勝記海鮮酒家

Open Now

Now Closed

放假約了朋友去西貢食海鮮，朋友就推薦了這間老字號，平時可能會在出面搵食，但估不到這裡又係一個超正景色同環境，餐廳在西貢西貢大街街尾位置，大大個勝記海鮮酒家Logo，絕對唔難搵，行返個去正面，個feel 更佳，餐廳有獨立房間，一班人都唔怕嘈住其他人，房間闊落座位舒適今日由識食嘅朋友發板，先來香煎手打墨魚餅，超級彈牙，墨魚味濃郁，咬開還有大大粒墨魚肉粒，口感十足！酒糟粉絲蒸鮮元貝，配以發酵酒槽嘅甜味帶出元貝鮮味，肉質實厚，加上蝦米、粉絲吸了醬汁，入口十分滋味!椒鹽鮮鮑魚，金黃的表皮酥脆香口，一口咬下去，與裏面鮮嫩彈牙的口感對比十分強，外脆內軟，口感豐富，配上香脆炸蒜，入口十分惹味龍吐珠 XO 醬炒海斑球，一條生猛海斑以兩食用處理，一邊用xo醬炒斑球，入口啖啖肉，加埋炒得十分惹味，肉質緊緻味道夠晒鮮味，起肉斑球後嘅魚骨部分，師傅將它炸至香黃金脆，食完斑球後可再以另一種食法將整條海斑泰式糟池龍蝦伴脆米粉，平時一係上湯，一係芝士，這裡就係用泰式風味咖喱去煮，味道絕對配合，龍蝦肉質固然彈牙爽口，但醬汁才是靈魂所在! 咖喱醬汁帶有檸檬葉絲，香氣四溢，加埋脆卜卜嘅米粉一齊入口，真係另人難以忘記，而醬汁

最近喺西貢試咗一間高質海鮮餐廳，餐廳環境非常舒適，無論係室內房間定戶外座位，都十分適合一大班人聚會。戶外座位仲有靚靚燈飾，氣氛非常chill。海鮮即撈即煮，非常新鮮。首先揀咗涼拌蟶子皇！蟶子通常清蒸或者爆炒，但餐廳獨創咗呢款涼拌做法，真係令人驚喜。蟶子灼熟後保持鮮甜嫩滑，配埋特製嘅涼拌醬汁，酸甜之餘又帶少少辣味，非常開胃嘅前菜。小食拼盤係餐廳必試之選😍避風塘脆金磚拼西貢墨魚餅。避風塘脆金磚外層炸得香脆，內裡豆腐嫩滑，配埋避風塘嘅蒜香同辣椒碎，真係香口惹味。 墨魚餅，手打嘅墨魚餅充滿彈性，入口Q彈鮮味，完全食得出係用新鮮墨魚製作，值得一試😋另外，椒鹽鮮鮑魚好好味🤤鮑魚煙韌彈牙，外層炸得香脆，椒鹽嘅鹹香同鮑魚嘅鮮味完美結合，每一口都充滿層次感！生焗啤酒尿蝦 ，呢款新菜式好有創意。用啤酒同瀨尿蝦結合，帶嚟全新嘅味覺體驗。瀨尿蝦用啤酒浸泡，肉質滲入淡淡嘅酒香，生焗嘅做法令肉質保持鮮嫩，配埋薑蔥同胡椒嘅香氣，整體味道鮮甜濃郁，絕對係一大亮點。糟池汁龍蝦配脆米粉，龍蝦🦞肉質厚實彈牙，糟池汁本身酸甜微辣，帶有濃厚嘅泰式風味，加埋脆卜卜嘅米粉，醬汁同脆米粉一齊入口，層次豐富，非常滋味！最後甜品有杞子桂

