菖蒲亭 (Closed)

除左港島海逸君焯既NAGOMI,最近屋企又有新鮮食材,就係菖蒲亭 Sho Bu今日又黎到呢度食,呢度既價錢當然會抵食一點,但也不差,而且都有日籍師傳和香港師傳在陣上次食過剌身定食,今次試下魚生飯$172坐壽司吧,有時候就可以偷窺下有咩時令食材,呢個時候佢地話針魚比較好,就試下吧針魚,價錢約$250,成條切出約10片肉,師傳最花時間當然係挑骨,食到骨就大獲.味道清甜,魚脂很少,魚肉帶少少彈牙,沾上薑蔥同食更能提味,不時不食就是這樣.坐係我隔離既食客,叫左深海八爪魚吸盤食,好似好霸氣$172 魚生飯,材料有赤身,拖羅,鲭魚,蝦,油甘,帶子,三文魚,深海八爪魚,玉子,味令既蘿蔔和魚仔,亦有仿蟹柳,十分豐富,當中食到深海八爪魚,質感十分軟熟無渣,口感很有趣,赤身味道中等,起馬不是擦子膠,拖羅當然肥仔,入口溶化魚脂味濃,鲭魚亦是上佳,魚味勁強,質感帶實,魚味獨特,其他就無咩特別.蘿蔔是帶辣的,撈飯食好惹味,整體味道好出色,不單調,基本上無咩挑剔,賣相亦佳一分錢一分貨,呢度既性價比當然不錯,難怪開左咁耐都未汁

相信呢間日本餐廳對鰂魚涌既上班族並唔陌生因為係鰂魚涌具有質素既日本餐廳真係寥寥可數今次同朋友想lunch time食好d，決定book枱食飯對，係要book枱架，因為餐廳環境唔大，而呢區都有幾多sales揀呢度請客食飯所以位置比較full，打電話預約可以避免碰釘同朋友揀左一樣既lunch set就係雜錦魚生飯每塊魚生都係厚切，而且食材好新鮮，最好食係三文魚粒!雖然價錢要100+，以一個lunch黎講係比較貴但有咁既質素可以接受另外一提侍應不時係身邊加茶，服務態度都唔錯

這間是鰂魚涌區很多日本人幫襯的,所以決定試一試UPLOAD MENU有定食,百幾蚊到2百幾都有最後叫了那個8件的特上XX盛合X  (X是日文,$238)加埋呢2個月必食既秋刀($218)最開心係有2件拖羅,夠肥夠軟滑,入口溶化,爽呢海膽也很新鮮,濃香玉子是這裡名物,也十分出色,甜甜的蛋香,果然好味道秋刀魚夠肥,魚味濃,無魚星味,不用沾芥辣,只用豉油提鮮,一流喔.由日本師傅整,令自我感覺更良好,難怪咁多日人在裡面

日式煎蛋卷這東西易學難精.自己在家做最大問題是如何面對失敗的作品?六隻靚日本蛋價值不非加上要用不少時間慢慢煎,出來結果還要是麻麻的話.....扔又浪費吃又痛苦!還是找家做得好的乖乖的付鈔吧,進入店內已被這盤放在吧檯上剛煎起的玉子吸引了視線.厚燒玉子----蛋香味濃質感鬆軟不死實,吃起來帶點有水份不乾身.不太甜的味道甚討好,看上去顏色雖偏淡但總好過某些店子為求賣相美觀而下了多少不知明的色素為佳!壽司定食----魚生片新鮮度尚可,飯是握得有點實及醋味是濃了一點.連麵豉湯及茶碗蒸二百多元的價錢是有點偏高.三色小卷----單是賣相已叫人不想伸手取來吃!切口不整齊,軟而韌的紫菜包裹著鬆散欠黏性飯粒,未取起已掉了不小在碟上.師傅看在眼裡也不出聲,做客人的也識趣吧!燒花魚----自己並不喜吃這類身型大肉質鞋的魚,與友人相熟那位收銀女仕大力推介......出來效果一如所料,乾身得魚肉吃起來是全無水份只得邊位有點脆,結果幾經努力下也吃剩1/3條.串燒----電爐燒出來的效果總是欠一點火候,原材料新鮮度及調味也ok,就畢是做不到燒烤食物表表面微焦帶脆的效果.單以一味厚燒玉子來計這店應屬頭三甲位置,惜其它食

