蝦棧 (Moved) New Location

剛和友人們從台北回來不禁想念起那裏的下酒菜-友人介紹的台灣菜餐廳想不到的滿座餐廳裡面可是擠得滿滿的沒有訂位絕對是不可能坐得進去可是餐廳卻洋溢著家庭聚餐的溫馨氣氛-這次當然嚐了一下招牌奶油蝦上桌的時候奶油的香氣直接撲鼻蝦子份量不多但是肉質和味道取勝值得一讚的是旁邊的奶油洋蔥洋蔥甜到一個不行大家都直奔洋蔥因為真的太好吃了-小菜醉雞卷不過不失吧雞肉非常嫩口但酒香略嫌有點不足對酒鬼來說可是致命傷啊-其他菜品也是不錯的推薦女孩子點一個麻油雞吧進補一下是不錯的

經朋友介紹，太子有間食新鮮蝦，酷愛海鮮嘅我緊係要去試下啦！店舖門口有海鮮缸，住咗好多蝦呀，心心眼！檸檬辣蝦- 上菜時真係嘩咗出聲！擺盤好有心思，仲有一陣陣嘅檸檬香味撲鼻。蝦非常新鮮，肉質肥厚又彈牙，配埋酸酸地加微微辣，非常惹味！羽衣甘藍- 從來食呢個菜都只係食沙律，未試過熱食，原來炒羽衣甘藍都幾好食又健康。魯肉飯- 係一道我好喜歡嘅台式主食，當然唔會浪費任何機會試啦。呢度嘅魯肉飯嘅魯肉同肉澡嘅份量比我想像中多。咸味適中食多多都唔會膩。而且魯肉無用太多嘅肥豬肉，真材實料！油鹽水北寄貝- 味道偏多胡椒味，北寄貝鮮甜，爽口彈牙，個湯底仲可以飲，不錯不錯！

今晚去左蝦棧食飯，朋友介紹左依間餐廳好耐，我今晚終於有時間試一試。餐牌選擇好多，我地叫左幾款試下，薄荷菠蘿梳打，入口清新薄荷葉清香開胃，又帶菠蘿清甜味道。羽衣甘籃，是一種營養價錢極高的蔬菜，入口清香清甜，帶有蔬菜的清甜味。檸檬辣蝦是另一碟最欣賞既菜式，蝦肉爽甜爽口，入口鮮香極了，新鮮大蝦加入檸檬煮香，帶出海鮮清甜味道，更是配合。一口炸豆腐是我好鐘意的前菜，一口一粒熱辣辣炸豆腐，香脆外層，中間是軟綿綿的炸豆腐，滑溜咸香。

星期三係太子收咗工老公去撐枱腳，嚟到蝦棧門口，見到門口有魚缸養住好多新鮮嘅蝦，反正好耐冇食過台式嘢食，所以就入咗去啦。👆🏽掛住幾個紅色燈籠，配上白色為主調嘅裝修，簡潔得嚟係夜晚特別搶眼。👆🏽魚缸好乾淨，蝦又大隻，我被佢地吸引住😍前菜我地叫咗黑白卷及醉雞卷，主菜有魯肉飯同檸檬辣蝦煲，飲品有士多啤梨梳打及波蘿梳打。👆🏽花雕味濃郁、完全地滲透係嫩滑嘅雞肉，啖啖肉🤤👆🏽內裏釀有滿滿嘅墨魚肉，非常彈牙，腐皮炸得好脆，貼甜酸醬食好惹味。本人認為有墨汁同無墨汁嘅墨魚肉味道差不多。👆🏽魯肉入味但唔會過咸，肉碎份量多，唔會太多肥豬肉，啱哂唔想增肥嘅人食👍🏽流心蛋用魯水汁醃過，連蛋黃汁撈飯一流👍🏽👆🏽蝦勁大隻，有啲仲有爆多蝦子，肉質鮮甜爽口，加埋青檸檬酸及微辣，非常適合夏天食好開胃啊！👆🏽波蘿梳打(前)士多啤梨梳打(後)，果味重、微甜，夏天必喝👍🏽👆🏽餐廳係近太子深水埗交界，易揾得嚟又唔會成條街都係人👍🏽

