順興茶餐廳 (Closed)

去九龍城訂購完蛋糕後便隨意地去順興食個晚餐。侍應服務態度十分愛理不理，叫了兩次都沒有人回應。到最後行過來的那位態度感覺有點兒悔氣，好像不憂做的樣子。粟米班腩飯 - 突然忽發奇想叫的，想食啲有汁的飯。份量不算少，班腩食落不過不失，但熱度不足令味道失色不少。粟米汁看落色澤不俗，但食落口很稀身。我個人就麻麻～飯亦偏硬不軟熟。熱奶茶 - 比例剛好亦算滑身，但茶味很淡。

午膳時間得一小時，這天走到較遠的茶餐廳，為了喝那杯據說不錯的奶茶。午餐點了揚州炒飯，有例湯送。例湯都是紅蘿蔔，木瓜之類，不過不失。揚州炒飯，材料偏少，叉燒切得細過骰仔，連蛋也下得不多，怎會好吃？奶茶真的幾好飲，茶和奶的比例好，茶不過濃，否則搶味。

叫咗個芝士豬柳包 極細份 冇諗過係用方包舊豬柳仲衰過m記嗰舊 仲要成$31 我係女仔都五啖食晒 建議肚餓嘅人千祈唔好叫 俾$50食個飯仲好酥皮蛋撻唔酥皮 凍晒 啲蛋咬落好實 $5.5 ？！

聽有啲人講到咁好食，尋日放假特登去試吓，點知失望而回。首先，午市時間入到佢居然有好多位，已經心覺不妙。跟住望下周圍環境，地下都幾污糟，已經唔係好想坐低，但一心來到，都試下啦。叫咗個常餐 - 沙嗲牛麵, 火腿煎蛋, 熱奶茶。先講沙嗲牛麵, 麵煮得比較諗，個人唔鍾意。沙嗲醬夠濃，但係d牛肉凍冰冰，攪到成碗麵凍曬。 火腿煎蛋比較油，同沙嗲牛d牛肉一樣,凍冰冰。奶茶好滑但冇茶味，又落得太多奶。真係覺得曬咗個肚。我應該以後都唔會再幫襯。

猶記得以前讀中學嘅時候，學校附近有間鋪個個同學都稱之為「大坑米芝蓮」，每逢食飯時間係要鬥快去個度爭位食飯。今日小編就同一眾好友重回舊地，回味昨天。街邊地踎大排檔風格，本土風味十足，十幾前年都係一樣，而往往呢啲土炮地方，先係最可以食到人間珍味嘅地方。至於menu，大致上都係個啲嘢，而呢度最出名嘅就係招牌滑蛋叉燒飯。小編就唔使諗，menu都冇望過就叫番例牌招牌滑蛋叉燒飯，朋友就分別叫咗招牌滑蛋三寶飯同秘制豬扒飯，跟番兩杯凍奶茶小甜同一杯凍檸水小甜。招牌滑蛋叉燒飯火速先到。要重點介紹下呢個飯嘅精髓：豉油。豉油係自家製，帶鮮甜味，撈飯十分開胃，而且亦好細心係分開上，倒幾多落碗飯度豐儉由人，無論你係想落少少吊下味定係想食哂成個汁都可以。隻滑蛋亦係水準之作，表面炒得充滿光澤，火喉控制得啱啱好，唔會成pat漿咁或炒到起焦，食落口亦非常滑身，配合半肥瘦有味道嘅叉燒可謂天衣無縫。滑蛋同叉燒份量十足，加加埋埋可以完全cover到下面嘅飯，絕無偷工減料。而個飯亦夠硬身，食落粒粒有咬口，好好食。跟住到招牌滑蛋三寶飯。三寶有鮮蝦、牛肉、叉燒，滑蛋同叉燒同樣keep到一樣嘅高水準，而鮮蝦就大大隻，勁有蝦味同夠哂彈

早兩天晚上九點半和家人一起去食了一個晚餐，點了一碗豬潤粥，淡而無味，菜遠牛肉炒米粉，成碟也是油，另外小朋友食啲茶餐，火腿雞蛋奄列，不太好食，餐蛋出前一丁面再加一杯凍檸茶竟然要五十幾蚊，整體食物質素，需要比心機去改善。

蛋球外面佈滿白沙糖，咬落外面香脆，出奇地炸到咁乾身鬆化，內裡蛋味香濃，軟綿綿嘅質地有啲似馬拉糕，甜度適中，食過最好味嘅蛋球👍！希望未來繼續有得食。菠蘿包微暖，外脆內軟，食嘅時候同時感受到酥皮嘅香脆同厚切牛油嘅冰凍，對於愛牛油嘅我實在係大滿足。蛋撻本來只愛吃曲奇皮蛋撻（尤其係泰昌果隻），但被呢度嘅酥皮蛋撻吸引～中間蛋漿蛋味香濃，酥皮香脆沒有多餘嘅油留喺底紙上。底紙線條簡單，但好美。凍奶茶茶濃，大杯（利申：平日少飲奶茶） 

滑蛋蝦仁飯的做法看似簡單, 但要控制好火候, 令炒蛋保持嫩滑, 極考師傅功架! 這裏的滑蛋蝦仁飯保留少許流的蛋漿, 不會過老, 火候拿揑得宜。雖然蝦仁是普通貨色的雪藏貨, 但大大隻而且數量不少。淋上豉油伴飯吃也不錯。評價: 可以一試

