四姐川菜 (Moved) New Location

貴左少少lor, 同埋一定要訂位佢既水煮魚都幾好食, 蒜泥白肉都ok, 但蝦就麻麻

朋友介紹下來了四姐。本人並不是好辣之士，但身體的朋友當中不乏"麻"甩佬及"辣"妹。就陪他們去吃餐大麻大辣的川菜吧!私房菜的形式，頗有家的感覺；牆上的熊貓畫像，頓有四川成都的意境。小小的裝修佈置，已令人感覺到這是食正宗川菜的好地方。點了口水雞、辣子雞(朋友們本想食辣子蝦，為遷就不吃蝦的我而改了辣子雞)、水煮魚和土豆泥，啤酒當然唔少得。涼菜的口水雞，賣相並不突出；勝來味道對辦，雞味和辣味分明，夠油亦有芝麻香，幾開胃。乾椒混合雞粒，辣子雞的賣相令人覺得勁辣。是辣，但就不是大大辣，而是辣味適中。雞是沒骨頭的，粒粒的雞丁，是佐酒的佳品。水煮魚是較遜色的一味，沒有沸騰的感覺。魚是選用急凍的龍脷，較為鬆散，幸好他舖底的點點粉絲仍是夠麻，挽回不少分數。辛辣過後，終於等到不辣的菜。土豆泥，些少像老麥的薯蓉，但當然比薯蓉好得多。滑滑的，混合了四川的腊肉，配搭很不錯。亦會是愛美的女士們的首選。

個個唔認為講到大家講到咁特別佢加左價喇... 每個人係$160每位定價~冇野飲, 食佢蒜泥白肉同水煮魚冇咩特別..麻辣青瓜都係好多川菜餐廳都做到佢既效果而佢既蝦唔太好味辣子肥腸, o的肥腸好少...唔係想像中咁好o者.......失望如果大家會去深圳, o係科學館站既"巴蜀風"同"老院子"好好食,地方清潔, 價錢係200蚊for 4人, 比呢度好食

午餐又去食辣, 叫咗:涼拌青瓜- 凍凍的青瓜加上不太辣的醬汁, 好味.麻辣麵- 完全做到川菜的麻辣燙, 又麻又辣又好夠熱, 食到流曬汗, 但真係非常好食.午市好少人, 服務好. 一定會再來.

上星期由朋友帶領下, 終於有機會去食四川菜喇, 首先地方環境清潔乾淨, 菜式豐富且辣得好味, 四姐和老闆招呼一流, 經常詢問餸菜味道如何。最好味有椒鹽蝦、糖醋里脊、夫妻肺片等等等等都好好味, 水煮鱼除了辣得勁但又好好味, 值得一試。

極為難得地湊夠四個嗜辣之人，滿心期待地遠征灣仔，為的是報稱正宗的四姐川菜。說公道的，比坊間百分之九十的所謂「川菜」館要辣。但…最失敗的是水煮魚。手指頭大小的魚條（不是魚塊），入口即散，當堂嘴都歪埋。問四姐用甚麼魚，答曰銀鱈魚…唔係化…？唔用桂魚都鯇魚呀？銀鱈魚點浸油浸湯呀？唉……好鬼離譜。蒜泥白肉不錯。肉夠薄，辣油蒜下得狠，夠味。椒鹽蝦還好，花椒很多，終於有川菜「麻辣」的味道。糖醋排骨，吃了一塊而已，疑心用了白糖。真係乜都得。夫妻肺片和口水雞不過爾爾。泡椒田雞一點不辣。最成功的是清炒油麥菜。川菜館最出色的是炒青菜，點搞？若非看到的評語一致叫好，實在不會抱這麼大的期望。結果好失望。埋單150＠。便係便，好差亦唔係，水準實際高過絕大部份掛個「川」字牌頭的菜館。不過……囉。

見到各位網友都對四姐有不錯的評語,本人亦好辣,所以就去試下.....二人有2個涼菜4個熱菜.........夫妻肺片-不錯...(譚魚頭比較好吃些)酸辣蒴粉-幾得意...(如果係粉皮或會好些)椒鹽蝦-蝦細隻...還可以水煮魚-魚好滑,無骨,有粉絲底...好食..可惜不是太辣.....辣子雞-雞粒切得太細...味道ok..炒波菜-呢個好食...波菜新鮮...甜品係冰粉....幾得意....呢個類似雲南既木瓜涼粉...透明既啫哩加糖水加山楂再加芝麻...不過可唔可以唔好咁多芝麻.....牙la好多芝麻.....味道總括來說是不錯.....但唯一就是不夠辣...........

