泰濃麵 (蘭芳道) (Closed)

天氣開始轉涼了，又係時候打邊爐啦。泰濃麵主打船麵。唔講唔知，原來重有得打邊爐！先揀湯底。揀咗芫荽清湯鍋。湯底除咗芫荽，重有白蘿蔔同秀珍菇。白蘿蔔好大嚿，清甜無渣。花雕雞份量都算多，雞肉十分嫩滑😍，勁入味，入口勁香酒香～🥰重有杞子，杞子好甜。魚皮餃皮唔會太厚，亦唔會過油。有肉都要有菜！嗌左雜菜拼盤。有多款雜菜：蕃茄、粟米、娃娃菜同生菜。紅色嘅蕃茄、黃色嘅粟米同娃娃菜加上綠色嘅生菜，各種蔬菜，五顏六色，賣相好靚。 娃娃菜夠新鮮夠嫩，好爽脆！日本稻庭烏冬麵質軟硬適中，口感煙韌，唔會一夾就散。食到咁上下好熱，想飲啲嘢。我嗌左椰青，朋友就嗌咗青檸梳打。椰青清甜，好解渴，飲完覺得無咁熱氣。重可以邊飲邊食椰子肉！🥳青檸梳打同其他餐廳唔同。呢度係梳打同青檸分開上。梳打啱啱新開，確保夠氣！👍🏻飲完好refreshing！

今日同朋友去銅鑼灣食泰國野，見到menu裏面有新嘅菜式原來係打邊爐！仲有兩款湯底，一個係船湯底另一個係冬陰功湯底，兩種唔同嘅湯底別有一番風味！船湯底加咗香茅，青檸，班蘭葉同埋蒜味道更加突出！再有濃濃豬骨味，夠哂濃郁！冬陰功都夠地道，酸辣感幾重帶香茅香，非常醒胃！而火鍋配料非常之多，大概有40款！我選了蝦滑，新鮮鵝腸，墨魚丸，還有日本稻庭烏冬！放湯底灼一灼就食得！非常鮮甜嘅蝦滑再加上湯底，零舍入！味另外三鮮鵝腸非常之q彈，亦都非常之掛湯，墨魚丸彈牙無比再加上墨魚的香味，不錯不錯！最正就係日本稻庭烏冬烏冬嗰個質地非常之軟，再加上淆湯底嘅精華，絕。

今晚凍凍地天氣轉涼，我同friend一齊行下銅鑼灣，咁發現呢一間泰濃麵有新推出就係泰式嘅火鍋，自己都未試過泰式火鍋，咁同朋友入去就試下佢嘅泰式火鍋。招牌鴛鴦湯鍋: 咁佢湯底有船湯同冬陰功湯， 我自己就唔偏向鍾意冬陰功湯底，因為我自己本身鍾意飲冬陰功湯，鍾意啲肉吸收大量嘅冬陰功湯。 飲咗幾啖湯覺得唔錯，不過大家要留意返時間，因為滾得越耐個湯就會越濃。頂級安格斯牛肉: 呢個店員推介，咁就試下，好少食到咁鮮嫩嘅牛肉 ，煮大概7成熟， 肉質鮮甜及軟熟 、肉質彈牙， 每塊牛亦都分佈出有DD油脂，令到口感更佳。 最緊要係食材幾新鮮。日本廣島蠔: 其實呢隻蠔我覺得size都算大隻， 咁我同我朋友一人兩隻 ，仲有一隻一人一半，食落去隻蠔口感質感很好， 另外蠔味都幾濃郁， 呢個蠔很新鮮我個人十分推介。墨魚丸: 呢個墨魚丸，墨魚都幾爽同埋食丸都知道鐘意大大粒，感覺上啲丸都幾彈牙幾爽口， 大家可以一試。鮮蝦白菜餃: 細細粒而且用料十足， 應該係佢地自己包的。 餃裏吸收入面啲冬陰功湯味真係幾正。唐生菜：其實呢一個唐生菜質素亦都ok， 因為食火煱咁點都一定要嗌個菜，咁個菜都幾清甜。咁其實呢一間嘢我覺得唔錯嘅 ，