前兩天去了九龍城順便入去食晚餐，係梅子蒸排骨+白飯+熱飲！平時最喜歡佢地的“炸蛋球”但今晚食的梅子蒸排骨，很失望，因太咸，食了一半已冇食！雖然唔係好高要求，但一入去時坐低成3分鐘都冇人理我,不是太多人都咁樣招呼唔合格，兼太咸！失望！應該唔會再去食飯！

奶茶控對茶王店各有所好，正常至極，順興主打的奶茶雖不是個人之選，但喜歡在這裡用餐，感覺挺輕鬆自在。飯後坐在卡位嘆茶、發呆，店員沒有打擾，或許是在非繁忙時段光顧的尊貴待遇吧！百萬禁忌下點吃豉椒炒鮮魷，為免浪費食物，叫了少飯，份量剛好，見鄰枱的正常份量炒烏冬，足夠二人食用！飯餐包例湯及熱飲，很豐富。多謝廚師將洋蔥煮得較熟，帶出它自身的甜味，配以數條紅椒，又紅又綠的視效，令賣相活潑得多。味道嘛，正常茶記出品，吃得放心。

服務普通，普通茶記咁但食物質數就真係差即食個下午茶，波羅油，豬排包，加奶茶。波羅油,一大片厚牛油夾中間，個包又唔熱，成片牛油就好似冰箱岩岩拎出黎咁，根本就無法整散又厚又凍既牛油。豬排包，無錯，可能係即煎，個包都熱，但係豬排硬到你唔信，我食左兩口就無食拉。奶茶算係咁。如果你對食無要求，這間茶記岩哂你。因為價錢比九龍城其他茶記都要貴，質數求求其其咁，點解要去食呢間順興。我試過後一定唔會返轉頭。

通常每週也會光顧一次，食物未算出眾但也唔錯，惟熱奶茶水準不穩定。通常選擇至愛常餐：多士+火腿通+火腿奄列+熱奶茶。火腿通：通粉是無坑紋那種（正），煮得不過稔，份量也不少，好味！火腿奄列：蛋厚厚的，惜煮得略熟，不太似奄列，但算好味。熱奶茶：比一般茶餐廳大杯，但味道一般，不夠香滑，感覺茶味與奶味分開； 水準不穩，幾乎每次味道也有差異，是否水吧師傅有多人？？今日首次試凍奶茶，完全唔覺飲奶茶，毫無茶味，似飲凍甜水！極唔掂！另外有樽仔(無冰)奶茶、咖啡及鴛鴦出售，說是阿蘇推介。但試過樽仔奶茶，個人認為甜了些，甜味蓋過了茶味，稍為遜色。後話⋯今天坐低後，竟遞來一杯有油浮面的水！好彩飮之前先望一望 

本來一心嚟到想飲杯熱奶茶及食个早歺，点知，，杯茶我只飲左兩淡就冇飲，杯茶又苦，又冇茶味，飲落好似飲奶水咁，仲有種好青嘅味，好難飲。但食物都可以，沙爹牛肉麵啲未道好味，如果杯奶茶可以好啲就100份

十九年一遇的情人、元宵節，因我要上學的關係，吃飯地點被局限了。九時半下課後，按既定路線被帶到九龍城某餐廳，嘩，一看見只有$9XX的情人節套餐，我二話不說馬上離開。說真的，吃甚麼來慶祝並不重要，重要的是和誰吃嘛！最後由我決定轉去順興茶餐廳吃晚飯，感覺親切，最重要是價錢合理，不會因節日而加價。店內顧客不多，很安靜。雖然是老字號、有歷史的茶餐廳，但環境整潔，不殘舊。我們點了兩個晚餐，包括～白湯：賣相看似很稀，幸而入口質感不壞，內有紅蘿蔔粒，味道尚可。西冷牛扒配蒜蓉汁：份量十足，牛扒有兩大塊，肉質嫩卻不會覺得加了鬆肉粉，有嚼勁。配菜有雜豆外，又有薯條，實在「抵食又大件」！煙鴨胸配黑椒汁：黑椒汁非常多，足以讓我沾到意粉上，好！鴨胸又多又厚，肉質不算軟，質素尚可。白飯：賣相一般，有點像冷飯，慶幸夠熱又不會硬綁綁。意粉：本來已有蕃茄味，不會淡而無味，軟硬適中。餐飲：沒有喝奶茶，反而喝了凍檸茶和咖啡，大大杯，夠冰凍，兩者都不錯。總結而言，這頓晚餐不過不失，只需$106兩個人便吃得飽飽的，抵！

有一晚收工諗住去嘆杯靚奶茶食個晚飯。睇完餐牌想落單，叫左個肥亞姐幾次都無反應，顧住同賣包個亞姐吹水！好啦，我大聲d叫要落單啦，個賣包亞姐重要細細聲係度鬧我。喂，我收工想食個安落飯姐！個老闆真係好彩，請著d咁既伙記！唉，我換個位去返另外果邊廳坐算。見住果兩個亞姐都食唔落。 講返食物~奶茶比以前亞蘇介紹果陣差左好多蛋球就放全左一日硬哂晚飯就好普通茶記貨仔一句,推介野唔得其他野普通但係咁既服務質素就最唔得!!