Simplylife Bakery Cafe (Moved) New Location

朋友同我慶祝生日，我當然要食至愛既意大利菜啦，聽人講呢間餐廳唔錯，成日好多人喺門口排隊，於是嚟試吓。之前打咗電話book枱，準時7:45去到，reception姐姐話啲人未交枱，要我地再等，好彩佢話有枱就打電話比我地，咁我地都可以周圍行吓。等咗15分鐘終於可以埋位，首先比咗啲麵包比我地，唔知係咪好肚餓關係，都覺得ok，如果熱既就仲好。我地叫咗呢3樣嘢：1. 鱸魚茴香有機糙米飯 – 鱸魚好滑又夠大件，糙米飯就好creamy，感覺似食緊意大利飯，但比較膩，食完就好飽。2. 大蝦天使麵 – 大蝦好有炭燒味又唔會太乾，天使麵我不嬲麻麻地，但呢間就整得好好食，好香濃既茄汁又夠彈牙。3. 意大利煙肉芝士牛肉漢堡 - 麵包硬，牛肉太咸唔夠juicy，煙肉太燶同乾完全食唔到，好彩薯條較厚身幾好食，總括嚟講我覺得麥記個至尊漢堡好食過佢。另外我覺得啲枱太細，3個人坐張細枱但張枱擺咗啲嘢食後加埋杯碟刀叉係超迫囉。總括嚟講我就覺得食物普通，價錢又唔平，想食意大利菜下次去返Amaroni’s算啦。

26.10.20081) 餐前麵包啲麵包好香脆，每人兩件，食完都好飽la......2) 鮮蟹肉沙律 * 香辣芝麻花生汁 ($88) 超大碟嘅沙律，食完已經超飽！勁多蟹肉，啲菜好新鮮，真係好好味lor......如果有得叫half會好啲。 3) 五香燒春雞 * 意大利磨菇 ($108) 有兩件雞腿，好滑！啲汁好嘢味，唔識形容！隻磨菇又係好好味，正！ 4) 鱸魚茴香有機糙米飯 ($88) 啲飯勁有咬感，又唔會太硬，啱啱好！啲上湯滲晒落啲飯度，好好味！份量啱啱好，唔會太漏！鱸魚好滑，值得一試...... 我見好多人叫芝士蘑菰雞肉漢堡，下次試吓先！由於早去攞位，所以唔駛等。侍應做嘢爽快、有禮貌。抵讚......

星期六下午二昤許去到, 等了約5分鐘便有位. 該段時間是brunch menu.鱸魚燴有機意大利飯配茴香 – 大力推介! d 飯有嚼勁之餘, 又夠軟, 恰到好處, 而且d 汁剛剛好滲入飯中, 不多不少, 食到一粒都冇, 冇餸伴都好好味! 件鱸魚幾滑, 茴香成日聽, 但唔知咩味, 原來個質感有d 似洋蔥, 爽爽地, 但冇咁大味. 香蕉朱古力蛋糕 – size 係佢散點的一半 (原價是$25一件). 質地較硬, 似牛油蛋糕, 香蕉味不濃,對於不大嗜蕉的我可以接受. 所謂“朱古力蛋糕”, 其實只是兩層香蕉蛋糕之間舖了一層朱古力而已! 我的fd點了南瓜湯(配多穀包) + 大蝦天使麵, 佢話都OK. . 不過, 唯一美中不足係我個fd 剛開始飲湯, 就上埋個天使麵, 搞到凍晒.送每人一杯柑桔特飲, 好淡, 我只飲了半杯.服務幾好, 餐牌嘅主菜超過十項選擇, 由最heavy 的6oz.漢堡包至最light 的雞蛋波菜之類西式早餐都有, 只嫌價錢略貴, Cova 的light lunch 都只係$88一位, 佢要$98. 加埋一每人$101.

