Simplylife Bakery Cafe

Open Now

Now Closed

星期六到這間餐廳食午餐，一份叫了燒春雞+沙律，另一份要車打芝士牛肉漢堡+南瓜忌廉湯。沙律菜新鮮脆口，南瓜湯滑口夠味，兩份前菜都不錯。燒春雞皮脆肉有雞味，與醬汁很配搭，只是份量較少；漢堡包的牛肉有很香的牛肉味，配菜新鮮，幾乎每次都點，可惜配搭的薯條比較失色，不夠香口也不夠薯仔味。$148有湯/沙律+主菜+飲品（果汁茶），價錢還可以，在沙田來說不算貴。

我來過Simplylife很多次。每一次都是食lunch,根本就冇試過tea time過嚟,但係今日順路又想食，見到又抵，所以就入咗去食了。ᕕ( ᐛ )ᕗ企咗喺門口等飛嘅時候，見到麵包部排晒長龍，成條走廊塞個水洩不通。等咗五至10分鐘左右啦，終於入得去啦，我覺得其實呢間Simplylife嘅服務幾好，唔似葵涌嗰間嗌極都唔理你。叫佢點餐嘅時候佢見到即刻行埋你問你食咩，服務態度非常好。我叫咗佢俾杯水我，過咗一陣佢都仲未比我。我叫佢過嚟吹佢俾杯水我嘅時候，佢好誠懇咁講左兩聲對唔住，認真唔係敷衍。下午茶真係抵，淨係$58咋。我嗌左個山羊芝士酸種包配火箭菜烤紅洋蔥 配青蘋果沙律。佢個酸種包配山羊芝士真係一絕。包嗰陣酸味突出山羊芝士嘅濃烈味道。但係佢個沙律真係唔掂，真係成兜菜切碎咁樣俾你，沙律正常有汁，佢又冇比汁，上面啲青蘋果為咗唔好氧化，之前浸住啲檸檬汁先。但係我一擺落口，啲檸檬汁就爆曬出嚟，酸到爆炸（我本身好食得酸） ！佢呢個沙律真係有待改善。如果大家都鍾意呢份食評，記住關注我同埋喺下面俾個心心啦多謝ฅ^•ﻌ•^ฅ❦

今日要就朋友交收所以入沙田新城市廣場，朋友說順便去Simplylife來一個Good afternoon tea😬simply life 一於貫往裝修簡潔，舒服，而且座位與座位之間也一定的距離，就算客滿也不覺得擠迫！Afternoon tea set 有多款選擇，價格也只是$58 加一服務費，跟一杯餐飲，可以選擇冰茶，汽水，咖啡或茶！墨西哥薄餅配雞肉，墨西哥辣椒，車打芝士伴香辣薯條...墨西哥薄餅一共有四件，細細件，容易食..車打芝士不少！冰茶是士多啤梨加香橙，甜度適中！

都成日幫襯呢間，D面包種類都幾多，我屋企人都鐘意食佢地D酸種面包，今日經過沙田又來左買面包，順便食埋下午茶，野食味道唔錯，份量岩岩好，但服務態度真係見人見志，好似落單果位先生，仲係一位經理，唔係好記得果名，態度好差，好似唔想做甘，問多句都唔想答，反而D服務員態度仲好過佢。唔知係唔係經理都經過唔想理，好有禮貌問另一個經理，麻煩俾杯水，佢冇好氣甘回答到，你可唔可以等等⋯坐低都冇杯水，冇服務，但係收服務費，仲要無端端受氣

見今日咁得閒，諗住同個仔去新城市Snoopyland玩下，玩完有啲肚餓，就去咗simplylife，諗住食個平平哋嘅下午茶，去到等左一陣就有位。因為個仔都好肚餓，就叫咗兩個餐。牛油果醬牛肉漢堡伴香辣薯條牛油果醬比較少，不過塊芝士勁大包住左塊漢堡扒👍🏻漢堡包塊包底面都有烘過，咬落去有少少脆，值得一讚！❤️塊漢堡扒幾juicy，咬嘅時候啲汁係嘴邊流出嚟😋墨西哥薄餅配雞肉·墨西哥辣椒·車打芝士伴香辣薯條薄餅入邊嘅雞肉同用晒嘅芝士撈埋一齊好香，咬嘅時候雖然唔係好食到辣椒味，但就聞到辣椒香，再加埋薄餅出邊嘅白汁，味道好夾！不過略嫌嫌啲餡少咗啲😅香辣薯條有少少辣，好嘢味😋薯條兩邊切成尖型（唔知係咪特登），但炸完之後令薯條更鬆脆！