原先準備到鰂魚涌辦事，怎料預計交通時間有誤，趕不上辦公時間，唯有臨時找來 "奄尖K" 這位萬應飯腳吃個午飯，況且各有各忙也有一段時間沒閒聊了。接近中午繁忙時段要在鰂魚涌找餐廳，想像得到不是一件易事，上星期到一葉晚飯時發現了菖蒲亭，所以靈機一觸馬上找來菖蒲亭的電話預約，女侍應問道會不會介意吧枱，得老天爺眷顧如獲彩金，應是感恩才對，又豈會介意是安慰奬呢！菖蒲亭面積不大，餐桌排得密密，但每一角落也蘊含了日本小店風味。頭一抬發現高牆上貼有花花的酒瓶招紙，我也有保留招紙的習慣，不過只限在家品嚐的清酒，以及心頭好。這一邊掛上了刺生選擇，顏色的紙條與手寫的日文，日味洋溢，相信晚上的氣氛會更佳。另一邊又是一個寫有清酒推介的黑板。我們坐在吧枱最末端，近距離的對著壽司師傅。想不到小店的午餐種類繁多，足足排滿了兩張餐牌， 有多款壽司、刺生、拉麵、肉類、魚類以及混合串燒的類別，達30款之多，相當的豐盛。"奄尖K" 是壽司與刺生的大好友，不知何解竟選了銀雪魚定食。我則要了鰻魚定食。看到壽司師傅們沒停的兩雙摩打手，侍應則不斷為周遭的食客送上刺生及壽司，而我倆的定食則需守候多時才出籠，"奄尖K" 跟我同樣估計是即叫

話說公司早前有大量"打柴"電腦出現, 一直無人處理, 叠到就到天花... 直到有一日, 有人上門問有冇舊電腦, 好壞都收... 嘩, 有呀!!! Green Fund錢箱有500蚊進帳, 發達啦!!! 有錢係手, La La 聲搵好o野食啦喂... 呢間日本餐廳, 電視有介紹過, 標題係「堅持傳統的日本料理 -- 日式家庭料理 -- 地道日本廚師為食客帶來媽媽的味道」, 好吸引呀!!! 蒲燒饅魚飯配刺身定食 -- 饅魚好好味, 又大舊... 三文魚又大舊又新鮮, 好正呀!!! 銀鱈魚定食 -- 同事C比咗小小我試... 嘩... 好好好好好味呀!!! 又厚又大大件, 出面而家食唔到o架啦, 連Ixxxkawa都變得又細又薄, 攪到我對至愛嘅銀鱈魚心都淡晒, 但係, 估唔到佢呢度嘅銀鱈魚竟然仲咁正, 我一定要帶Honey o黎試下先得... 燒玉子 -- 見D網民話必吃, Order咗一客, 點知原來定食都有跟, 早知就Order其他小吃啦... 味道不錯... 同事L Order的天婦羅蝦烏冬定食原來跟埋軟殼蟹手卷o架... 午餐o黎計, 一D都唔平, 但真係物有所值!!! 服務亦唔係

