蝦棧 (Moved) New Location

從小到大都很喜歡吃蝦，但年紀壞大體質越差，漸漸對蝦敏感，每次吃也只能淺嚐，否則皮膚受罪。但既然弟弟難得蝦有興趣，可以讓我無後顧之憂地解一解蝦癮，便與他來這裡一試特式蝦煲!主打台灣特式的蝦煲，用上新鮮大蝦，一進店舖便可看到一大池缸養著活潑的蝦，已令人十分期待! 除了蝦煲，亦提供不少台式食物供選擇，小食，蔬菜，主食，甜品都有，絕不單調! 我亦點了數款小食試一試。先來的是小食拼盤，有雲耳，枝豆和滷蛋($58)。因自己較愛吃豆類，故想認真地試一試其味道。枝豆要試咬開外殼，豆的質地較實在和硬身，感覺用來送酒還不錯，但這樣吃原來不合自己口味。雲耳有麻油香，有辣勁，口感爽脆；滷蛋的蛋黃柔軟，味道不錯。再來是醉雞卷 ($88)，一上桌已傳來濃郁的酒香。果然，吃下去酒香豐富，雞肉味濃，肉被捲至口感扎實，味道是不錯，但我與弟弟還是偏愛滑嫰口感的醉雞，如喜愛實在口感的，這會是不錯的選擇!台式香腸($88)是弟弟至愛，怎會不叫呢? 最特別的是除了較常見的紅腸外，還有加上墨魚的香腸。兩者甜度十足，充滿油香，外脆內軟，而墨魚腸也很有驚喜，墨魚味突出，又不失台灣腸的風味，推介!然後是主打奶油蝦 ($188)，熱力和

行去揾呢間專營台式蝦煲的餐廳都易，沿住花園街一路行到尾就係了。就在旺角差館後面，周圍仲有好多唔同食市tim｡menu有好多唔同選擇，但重點係蝦，此小店用的是大頭蝦， 有不同的煮法任君選擇。香煎墨魚黑白卷煎得好靚好香脆，白色用新鮮墨魚，黑色是加上墨魚墨魚膠汁。同樣係香脆而內裡彈牙鮮味，同樣係腐皮卷，卻帶有2 種享受。主廚重點招牌當然係蝦。睇個樣已經滿分，味道爆燈。仲有好多蝦膏，有點邪惡。卻令人垂涎三尺。 仲有黑麻油雞煲 , 新鮮嫩滑嘅雞浸喺麻油雞湯度。 鮮味十足，重用鑄鐵煲上檯冬天食真係暖笠笠，仲對女人好補添！餐廳正中間房住寫得好靚又好有特色嘅廚師推介! 諗唔到食乜嘢㗎可以睇下個餐牌今晚食乜餸呀。這兩鍋 招牌菜式 就是今晚的重頭戲， 足料足心機。門口有兩個大魚缸，通常海鮮酒家都係擺咗大條嘅海鮮魚，而呢度就擺滿了大大隻又生猛的大頭蝦。臨走補影店面先~~唔講唔知呢個咁有特色好似不銹鋼紅酒冰桶 再加個透明膠袋。睇落似高級酒吧用品，但原來係一個畀你裝骨嘅垃圾桶。細心!

今日同米仔行花墟買盆栽，都唔知點解佢係都鐘意買多葉植物，全部都綠色，都唔知幾時先見到開花！由頭行到尾，又由尾行返到頭，再行去買心水植物，行到超累，係時候醫肚，我就搵左呢間蝦棧，眼見佢的蝦，隻隻游住水，非常生猛，新鮮，就入去試下！話明蝦棧，梗係食下蝦，無蝦不歡啦！三杯蝦一上枱，色香味已經有齊！新鮮生猛的蝦，果然係好彈牙！三杯的咸香果然夠勁，入口就會令你著迷！隻隻都夠大隻，蝦頭入面仲有肉同蝦膏，蝦膏香甜，好味到不得了！一口炸豆腐一口炸豆腐，配七味粉點綴，配上少許椒鹽，味道己很配搭！濃濃的豆味，加上外脆內軟，一口放入口，滋味了！黑麻油雞入冬最好就係要進補！見到有麻油雞，就係要點啦~~充滿麻油香的滑嫩雞肉，加上老薑微辣與米酒甘甜醬汁，一入口，那股溫熱感從胃部緩緩蔓延至全身，不禁讓我感到滿足與幸福！羽衣甘藍羽衣甘藍係我喜歡的其中一款蔬菜，可以做沙律之餘，又可以炒。今次就來個蒜蓉炒，羽衣甘藍的質地係偏硬，個人認為多咀嚼才好，配上蒜蓉，配搭得宜，很不錯！