今日星期五咁岩出開沙田，經過見到simplylife 冇咩人排隊，見又好耐冇食就行咗入去食啦。我哋大約七點入去，雖然冇咩人排隊但入面其實full house 咁濟。好食過我哋嗌左個安格斯牛扒dinner set 加咗餐湯同水果冰茶。佢個餐湯係南瓜甘筍湯，上面有啲蔥同埋芝士加左d層次感，而且啲湯唔會係好水嗰啲，飲落好足料，同埋好濃郁。個水果冰茶係帶少少酸嘅，唔會太甜。入面好似有啲熱情果同埋好似奇亞籽，增加口感。個牛扒份量適中，我哋要咗七成熟，煎得好好，冇過生或者過熟👍🏻肉質好淋，冇咩根，牛味都好重。另外都背左個牛油醬，不過我哋就冇點，齋食牛已經好好味。side dish蘆筍番茄都燒得好好，薯條好脆👅睇嚟講CP值都幾高！

每一次黎Simply Life都會叫牛扒食，食前例牌食的黑糖面包，今次面包比較凍，比較硬，不過南瓜湯係好好飲，好足料，好飲～ 冰茶今次調較得比較酸，冇之前甘好飲！ 肉眼扒叫左7成熟，肉淋多汁，好juicy，基本上唔洗點sources已經可以～因為本身已經有黑椒作調味。 薯條就我覺得炸得太燶，和略嫌有少少咸～ 最後，呢間Simply Life既環境係新城市既地下，都比較寧靜，可以方便傾計和私隱度高。 Waiter服務有禮

第一次甘早經過simplylife 原來有早餐係自己揀面包再加錢就有杯野飲甘揀完包就自己搵位，野飲等叫no. 就出去拎比較似快餐店形式，但環境就無甘嘈我簡單叫左個牛角包同熱朱古力牛角包$11, 加$15 有杯熱飲配牛角包唔會幫你reheat, 所以食個陣係凍既但d 頭尾位都仲有少少脆， 層次上唔算多水準一般，始終唔知專門賣牛角包店，可以接受熱朱好濃，偏杰身少少，好飲係度坐左大約一個鐘都見好多人黎嘆早餐，而且好多位，一定唔駛搭台，估唔到早餐同lunch dinner 既模式係差甘遠

利期去襯沙田做野都食利間😂一次晚餐 一次午餐午餐的確抵食好多講多無謂即刻去圖🙈午市：任何一個主食都包餐湯/沙律+冰茶 加一服務費（～$118）我就簡左沙律 食材新鮮，醬酸酸微微，好開胃餐包就一如既往既硬🤡真係次次食都一般主食係忌廉汁蘑菇烤雞肉扁意，整體我比8分，可惜係d雞肉太柴....冰茶-利次既冰茶清清地 吾太甜又吾會太淡 吾錯🤟🏻晚市：任何一個主食+$30先有餐湯/沙律+冰茶 加一服務費（～$163）今次都係叫沙律 都係好新鮮好味🥰餐包都係不予置評😂硬 但好過上次 又硬又loan冰茶- 吾知係咪 整得太耐好濃身 um...午市個杯較fresh 比較好利個係蘆筍青醬吾記得咩長通粉味道還好 我點完利個先醒起係素黎....其實我想食d肉😂 總括依然我幾鐘意佢環境同服務食物都吾錯做完野係到慢慢食抖下但無記錯午市限時得60分鐘晚市限時得75分鐘聽落有啲急但係其實都夠用嘅只不過唔建議同friend一齊喺度吹水敘舊隨時吾夠時間食😂😂😂

講到下午茶，其中一個抵食之選就是SimplyLife。至於午餐，它不算平，但質素卻是有保証的。既然嚟到沙田，便以它的西餐來祭祭五臟廟。餐廳設計新穎，門口有售賣自家製西餅及麵包。座位寬濶，週圍可見其所用食材作裝飾。午餐選擇不算很多，有雞丶魚丶意粉丶意大利飯及漢堡包等，必定可揀到一款。如果喜歡新鮮意大利粉，就要order 它的麵食，因為是即埸自家製，絕對新鮮。套餐有2個選擇，如果唔要前菜或餐湯，價錢是$98，要埋則為$108，午餐包一杯果茶。我揀了燒雞胸而朋友揀了慢煮肉碎濶條麵。沙律有多種生菜及青豆角，配以自製沙律汁，健康美味。餐湯是紅蘿蔔忌廉湯，香濃幼滑，表面加了藜麥，口感更佳。無論沙律或餐湯都配有一片麵包，煙煙靭靭的，加埋牛油，好好味。👍🏻👍🏻👍🏻烤雞望落普通，以為無配菜，原來全放在雞底下。配菜有煎香的薯仔及黃瓜，好味。雞用少少鹽及香草醃了，雞的表面放了一片很薄的巴馬火腿嚟煎，十分之香口，亦提升了雞的味道。雖然是雞胸，都滑溜。Yummy! 😋😋😋這個濶條麵有很香的蛋味，亦彈牙。濃濃的牛肉醬汁及肉粒掛滿每條麵，又香又濃，同樣好好味。👍🏻👍🏻👍🏻今日的餐茶是蘋果桃，甜甜地，有桃的香味。總結