講起台灣菜…大家首先諗起既會係咩？好多人都會諗到台灣牛肉麵，滷肉飯呢D奶油包都唔例外如果唔係朋友話太子有間好特別既台灣菜奶油包都係一直唔知台灣菜都有咁多唔同野食去到蝦棧門口一眼望到既就係門口個『水族箱』入面係一隻隻好生猛既海蝦(?)一隻隻企係水底眼仔碌碌而入面既裝修都有D台灣風味仲有張台灣全島地圖掛左係牆上而個menu都有唔好多唔同既選擇俾客人奶油包同朋友就揀左下面4樣野去食首先嚟個檸檬辣蝦 ($188)有一種食緊泰國菜既感覺好似冬蔭功而D蝦呢....爽口...新鮮仲有蝦膏既食完仲有種未食夠既感覺之後個秘製滷水叉燒($79)好香滷水味肉好軟身朋友好欣賞再嚟個羽衣甘藍($98)平日係奶油包心目中羽衣甘藍係好硬身既呢度卻煮得好好食仲好養生咁加左杞子成碟我差唔多一個人食晒最後就係重頭戲火焰雪山焗鮮魚($168)係食客面前點火絕對係俾機會我呢D港女拍片呃LIKE而條魚真心唔錯我呢個唔食魚既人都食左半條魚都好新鮮冇一D奶油包唔鍾意既泥味仲有唔多骨岩晒我呢個唔多(?)食魚既人整體嚟講...呢餐值85分

相約朋友食出名既蝦煲餐廳朋友係食家, 成日周圍搵食, 當然由佢話事喇, 我滿心期待首先叫左個麻油蝦煲, 我幾好奇點解唔叫避風塘, 檸檬, 果d惹味蝦煲呢? 原來餐廳用左台灣黑麻油, 個蝦煲係好香, 黑麻油帶出蝦既原汁原味, 食落隻蝦好爽好彈, 198蚊有8隻蝦, 我覺得2個人share食 試下係抵食, 始終係專做蝦煲既餐廳, d蝦係新鮮跳梗既蝦, 係特別好食架再黎個雪山火焰焗鮮魚。 其實我好少食魚因為怕骨頭, 朋友叫既呢個魚, 係用左老人家小朋友都岩用既鱸魚, 睇落都有1斤半, 冇去鱗用左鹽包住, 入面就放左香茅, 南薑同檸檬葉。 店主親自係你面前用白蘭地點火, 令條魚有火焰。 呢d花巧野除左呃like, 白蘭地會提升魚既香味。 魚鱗就鎖住左魚既油份同水份, 令魚質十分香口香滑。 加上店主幫係起皮同拆骨, 食起上黎好方便。同場仲有小型魚肚。 魚配有2塊青檸。 食完一邊魚就用另一塊青檸。 仲有辣辣地既青檸醬。 我地十分滿意呢個焗魚。 係我係出面餐廳食過最滑最多肉既魚菜式。醉雞卷係去左骨既雞肉捲起, 最外層有雞皮。 餐廳去除左脂肪。 有濃濃既酒味。 木瓜奶超級台灣口味荔枝梳打老闊話返工太忙