一向對辣到唔在行，之前曾試過完全唔食得辣，但在慢慢增加辣之後，現在已可食微辣了；知道OR有川辣聚會，真係想了很久，最後都想試一試，看看自已可以食到幾辣。食評已有其他食友寫了，所以我只想說說當晚我認為最辣的兩味菜。辣子大蝦- 蝦細細隻，應該係基圍蝦，蝦肉新鮮嫩滑，但味道已完全給辣蓋過了，但份量唔多又細隻，雖然係幾好食，但感覺就唔多抵食。香辣蟹- 很燙手又辣口，真係細細件都有排食，蟹肉鮮嫩，雖然食唔得多，但對我來說，已經好辣和好夠了。但其它食物，就比想象中沒有這樣辣。(有點失望添！)

昨夜又係Openrice飯局之日子,今次吃的,是很多人視如畏途的麻辣川菜,地點係私房形式的"四姐".一行三圍,三十幾個"麻辣狂人",聚集在第二層地獄.準備跳落血肉池林之跑道,場地狀況係大爛地.路程二千米.所有戰友入晒閘,司閘員白旗舉高,準備....一起步,先來個唔辣的蒜泥青瓜,所有戰友無脫腳,肺片,再豬耳,口水雞,牛肚,酸辣粉.一字長蛇陣,頭馬均速地帶離兩個馬位.全程未受考驗,清風送爽.辣粉很爽口,蒜泥青瓜唔辣,對一些越級挑戰的戰友黎講,實在一個很好多開胃菜.去到千二米段柱,眾人一杯Sparkling wine間一間場.先來個"川式"咸蛋黃炒蟹,頭馬依然保持廿三秒六的段速."川"式咸蛋黃炒蟹,有別坊間的做法,咸蛋黃份量較少,大致上無甚分別.接下來的一千米段柱,辣子大蝦開始來料,眾人亦開始比反應.蝦肉也很鮮,但辣味亦開始慢慢上.不過,都未算好辣.經過泉水雞,血池內的胡椒粒,有如龍潭老鼠.雞肉斬晒件,細細件容易食,都仲未好辣.落到去大石斜坡,與香辣蟹相遇,蟹身辣在殼本身,一拿上手燙得跌鞭,肉質依然很鮮,去到呢個階段,亦開始要推騎.之後的糖醋里脊,完全唔辣,可以回一回氣.轉入去最後直路,今夜

每次去到四姐川菜食晚飯,都會有回味無窮的感覺,次次都會食得辣到跳起,但又會繼續吃^0^最喜歡食的餸菜包括有：1) 椒鹽蝦2) 蒜泥白肉3) 回鍋肉4) 蔥爆蟹(需要預定)5) 水煮鱼 (超勁麻辣)6) 蕃茄鱼片7) 糖醋里脊(超好味)8) 夫妻肺片9) 酸辣青瓜10)擔擔麵(可辣可不辣)

食過四姐都有幾次,今次第一次寫食評!!試過以下菜式:麻辣青瓜-->好開胃,成日都想自己學整,不過又唔鬼識!"缺"粉-->都係涼菜,係d有河粉既粗度,不過黑色兼爽口d既麵!口水雞-->我覺得一般,因為d雞好碎,好細舊!水煮魚-->呢個招牌菜真係一流,上台既時候d油仲係"bo bo"跳,唔係得個辣味,係麻...同埋d魚都好好味..仲有底個d好似米線既麵!辣子蝦-->一食落去已經有種麻味,同埋好香..不足係d蝦有d林!啤酒鴨-->睇個名好有趣,但係食落去係冇啤酒味,咸左少少!泡椒炒牛肉-->相比係其他菜,呢個只屬麻麻!牛柏業-->望落去係全橙色,我諗係辣椒油炒牛柏業,不過呢個得個辣味!無論四姐同個老細都好好服務,就不時都會行埋黎問下你意見,地方都算坐得舒服,唔太嘈,價錢都唔貴,值得推介!