優　沙律份量大，內有好多蟹肉，麻醬味道剛好西洋風格裝修意大利飯好入味劣沙律太大碟了，兩個人去食唔晒，有半份order 就好了。洋蔥湯唔岩我口味，過我同我男友都覺得好難飲(唔知點形容)，事後問朋友話係咁樣味的位置太逼，係門口排隊好亂，派飛會好D

BRUNCH餐牌上的都吃得七七八八，就欠飯和漢堡，今天來個了結。是日餐湯為蘑菰湯，不知何故陣陣花菰味，不對自己口胃，放棄。仍是紅菜頭沙律，照舊新鮮，沒甚可陳。紅酒牛尾燴有機糙米飯要求多芝士，可惜侍應似乎都忘了。先吃那慢烤大紅蕃茄，鮮甜多汁，美味；牛尾（碎）很軟稔，紅酒味也突出，和飯很配，不錯。惟糙米始終不夠硬，不然一定更滿足。芝士蘑菰雞肉漢堡的自家製漢堡包焗得外脆內軟，薄薄的牛油已融化，好好吃。雞肉漢堡扒混入香草，味道很好，也烤得好熱，更喜歡它乾身卻不鞋口。失色的是那些伴菜，薯條又乾又硬又唔脆唔熱，不吃也罷；洋蔥則半生半熟，味道好怪。仍是雜莓果茶，這次要了少甜，剛剛好，清新。埋單二百塊多點，和隔離的意粉屋差不了多少，點都會再來。只希望餐牌搞搞新意思啦！

有少餐廳會用黑色做主調, 但係simplylife呢間黑得黎無令我有半點反感既感覺. 反而佢店內既麵包架令到店內的感覺倍感溫暖. 餐廳設計得好好. 餐牌無香港習慣性大批量既選擇, 只有一張紙choose, 好外國~~ 不過唔知係唔係好多人都係專登黎食甜品, 因為個餐牌既第一類型居然唔係前菜而係sweet~~~同友人都唔肚餓, 又想食甜品, 所以我哋兩個只係點左個意粉同埋沙律!grilled eggplant, tomato and mozzarella sala: 見到隔離枱有咁大碟菜我又點左個. 不過唔記得左火箭菜係苦既.... 我覺得麻麻. 不過水牛芝士好味道.叫左個牛肉豬肉腸仔意粉, 上枱既時候覺得佢好細個.... 不過如果係一個人食, 又會點沙律嗰d都夠食既. 不過如果係男仔黎既話就未必夠. 味道不錯.最好味既就係佢送既麵包... 黑色d嗰隻... 中間好鬆軟.. 正!本來想點甜品, 但係我屬意既banana pie比人早一步點左. 因為實在太想食批所以轉場無係到食甜品. 不過其實佢個black forest都應該唔差, 下次會再黎食!!

星期日下午與友人來到這裡享用下午茶這裡的氣氛的確一流. 餐廳播放的音樂十分柔和,令人有放鬆心情的感覺但是這裡的餐桌間的距離不是太闊, 要可能會影響傾密計的心情這裡的食物以輕食為主. 十分欣賞這裡的麵包, 特別是danish及cossiant . 十分精緻及美味.這裡的糕餅也是不俗的. 試過blueberry cheesecake.雖然它的cheese味道不是很濃, 但勝在它是落足料, 連cake裡面都有blueberries, 而且bleberries十分新鮮....總體是一件不錯的作品. 十分之享受.