今日我地又入咗西貢食海鮮餐，位置係西貢翠塘路盡頭露天停車場旁邊嘅勝記海鮮酒家。餐廳就喺正停車場隔離，泊車勁方便！🥢小食拼盤頭盤係避風塘脆金磚拼西貢墨魚餅嘅小食拼盤只要Like 同Follow 勝記海鮮酒家嘅社交平台 account就可以食到！兩款小食都係餐廳必食推介，脆金磚外皮炸漿香脆包裹住嫩滑豆腐,，配搭避風塘做法,，香口惹味。手打西貢墨魚餅咬落Q彈， 絕對食得出材料新鮮。🥢涼拌蟶子皇依味菜需要早啲預訂，先可以準備到足夠嘅材料，係絕對值得試試嘅！唔同一般清蒸或爆炒嘅煮法，特別烹調嘅醬汁好香麻油同蒜味，涼拌灼熟咗、肉質彈牙嘅蟶子肉，絕對係一款開胃菜之選。🥢椒鹽鮮鮑魚依個係店家嘅招牌菜，靚靚嘅擺盤！煙韌彈牙嘅鮑魚配上薄薄嘅椒鹽味香脆炸漿, 又係餐廳必食推介之一。🥢生焗啤酒瀬尿蝦重頭戲係生焗啤酒瀬尿蝦，由生焗到熟！用啤酒浸透瀬尿蝦令肉質滲滿酒香，之後再用薑蔥胡椒生焗，肉質鮮甜加上淡淡酒香，另有一番風味。🥢糟池汁龍蝦配脆米粉糟池汁係泰式風味嘅醬汁，香味濃郁，配搭啖啖厚肉彈牙嘅龍蝦，再咬上沾滿醬汁嘅脆米粉，滋味無窮。即日起至2025年2月28日，登記成為「勝記海鮮酒家」會員，即送$100電子優

好多人同我一樣都好鍾意食海鮮，尤其去最有特色嘅地方食會有一番風味，是日又同好友一齊去咗西貢係其中一度最著名嘅食海鮮勝地開飯，目的地係西貢大街嘅勝記海鮮酒家佢都係攞咗米芝蓮一星嘅餐廳，鋪面外嘅裝飾好有特色風情，如果晚黑嚟應該仲靚地方打卡一流望住過海，事不宜遲開始點餐嘅時候，海鮮當然唔少得啦，佢仲有其他特色菜式提供，先來有呢款小吃香煎手打墨魚餅，襯埋個酸辣汁，入口香脆內軟口感飽滿再來就係海鮮菜式正式登場，先來係酒糟粉絲蒸鮮元貝，平時都係蒜頭蒸粉絲，今次係酒糟味道食落好開胃，元貝肉質又鮮甜多汁緊隨係呢度嘅招牌菜式必食之一椒鹽鮮鮑魚，色香味俱全，肉質鮮嫩爽彈，配上椒鹽食落當然惹味海鮮陸續有來，接着龍吐珠XO醬炒海斑球，賣相特別精緻睇得出廚師工架出色，厚切魚片入口啖啖肉之餘魚味濃郁除咗食到魚片之外，仲有佢嗰副香脆嘅魚骨連肉，同時有一鮮一炸兩種口感滋味十足跟住係蜜糖芥末山楂骨，味道會有幾種層次，肉質好腍骨肉分離，唔經唔覺又食了幾款出色美食，係時候食返個泰風味肉碎炒飯，估唔到可以喺度食到泰式風味美食有驚喜唔止海鮮出色其他都有咁高水準，最後甜品糕點係桂花糕同益力多，唔經唔覺又品嚐完一餐海鮮盛宴。

以前爸爸仲做緊生意嘅時候，我哋每年都會去西貢食海鮮，主要係同佢嘅生意夥伴聯絡感情，擺番幾圍大家開心吓。西貢海鮮，出晒名，每次都開懷大食，飲下酒一樂也。爸爸預先寫好菜單，店員服務殷勤，有禮貌，很快招呼好我們便上菜。酒糟粉絲蒸鮮元貝即叫即制，在餐桌上仍能享受新鮮熱辣的鮮元貝，酒糟增加趣味性，味道確實相當特別。酒糟的香氣和淡淡的甜味，艷紅的外表，增強元貝海鮮的鮮味，賣相更加豐富。粉絲吸收了酒糟的味道，口感滑溜，酒香與元貝搭配十分和諧。椒鹽鮮鮑魚勝記 出品的椒鹽鮮鮑魚，味道非常出色，多人食嘅話擺盤亦十分精美。鮮味十足的鮑魚，本身肉質鮮嫩，富海洋鮮味，口感滑順。椒鹽調味令鮑魚外層更加香脆，配合蒜香和微辣，口感增添了層次感。泰式糟池龍蝦 伴 脆米粉平常嚟西貢食海鮮都係食清蒸或者蒜蓉的煮法，龍蝦一般都係食上湯。今次就好有驚喜，泰式的做法。泰式糟池更加好味，食到檸檬草、魚露和辣椒的清新和香辣。龍蝦肉質鮮嫩，與泰式醬料，令人回味無窮。泰式糟池色香味俱全，色彩鮮艷，視覺上就很吸引，加上香氣四溢，在席間大家都食欲大增。值得一試伴脆米粉，泰式糟池醬汁濃郁，脆米粉酥脆可口，搭配相得益彰。香煎手打墨魚餅煎得金黃香

