SIAM AI Fresco Dining (Closed)

我地低頭食緊野，並無示意叫飲品，負責水吧位置呢位女侍應，走埋我地度，唔出聲放低飲品餐牌，企係度不斷掀佢手上既柯打紙，即係點呀？問客人飲咩餐飲都唔識用廣東話問？佢可以講英文或者普通話向客人溝通。基本服務禮貌都無，根本無資格做服務行業。呢位負責水吧位置女侍應知道我對佢惡劣態度有微言，我地柯打嗰兩杯飲品到來，發覺飲品內有異物，然後我地無飲。餐廳 Siam Al Fresco Dining 電話經常都打唔通訂位，終於明白點解，原來係有態度惡劣既侍應同餐廳負責人。

泰國菜一向係我心目中排名排第一位，前幾日上Openrice 既時候發現到依間泰國菜餐廳，而且巧合地在公司附近，所以一於就同同事一齊放工後去試一試。成間餐廳既外圍由大大嘅落地玻璃建成，感覺樓底好高，而且都有種好高級嘅感覺。我地就被安排坐係𥦬邊食，咁就可以一邊食嘢一邊欣賞窗外的風景，十分寫意。出面就有個沙律吧可以自己出去拎沙律食，有泰式鳳爪沙律、泰式青木瓜沙律、同扎肉沙律，我個人覺得三個都相當不錯，酸辣度都夠。湯底係火鍋嘅精髓，而我哋就揀咗椰子雞湯底，湯底呈現奶白色，椰子味好香好濃，甜味同咸味都適中，相當不錯。因為係火鍋仼食嘅關係，所以我哋差不多每樣食物都叫咗d試一下。依度嘅落單紙上清楚寫明話會一份有幾多件，咁落單既時候就知道應該要叫幾多嘅份量，可以避免造成浪費。肥牛脂肪分布得不錯， 而且肉味都幾濃，沒有牛的羶味。丸類就是一般凍肉舖可以買到嘅貨色，丸入面尤其芝士丸質素不錯。海鮮方面，蜆大大粒而且每粒蜆都相當飽滿，食落口好鮮甜，我地encore左幾次！魷魚都相當大條，而且都頗新鮮，咬落好彈牙，配埋個湯底十分正！另外仲送左一碟泰式生蝦，生蝦分量唔算多，但係食落非常新鮮，蝦肉好爽而冇散嘅感覺，再

Lunch出去同同事慶生，又黎左食泰國野的半自助餐，主菜98蚊起係九龍灣黎計算抵食。椰子雞湯，今日好辣呀幾香椰子味。冬蔭功湯，意外地無椰子雞咁辣太奇怪了，好濃香茅味幾正。涼盤依然好味，辣香腸，辣札肉，無骨鳳爪同青木瓜沙律，辣得好滋味，除左辣味仲帶少少酸酸甜甜咁，好開胃。自己要左海南雞飯，雞件同飯的份量亦頗多。是日的雞完全無味而且太生了，全是血水，飯亦很硬又未熟透，好似食沙咁，失望了，上次好好味㗎……放棄主菜改攻甜品，芒果糯米飯甜美，椰汁糕很香滑，正。除左主菜，其他都好好味

今日第一次試呢間泰式自助餐位於九龍灣一個角落頭位置, 由地鐵站行, 就好似做步兵咁行最少2公里, 上兩三層電梯先搵到去到, 一望...嘩D野少到, 不過98蚊是旦啦首試酸辣蝦湯, 即係Dong陰公, OK唔辣偏甜生菜包就冇咩特別, 都係偏咸呢間野的菜式味道係偏濃而甜, 可能就番香港人的口味就算叫個生蝦刺身都係有好重, 好明顯的鹽水味而冇蝦味食左兩個round都唔食, 因為D野太少札肉同腸仔就少少辣, 不過唔係好勁泰式青口同豬肉(定牛肉, 理得佢), 都係偏咸, 變相冇咩特色生蝦刺身都係咸...甜品果D, 冇咩特出的味道, 椰汁大菜糕就有少少椰子味我就叫左個泰式奶茶...嘩苦到阿媽都唔認得(簡直係廿四味黎)如果98蚊任食3個鐘, 都OK, 不過我會選俾多少少食多D選擇好唔好食見人見智啦, 不過味道係偏咸, 重椰汁(隻隻菜都食到椰汁味)服務就一般, 主動性欠左D, 可能一分錢一分貨(我自已食完, 番到屋企都有點喉嚨痛...可能味道太重的關係...)