4/10(六) 8pm是日的心情,患得患失.或多或多給那CRE試打垮了.M先生充當是晚的refreshment,多得他提前候座,甫到埗已能安坐蠻狹窄的位子上.於兩頁簡明的餐牌中,選了Onion Soup $4x,Seafood linguine $98及Organic beans & Spinach spaghett $72餐前的穀麥包相當軟熟,果然是拿手之作,服務生以飛快的速度把食物通通奉上Onion Soup--洋蔥湯顏色夠深,唯沒啥內在美,湯味殊不濃香,伴碟的法包舖上凡庸的芝士,普通不過的搭配!Seafood linguine--鱸魚,蝦仁及魷魚等海鮮不怎麼樣,意粉亦然,味道淡薄;半湯半芡的湯汁也好不了那!Organic beans & Spinach spaghett--有機豆,火箭菜,露筍及熟菠菜加上香草醬及菠菜意粉,一色青BB,很田園呢!跟Seafood linguine犯下相同錯誤,乏味透頂...侍應生效率過高,有點趕客之嫌;唯得跟M先生放下銀兩,轉戰下場...此等水準,跟鄰店的"意粉屋"沒兩樣.也許可為甜食多給這兒一個機會罷!

想黎呢度食左好耐，今晚終於有機會啦！一坐低，就送上一大碟法包，我朋友好鍾意食！我地就 order左以下既美食：凱撒沙律 ($62)：好大碟，菜好爽，但個 sauce唔香。鱸魚燴有機飯 ($88)：鱸魚肉嫩厚身；有機飯有咬口；個 sauce creamy又有清新既蕃茄香味，好正！黑松露汁燴幼麥麵 ($82)：非常香濃既黑松露汁，幼麥麵煮得剛好，我地一致讚好！牛肉漢堡扒 burger ($88)：超級厚身既牛肉漢堡扒，但乾身左少少，唔夠 juicy；漢堡扒上的 cheese也不夠香，如果 cheese係半溶化狀態會香些！食完以上食物，已經好飽，但慶祝我地三人生日又點少得 birthday cake呢！我地每人選擇左自己喜愛既蛋糕，餐廳幫我地即場寫名！Lemon Cheese Cake ($25)：軟身，Lemon味好清新，食落唔濟。New York Cheese Cake ($25)：硬身，芝士味好濃，係我既致愛，但因為已經好飽，所以食完好濟。Espresso Cake ($25)：軟身，好好好香濃又幼滑！呢度既 cake真係唔錯，而且價錢唔算貴！野食份量幾大碟，但張枱就細左 D，要食完一

2008-09-28七時來到，要等幾個字。唔知點解排隊位會涼浸浸排梗時，可以拎住份紙menu 睇定食乜o野。有時職員仲會派麵包片俾你試o下，朱古力味好食 如果坐出面都幾得意但就明顯迫o的進內坐了奇怪的廁所門口corner位……叫了東西，便即時來上一籃麵包。兩片普通的，兩片有提子，並附三小磚牛油，一o的都唔孤寒。因為女友細食，四片我全收……不過真係好食o既，個皮唔係好硬，包肉較軟身自己叫了個青豆蓉湯(好彩"竟然"無附包)，都幾好，唔算太"青草味"雞肉芝士蘑菇漢堡，呢個真的不錯。鞋口類的雞肉漢堡，加上芝士同烤香了的蘑菇，是很惹味。單是外面個"甜餐包"都唔會好似出面個o的甜得咁假。薯條亦新鮮白汁煙肉意粉，呢類係有o的洩，但我o地都好鍾意好飽

到朋友介紹到simplylife開飯, 很滿足的一餐7時多看到10多人的人龍在排著隊等位, 心想怎麼這間餐廳不派飛輪候呢, 可能是不想有叫號碼的嘈吵聲音但見大家也很耐心的在等, 也見open area的食客在吃的食物賣相很好~等就等吧...等了20MINS左右就有位了. 侍應也不忘拿了小吃(桑莓茶+牛角酥)來招呼排隊的客人, 很識做的!house bread basket- 附送的麵包, 起初不知道, 看人吃以為要自己點的onion soup- 不加cream的菜湯, 入面是熟透的洋蔥加黑椒, 清淡好飲, 伴湯的麵包加芝士烤焗過, 反而不如附送的house bread塗牛油好吃, 果然簡單比較好吃呢grilled eggplant, tomato and mozzarella salad- 自己一直也不喜歡火箭菜因為怕它的苦澀, 但這個salad令我初嘗它的美味, 一點都不苦之餘, 夾著芝士煙肉碎吃味道很配; 軟軟的mozzarella加蕃茄加茄子, 淡淡的很意式很美味; 不得不提balsamic vinegar+olive oil 這個salad dressing, 是本人的最愛 w