名不虛傳的海鮮酒家，曾連續4年獲得米芝蓮一星評級。食材新鮮，即撈即製游水海鮮！ 追蹤酒家IG送原價$148小食拼盤，有避風塘脆金磚和西貢墨魚餅。避風塘脆金磚的外層酥脆；內裡綿密滑溜，而西貢墨魚餅則鮮味彈牙。免費贈送的也沒偷工減料，不能不給個滿分！ 涼拌蟶子皇需提早預訂，惹味之餘份量又多，十分值得一試！蟶子皇滑嫩爽甜的肉質在涼拌的處理下更加突出。酸甜的醬汁恰如其分地提升了整體味道的層次感。 椒鹽鮑魚的賣相美侖美奐，鮑魚的肉質厚實腍滑，作為椒鹽控，又要打個滿分！ 生焗啤酒尿蝦以一整個正在冒煙的熱鍋上枱，甫上枱即傳來撲鼻的香氣。瀨尿蝦厚肉大隻，吃時啖啖肉，超滿足！椒鹽瀨尿蝦相信大家食得多，今回首次棄椒鹽嘗試啤酒焗。做法是先以啤酒浸透瀬尿蝦，然後以薑蔥胡椒生焗。啤酒和海鮮的融合帶來獨特的味道與層次，不會比椒鹽遜色，值得一試啊！ 糟池汁龍蝦配脆米粉底呈現了泰式風味，原隻龍蝦，超多、超大的啖啖龍蝦肉，簡直大滿足！糟池汁是用咖喱和椰奶煮成，以椰香為主，辣度非常輕微，因此適合不嗜辣的我倆。龍蝦肉質緊實而彈嫩，配上脆米粉蘸糟池汁，是爽嫩與酥脆的對比，口感層次豐富，必試！！ 敬贈桂花糕和益力多糕，作結完美

到西貢，大多數人也喜歡在市中心附近覓食，而我自己反而比較喜歡偏僻少少嘅市場街；在那邊有很多咖啡店，還有一些有特色嘅小餐廳，比在市中心那邊遊客區更加吸引。但如一大班朋友到來，小店就感覺有點狹窄，那六福菜館 或 勝記海鮮酒家就會顯得比較適合。上星期日假期，約了一班朋友到勝記聚餐，而菜單則由其中一位友人事先預訂，平均每位不用壹仟元，都算抵食。未人齊，一於食住友人由澳門帶回來的手信「最香」，杏仁餅咬落有杏仁粒及帶有濃郁的杏仁味，香脆可口，真係食過返唔到轉頭，難怪近年會越來越出名，據說現在還要限量購買。第一味上場的係「香煎手打墨魚餅」，表面煎至金黃微脆，食落爽口Q彈帶墨魚香，可按個人喜好配上酸甜醬一齊食，我自己就比較喜歡淨食。第二味係「花雕酒醉瀨尿蝦」，友人事前已要求食店煎開蝦殼，所以食落更加方便，而且蝦肉能更加入味，肉質鮮甜嫩滑，花雕與蝦肉配合得天衣無縫，非常美味，食落別有一番風味。(記得事先預訂)入口鮮甜又香滑的「蕃茄薯仔木瓜煲魚湯」，湯底色澤奶白，木瓜及薯仔已煲至幾近完全溶解，令湯底味道更加香濃；因木瓜含豐富蛋白質、氨基酸及維他命，有滋潤開胃又健脾的功效；可惜每人得一碗，有少少唔多夠喉。😅