平時去泰國餐廳都離不開果幾道小菜或主食,今次就黎d特別少少既crossover,港式拼泰式既火鍋大家又試過未？招牌鴛鴦鍋 (招牌船湯濃湯鍋+正宗泰式冬陰功湯鍋)招牌船湯充滿牛湯香,湯底呈深啡既牛骨色.滾開後牛湯更濃郁,濃而不燥又唔會過鹹膩.泰式冬陰功湯鍋充滿檸檬葉及香茅等香料,味道香辣得帶酸,相當開胃又唔會過辛辣.花雕雞件雞件上枱既時候已經聞到好香既花雕酒味,雞件唔會好肥膩肉身夠厚.花雕雞滾熟後雞件仍帶住淡淡既花雕酒香,雞件肉質嫩滑唔會過柴.雞件吸入左鴛鴦湯底既香味既同時湯底亦吸收左雞香令湯底更濃郁.鮮蝦白菜餃餃子皮唔會好厚,入口帶點煙韌感.內裏蝦肉爽脆又彈牙,帶一陣蝦香,蝦肉比預其中更大隻,相當有滿足感.川辣牛丸牛丸同樣彈牙爽口,牛香味好濃郁,內裏仲充滿牛脂肉汁.牛丸內帶有少少川椒碎,入口帶一陣陣麻辣香又唔會過辣,味道好新鮮又刺激.雜菜拼盤有蕃茄,粟米,娃娃菜及生菜.每一份蔬菜都好新鮮又飽滿充滿水份.粟米香甜同樣爽脆,蕃茄大大粒加入冬陰公湯內令味道更鮮甜.金邊粉好夠份量既金邊粉,麵條幼滑吸湯力又強.金邊粉充滿米香而且浸左係湯內滾左一段時間麵質仍然保持到彈牙口感.

銅鑼灣都有泰國高質船麵😋講起泰國船麵大家都會諗起灣仔那名店lunch或dinner去光顧都難因為每次到達都見人龍不短今日同朋友又想吃船麵就去左銅鑼灣嘅泰濃麵😋😋船麵配撘選擇多除了一般的雞肉，豬腩肉，肥牛外亦可以升級配美國頂級肥牛，鮑魚甚至龍蝦或和牛湯底同時有幾樣選擇分別係普通嘅船麵湯，清湯及辣的冬陰功湯麵亦可以選擇金邊粉，河粉，湯飯又或者較低卡的薯粉我就試咗船麵湯配金邊粉店員將麵送上的時候牛肉仍然是粉紅色😍牛肉片有大約五六片牛味重而且軟冧另外仲有豬油渣同魚蛋麵的份量都足夠唔需要特別叫小食另外朋友們分別叫了海南雞飯及豬手飯海南雞肉好好好嫩滑但比起好多唔同食店嘅有肉味油飯香濃但唔過油豬手好有膠質感覺好富骨膠源值得一讚嘅係小店 衛生常識高主動提供熱水杯比客人 洗餐具店員有禮價錢合理👍🏻

平時好少出銅鑼灣食好西, 今日朋友就帶我黎呢間泰濃麵食泰國嘢, 我地一人叫左一個主食加多個小食拼盤同杯特飲…#頂級安格斯牛肉船麵 湯底好夠味, 麵內有啲炸豬皮, 索曬啲湯好入味, 超正, 之後食返啖牛肉, 好有牛肉香, 肉質好腍, 不愧為安格斯牛肉, 推介食品❤️🌻🌻🌻🌻#泰式豬手飯豬手炆得好腍好入味, 有入口即溶既感覺, 超好味, 豬手底仲配有鹹酸菜, 啱啱可以袪除返豬手嘅油膩感, 一啖豬手, 一啖鹹酸菜, 配合得天衣無縫, 正👍🏾🌻🌻🌻🌻🌻#泰式蝶豆花特飲個顔色好靚呀, 見到個外表就覺得好吸引, 飲落都清甜 🌻🌻🌻#泰式龍眼冰 呢個龍眼冰甜度好清甜, 好好飲, 消暑解熱一流🌻🌻🌻🌻