這陣子常常要去尖沙咀，太子看婚禮用品！這次去了太子，看完後便上Openrice找找有什麼餐廳！看到這家專吃蝦的，名叫蝦棧！門口已有聖誕氣氛！進內餐廳也不算很大，但裝橫很新內有水族箱放了很多蝦～坐下後便order了，我們很快便決定！鹹蛋黃蝦煲 $208 8隻網上大家都喜歡吃奶油蝦及胡椒蝦煲（近似台灣風味），但我們就想吃一下港式限定的鹹蛋黃蝦煲蝦棧其實是有10款煮法的蝦煲，適合不同客人口味這個一上枱已充滿香味，而家蝦非常新鮮入味，用了配合香港人口味而且蝦頭充滿蝦膏黑麻油雞煲$168這個又是香味十足，大大煲店員說是適合現在涼涼地的天氣，還有是台灣人剛剛分娩後會吃的因內有薑及枸子，養身不錯的雞不是冰鮮雞，份量是多的，而且雞肉非常入味，還有洋蔥在內，非常清香魯肉飯 $58想不到魯肉飯也不細碗，內有豐富材料，有糖心蛋，黃蘿蔔及大量肉醉！配合鹹蛋黃蝦非常惹味小丁香油麥菜 $78菜份量也不少，內有鹹魚，而且不太油！健康之選菠蘿雪葩  $58外型很吸睛！打開是雪葩，充滿菠蘿味道！但要等了很久才可以把它吃完，因為雪得太凍了！要解凍後才可吃柚子梳打 $38不算太甜，也不會很多冰！味道普通！

朋友係海鮮喜愛者，同佢慶生當然要食生猛海鮮。但又想食得特別啲，上網搵搵，就發現左間新開，專食蝦煲既餐廳。雞煲就食得多，蝦煲都係第一次聽而一入餐廳，門口位就見到大大隻生猛蝦係水缸，睇黎係即叫即煮麻辣雲耳超級爽口，亦辣得過癮十分出色既開胃菜朋友發板揀左避風塘蝦蝦係大鍋到，砌成一個靚靚花圈蝦身無煎過既痕跡，但就有好似比香料爆香過既味道避風塘口味，總帶有點點辣，十分香口仲讚既係，蝦肉好飽滿、爽實，水分同質感完全無流失而且隻隻蝦都有蝦膏！！！油鹽水北寄貝熱愛海鮮既朋友仲想試多樣，好在呢到樣樣海鮮都咁新鮮油鹽水北寄貝賣相雖然簡單，但勝在北寄貝大大粒同新鮮只需加入油、鹽調味，就能帶出鮮味一口炸豆腐份量比想像中多，好抵食而豆腐質感好似蜂巢豆腐，比較density加上椒鹽既經典作南瓜雪糕主要叫黎係想影相打卡但估唔到拎蔬菜拎做雪糕，味道又唔會太差，都唔算好古怪南瓜味道都幾突出，雪糕質感偏硬

天氣凍凍地本來唔想出街，朋友極力推薦吓話好想試香港首間大頭蝦鍋店🦐🦐🦐，最近已經聽過另外一個朋友講呢間餐廳，一於去試吓啦，餐廳位於太子花園街，警察局後一條街一d都唔難搵！我地兩個人點咗餐廳推介招牌奶油蝦🦐（聽落去好邪惡但食落去一d都唔流，奶油味超香濃，味道剛剛好，如果多d洋蔥就好因為太好食）香煎黑白墨魚卷🐙（外脆內墨魚超彈牙）👍🏻滷水炸乳鴿🐦（連骨都吸收咗好香嘅鹵水味）小丁香油麥菜黑麻油雞🐔（店員話黑麻油係由台灣入口，叫我地記得飲埋d湯，驅寒保暖😂)真係好細心知我地凍👍🏻👍🏻用心制作👏🏻👏🏻👏🏻加油💪🏻💪🏻💪🏻