《勝記海鮮酒家 - 西貢》西貢一向都出名食海鮮🦞不過食邊間其實都有講究架，有朋友有好野食😆今次成班朋友一齊去左勝記食海，如果唔係有人帶都唔識黎，聽講年中都有不少達官貴人同名人黎食飯架😉真係威威子🤩我地十個人一共叫左9樣野，份量剛剛好仲有甜品食添😋攬住個肚番屋企呀💁🏻‍♀️香煎手打墨魚餅第一道菜係傳統嘅手打墨魚餅，作為開胃前菜最啱不過💪🏻墨魚餅煎得香口，入面食到粒粒彈牙嘅墨魚肉，點泰式辣醬最適合💁🏻‍♀️蕃茄薯仔木瓜煲魚湯飲完即刻覺得好滋潤既魚湯，我平時好怕木瓜陣味的，但呢個蕃茄薯仔木瓜魚湯唔會飲得到嗰陣木瓜嘅澀味，暖笠笠飲完成身都好舒服😌💁🏻‍♀️酒糟粉絲蒸鮮元貝第一次食呢一個配搭嘅蒸元貝，首先係佢有一陣紅酒嘅清香，一打開個蓋嘅時候就已經聞到嗰陣新鮮嘅海鮮味，粉絲吸晒酒糟嘅香氣同埋元貝嘅甜，配埋上面隻蒜蓉真係好惹味💁🏻‍♀️椒鹽鮮鮑魚椒鹽鮮魷就成日都有機會食，但係用椒鹽嘅方式製作鮮鮑魚真係比較少食得咁奢侈😆入口彈牙，而且擺盤好靚，用嚟打卡一流啦😍同埋椒鹽嘅味道同鮮鮑魚其實好合拍，咩都唔使點就已經夠晒鮮味💁🏻‍♀️龍吐珠XO醬炒海斑球原條魚脆炸咁樣上，一魚兩食，入面嘅魚肉用嚟炒斑球，而出面嘅魚皮同

對於我哋呢啲都市人嚟講，週末約埋朋友一齊入西貢食吓海鮮，飲杯咖啡，影相打卡，大概已是不錯的節目。上一次食過六福，今云試試區內另一間名店，勝記海鮮酒家。慵懶既筆者，當然又係跟大隊行事，有人先預先寫好菜單，準備得妥妥當當。人齊開飯！打頭陣的香煎手打墨魚餅，質感十分彈牙，鮮味十足，有人喜歡吃原汁原味，但我覺得沾些少甜甜酸酸的雞醬會更加好吃。之後是整餐我最欣賞的花雕醉瀨尿蝦，肉質鮮嫩爽口，酒香恰到好處，沒有搶去瀨尿蝦的風頭，很讚！在這類地方想喝湯，真的不用花巧，呢度大把雜魚，簡簡單單的番茄木瓜煲魚湯，家常味道，已肯定鮮甜到一個點。椒鹽鮮鮑魚是這兒的名物，又點可以錯過。鮑魚披上薄薄的黃金外衣，咬落香脆而內裡仍是十分軟腍，吃起來也夠惹味。接著來的酒糟粉絲蒸大元貝，紅酒糟也真是比較罕見，色澤誘人，其酒香亦昇華了整件事，結合粉絲，以及火侯恰到好處的元貝，呢道菜都幾有趣。最後一道海鮮菜色，乃泰式糟池龍蝦伴脆米粉，估唔到竟然在此吃到泰式風味！澳洲龍蝦肉多，質素不用置疑，當然識飲識食既朋友都會知道，墊底炸得酥脆的米粉從不是配角，自行注入泰式咖喱汁，果真不錯。萬料不及，海鮮以外的菜色都咁精彩，如這道蜜糖芥末生

