尚點 小籠包.上海麵館 (置富第一城) (Closed)

母親大人生日，當然食佢最喜愛嘅上海菜。首先見到麥兜餐，但價錢不菲，又gimmick過多，母親大人又冇乜興趣，再見到呢個4人餐唔算貴，只係398，就決定食呢個餐再加小籠包！前菜四喜烤夫向來係我摯愛，食落同一般上海菜館無異。湯品係薺菜豆腐羹，飲落好清，又保留豆腐味道，作為飯前嘅湯一流！生煎小籠包可能新鮮整起，仲保留肉汁，唔錯！賽螃蟹要炒得唔油膩之餘仲要滑口好難，呢間算係幾高水準，蝦肉彈牙，面頭灑上瑤柱絲好香。可能一早整定，肉汁冇生煎咁多。酸酸甜甜，口感一流。炸到好香口，用把聲搵食嘅我唔敢食太多。一開始睇名完全唔知係咩東東，黎到係雞肉蝦炒飯。炒飯粒粒分明，蝦爽口彈牙，問最緊要唔算油，值得一試！湯底香濃，好香花生醬嘅味。雞排唔算好香脆，深信都係炸定左....一開始我完全唔知咩係榆耳菇，黎到一試，又靭又硬，應該用黎做湯底。只係奇怪話叫炒菜芯，黎到係上湯咁....讚！新鮮炸起，超香甜！總括黎講，今次唔算等左好耐位，大部份食物都好新鮮整起！所以先成日幫襯。

認識尚點係因為早前見到Facebook佢出咗幾款有麥兜個樣嘅食物系列，亦凡惠顧就可以加錢換麥兜杯緣子，見幾得意所以去左食。尚點係食上海菜，食物款式有D似翡翠拉麵小籠包。黎得食上海菜，灌湯小籠包就必叫。有驚喜嘅係佢個小籠包都幾好味，小籠包入面都幾都多湯，而且湯嘅味道唔錯，唔會淡味。咸豆漿煮花蛤就幾失望，個湯一啲豆漿都冇，而且個感覺有啲奇怪。上海排骨粗炒，排骨大大件，幾足料，味道可以。我哋都叫左有麥兜個樣嘅食物，就係流沙奶皇包。新鮮熱辣，入面嘅奶皇餡真係一咬開湧晒出嚟。我加左錢換一個杯緣子，不過款式冇得揀只可以隨機抽，我好好彩抽到我最想要嘅麥兜呀，好cute! 送張相俾你地睇下~環境氣氛： ★★★☆☆食物質素： ★★★☆☆服務態度： ★★★☆☆

麥兜係我既童年回憶～細細個時就已經覺得佢好搞笑好可愛今日食呢個麥兜流沙包，奶黃流沙做得好好味，甜度適中又有蛋黃香。麥兜公仔都印得幾精美，可惜上桌時有個包凹左。雞排刈包有少少乾，如果多啲醬汁會比較好。雞排炸得香口，中間夾左生菜減低油膩感。糖醋魚粉漿偏厚，配左菠蘿、合桃、青椒，酸酸甜甜。小籠包令人失望，上到黎有一個係穿既，同埋包入面無咩湯汁上海排骨粗炒麵質幾好，麵條有少少彈牙，係我鐘意既質感。排骨就炒到炸皮同肉分離左。醬汁調味幫呢味菜挽回左少少分數。整體黎講還可以。

經過見到，媽咪愛吃上海菜就進來了。排骨拉麵不錯，肉都一口肉，油不多，麵也不會太硬小籠包款式多但就有點失望，汁不是很飽滿 皮也不是很薄，好在肉都足既 無乜肥肉，每人都食到4隻haha

尚點係一間我好鍾意嘅上海菜。最鐘意就係佢哋嘅嫩雞煨麵，因為個湯底真係好好味，睇落白晒晒，不過好有味道，一啲都唔heavy，就算我平時唔太鍾意咁麵湯都覺得好好飲！呢個麵仲有好多菜同雞肉，又唔油，健康之選。間唔時就會好想去食。另外佢哋嘅素鵝都好好食，炸得好酥脆，好食過好多連鎖店。呢度嘅炒年糕都唔錯架，年糕炒得煙靭，係油咗少少，最重要係唔太咸。鍋貼餃子嘅脆面，又薄又脆，餃子入面有好多湯汁，記得小心啲熱湯汁，真係新鮮整架！至於口水雞，唔係我鍾意食，不過都ok， 唔算辣，不過就油囉。另外一樣我好鍾意去尚點食嘅就係佢哋嘅炒飯，雖然今次無叫，不過佢哋嘅炒飯真係好好食，好乾爽，記得試下呀～