今晚和家人晚飯，食乜好？？最好有海鮮又有雞…朋友話去蝦棧，有新鮮靚蝦喎！！係真唔係？？未入店，已經見到大大的水缸裏的數不盡的蝦在向你招手了。小食拼盤（麻辣雲耳、枝豆、糖心滷蛋一隻），作為飯道的中式小食盤，絕對上得大台。雲耳爽脆，不過記得是麻辣的。三杯蝦，嚟蝦棧唔食蝦，又過得到自己。但係選擇咁多，又點揀？？一於揀自己喜愛的三杯煮法，蝦既煮得入味，又新鮮爽口彈牙，絕對冇失禮“蝦棧”呢個店名。醉雞卷，人懶無辦法，醉雞有骨，醉雞卷就方便入口，而且我又一向鍾情醉雞，又點可唔理。雞卷整得很入味，肉身又嫩滑，要雞皮有得，唔要雞皮又方便。黑麻油雞，台灣的地道菜之一，入秋後天氣會漸漸是最適合來一碗麻油雞補補，等到寒流來襲，還能暖身，尤其手腳容易冰冷體質較虛寒的人，更要吃。黑麻油雞一上枱，黑麻油的香味，隔離枱都被吸引。記得，四個人來，一鍋蝦、一鍋黑麻油雞是常識。羽衣甘藍，原來炒都好好食，又有營養…試了，無相害；不試，是你的損失。薄荷檸檬梳打，一塊薄荷葉飄浮於檸檬梳打中，令味道清新了。不好薄荷的，可要求走掉。椰汁芋圓西米露，誠意推介，椰汁味爆濃，芋圓又好味，不過不是晚晚有，要睇你運氣。南瓜雪糕，吃完熱的，當

天氣鬼咁凍，原本諗住打邊爐，但朋友早前見到間食蝦既台式餐廳之後好想去食，唯有陪佢黎到蝦棧門口，都有唔少人俾佢吸引住一入門口，有一大缸蝦! 無太仔細去睇，但睇蝦既大少同藍色既蝦拑，應該都係羅氐蝦。6點入坐仲未好多人，見餐廳都佈置好聖誕飾物，好有聖誕氣氛牆身有唔少相架，都係放餐廳既食物每枱都有個桶，應該都係預你一定食蝦俾你載骨既!我同朋友揀左坐廚房對出，客人一邊落單，佢一邊煮，聞到超香既味道menu有簡單既兩板，其中蝦既選擇最多，非常吸引，另外蔬菜都有兩款非常晴，羽衣甘藍同樹子冰菜，未係其他餐廳見過，一定要試下!!先點左份小食拼盤，同朋友食下野吹下水先。支豆正常野。溏心蛋既溏心效果好靚!蛋味夠香但咸左少少。麻辣木耳比較有趣，唔見佢有太多醃製同配料，但食落微辣但夠哂麻鹽燒豬肋條超正!鹽夠均勻味道足，外邊燒得夠酥脆，入邊啖啖肉又無骨，成舊放入口又腍又juicy，非常滿足!!點左一份鹹蛋黃蝦，上枱聞到超香既蛋黃咸香味蛋黃碎超正，雖然膽固醇超哂標，但又鹹又香，送白飯食一流!!蝦雖然唔係好大隻，但蝦肉夠厚實用鹹蛋黃去炒過，食到蝦肉有微微咸香，加上蝦夠爽甜，好正!!!蝦頭入邊既蝦膏夠鮮甜，非常回味!

原來太子花園街有甘多間食肆,平常很少來這邊,今次來已經鎖定目標:蝦棧有名你叫,來到當然要食這裏的蝦鍋(必食)店里自設蝦箱養著新鮮的大頭蝦,在下單之後，才會撈起拿去廚房。太約10款口味,實有一款岩你口味,其中2款是港式限定口味:咸蛋黃蝦煲和避風塘蝦煲。最後選了咸蛋黃蝦煲。咸蛋黃蝦煲令我想起黃金蝦,咸蛋黃的咸香加油香真是百搭!蝦煲用鐡煲上,保温更勝一籌!蝦煲共有6隻大蝦，不但蝦身爽甜彈牙,而且蝦頭带香甜蝦膏,加上沙綿質感的咸蛋黃,香中帶鮮,令人食指大動,比黃金蝦更濕潤鮮味!炸豆腐 少少的椒鹽沾在在外脆內軟的表面，口感似魚蛋但帶有濃濃豆味，十分不錯。 台式香腸共有兩種款,一款蒜味,一款墨汁香腸,一般蒜味的比較常見,這裏的台式香腸嫩嫩的,不像是加工食品,個人比較愛蒜味,很香而且帶少少甜。 白灼海螺海螺新鮮吾腥而且無沙,十分鮮味,不要沾汁更食到原汁原味。魯肉飯魯肉是半肥瘦,口感一流,有流心滷水雞蛋，非常足料，汁夠濃香而不咸，十分惹味,送飯一流!丁香炒油麥菜不得不讚油麥菜十分新鮮,條條都爽脆清甜,加上小丁香魚乾一起炒, 添上一份魚鮮味,平日不愛食菜的我也停不了口呢~