朋友知我鐘意食蝦，話太子呢間蝦棧d蝦好得叫我去試下，今日就同男朋友去嚐一嚐，好彩之前打左去訂位，見全部枱都留座，有d人 walk-in都無位。門口貼左d明星相。不過最吸引我係缸大頭蝦🦐，我哋order左蝦煲他們先去蝦缸捉蝦，非常新鮮。行到勁熱入到黎叫番兩杯凍野飲消下暑先。薄荷菠蘿梳打($38)，唔會太甜好解渴。士多啤梨梳打($38)，呢杯有少許酒味，我較喜歡前者。麻辣雲耳($38)，份量比想像中多，麻得過癮辣得開胃。醉雞卷($88)，皮薄，雞肉唔肥又滑，食完立即降溫。來蝦棧當然要試試蝦煲，有成十款口味，想試d特別味道又怕中伏，老闆推介呢個麻油蝦($188)，用台灣黑麻油，薑同杞子炮製，感覺好補身，味道亦非常不錯。一人食四隻剛剛好。另外再點了兩款廚師推介。台灣蔥肉餡餅($68)，要小心爆汁，煎得香口再加上香蔥餡非常好味。魯肉炒新竹米粉($68)，材料雖然簡單，用上紅蘿蔔絲、椰菜、蔥和魯肉碎炒米粉，但可能餐廳用了秘製調味，味道卻出奇地好，個米粉令呢餐畫上完美句號。總括而言，餐廳的食物屬於高水準，全部都冇中伏，有機會可以再試。

小女子不喜歡光顧連鎖餐廳的其中一個原因是，這些餐廳由裝潢以至菜式和味道，都毫無新鮮感，吃過一次就沒有慾望再吃，這就是我喜歡發掘餐廳的原因。這家餐廳我留意了好一陣子，今次終於有機會光顧了！裝潢簡樸，放置了幾個大水缸養蝦，可見這裡的蝦煲是新鮮烹飪的。晚上六時多，老闆已經告知今晚預約已滿，只好坐近門口的座位，想不到平日晚上生意如此火旺，實在不容輕覷。翻開餐牌，除了蝦煲，還有各式台灣小菜，例如滷肉、臭豆腐、麻油雞等。⭐️清涼荔枝梳打（含酒精）$38只有些許酒精，有幾顆荔枝裝飾，味道清爽。⭐️薄荷柚子梳打$38口味清淡冰涼。⭐️冰鎮墨魚鬚配Wasabi$68將墨魚鬚切片，底下鋪了很多冰塊，讓墨魚鬚保持鮮味，入口爽脆，蘸芥末醬口感辛辣。⭐️一口炸豆腐$58炸豆腐的表面酥酥軟軟的，口感軟糯糯的，很好吃。美食當面，吃得太急，結果蘸了醬汁的豆腐弄了胸前一片髒，實在很狼狽呢！⭐️奶油蝦$188重頭戲來了！每隻蝦的蝦身包裹了一層油亮，隱約還飄著淡淡的香氣。光是剝蝦，隨著蝦的熱氣，那股香濃的奶油香氣就能讓我忍不住舔嘴。經過烹煮，蝦身的水分跟大小絲毫都沒有縮減。送入口，奶油均勻地沾裹在蝦身上，吃起來相當的入味，咀嚼起來每

今日放工就陪男朋友去深水埗買電腦野，例排係深水埗都會行番去旺角先搭地鐵走，因為會平d🤣咁啱又未諗到食咩，就見到哩間好似幾好食，門口仲貼滿明星黎食野既相，就一於試下喇。一開門，右手邊有個大魚缸，入面竟然係......無魚既，但係有大頭蝦，仲要係有鉗個d大頭蝦。今次我地叫左都幾多野食：前菜： 麻辣雲耳聞落去好香麻油味，又唔見有太多辣油。心諗應該都唔會太辣。點知食落就出曬事，真係好麻辣，辣到變孖潤腸豬。即刻叫左兩杯野飲。士多啤梨梳打老闆話會有少少酒味，但每逢士多啤梨既野飲，都仲係有d藥水味，今次都唔例外。薄荷柚子梳打相反哩杯就幾fresh，杯野飲仲有片橙，薄荷味唔會太搶，整體又fresh 又開胃，值得推薦！檸檬辣蝦蝦煲有好多款，揀極都揀唔到，最後就督左求其一款。蝦煲入面有8隻大蝦。隻蝦真係幾好食，個蝦頭有膏，蝦身又有一大抽蝦籽，蝦肉又彈牙。但可惜我唔識剝蝦，好彩有個24孝既男朋友起埋肉俾我食，我可以做下港女等食😜生燒海花螺係男朋友同個8隻大蝦奮鬥既時候，我已經急不及待開動左食花螺😂我唔知花螺尾個塊片食唔食得，男朋友就話唔得既。花螺好入味，加上煮得幾好，唔洗牙籤都可以就咁啜出黎，又方便又唔污糟