見有小籠包食,又好耐未食過上海野,晚飯就揀呢到相討之後,叫左酸辣湯,鎮江排骨,醉雞,小籠包,金網生煎鍋貼,上海粗炒酸辣湯用鍋上,摸一摸個鍋完全唔熱,以為只係觀感好D,係煲熱左放入去,點知一入口,室溫...一D溫度都無,其實個味係唔錯,不過湯唔熱幾好味都無用鎮江排骨好細碟,得8-10粒倒,今次食落口,唔止室溫,係微凍,真係唔知鎮江骨係冷盤黎...同埋以前食鎮江骨係用一字排骨,但呢到用蒸排骨個種,細細粒款,味道只有醋味醉雞唔入味,感覺係白切雞上枱前淋D酒落去咁小籠包以為岩岩蒸起,點知可以直接入口,一D都唔辣口,而且流出黎既高湯唔清金網生煎鍋貼夠熱,個金網好脆,不過太多油係底上海粗炒個味唔錯,但D粗面好碎,好多斷開晒全部食物D分量都好細,唔岩一班人食,而且熱食唔熱係大忌

父親節！與家人嘗嘗聞名已久的上海餐館，對此店有極大期望，可惜餐廳經理服務態度極差，輪候時間頗長。各類小菜、甜品味道尚可，略嫌某幾道小菜 太鹹，但整體而言還好。正常價錢，但下次未必再會光顧。

今晚慶祝母親節去試下上海野，尚點果然系好好的選擇上海熏魚，呢個味道剛剛好，酸酸甜甜，連皮一齊食又滑又嫩，不過較多魚刺要小心鎮江骨，同出面上海鋪做法不一樣系排骨⑤系炸的，真係用鎮江醋滷出黎，好入味，開胃。醉雞，好重酒味，雞就好滑，家人覺得好好味，本人喜歡口水雞多D。炸饅頭，外面脆脆。加煉奶一齊食無得頂吖大蒜爆炒牛肉，牛肉好滑。大蒜好嫩，有殺菌作用，健康又好味主角出動黑松露小籠包，剛剛上台時，要等涼返小小無甘熱，夾小龍包就⑤會穿啦，因為裡面有高湯，小龍包最尖果個位可以飲到湯的，跟住再食黑松露包皮，裡面的餡都有小小黑松露的，好正

4款頭盤之一 雞絲粉皮：正常, 比一般雞絲粉皮深色，但食落麻味唔濃。反而粉皮質地比一般爽d, 食落無咁漏。4款頭盤之二 齋鴨: 正常， d菇幾爽口。4款頭盤之三 炒四季豆: 好味， 好中意食豆嘅我好快就擺哂入口。4款頭盤之四 燻蛋：好味， 蛋白都燻到入哂味，加上 少少流心嘅蛋黃， 比預期好食。小籠包：正常，湯汁好夠， 但男朋友話舊肉可以再改進。鹹豆漿浸花蛤：好味， 個湯夠鮮，油炸鬼索哂d汁，但就偏鹹，送飯arm arm好。響鈴黃魚卷：一般，響鈴幾脆，黃魚無咩味，男朋友受唔到腥就食唔到， 我就覺得唔算太腥。因為男朋友唔食，要自己一個人會覺得太乾，有個汁點下就好。菜飯：正常， 但預期最早出現嘅佢竟然其他黎哂都未出現。要問返職員先有。桂花糖豆腐花：好味， 唔會鑊嘅甜品， 桂花糖分開上， 自己可調較甜度，老少咸宜。環境： 環境舒適， 坐得幾舒服。服務： 侍應們好似成日都好忙咁，不過只要叫佢地都會幫你嘅。

之前都試過午餐黎呢度食, 食物質素係唔差架,不過漏單就屢見不鮮, 但今次真係有D 憤怒。午餐時段去到,一共4位,知道等食物會耐,於是 2位先入座先落單叫左2個午餐,等了15分鐘,午餐未到,於是同WAITER 講追單之餘,另外再加單(都係2個午餐)出奇地,好快有食物黎喇喎...2杯野飲,2個前菜...跟住冇幾耐就2個主菜都黎埋...但係係加單果2個...覺得唔對路,問返WAITER 叫佢再跟一跟之前張單,,,有位先生行埋來話我地張枱只係叫左2個餐!!仲比埋張單仔我地睇...咁即係我地之前叫果2個餐不翼而飛左/___\(咁之前加單果陣,叫個WAITER去追,點解佢唔返來同我地講清楚喎...)跟住先生就叫我地再ORDER過啦...因為佢話""宜家爭拗都冇意思""爭拗係冇意思...但就算再加單,,,都已經食唔切了,,,要知道上班一族,一小時午飯時間是好寶貴的。如是者,我就同朋友SHARE 左個午餐算了...其實先生既然知道爭拗都冇意思,是不是應該檢討一下服務,小心落單CHECK 單以避免太多類似既情況發生呢?希望佢地可以改善下啦T^T