之前來過幾次食佢的芫荽山冬陰公湯麵，很喜歡佢的冬陰公湯味道，正宗又唔係太辣。今次見佢推出火鍋限定，而且湯底還有我最喜歡的冬陰功湯底於是就試試。冬陰公湯底正宗微辣，檸檬葉、香茅味十足，老實說，我是第一次用冬陰公湯底打邊爐，感覺特別又新鮮。火鍋料有很種選擇，今天叫了個安格斯牛肉、川辣牛丸、日本3L廣島蠔、鮮蝦白菜餃和我每次來運這裡都叫的泰式炸腩仔。炸腩仔肉香皮更脆，最愛就是那小碟的醬汁，酸酸甜甜夠惹味，送啤酒一流。跟著就是期待的冬陰公火鍋，先下牛丸，因為不怕煮，跟著小火烚生蠔，和安格斯牛肉，很多人都喜歡大火烚貪快，但細火才能保持生蠔和牛肉鮮嫩細滑，俾多少少時間就能吃到最好吃的口感。用冬陰公打邊爐特別開胃，尤其是烚白菜餃子，餃子皮吸收冬陰功味，超特別，很開胃。

第一次試這店，行經銅鑼灣，見到裝修非常有泰式風味，又舒適，人唔多，下午茶到6點（星期一至五先有），問店員（可能係店主）下午茶船麵會唔會細碗些，話會一樣大細，絕對唔會細咗，下午茶配搭，湯有三種 船湯 ，冬蔭公，清湯底，肉，有 牛肉，豬肉，雞肉，麵有 河粉，薯粉，油麵，等等，自由加飲品，加小食，非常靈活，我們柯打了 牛肉船麵配薯粉，（船麵湯底比較甜口，與在泰國食非常近似，夠地道）冬蔭公雞肉河粉，（冬蔭公湯底，有誠意，湯底材料新鮮，辛辣味足）青檸梳打，泰式鳳爪，4款都好好味，無負評，總共 $138.- ，唔錯。。。

First try on iphone13’s camera📸-👉🏻黑豚肉冬陰功湯金邊粉💲69👉🏻泰式海南雞飯💲69👉🏻青木瓜沙律💲49👉🏻烚唐生菜配秘制腐乳醬💲29-上次去完尖沙咀個間 原來銅鑼灣都有架😗呢間嘢食唔係話特別好食但上菜速度快價錢好平好抵食 海南雞可以轉全部雞髀肉 油飯唔夠香 青木瓜沙律好辣🌶冬陰公湯都係偏辣多過偏甜 中意船湯多啲🤨腐乳生菜啲醬係分開上咁就唔驚太重口味啦😌本身諗住食完去做gym但我發現次次見完我個gym frd我感情狀況都好差 冇mood要返屋企haha係咪佢邪住我😩〰️〰️〰️〰️〰️〰️〰️〰️〰️泰濃麵 (蘭芳道) (銅鑼灣)📍銅鑼灣蘭芳道13號地舖🔗#7eating銅鑼灣#7eating尖沙咀#7eating泰國菜

呢一間位於銅鑼灣尖沙咀亦都有佢嘅分店，都幾容易搵得到環境都唔錯。呢一間餐廳係好典型嘅泰國餐廳，無論環境同設計都好有泰國風味。佢哋有好多唔同特色嘅菜式特別係主打金邊粉同埋薯粉，佢哋嘅份量十足湯料亦都好好。仲有佢哋有好多餸菜揀，佢哋嚟緊新出火鍋打邊爐，有好多唔同嘅湯底俾大家任揀，仲有頂級美國和牛。同埋佢哋嘅調味料都做得好唔錯。我哋亦都嗌咗豬手飯，白飯大碗，同埋佢哋嘅豬手好入味。仲要一定嗌蝦餅拼盤，好食同埋香脆。