之前話有lunch任食果陣就打過電話book 但就full曬 見今日黎開九龍灣 就試下佢個晚餐啦一入黎 見到冇乜人 就知有伏啦 跟本就唔泰式 邊爐放題選擇好少 仲衰過普通酒樓打邊爐泰國野就係得椰汁糕同bar枱嘅鳯爪 沙律 見其他comment話有串燒 但完全冇見到有 有生蝦刺身送 個珍多冰坐左9個字都未上到 一定冇下次

一到六月天，陽光普照，便心思思想到一些Open Area午飯；但，又怕熱。所以，九龍灣國際交易中心平台，便是理想地點：既可在室內嘆冷氣，又可在高樓底大窗戶的環境下午飯。這裡是半自助午餐。前菜和沙津都很吸引！新鮮，款式多！色彩鮮豔！泰式前菜，有豬頸肉、腸仔、洋蔥絲和無骨鳳爪，全都美味！微辣、酸酸甜甜的，很開胃。還有兩款湯。我們飲冬陰公湯，微辣，但挺酸。主菜方面，Honey選無骨海南鷄飯。海南鷄很嫩滑，啖啖肉！但，油飯就麻麻哋，太乾身！油｢ 噏｣味。我選紅咖啡豬頸肉飯。紅咖哩不辣，甜甜的。椰汁好香！咖哩汁很｢送飯｣！甜品也有三四款選擇。差不多每樣都好味！尤其椰汁黑白糯米飯，軟糯，又有嚼口！但，拉椰糕不太好，太｢鞋｣，不煙韌。單單看自助吧枱，已｢心曠神怡｣。主菜也精致！滿足的午餐！

大半年前黎食過晚市打邊爐，當時覺得啲自助泰菜都幾正，但款式很少，而且太夜進場食物都差唔多去到尾聲。今日晏晝同一班同事黎食brunch，雖然放lunch得一個鐘，但絕對夠食到飽，唔知係咪第一圍到步，個人覺得比晚市更多款，店員亦refill得好快。椰子雞湯，勁濃勁香椰子味。沙律新鮮芒果糯米飯一定要食，超正！芒果好甜，糯米飯煮得夠淋夠黏，加上甜甜椰汁無得輸。泰式鳳爪已去骨，酸辣度剛好，正。仲攞左其他野食，淨係食自助bar已超正。主菜之一的炒金邊粉，夠鑊氣。主菜之二海南雞飯，雞件滑溜已去骨，個醬汁好味，唯油飯較乾身唔夠油喎。仲叫左其他主菜，掛住食唔得閒影相了

之前睇報紙見到九龍灣呢間WEEKEND BRUCH 98 蚊位, BOOK 左2個月先BOOK 到! 今日就同左呀嫂同埋姪仔一齊黎!!位於MEGA BOX 隔壁, 餐廳都易搵, 但係黎既過程就有D 轉折. 我就先去左德福再坐SHUTTLE BUS 去MEGABOX 再行過黎. 依家天氣甘熱, 德福等SHUTTLE BOX 時真係出晒汗!姪仔未夠4歲, 免費~BUFFET 1130- 1430. 我地11點就到左, 侍應話仲有10MINS 先開始, 但見我地帶住小朋友, 而且出面甘熱, 都比我地坐係入面等.成個BRUNCH 選擇唔多. 湯就有冬陰公同埋椰汁雞湯.冬陰公唔太辣, 夠酸, 而且都足料, 有磨姑同蝦.而椰汁雞湯.就係冬陰公唔辣版. 除左唔辣之後味道一模一樣.無椰汁味. 而且個湯都幾濃, 唔係清雞湯.前菜方面以沙律為主. 泰式沙律就有青木瓜沙律同泰式鳳爪等. 我覺得都係偏香港人口味, 唔會太辣, 而且偏甜其他沙律有薯仔沙律, 青紅蘋果沙律, 沙律菜等.熱食選擇唔多, 而且好多都係炸野. 雞翼, 春卷, 炒蜆, 炒菜, 咖啡牛.. 之後就拎左D蒜容焗生蠔出黎. 只係拎到2隻. 味道

