菖蒲亭 (Closed)

臨近聖誕, 老闆請食飯,黎到呢間門面裝修比較樸素嘅日本餐廳, 入面同樣簡樸,其中一位店員更是真正日本人, 即時期望刺身和食等應該質素唔差兼有日本地道風味。而且價錢亦唔平,簡單一個定食, 都要過百,什至過二百幾。我order咗個F餐北海丼定食,包括有北海道帶子、三文魚、甜蝦, 配有小食、味噌湯賣相唔差, 三文魚厚切, 但質地好林, 冇魚嘅彈性, 亦欠缺魚油香;北海道帶子稍為用小小力夾起, 都爛;  甜蝦總算鮮甜唔腥。小食唔知咩黎, 好似薯仔絲但又唔係,林pat pat….個丼飯微暖, 飯質很黏, 有d實…講真呢個質素咁都要過百, 完全唔值!!唔會再幫襯!

鰂魚涌朋友對呢間野唔陌生，我走個時，大家都對我好好，但我發覺我都係掛住同大家吹水食野冇咩點同“人”或唔係餐餐影，所以就算食左唔同野都只有呢兩張...呢間野已存在多年，咁多年都仲係到就知咩料啦！由日本師父主理，味道無容置疑，刺身新鮮好味，份量都唔少，可惜位唔多，大家要“準時放飯”去攞位XD我好似仲冇有叫壽司定食$163，雜錦魚生飯定食$147，刺身定食$190，香蔥吞拿魚腩飯定食 $138，菖蒲丼$172等食日本野不外乎刺身夠新鮮，壽司飯醋味調得好，麵豉湯唔會太鹹咁，所以無左Shiro大家就迫埋呢間XD 但其實好多都話佢比Shiro好~

我唔知發生咩事, 可能太耐無食日本刺身所以我居然番工嘅Lunch揀咗個2品刺身+網燒和牛定食258, 計埋加一都280多元, 對我呢個小職員唻講唔平架(主要係番工Lunch 又趕係好小食呢個價錢嘅食店, 佢係一個應該係日本開嘅小店, 我喜歡日本式小店係因為佢可能會有另一個意想不到嘅風味.唻到佢個湯係熱辣辣又有料好唔錯, 不過去到食佢個刺身三文魚(雖然佢個2品刺身圖有影三文魚, 但得八X魚或三文魚揀, 帶子就一定要, 但其實可唔可以多小小揀, 話哂咁嘅價錢, 最幣佢個三文魚有筋, 都己經失望, 帶子係甜嘅但個網燒和牛係我最唔開心好想叫呢D係和牛? 佢好無牛味得唻我咬落去係咬唔斷, 因為佢有好多根筋, 我同人地食咬又咬唔斷, 我成舊吞咗落去, 個感覺係好唔好受, 仲要4件都係咁果度先慘, 點解我要比錢食D咁嘅嘢, 我想寫好耐, 不過無咩時間, 我就唔會再嘗試了

從鰂魚涌地鐵站A出口行三分鐘，在某處轉角位會看見一間擁有暗酒紅色底招牌的日本餐廳 - 菖蒲亭。一進去就是日本居酒屋的場景，招呼我們的是一位日本女侍應，在很久沒去旅行的情況下，一瞬間彷彿置身在日本。舖內地方不大，只可容納十數人，正值星期六晚上，可能時間尚早，客人不多。我們叫了三品刺身+蒲燒鰻魚飯便當和牛肉蕎麥麵，後追加一杯自家浸梅酒梳打。先說便當，刺身新鮮，味道濃郁，鰻魚肉質較軟，不會過硬太乾，加上醬汁，配飯一流；至於牛肉蕎麥麵的牛肉有牛味但略硬，蕎麥麵則太軟，口感不佳；等候期間，看見店內放住自家浸梅酒，少喝酒的我亦忍不住叫了杯梅酒梳打。建議大家可先攪拌並置放一會兒，讓酒味與梳打融為一體才品嚐，入口先有酒味，然後梅味慢慢滲出，十分好喝，適合平時少喝酒的人，最後把梅子都吃了，酒味完全滲透進梅子裡，非常好吃。他們有散樽裝可買，我也購買了一小瓶內有兩粒梅子的回家，打算自製梳打。整體而言，食物味道整體中上，價錢不算貴，可以一試。