兩位姊妹是日與我去購物，之後來此處歇腳食晏。此店本就是D的愛店，亦是吾母常常拜訪之處，本人卻是首次到訪。 還未正午十二時，餐廳已差不多full-house， 人龍在十二時後很快出現並變得很長。各人叫一個 set brunch， 可選擇南瓜湯或沙律， 本人叫了後者，一個中型碗size，味道是非常好非常醒胃！ 伴碟的麵包太鞋口，很容易弄損口腔。餐飲叫了特色茶（叫咖啡太沒特色吧），感覺是一般。輪到主菜，本人叫鱸魚意大利飯，份量太充足了，意大利飯口感OK； D的茄子長通粉最好, 清新爽口，感覺最健康。E的水牛芝士沙律則有點嚇人，那些不易入口的火箭菜竟然堆得像小山丘般高，結果E還是要偷點長通粉和飯來填肚！我和D的碟上都有些芝士片，不過是硬硬的，乾乾的，入口也不討好，把這些拿走更好。是日天色不錯，坐在透明天花玻璃下吃飯，感覺很有歐陸 feel，這是此店除了 "簡單與健康" 之外的賣點吧。午市價格可以，晚市則不便宜，日頭來這兒 relax 下最好！

期待了很久的brunch, 百多元有湯, 主菜, 甜品還有特飲最喜歡就是南瓜湯, 很滑, 味道又好!會牛尾飯, 牛尾很嫩, 不錯不錯! 甜品是ㄧ件很小的chocolate cake, or cheese cake!特飲是ㄧ杯紅莓茶, 不是很甜, 很清!唯一不太好的是我們兩點多到三點的時候, 有點曬!

中午一時半來到,門口擠滿人,但又好掛著這裡,乖乖的排隊;侍應遞上透心涼的蘋果疏打,大概20分鐘後才入座,被安排到一個頭頂陽光猛得要戴墨鏡的位置,邊吃邊流汗,有點糟糕星期六的是BRUNCH SET;其實這裡的負責人好不好不要那麼懶,半年也不換一次餐牌呢....MENU上一半的都吃過了,這次要了2款PASTA分享如常的前菜,是日餐湯為南瓜湯,味道不賴,但就隱約有點羅宋湯的影子(?);雜菜沙律有我喜愛的紅菜頭,沙律菜也很新鮮,佐以感覺很LIGHT的黑醋,好吃;要讚的是今天的house bread,不過硬之餘,我那塊有乾果肉的更是令人難忘carbonara賣相吸引,單是鋪面的芝士已叫人垂涎;忌廉蛋汁做得挺對口味,不膩口之餘也吃得出傳統,好味;煙肉和煙香腸是神來之筆,甫上桌已嗅到很濃郁的煙燻味;唯一要彈是意粉不夠al dente(其實是距離甚遠的),但又因為醬汁實在美味,所以還是吃的好開心 松露汁野菌麥幼麵是等位時看到食客吃的很滋味而叫的,但沒有想像中驚艷;這個做的很腍,超軟趴趴的港式意粉呀...醬汁倒是出色,松露汁很香,使一道素菜變得很不平凡;不過,都是那句,想吃硬的的的意粉!餐飲是雜莓果茶(

Had dinner on Thursday night. phoned to book for a table for two at 6:30 but the waitress said that it has been fully booked. We can walk-in.We arrived at 6:30 and there are plenty of vacancy. However, we were arranged to sit on the road side. Many ppl walked by us in the shopping mall. Had a whole wheat spaghetti with braised lamb. There was only several thin pieces of lamb. It was very very "so". No other taste. The pasta may be cooked for too long time. All were broken into small pieces.