醉雞卷 (Kim 子推介指數8/10)平時食既醉雞主要係雞身連骨, 依個醉雞卷只用雞脾肉既中間部份, 仲有連骨都起埋，所以真係啖啖肉, 醉雞個汁都係用花雕酒浸製, 酒味不太重且偏甜，所以女士都可食。䓤肉餡餅(Kim 子推介指數8/10)依個比較有驚喜, 䓤抓餅比我平時台灣食過既細小, 老闆特別提醒我們食時要小心，咁我就梗係小心翼翼咁咬開一邊，除左皮脆外，內裡都熱到有蒸氣，咬第二啖時有熱騰騰既肉汁連肉和䓤, 感覺就好似食脆皮版既小籠包。一口炸豆腐 (Kim 子推介指數8/10)一口炸豆腐細細件好好好味! 口感就如冰豆腐一樣滑。避風塘蝦煲(Kim 子推介指數8/10)重點項目是這個避風塘蝦煲。一煲6隻, 蝦頭大大個。折拆開蝦頭時，平昤不吃蝦頭我我嚇了一跳 – 因為蝦膏多到你唔信—真係非常驚喜! 蝦肉的味道就一般罷了。水蜜桃雪芭(Kim 子推介指數7/10)

由於我本人超級鐘意食海鮮，每次見到海鮮都好興奮，今日同朋友經過太子，由於突然間好想食海鮮，發現有間以蝦為主調既餐廳，雖然我知道蝦嘅製作方法亦都好多，但係要整到一款令人印象深刻既係一件好困難既事，呢間餐廳用一種好獨特的烹調技巧，整到唔同蝦既口味，有鹹蛋黃蝦、避風塘蝦、仲有檸檬辣蝦等等，係坊間我仲未食見過咁多款既蝦料理，令到我地既選擇困難症又發作呀！最終都揀咗檸檬辣蝦，可能因為第一次食，上菜嘅時候，視覺同嗅覺都受到嚴重嘅衝擊呀，大頭蝦整齊排列在鍋子中間，成了一個很美的圓形的同時，亦都散出陣陣香噴噴嘅檸檬味，當堂流晒口水！雪山火焰焗鮮魚絕對係另一重頭戲，侍應會首先在你面前用火焰將魚「燒」出火，等火焰消失之後，仲好貼心咁將魚皮去掉，識落發現魚肉好滑，有驚喜！如果你鍾意食辣，除咗檸檬辣蝦之外，仲有麻辣臭豆腐配菜方面，麻辣雲耳亦都唔輸蝕，咬落去10分爽脆，讚！

朋友推介到呢度吃正宗台灣菜， 所以我專程去品嚐， 餐廳在太子道花園街，店舖雖然面積不算很大， 但裝修具有台灣私房菜既感覺，相當溫馨既小店。 老闆主動推介奶油蝦及臭豆腐，話係店鋪招牌菜，店員們都十分殷勤親切。蝦有8隻，蝦肉彈牙爽口，味道鮮甜。臭豆腐冇想像之中咁臭， 而豆腐索滿了麻辣汁，美味開胃。火焰牛柳就吃過，而火焰鮮魚也是第一次食，未食之前已帶來一頓觀感上的享受。魚既肉質多汁而且鮮味。炸大腸較為油膩，而且略嫌洗得不夠乾淨， 吃了一兩件已經夠了。