上個星期貪平， 食左outbxxx 一份令人好失望的牛扒， 所以今日決定食simplylife ge 🥩! 其實上個月已經食過，但好回味， 所以食多次。因為我唔太喜歡血淋淋的肉， 所以叫左medium well。 個扒一黎到已經好香！ 食落真係冇令我失望 🥰😋😋😋 有牛味的， 雖然唔算好濃的牛味， 但$200 元左右， 我收貨了！ 有牛味， 又淋， 又juicy! 而且仲有grill 的味道😍 不枉我再返黎食😎但薯條就差啲， 好似成條薯條吸滿油的感覺， 好似好「索油」甘，差少少。餐前麵包唔熱都減咗少少分。但overall okay 👌🏻

經常會黎呢間沙田分店食breakfast and lunch, 因餐廳較大，環境舒適，最欣賞係呢間店的服務，staff 經常會講吳該及多謝，其他分店 (我試過超過6間) 好多店員黑口黑面 (包括經理)，一副吳想你幫襯個樣，真係影衰晒美心個招牌。食物方面，非常喜歡早餐set, 一個麵包配coffee or tea, 飲品就有特價 (L $15, S $20)， 星星一杯咖啡都$36啦。形式全自助，自己找位坐，無人serve但餐廳大，食得舒適。佢d 麵包出面吳會有，食過就知。十幾蚊一個麵包 (而且頗細個) 係有d貴，多數會食2個，但好食及獨一無二加優惠價coffee我又覺得可以接受，每星期都會黎1, 2次。lunch 方面，定價 set $108再加一，其實超值，我覺得平過新城市其他中西日餐廳 (以人頭計)，有d 仲要吳係幾好食。set 有 soup or salad 跟一塊 baguette, main+ice tea or soda (coffee 要+$15)。佢出品係genuine 西餐，吳係果d日式西餐或自以為係西餐的西餐。呢道個半春雞及魚好美味，最重要係所有食物都熱辣辣，pas

閒日想嘆個lunch,經開見唔算太多人，因為限聚令限2人，由12:50取飛～等左大概20分鐘，都好快～食物好味，水準唔錯，但只可食60分鐘有點趕，如果想悠閑一點就唔啱嘞。

Simplylife 已經開業多年, 店舖分布港九新界, 食物同服務水準仍然保持, 實在難得. 星期日早餐,另外一半好有要求,又要唔貴又要坐得舒服唔迫,唔使排隊等枱,另外仲要服務有質素! 這非Simplylife 莫属.早上十時前到,仲有枱,先坐底,再去落單.早餐是自助的, 先選麵包,加$15有杯Coffee or tea, Cappacino, de-caff, 都可以； 加$20就大杯另一半是的$20 rocket sandwich, 即係mushroom and egg on white bread, 我的是 $18 blueberry muffin. 兩個都好味. 其實每次行過Simplylife,都被佢啲 breads, pastries, 同cakes 吸引; 每樣都想食.佢哋的咖啡茶係都用心做. 因為係自助, 飽嚐美食之後, 記得將餐碟托盆放回去.

呢間餐廳一向限時75分鐘，加上成日個門口都企滿人等位，所以繁忙時間例必夠鐘就要你走。但佢出餐又吾快，搞到食得鬼咁趕。今日兩點先去食飯，見平時門庭若市嘅門口無人，難得吾洗等。我鐘意飲呢度餐湯同佢嘅法包今日無我最鐘意嘅南瓜湯，係甘筍湯，但餐湯兼具色香味，佢嘅湯濃稠creamy, 吾係稀到只係液體，我尤其鐘意佢刻意保留食材微粒，吾會攪拌至食吾出黎，飲湯之餘有少少嘢咬下，感覺真材實料。加上佢會加啲藜麥係上面，口感就更豐富仲有個黑法包呢間餐廳好少俾白法包，佢麥味濃，外脆內軟佢好耐無出冬蔭公海鮮糙米飯，好想食只好叫咗漢堡包，漢堡包份量大，牛肉漢堡吾乾，有肉汁，肉厚，配入面嘅蔬菜，感覺吾「漏」。佢仲可以選面牛油果蓉或煙肉，梗係要邪惡到盡，食香口煙肉啦。薯條脆，保持水準。傾下計，咁就食左個半鐘，今日無趕人走