經朋友介紹今日終於嚟咗呢度食午餐老實講見到門面嘅時候唔係抱好大期望開門招待嘅係一位日本女士一行入去真係好似去咗日本小店😭😭真係好掛住日本嘅美食呀！午餐餐牌有好多選擇見到我最掛念嘅日本食物之一牛舌！！！一見到個套餐眼啲碗碟好靚一望到麵豉湯個樣就知道係有心做份量足夠，擺盤簡單精美牛舌厚度適中，煙韌好味係日本嘅味道呀！套餐仲配有三文魚刺身三塊大大塊又夠厚嘅新鮮刺身好滿足呀！一般唔能夠食曬全個套餐嘅我都全部清曬！

呢間餐廳成日經過但都無機會試，見今日早收工我就決定一試，呢到食物同價錢都唔錯，屬家庭式居酒屋小店有自家浸嘅梅酒 炸物唔會過油，層衣都好薄 相當唔錯，燒牛舌燒得岩岩好又惹味 經過要幫襯！

環境乾淨，木系嘅裝修都幾清雅舒適。啲綠茶非常之綠🤣🤣完全無喺香港見過咁綠。茶香好突出，有少少回甘，但唔會好苦，靚茶🤤🤤。我叫咗個素菜烏冬定食$109（配牛油果手卷）烏冬非常彈牙，好高質😍😍菜有菠菜、海帶。仲有配一大片腐皮同菇😍😍腐皮同菜都好索湯😁😁好味。牛油果手卷唔系淨系得上面有牛油果，食到下面飯嗰度都仲有牛油果😁😁🤤🤤🥑🥑紫菜香飯香，唔會好似香港普遍啲手卷咗有陣雪味。

難得又到了Happy Friday, 相約和同事們一起外出吃飯! 位於鰂魚涌地鐵旁邊的菖蒲亭是一家日式料理餐廳, 由日本人打理, 相信味道一定很地道! 我們點了菖蒲亭刺身丼與鰻魚飯定食, 每分午餐都跟日式蘿蔔麵豉湯以及沙甸魚前菜! 先說說蘿蔔湯非常清甜, 沙甸魚是凍小食, 沒有腥味! 刺身飯方面, 魚生非常豐富例如有吞拿魚、帶子、三文魚以及玉子等材料, 每一件都是厚刺, 用了十足; 而鰻魚飯則是一整條鰻魚上, 旁邊更有幾片刺身呢, 吃完這段美味的午飯後已經非常滿足晚飯都可以不用吃了!

以前喺鰂魚涌返工成日經過都好想試呢一間餐廳, 初時以為係食台灣菜, 後來先知係食日本菜。老闆同待應都係日本人, 見我拎多嘢, 好好咁畀咗個鈎我掛住啲嘢, 地方唔算大所以最好早啲訂枱, 因為當日早食所以等咗一陣就有位。點咗個魚生飯, 成日都覺得如果要知一間餐廳好唔好食, 食佢嘅魚生飯就知食材新唔新鮮, 三文魚好肥美, 甜蝦新鮮, 呢一餐食得好開心

據說這間菖蒲亭歷史悠久，是一間日本家庭經營的料理小店。甫進店內，店員熱情地以日文說出歡迎光臨，感覺親切。店舖裝修普通，像極八十年代般，反而顯得更為珍貴。雖然沒有美侖美奐的裝潢，但食物質素極好，十分地道，魚生食材新鮮鮮味；我特別喜歡這裡的串燒，款式不多，但牛舌及雞軟骨燒得香口，慢工出細貨，值得耐心等待。再配上一杯自家釀製的梅酒，絕配也！若不在此吃正餐的話，點一些串燒來佐酒，這裡絕對是一個非常合適的地方呢！