同朋友到銅鑼灣行街，因為太晏，諗住黎個快食再繼續行街，行行下俾門口架 Tuk Tuk吸咗睛，又見食麵可以快食於是就入去了🇨🇷.🟥小食拼盤 🟧先黎一個小食拼盤， 有雞翼，芝士雲吞及炸蝦餅各2件。即叫即炸，小妹其實好麻麻地雞翼，但係呢度好好食！😍外脆入面勁juicy, 脆又唔會硬/過焦， 炸蝦餅都好脹卜卜，蝦肉好彈牙.✨✨ ！！必食推介！！✨✨ 🟨卜卜蜆金邊粉 配冬蔭功湯 $89🌶️🟩以為卜卜蜆打邊爐先有，原來食面都有😍湯底簡直💯酸辣比例適宜，仲充滿椰香，又帶點蕃茄鮮味。而蜆的份量超多，仲有青口同蝦各2, 同飲冬蔭功的湯料一樣😂唔應該叫卜卜蜆應該係海鮮冬蔭功粉😆仲有份量好多食唔哂呢！.🟦頂級安格斯牛金邊粉 配船湯 $89🐮🟪估唔到粉面店可以食到咁高質的牛肉❗上菜時牛肉為半生熟狀態，肉質粉嫩，薄薄的但好濃牛味💯 原來船湯係用豬血煲成，但絕對唔腥，仲甜甜的，非常濃郁。而最傳統一點係仲有脆豬皮~夠香口😍.🟫 飲品🍹 🟫跟餐特飲+$18✨泰式青檸梳打特飲🍋青檸梳打酸酸甜甜，帶少少澀，超醒神清新.✨泰式香茅班蘭梳打特飲香茅味重，其實班蘭我都唔知咩味😂不過好似有 dd椰香。味道未必個個鍾意，開頭覺得怪

今日又係喺銅鑼灣搵嘢食嘅時候，喺希慎SOGO嗰邊都試過好多唔同嘅餐廳，今次就去到白沙道附近，喺蘭芳道見到有一間食泰國船麵，就諗住入去試吓，餐廳嘅裝修都好特別門口有一架好似泰國嘅篤篤車咁🙆🏻‍♀️😍入到去啲座位都好舒服，咁我哋好快就叫咗嘢食，我哋就叫咗一個黑豚肉配船湯、一份泰式豬手同埋一個泰式小食拼盤！飲品方面就叫咗一杯泰式青檸梳打特飲和泰式碟豆花特飲🍹黑豚肉船湯 $69佢哋嘅船麵有三款湯底可以選擇，我哋第一次就試咗佢推薦嘅船湯，佢哋嘅湯底都非常濃味令到啲面非常入味👍🏻👍🏻黑豚肉嘅份量都好多，肉質嫩滑😙除咗黑豚肉佢哋仲會有其他全面嘅配料例如魚蛋魚片等等❤️‍🔥泰式豬手一份 $79佢哋嘅泰式豬手實在令我感嘆😋我非常推薦如果鍾意食豬手嘅朋友一定要試吓，我自己就好鍾意食豬手皮嘅骨膠原🤩佢每一舊嘅豬手都非常滑脫脫泰式小食拼盤 $69由於有幾款小食都想食，我哋最後就叫咗小食拼盤。小食拼盤入邊有泰式炸蝦餅、炸雞翼和炸芝士雲吞。泰式炸蝦餅好有蝦肉嘅味，而且非常彈牙😎炸雞亦都唔會炸到入面肉質好乾👍🏻