臨近年尾，又係公司聯歡會交換禮物嘅時間，所以同朋友由旺角行到太子，逛左個白鴿轉睇下邊啲野買得過。之後見攰就黎左呢度醫下肚。話明蝦棧，當然主打係食蝦啦所以我地點左個蝦煲及一啲麵同小食，歇一歇腳。先食係是日精選推介之一嘅油鹽水浸北寄貝。每隻都好飽滿同鮮甜，雖然無其他特別調味但正正係油鹽水浸熟先可以突顯出貝肉嘅鮮同結實。而且一滾就收火上枱，所以貝肉先無過老，食落嫩甜。滷水拼盤。雖然只有大腸／雞腳及牛展，但分量都幾多。三款都滷得好入味同香，雞腳嘅皮入口爽脆唔會因為滷得耐而鬆抛抛。大腸嘅脂肪逼走左好多，所以食落唔油膩而且內臟羶味都辟走晒，只留有滷水嘅香料甜味。滷牛展腍滑而不鞋口，筋膜Q彈加上成塊都吸滿滷水汁嘅濃香同微甜味道，十分惹味。之後就係蝦煲，因為點左滷水食物想食清淡少少所以柯打左奶油蝦。呢度嘅蝦煲全部採用大頭蝦，體積夠大之餘又夠多膏同蝦肉鮮甜。拆開蝦頭，第一時間梗係食左佢嘅蝦膏先啦，一吸入口香甜味同近似蟹黃嘅濃郁直衝味蕾，正。蝦肉爽實而清甜，雖然大頭蝦嘅肉身唔算好大但食落都啖啖肉。同埋個奶油煲嘅CREAMY味道好香，又唔會好咸食蝦時一定要點多幾點個汁，可以大大豐富蝦肉嘅味道。鍋底最後嘅洋蔥

無意中發現呢間用多種煮法烹調大頭蝦，即刻訂位試下先鋪頭唔算大，但店內整體都十分乾淨。我地2人食左3個菜式- 胡椒蝦煲 $188 (訂左位，8點半後有88折)蝦煲有寫明每鍋300g, 黎到蝦合共有10隻，有d蝦偏細隻，但非常鮮味，而且十分細心會先清走蝦腸。 - 油鹽水北寄貝 $128合共有4顆，同樣鮮味十足，但一鍋上菜時會覺得略為單調，始終鍋內只有凋零既主菜。- 醉雞卷 $88一碟8件，酒味剛好，不至於食落會覺得苦，啖啖肉。2個人埋單$403性價比偏低，男朋友表示如果唔係預先打左底食左個牛雜河，以呢個價錢都未能吃飽但食得出老闆對每個菜都十分用心，無論係煮法抑或係用料方面, 都值得一試

經過太子比呢間餐廳個魚缸吸引左，係一條條生猛游水嘅大頭蝦呀！海鮮怪最愛，即刻入去試下先～胡椒蝦$188蝦嘅煮法有10款選擇，我地揀左呢款比較惹味嘅胡椒蝦，用胡椒粒同蒜片爆炒。落單後店員即場去魚缸撈起d蝦就煮喇，果然好新鮮，肉質彈牙，送飯一流！我連蒜片都清晒呀～用鑄鐵鍋上枱，食到尾都仲熱呀！滷水拼盤$98呢個拼盤係店員介紹，有滷牛展、豬大腸同雞腳，滷得入味嫩滑。牛展帶有好香嘅八角味，超級淋呀！雞腳好細心咁切開一件件，方便食用。黑麻油雞$168入冬轉涼之後就係最適合食麻油雞補身嘅時候，手腳容易冰冷體質虛寒嘅人就最岩。黑麻油味道非常之香，食完好暖胃！而且酒味適中唔會太搶，岩晒怕酒味嘅我，記得要飲多幾啖湯，暖身又暖心蒜蓉高麗菜$78高麗菜加入蒜同杞子去炒，炒完都仲係好清甜爽脆，廚師功力好厲害！