返興趣班之前尚有空檔時間，便到了花墟一逛，行至花園街街尾，見到紅紅燈籠高高掛，原來是一間台式餐廳，外面還放了幾個魚缸，養了很多生猛大一頭蝦。好奇之下，便和朋友往內進去吃飯。餐廳充滿台灣style，陳設以簡約為主。好奇心驅使之下，又步向魚缸，探探一眾蝦兵親將。Hi! 你咁紮紮跳，貴姓呀? 原來佢姓羅，名符其實羅氏蝦是也。好! 一於食咗你落肚。餐廳比較繁忙，老闆亦忙於向客人推篤菜式。我哋識食嘅，當然係可以隨意點菜啦。先來兩個涼浸浸梳打，分別是荔枝梳打($38) 和薄荷菠蘿梳打($38)。【薄荷菠蘿梳打】台灣出名係鳳梨，所以專登叫這個來飲。甜度適中，梳打透心涼，連薄荷葉都可以吃喔。【荔枝梳打】有少少酒精成份，荔枝味清甜，飲落好清爽。小食:-【醉雞卷 $88】這個醉雞特別之處係無骨。造法係選用雞髀，將其拆骨，整成卷狀，再和以花雕酒來蒸。食落不單只是啖啖肉，還充滿花雕酒香。好正!【滷蛋 $28】造到有溏心效果，時間掌握得很好。食落有滷水味，和有溏心黏口的特別口感。至於墊底的原來是羽衣甘藍，好有誠意!【一口炸豆腐 $28】選用百葉豆腐，炸到脹卜卜，配海鮮醬來食，是非常香口的。之不過，略嫌海鮮醬味道

今晚行花園街，行到街尾發現一間餐廳很名字特別，叫「蝦棧」。我個人對蝦有情意結，所以立刻便決定入去試試。店內裝修很精緻，看出店主的用心，環境令人感到舒適。由於第一次食，叫店員介紹一下菜式，佢好熱心講解。1、鹽焗蝦食評見很多野食奶油蝦，但我想食蝦的原味，店員介紹了「鹽焗蝦」。用煲裝住，係即焗的，熱辣辣，仲擺好一個圓圈，賣相好靚。店員話係用新鮮蝦去鹽焗，好似鹽焗雞既做法，所以味道好鮮。煲入邊有d海鹽，剝完殼一定要點少少鹽一齊食，鮮味即刻出曬來。食食下，有d蝦仲有好多蝦膏，好似食緊大閘蟹咁，正！2、一口炸豆腐睇落比平時的炸豆腐淺色，但入口都幾脆。入邊就彈牙，有少少似食魚蛋的感覺，原來係台灣的百葉豆腐,都幾特別😉3、秘製滷水叉燒睇落無乜特別，但食落幾好味！肉煮得好冧，而且入味，不鹹不淡，味道啱啱好，推薦👍4、肉燥飯肉燥飯無想象中咁濃味，清清地，但反而附送的蛋很入味，讚！😛5、柚子雪葩上菜時覺得好細個，小巧玲瓏，未見過咁細個的柚子，個碟同匙好精緻，心情都靚D😊一入口，有驚喜，好濃郁的柚子味，真係用果肉製成的。價值$58，有點小貴，但都值得一食😋6、薄荷菠蘿梳打朋友飲，佢話味道幾清新，都不錯😝7、珍

自從轉左工後，偏向到旺角，太子既地方搵好野食。太子個邊，有好多酒吧，西餐餐，但少有台式餐廳。而本身自己好中意食蝦。所以就決定一試個人要求特別高，食蝦要食新鮮。因為食落去個口感好緊要。要爽口“蝦棧”有蝦煲，係我之前未試過一入門口可以看到有跳跳紮紮的蝦，游水魚第一感覺幾好，証明新鮮檸檬辣蝦 ($188)蝦有8隻，有蝦籽，蝦膏，好鮮甜蝦肉係爽口。唔似死蝦既口感辣味我地叫少辣，不過好香檸檬味感覺似泰國冬蔭功湯。味道好清新秘製滷水叉燒($79)台灣出名滷味，各家都有唔同既秘方我都係第一次試肉質好淋，好香滷水味羽衣甘藍($98)依家興養生。羽衣甘藍應該大家都唔陌生好爽口，配枸杞，朋友好中意火焰雪山焗鮮魚($168)在我地面前上影了一場表演好正。好特別魚新鮮，唔太腥，加上依款魚，唔多魚骨就算我唔太識食魚既朋友都可以接受