放假特登帶晉豬去食呢間泰式自助餐，好平好低，雖然款式少，但味道算唔錯，最推介係個冬陰公湯，夏天飲真係好醒胃，服務員態度良好，環境又光線充足，不過都預左晉豬無野岩食，提議做多幾款小食給小朋友，好彩4歲以下唔收錢😁

最愛泰菜終於book到食brunch喇…撞正今日超好天…心情都特別開懷好！開餐～～～～～先食沙律～賣相幾吸引…但味道總覺得未到位咁…每個味總係差少少…差少少咁…食完第一轉就無再encore喇…之後轉攻熱食～presentation勁靚！其實係南瓜咖哩…個汁似平時咖哩炒蟹果隻咁...有少少蛋花做汁...內裡有炸魚柳、洋蔥、紅綠椒…味道唔錯。其餘熱食…一般啦…未去到難食...但又未去到添食又添食咁囉…呢一餐...出現好多腸仔、丸類、煎雞翼...頹食物囉…每枱會送上2人share一碟嘅芒果糯米飯...糯米係幾軟身...但無乜煙韌口感..好在芒果係甜嘅…甜品都係大路嘢…選擇唔多…湯類...我覺椰子雞湯相對地好飲...冬陰公就…一小碗都飲唔哂凍奶茶好飲...總結：對於非常鍾意食泰菜嘅我嚟講，今餐真係好失望首先～食物味道唔對題（即泰式）第二～出現好多hea物（司華力腸、廚師腸、丸）每人$98可以任食三粒鐘...（要加一）如果只為填飽肚係幾低食...但講享受程度，今餐貴咗d囉

3月11喺facebook見到某網站推介緊此餐廳周末可以用$98任食3.5泰式buffet,於是開始相約朋友,打算搵一日一齊前往去試試,4月7日第一次打電話去,點知對方告知成個4月ge星期六及日都已經full booking,咁唯有問佢5月仲有冇呢個優惠,對方話未知住 要到月中先知下個月做唔做優惠;一直到4月18號終於知道5月都有做呢個優惠,於是乎book左佛誕呢日四大一小打算一齊去食下。或者係因為一開頭期望太大,所以當食物一放入口時,嗰皇失望真係.........好大下冷盤篇泰式鳳爪:呢樣得個樣,個樣好吸引,但食入口唔辣又唔酸扎肉有膻味,我都好奇怪點解扎肉都會膻,青木瓜絲好難食,最正常係薯仔沙律,薯仔又淋,粟米雖少,但味道好突出,略嫌沙律醬少左d湯品有2種,一隻冬陰公一隻椰汁雞湯;唔知當中所指ge任飲,係唔係d湯任你飲熟食樣樣都食d,當中炸肚雞亦好似好受歡迎,因為一登場,一堆食客即走去排隊,但其實好咸,落鹽好似重手左,但加埋泰式辣醬一齊食還算可以啦。另一樣又係一出場即大把人去排隊係串燒,呢樣真係好受歡迎,因為就算我地極速出到去排隊,但未到我地已經俾人清晒;熟食中仲有一樣不得不提ge係

上年，看食評才發現九龍灣國際交易中心有間餐廳 SIAM AI Fresco Dining 供應泰式半自助餐，聽起來既特色又吸引！  就算怕辣的我也蠢蠢欲動想試！ 於是，趁天氣尚未熱的 3月頭，加上九龍灣工作的好姊妹約我到 MCL 睇 <埃及神戰>，我們順路一齊去食泰式半自助餐！  提早 Book 枱較穩陣！ 由她帶路，找出國際交易中心的所在，原來 2 樓別有洞天！  有間舉辦婚宴的酒家、有間日式餐廳、還有食泰式半自助餐的 SIAM AI Fresco Dining！ 令我想起 IFC 4樓平台的玻璃屋！  泰式半自助餐泰式火鍋 & 自助沙律甜品吧早鳥全包價 $158抵食全包價 $188任食兩小時我們在下午5:30 入座，食到 7:30  早鳥全包價 $158除了泰式火鍋之外，還有自助沙律甜品吧！嘩！一次過嚐盡多元化的泰式美食！ 自助沙律甜品吧，不乏泰式沙律及甜品，卻是兩者選擇偏少！  作為食客的確有點失望！ 落地玻璃屋的餐廳，在日光之下光猛開揚！樓底高，地方寬敞舒適！在沒有壓迫感的環境下享用美食，感覺悠閒寫意！   連餐廳外也有露天的餐桌！