七月上旬‧晴 跟日本朋友的約會，地點是他選的。這位朋友在港工作已經多年，孤家寡人，這裡就是他及其同事的飯堂，每周總有三幾次在這裡開飯。是日周六，沒有什麼客人，只有三檯客。除了我以外，除了兩位侍應以外，全店也盡是日本人。 菜色由我選，朋友說這裡什麼也不錯的。我選的東西，其實也簡單，總之不要刺身壽司，那也封了蝕本門。過去跟大廚內山師傅打聲招呼，簡單的交帶了幾味菜色，與朋友聚舊的晚上，也不用太豐富。 先來點喝的，師傅送來下酒小吃，是梅貝煮，見師傅在不住的從廚房拿出一板又一板的蛋卷出來擱涼，又怎受得住誘惑？當然立即要一客，而口感也頗鬆軟。下酒之物就是吉列南瓜餅了，是要立即追加的一味；也來幾串串燒，果然燒得有板有眼。煮物方面，要了汁煮牛腸。澱粉質食物就來兩個握飯糰，最後以冷蕎麥作結。 酒過二巡，吃了不少東西。埋單每人三百，跟師傅道謝，撥開暖簾離開這裡，其實在香港，有水準的居酒屋為數是不少的。 想看足本食評及所有的食物相片，請來這裡：http://gourmetkc.blogspot.com/2009/11/blog-post_18.html

今日食鰻魚飯+刺身, 另有漬蘿蔔同玉子, 樣樣都好足料, 厚切, 連伴刺身D日式菜都好好食, 唔會因為覺得D人都係用來睇吓, 而放D唔食得O既菜落去.雖然$130食餐午飯你可以話好貴, 但比起好多地方, 百幾蚊佢都可以俾垃圾人食, 呢度係好正, 舊錢係花得值.如果要出旺區食呢個水平O既日本O野, 呢個價錢點得呀!

星期四，大除夕，辛勞了一年，嚟到這一天，是終結，也是開始。天氣有點凍，風亦頗大，太座想慰勞一下大家，想食好一點。大時大節，出外食飯，要麼就是明俾人斬到一頸血，要麼便是提前不知多少天預約。事前沒有安排，臨急臨忙醒起這店，便匆匆的打電話，幸好二人位不需怎麼特別安排。約定七時半，早了十分鐘到達。前菜是厚燒玉子，煮得稍稍老了一點，不過入口軟滑，蛋香充沛，鹹甜味適中，而且做得比較乾身，比起「一門」嘅濕漉漉，這裡嘅玉子無疑是勝一籌的。沒有刺身，代之而來是燒物，店員介紹的鹿兒島幸福麥豚串燒，豚肉肥瘦均稱，脂肪與瘦肉層層相間，故入口充滿豬肉嘅甘香，毫無懸念。這裡嘅串燒充分發揮了此豬肉嘅特質，肉汁固然保留了下來，肉質是鮮美嫩滑的；一丁點嘅黑椒，更能引出豬肉鮮味。筆者對天婦羅情有獨鍾，縱然口瘡未完全康復，也要照食如儀。這款海老天婦羅，用的是新鮮海蝦，加上蕃薯及南瓜。等了好一陣子，天婦羅才呈現眼前。看其外表，上麵漿嘅功夫真是麻麻地，時厚時薄，而且還偶爾掉下一大塊炸麵漿，似乎師傅不是這一方面嘅專家。幸好，海蝦鮮甜味十足，而且蝦頭附近膏甚多，食落寧舍香口，是整個蝦頭也可以食落肚。最後是拉麵沙律，是這裡的名物。各

12月8日（星期二）晚，是晚女友要開會，約八時才可以收工，等到女友收工後就和她坐巴士先去到鰂魚涌，下車後就來這裡吃晚飯。店子不大，入到店內祇有兩檯客（三個客人），可以隨意選擇位置。餐牌食物選擇不多，主要是刺身和壽司等，因天氣寒冷，不想吃生冷食物所以沒點，我們就點了女友至愛吃的蒲燒饅魚飯便當（$148）和一客關東煮（$108），還有一壺熱的 house sake。由於是即叫即煮，等了約十分鐘蒲燒饅魚飯便當先送上來，便當內除了鰻魚飯外，還有兩片三文魚、（魚立）魚和一隻甜蝦，當然還有麵豉湯。各款刺身都頗新鮮，麵豉湯竟然是沖粉的，味道淡得很，鰻魚雖不算很肥美，但味道卻頗濃，可惜飯就少了點。關東煮就不過不失，木魚湯底很清甜，有獅子狗、雞蛋、魚旦和炸魚肉等各一件，味道不見突出，份量卻較少。我點的那壺熱的 house sake來的時候，竟然祇有約八成滿，有點不值和不夠，不過不會再叫多一壺，寧願自己返屋企再喝過。在沒有點刺身壽司類食物下，埋單都要三百多元，食物雖然不錯，卻覺得未值這個價錢，所以再來的機會真的不大。