今晚約左朋友黎呢間想試好耐既上海菜我地6點一座底無幾耐 出面已經勁多人等位好彩早左黎 我地好快就揀好想食既菜式1) 酸辣湯我既最愛味道唔錯 用料都幾足 只係覺得唔係好夠熱 每人食到2碗半架2) 黑松露小籠包甘既價錢算唔錯架啦 有黑松露香味 湯汁都有既 但唔係爆汁個種 皮薄但料唔算多 總括我食過甘多間既小籠包 暫時都係鼎泰豐最好咪3) 生煎包呢個都幾好食 不過熱辣辣食仲正 我發覺呢間上菜速度係勁快 一次過上唒俾你 所以食得慢就會有啲菜式已經嘆凍左 覺得呢個情況可以改善下4) 津白xx炒年糕年糕炒到QQ地 唔錯 其他配料一般 如果味道再濃啲會更好 我地另外問左侍應拎豆瓣醬黎點 更加好味道5) 自選4式涼拌呢個反而有驚喜呀4款都好食份量少少地 唔會太膩 個排骨好腍 仲有茄子超佢地係有供應茶水既 但我地都叫左杯豆漿飲 好香滑 今餐每人都係150蚊就食到甘多款難怪每次都甘多人排隊喇

午飯時間黎食真係預左要等半個鐘以上，如果係4個人以上就要等更耐。餐廳出面棟左塊大大塊餐牌，等枱嘅時候可以諗定食咩啦。lunch時段有lunch set, $50-60， 包左小食，主食同飲品，好扺食！不過，我地今日決定散叫。1.大排刈包 $28.刈包，味似白饅頭，甜甜地咁。塊排骨好大塊，岩曬食肉獸😍 ，如果脆啲會更正！2.紅燒肉刈包 $28.半肥瘦豬腩肉係厚身嘅，炆得夠曬入味夠曬淋，加埋甜甜紅燒醬汁同酸菜一齊食，好夾！3.黑松露小籠包 $48.成舊黑炭咁黑，皮薄，但可惜肉湯不夠多，松露不太突出，只係黑色嘅小籠包。4.炸饅頭 $24 （6件）炸到金黃色！外脆內鬆軟！加埋練奶食真係一絕！$24咋，性價比高！5.金網生煎鍋貼 $32只係普通鍋貼再痴住塊所謂'金網'，鍋貼本身味道不錯，正常豬肉餡，但底煎得唔夠香脆，塊金網係多餘嘅

山長水遠(？)走入第一城食「年輕人的上海菜」(就係呢個名吸引左我去睇篇文,然後佢地就召喚左我去了),幾抵食，小籠包同豆腐花好好食lol松露松茸小籠包($52)咬個皮都有松露味桂花糖豆腐花($38兩人份)一人有兩碗半，好滑好豆lol

晚飯時間，我地一家三口唸住食上海野，見到ｅ間餐廳經常排隊，於是就去試下啦！等左大約半小時，有位啦！望下個餐牌，都幾多野食！我地都係點左ｄ basic野，有擔擔麵，雲吞麵，酸辣湯，津白炒年糕，春卷，小籠包，窩貼，豆沙餅，銀絲卷咁啦！擔擔麵個湯好濃味，面質都算彈牙，唔錯唔錯！酸辣湯足料，都係無問題，酸味同土辣味好適中，好開胃。面質同擔擔麵一樣，合格。炒年糕都好好，年糕硬度適中，好有口感，而且炒到好入味。小籠包就差少少啦，裏面無湯，俾唔到人一口硬落去爆湯嘅感覺，味道都可以！豆沙餅表現不過不失！最後我地成枱清晒

今天是9月20日晚上大約8:30，原先開開心心一家人想到這家在沙田第一城新開沒多久的「尚點」試試，但是沒吃飯已經給這𥚃的知客小姐服務態度嚇怕，我亦知道今天是星期日會很多人，但什麼多人也好，這知客小姐都不能罵人，更不能對客人作出單單打打的行為，我不知道她名字因工衣上沒有名牌，但她這樣態度等同趕客，其實尚點的食物不錯，很有水凖，但員工的質素特別是門口前那位員工小姐给我感覺有無限權威，這樣的店子我寧願不去了。