下昼4點幾，原本諗住入去求其食啲嘢頂吓肚，點知發現幾樣野都好好味呀，之後越叫越多，飽到晚飯都唔洗食🤪而且好抵食，我哋下午茶時段去仲抵😍黑豚肉冬陰功湯底配金邊粉，$49 (下午茶)平時鍾意飲冬陰功湯嘅朋友一定要試呢個粉，勁正。平時泰國餐廳一碗湯都唔平，呢個仲多埋粉同豚肉，粉勁滑易入口，肉都好味，湯底同平時飲嘅一樣咁正，最後我梗係連啲湯都飲晒，正😋青木瓜沙律，$26 (下午茶餐)估唔到青木瓜沙律都好好味，好正宗，而且26蚊有咁大份，真係好開心😍甜度同酸辣度都啱啱好。平時啲泰國餐廳起碼60 70起。青檸梳打，餐+14呢度嘅青檸梳打係自己加水落去，用嘅仲要係泰國嗰隻梳打水，正。要咗少甜，啲青檸汁夠酸，好開胃，唔錯。泰國海南雞飯，$68 + 8 轉脾呢個飯就得午餐，冇下午茶餐，不過都唔貴，而且轉咗脾，啲雞肉勁滑，加埋佢俾嘅海南雞汁，真係好好味，攞黎撈薑黃飯食，真係一流。龍眼冰，午餐+18朋友叫咗龍眼冰，佢話唔會好甜，龍眼都好多，滿意🤣炸雞翼，$39後來見啲嘢食都唔錯，又加咗份小食，炸雞翼。佢唔會炸得好油，出面冇加粉，所以皮係香脆嘅，入面嘅肉都keep到嫩滑，唔錯唔錯。泰式甜品拼盤，$39拼盤有6

#點揀美食 #銅鑼灣美食多的是.好耐無去過 #銅鑼灣 行街或者食飯啦所以就約朋友去銅鑼灣食個靚飯先但係銅鑼灣咁多嘢食，點選擇？除咗台灣，#泰國 都係我好想去嘅地方所以我就選擇食泰國嘢啦.泰濃麵 (蘭芳道) (銅鑼灣)📌銅鑼灣蘭芳道13號地舖.去到門口，你見到啲裝飾擺設令您有如置身於泰國係門口就見到泰國🇹🇭 獨有嘅交通工具 #篤篤坐低咗之後，慢慢睇佢哋個Menu啦講出嚟都比人笑🙈攸桐媽我未食過船🛶麵架~.♦️我點咗個 #頂級安格斯牛肉船麵啲牛肉入口即溶肥瘦均等, 再配合埋個船湯~真係不得了~個船湯又香濃又好味道!正呀~👍🏻👍🏻👍🏻.♦️我朋友就叫咗個 #泰式豬手飯個豬手份量好多呀~好淋好入味~食過番尋味😋😋😋.♦️我哋2個都鍾意傾偈所以叫多一個 #泰式小食拼盤裡面有 #蝦餅 #雞翼 同埋 #芝士炸雲吞呢3個都係好好食呀~由其是個蝦餅好彈牙呀!!!!.♦️我哋都叫咗2個特飲#泰式蝶豆花特飲#泰式龍眼冰特飲2杯各有特色好好味呀!!.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣🟣環境：🟣🟣🟣🟣🟣地點：🟣🟣🟣🟣🟣.總括嚟講，泰濃麵 (蘭芳道) 真係平靚正堂食坐位夠多又寬敞坐得好舒服同朋友開心

琴日喺銅鑼灣希慎行完街之後，就去咗搵嘢食，行吓行吓行到去蘭芳道，見到嗰度有幾間食肆，所以就走咗入去依間泰國嘢試吓，我同朋友都唔係好肚餓，所以叫咗幾樣野share 食我哋叫咗個海南雞飯，小食拼盤，魚餅，再叫咗兩杯嘢飲，青檸梳打同龍眼冰😋海南雞飯睇落去賣相都唔差，而且冇骨嘅，啲雞都好嫩滑同新鮮，啲油飯食落去都好香😀叫咗小食拼盤，當中包括蝦餅，炸雲吞同雞翼，每款兩隻，兩個人食剛剛好另外，小編特別推介依度嘅青檸梳打，好容易入口，不過唔會有太酸嘅感覺，好fresh😗食泰國菜又點少得叫龍眼冰，呢度嘅龍眼冰好多龍眼肉，目測都有五六舊，而且都唔會太甜😀總括來講，如果喺銅鑼灣想食泰國菜，都可以選擇依間，價錢都好優惠， CP值都高😊