菖蒲亭係公司熱愛日本野同事lunch的摯愛. 見響附近做左甘耐都冇去過. 今日終於去左. Book左檯. 等左大慨五分鐘. 是日日曆為: 蒲燒鰻魚飯+三款刺身+湯. $108. 比平時平左10蚊.鰻魚好大塊, 汁稍嫌過多, 令成個飯稍咸. 面豉湯OK. 都係稍咸. 但魚生夠新鮮, 亦幾大塊. 小食有濕濕地的甜蛋. 唔錯唔錯.服務幾好. 阿姐幾好禮貌.總結: 雖然Lunch黎講實在唔平, 但份量好足. 由於魚生真係幾對辦, 全店都好多人叫魚生飯. 下次一於魚生飯.

订了抬 12:45, 三十五分就到达，当时有很多抬没有人，那位态度什差的服务员安排我们坐BAR 抬，我们说如果要坐 BAR 抬，应该订位时告知（我们几天前已订），于是她叫我们等一下，那个地方非常细小，我们站立了五分钟，她还在招呼比我们还要迟来的客，于是问她要等什么，她说抬还未清洁好，现在还未到 12:45，其实抬已经放好所有东西，很清洁，我很生气对他说：你先安排我们坐，因为所有抬已经预备好。她便给了我们一张抬，走的时候，我跟她说应该注意一下自己的服务态度，她丢过头来说你都要注意你的态度！！！点解今时今日中有这种服务？太可怕啦！

Lunch試過雜錦壽司便當，配料新鮮，而且抵食一個便當有八款餸，抵過食八碟壽司

很久沒有來了，很掛念這裡的魚生飯及稻庭烏冬，所以早前見有空，便決定抽時間再次來臨！當晚都幾多人，我們找了一張邊位的二人檯坐。看過餐牌後，辣椒女看到有關東煮，立刻決定叫來試試，我在最後選擇後，最終叫了魚生飯及二杯燒酒。關東煮- 味道鮮甜，幾有在大阪食時的感覺，獅子狗、雞蛋、炸魚肉等，也做得很出色；可惜份量又真係幾少，食完都只是半飽。魚生飯- 保持水準，刺身也是找當時最出色的，份量唔算很多，但值得推介。燒酒- 想叫杯日本酒飲，但得二個人，一支又太多，一杯杯的就只有一隻，無奈接受。食完都唔多夠飽，立刻追加一碟鹽燒鯖魚，魚肉可能雪得太久，肉質已開始下降，而廚師再把魚燒得過久，令魚肉變韌，都幾令人失望。本來還想食稻庭烏冬，可惜太飽了，只好留代下次再食了。

由於同事出左b 仔所以就請左我黎呢間蒲頭食飯諗左一輪就叫左一個蒽吞拿魚碎飯餐(蒽吞拿魚碎飯+麵豉湯+小食)兩個日食(雜綿魚生飯+鴨胸蕎麥麵+小食)另加一客三文魚刺身,日式炸雞,炸南瓜餅雜綿魚生飯都有好多料(玉子x2+魷魚x2+池魚x2+三文魚x2+帆立貝x1+甜蝦x1)鴨胸蕎麥麵唔錯,好香好濃既湯底,蕎麥麵又好食炸雞我唔太識欣賞, 我都係比較喜歡kfc南瓜餅都ok, 幾香口埋單491