本來睇到之前的食評和相片都覺得不錯，因為除左普通打邊爐料之外，仲有串燒，泰式沙律，其他炸野食都幾好，$188一位都可以接受，理想同現實有十分大分別，去到門口見到個牌寫得自助沙律吧，望入去得番張好少位放左幾個盤得d沙律菜果d。因為之前bk 左位所以唯有入去。我地一家去呢到食主要為左泰式串燒同炸野果d，入到去坐底一問，係咪有串燒嫁，侍應話之前係有不過而家冇啦。我就知中左伏，去間泰國餐廳食平時屋企或者酒樓都食到打邊爐，之後佢就上左一碟生蝦同每人有杯三色冰叫做有番少少安慰，但是之後成餐我地都係食最普通丸，肥牛果d 出面都食到一d 都吾泰式的打邊爐。食得打邊爐個爐就緊係最重要，但是我地打左一個鐘都吾夠就要換左兩次gas ，我地兩個爐總共換左4枝。佢個泰式打邊爐唯一最有特色的冬陰功湯底，都不係人地所講咁好，吾夠濃冇咩冬陰功味，完全吾得我地bk 8點，咁任食兩個鐘，通常都最後半個鐘就last order ，但是我地食到9點就過黎同我地講有冇野加，因為廚房要收，心諗下仲有成個鐘喎，如果你係要咁早收就吾好比人bk 咁晏啦，不過都冇咩好食算數，就話冇啦。跟手睇到d 侍應係出面個自助吧到收野，但是仲有好多台

一個朋友話想食泰國菜，一個話想打邊爐，上openrice揾到呢間，滿足晒2個願望！沙律吧係要自己出去拿的，有酸辣鳳爪-不過冇辣味既，青木瓜沙律-夠酸夠辣但冇生蟹仔係入面！火窩有三種湯底，我地選左冬瓜排骨湯，打邊邊選擇唔算多，但肥牛(正常濃牛肉味)，芝士丸(有拉絲果種)，娃娃菜，正常野都係任食2小時，我地7:30入座仲送特飲一柸，同生蝦兩隻(唔好祈望太高，並不是太新鮮)，啤酒氣水都係任飲，坐得舒舒服假，食物質素一般般！不過不失啦！

個人一向超喜歡泰國菜愛其惹味濃郁!!!最近在雜誌看到有泰式半自助餐另外還有火鍋可以一同享用價錢又不貴所以這天就拉了爸媽去試~~~這間餐廳名叫SIAM AI Fresco Dining名字夠地道~~~雖位於九龍灣國際交易中心內位置不算太方便 (因要坐接駁車到)但去到覺得環境相當不錯坐得很舒服再加上食物全都美味都是值得的!!!場地又大又闊落而且地方很乾淨外面還有個很大的花園吸煙人仕可以安排到出面進食不錯!入場後, 店員送上菜單這個是半自助餐來的大家可以在這張點餐紙上先點上湯底(可揀冬蔭公, 椰汁雞湯或冬瓜排骨湯)餐紙上還有多款肉類, 海鮮, 丸丸和其它雜類另外汔水是可以任吃的但要留意椰青, 珍多冰, 特色飲品需另加錢.~點好餐後, 交給店員就可以來到中間的自助餐區拿沙律和甜品了!!!枱面放上多款泰式小吃和沙律配料如蕃茄菠蘿菜等等選擇很多而且全都很新鮮另外refill亦很快手差不多沒有, 勤快的店員又會去補給有時亦會換上新款要時常留意住呢~~很多大路的沙律和配料都可以找到...單吃這沙律/甜品bar都夠飽了!~~~食物質素相當不錯沙律很嫩綠爽脆!!而且除了大路的沙律醬外這裡還可以 加入不同的