今天日幾條冷成員沉大師生日的大日子，在此祝他生日快樂、身體健康、工作順利！我們一眾成員早於上星期日在麵包超人悉心安排下吃了一場私房生日菜，大吃大喝了一整夜超快活哦！ 餐廳位於太子區內名叫蝦棧顧名思義主打蝦菜式，所以店內有不少游水大頭蝦在魚缸暢游，其實店子除蝦菜式外店子是供應台灣菜！ 店子乾淨俐落挺骨子，擁有小店風情，很適合三五知己末聚餐！ 上星期天氣還是和暖，擁火爐身軀的我當然要杯凍飲降溫啦！這杯薄荷菠蘿梳打＄38就合晒我合尺，真果味不作假又不會過甜唔錯！ 經薄荷菠蘿梳打熱身後，到車媽媽戒掉一個月的酒陣出鞘，各成員帶來心水美酒，各式各樣新舊威士忌，這夜大家也可盡情的斜著走吧哈哈~ 剛到的時候大家也十分正常.......但走時哈哈一陣您哋就知！！ 而酒友劍心到來時更增添了一枝日本燒酎，是一枝由女性主導的燒酎，喝下帶香口的芝麻味十分特別！ 劍心還送上日本手信京都伊藤久右衛門的抹茶果凍，好QQ的口感加上不甜膩紅豆蓉內餡好吸引呢！ 此時到生日私房菜＄400/位開始喇！上場先來香口小吃墨魚黑白卷，用了黑白墨魚膠來炮製而成，兩色墨魚膠富鮮味配合香脆腐皮很可口，如墨魚膠能再豐滿點便更正！不得不提

忘了是哪個文章上發現的，聽說門口有水箱全是蝦，每份蝦都是現撈現做，獨愛海鮮的我們怎麼可以不來試試，雖然一鍋只有8隻，且無其他配菜，相對而言有些許小貴，但是勝在每隻蝦都很肥，很鮮，還有膏，包括蝦頭都很有肉，很清澈，食材完勝，#椒鹽蝦# 出乎意料不是平時餐廳吃的普通椒鹽做法，類似於炒的，辣，不吃辣的記得提前叮囑不要辣，但我覺得辣的更好吃哈哈哈，可能我太愛吃辣了#鹹蛋黃蝦# 外面一層鹹蛋黃沒有很多，所以吃起來口感不會讓人感到太鹹口乾，另外意外發現#黑椒牛仔骨#簡直太好吃了！！！！！！一份火速解決後忍不住又點了一份！！#菠蘿雪葩# 太可愛好迷你的一個菠蘿，一開始以為是飲品，結果發現是冰沙，太可愛了哈哈！！下次想試試海鮮火鍋 老闆（不知道是不是哦）人真好，之前book答應給的8折，雖然我們遲了些離座，但還是給了我們蝦煲8折，還遇到了小明星謝謝老闆

話說本人同我老死都係一個蝦神！無論生蝦熟蝦 係蝦我哋都歡喜!呢間仲要叫蝦棧 一定有d 料到先會有咁既店名! 一於黎一試!一入到去, 見到d 蝦仲係活生生咁既, 一叫佢就會即煮, 幾唔錯wor!夠晒新鮮!食蝦最緊要新鮮!哩度嘅蝦鍋有成10款, 真係揀咗我哋成10分鐘先揀到,唔好講笑哈哈 最後我哋揀咗奶油蝦鍋  哩款特別d,平時少d 食到,真係好期待呀!!每鍋300gms, 一上台香到呢!隻隻都手掌咁大，好鮮甜又多蝦膏！食蝦膏真係有說不出嘅感動呀啊!奶油味極重, 再加上大頭蝦啖啖肉, 真係回味無窮! 得9隻真係唔夠喉囉!佢D 汁好食到可以送飯食! 所以我哋叫咗一個魯肉飯,哈哈真係好正。仲叫咗蒜蓉高麗菜,雖然$78碟有啲貴,但真係好鍾意食台灣嘅高麗菜,而且香港唔係度度都有得食。最後仲叫咗醉雞卷,哩款菜真係有驚喜！酒味恰到好處,無骨,皮肉分離,而且無肥膏,雞肉好嫩滑 係我食過咁多醉雞最好食嘅一間！明明間舖主打蝦,但醉雞竟然咁好食！今日真係好滿足呀!!下次一定要再嚟試下其他口味蝦鍋！