【菖蒲丼⠀$168】⠀⠀⠀「麻雀雖小，五臟俱全」絕對是菖蒲亭的簡短形容，每逢午市都座無虛席，但沒有逼夾的感覺。雖然沒有特別華麗的裝修，卻帶點日本家庭風味，樸素平凡但cosy。至於我最著重的食物質素方面，的確是一分錢一分貨，用料相當不俗，而且份量充兄，物有所值！特別推介大家嚐嗜日式厚燒甜蛋/玉子燒，聽似普通，但一口咬下便知用心製作之處，口感幼滑，甜度恰到好處，火侯亦控制得宜，所以外在色澤亮麗，值得大家一試！☺️

疫情的確苦了很多人。食店逆境求生，紛紛祭出優惠。反過來，又益了一眾食客。有事去到QB，以前都食過本店，外賣就真係未試過。$418 「喜慶歡聚」外賣壽司拼盤，號稱約三人前，實際係2.5人份量吧。6 x 3 = 18 件壽司；6 x 3 = 18 件小卷。食材選擇中上價貨，唔算名貴，但都有一款拖羅。送一份枝豆，有小小蔬菜入口。飯量好大，同埋飯有啲啲過濕，未能做到粒粒分明。食材同樣大份亦新鮮。我地自己用火槍灸吓拖羅，特別香口。在家慢慢嘆一支「獺祭3割9分」，一邊討論工作及投資大計，乾乾淨淨、舒舒服服又一餐。

一入去係位日本女侍應招呼，即刻有種去左日本嘅錯覺 😂 坐無虛席，好期待魚生新鮮，雜錦魚生飯比嘅都唔係最低價嘅魚，個甜蛋都唔係死甜，好香好滑～帶子壽司係我食日本野必叫，唔係特別鮮甜，只算還好。呑拿魚手卷有驚喜，用左兩定三種呑拿魚，淺色啲嗰隻係有魚油架！蟹籽加洲卷足料，味道剛好，不過不失。蟹籽沙律都唔錯，足料，菜同青瓜絲都新鮮仲有個芥末八爪魚，好開胃，八爪魚係有少少黏性嗰種，唔記得影相。不過！48蚊只有豉油碟咁嘅份量，比較不值

這日本餐廳的午市時段有訂位服務，分店是12時正和1時15分，12時餐廳剛開門營業，已陸續有客人入座，午市套餐選擇達20多款，價錢都是100元以上，不算便宜，最後選擇了set "O", 有4件壽司，細天婦羅蝦烏冬，燒玉子和小食，上餐很快，天婦羅蝦的外型討好，見到外觀以為隻蝦都幾大隻，咬下去時原來炸粉佔大部份，蝦只是小小的，食不出蝦味，至於烏冬是很碎，不是一條長的，有些可能只有一至兩寸長，這碗烏冬使我有些失望，至於四件壽司，帶子和甜蝦鮮甜，另外的白身魚和三文魚就中規中矩，我反而欣賞燒玉子和麻醬菠菜小食，燒玉子甜甜的充滿蛋香，燒得剛剛好，香甜嫰滑，麻醬菠菜的麻醬應該是餐廳調製的，不是超市的貨式，醬汁帶有濃濃的麻香味，這兩款小食比主食更出色。

生日慶生請好友食好西Lunch 去了鰂魚涌的「菖蒲亭」食日本料理這間餐廳每次經過都很多人所以我們都等了一會才可以入座我點了「網燒和牛定食」好友點了「大蝦天婦羅烏冬定食」和牛肉汁鮮美，調美適中，好吃😋再配上不太咸的麵豉湯，滿足而好友點了「大蝦天婦羅🍤烏冬定食」天婦羅香脆可口，是新鮮炸出來的而壽司🍣也是即刻整出來因為是比較高質素的餐廳，所以價錢比同區較貴，平均$100-200消費不過好友生日，值得去慶祝吃生日飯。