呢間店位於二樓, 冇招牌冇任何指示, 不過唔難搵, 一出電梯就係, 仲有兩串辣椒做裝飾添。基本上啲野味味都好好味, 人又少, 枱又隔得遠, 夠晒靜, 又有電視睇, 老闆又好招呼, 值得一試！以下係我今晚食過o既菜式：一試難忘：炒蕃薯苗超水準：水煮魚, 蒜泥白肉佳：椒鹽蝦, 擔擔麵, 宮保雞丁好：青瓜, 串燒豬肉

我本身不太能食辣,純粹因為有朋友想吃川菜,才在openrice找了此店,並抱著姑且一試的心態幫襯。整體上來說食物的外觀和味道都不俗,但嗜辣的友人則認為水煮魚辣得來不夠香,稍覺失望。要注意的是此店設有最低消費,每位150大元,但不收加一茶芥(基本上都無,只有用熱水溝稀了的清茶提供,其餘酒水另計,啤酒15元一罐)。然而此店不像其他我曾光顧過的私房菜,即有幾多道菜是固定了,然後再按人數增減份量,反而此處是按人數來決定可選幾多道菜。像我們幫襯當晚是四人,他們規定4-5人可選3道涼菜和5道熱菜,不過熱菜規定了其中一款一定是炒清菜,感覺上比較搵笨。另外有一點我覺得奇怪的是,此店所定的人數和可選菜式似乎有些不成比例。如果我沒記錯,2-3人可選的是2涼菜加4熱菜,則4-5人幫襯也僅是可多選涼菜熱菜各一,而且看來菜的份量也是一樣的,換言之,2-3人光顧的話,就似乎較為抵食了。總的來說,此店菜單上可供選擇的菜色多,也能照顧到不能吃辣的人,但真正能嘗到的菜式就不多了。以每位150元的消費,在灣仔和銅鑼灣區來說,可供選擇的餐廳還是很多的。

早幾日有2個日本朋友來香港, 指明要食best of the best Chinese spicy food, 令我好頭痛, 因我本身係完全唔食辣既, 都唔知邊度有最好既川菜, 幸得以下各路英雄相助, 我見所有comments都咁好, 於是就決定一試.果度真係幾隱蔽, 外面一個招牌都無, 去到既時候, 因時間尚早, 全間鋪頭得我地三個人, 隨即受到殷勤招待, 我都係第一次食川菜, 所以請佢地發板, 而佢地知道我地趕時間, 上菜亦都好快, 當晚食左:1.口水雞2.香辣青瓜3.辣子炒蝦4.水煮魚5.麻婆豆腐6.宮寶雞丁7.炒波菜8.擔擔麵因為我真係唔食得辣,所以每樣只係試左少少,我最中意當然係宮寶雞丁,酸酸甜甜又唔辣,水煮魚都好特別,魚肉好滑,而我2個friend就食得好開心,猛話從未食過呢種spicy food,即使經過幾日既行程周圍食, 佢地依然話呢餐最好味!所以雖然我自已唔嗜辣,但見到佢地咁滿意我都覺得呢餐好值得!

一行六人...到齊後老板娘問我們有什麼不吃,介不介意由她「發板」. 求之不得啦!!先有泠盆3個(牛展,白肉,青瓜),蝦,水煮魚,炸玉米(粟米),川辣雞,魚香肉粒,湯(有豬肉丸,金菇,蛋片).好吃,地方自由,又有酒杯提供....可再約朋友,酒友再吃.