牛雜既東東混雜其中👀基於我唔食牛內臟既關係，了走左好多😂落左少少自家製既辣椒油反而有點失望，唔覺得辣🤔（我食辣是廢廢的🙃）·唔理環境衛生情況既話🤥絕對會因為牛丸encore·📍成記牛什粉麵新蒲崗錦榮街4A號地下

山長水遠去到新蒲崗, 從前是為了德龍的古典粵菜, 德龍結業後, 也許成記的悠久歷史就成了這裡食肆的代表. 數十年來, 她就是鹵水牛雜, 牛腩以及手打牛丸. 前兩者鹵水味濃, 牛雜中牛腸的脂肪層亁淨而沒有臭味, 滑而油香滿載. 牛腩其貌不揚, 但肉質彈牙, 而且沒有根黏在牙縫之中. 對我而言最重要當然是牛丸, 除了肉香及脂香外, 它不是平時的厚實硬剛口感, 而是很Smooth, 純粹牛肉沒有填充劑的口感, 和其口感相配的, 也許就是夏銘記的魚彈吧!

一個禮拜之內來了兩次，既然上次都吃了牛丸，而這次，友人又決定要叫一碗淨牛丸，那麼就更加讓我乘機試一試這兒的的牛腩。😏在店內亦都看到不少食客會叫牛腩，甚至毛食客叫牛腩的比例，可能比叫牛丸的比例更加高，真的大惑不解。🤔讓我來試試這兒的牛腩，其實都沒有什麼特別，還可以說是比一般質素更加低。牛腩偏瘦，即使有脂肪的部份，也不見得非常之肥瘦均勻。麵條有同樣出色，不算煮得太林或是完全軟化。😊另外散叫的一碗牛丸，想不到，淨食牛丸的湯底非常之淡口，不怎麼好吃。但牛丸當然又彈又爽，內裏香，亦見肉汁非常，還有些牛筋在內，非常好吃反而，這次吃到友人的牛腸及牛肺，就顯得味道鮮美，甜甜的味道。牛肺的質地還算正常，不算彈力十足，但也沒有異味；牛腸就非常出色，難免中間會有些脂肪或是骯髒物，但味道濃郁，絕對夠韻味。試過這次之後，我就可以話俾你知，這兒的牛腩其實質素相當普通，要麼就來吃牛丸，要麼就吃牛雜比較穩妥。