位於香港的東面的西貢，是一個享受行山、小島遊、天后誕廟會等的勝地，假如懂得在西貢覓食，配合加分的特色購物，西貢的一天遊經常是我和朋友愜意和滿足的旅程！十二月風和日麗的星期天，以西貢「勝記」作為第一站，肯定是 Sure Win 的一天！第一道 Sure Win 是香煎手打墨魚餅，光是香氣和金黃色澤已夠誘人。繼而感受鬆彈和墨魚鮮香，簡直沒有不愛的理由。第二道 Sure Win 是花雕酒醉瀨尿蝦，一般只在晚餐時段供應，假如中午用餐，必須提前預訂。從小便愛吃瀨尿蝦，對於瀨尿蝦獨有的鮮甜細嫩最是欣賞。花雕酒醉瀨尿蝦為瀨尿蝦添上恰好的酒香與層次，又能將瀨尿蝦原有優點保存，帶出齒頰留香的滋味！吃過花雕酒醉瀨尿蝦，是時候來一碗醒胃清甜潤的蕃茄薯仔木瓜煲魚湯。椒鹽鮮鮑魚也是「勝記」的 Sure Win 之選！將大連鮮鮑魚以椒鹽方式烹調，外層微脆焦香，內裡彈牙可口，呈現鮑魚過癮的一面。海鮮要新鮮，但怎樣將優點帶出，亦是一大重點！別出心裁的酒糟粉絲蒸鮮元貝，把一貫蒜蓉踢走，換上自家用心製作的酒糟，無論元貝或粉絲，均沾上香香甜甜的健康風味，相信唯獨 「勝記」方能體驗得到的 Sure Win。當吸收力極強的脆米

冇得去旅行真係有啲悶放假就去香港後花園西貢蒲吓啦！入得西貢梗係要同老婆大人食埋佢最鍾意嘅海鮮先返歸。呢次揀咗西貢出名嘅勝記海鮮酒家，門面靚到一個點真係冇得輸唔知啲嘢食係咪一樣咁正呢。酒家入面有好多舒服嘅貴賓房夠晒闊落仲有個露台仔！好似而家咁嘅天時打開窗門就可以聞到海水味。先整啲前菜食吓呢個係脆皮滑豆腐！夠香徇脆唔油已經係合格加埋入面嘅豆腐滑嘟嘟咁好唔錯。老婆大人最鍾意食象拔蚌刺身就整返條佢嘆吓啦！新鮮嘅象拔蚌爽脆又夠鮮味掂喎，仲可以食到三個部位可以試吓唔同嘅口感正呀喂。瀨尿蝦食得多但係花雕醉瀨尿蝦都係第一次試！好鬼鍾意已經將啲殼去咗唔使驚整親個嘴，瀨尿蝦肉嘅質地好正唔會霉口，加埋佢有一陣陣嘅花雕酒味真係好鬼正。椒鹽鮮鮑魚夠晒惹味咬落去好彈牙鮮味都好夠，用咗椒鹽嚟整對我嚟講係特別吸引嘅。嚟呢度食海鮮真係有好多第一次！酒糟粉絲蒸大元貝係我諗都未諗過嘅組合，紅酒糟有佢獨特嘅鹹香味撞埋落新鮮嘅大元貝呢個味道真係好唔錯。呢個型仔到爆嘅係泰式糟池龍蝦伴脆米粉！呢度用咗泰式嘅方法嚟整新鮮龍蝦，仲以為淨係會食到濃郁嘅醬汁味點知又整到啱啱好，食到汁嘅香濃味又唔會冚咗龍蝦嘅鮮味真係有料到喎。師傅驚我哋食唔

曾榮獲多年米芝蓮一星西貢勝記，多款招牌海鮮名菜，就只有這裏有！香煎手打墨魚餅惹味香口，有墨魚粒加入馬蹄好清爽口感彈牙，滿滿鮮味～蕃茄薯仔木瓜煲魚湯加入木瓜味道層次更豐富，煎香魚仔再壓榨，飲落魚味好濃郁，口感超順滑！椒鹽鮮鮑魚鮑魚一定要食椒鹽，薄薄炸皮完美包裹，舖上邪惡炸蒜，食落鮮味香口，厚肉彈牙！龍吐珠XO醬炒海斑球超有份量東星斑，一魚兩食用xo醬炒球完全無掩蓋到肉質緊緻度同鮮味，魚骨炸至金黃香脆，另一種食法！酒糟粉絲蒸鮮元貝自家製紅酒糟方式挺特別，據講需半年時間惹味之餘比蒜蓉更突顯元貝原來鮮味！泰式糟池龍蝦 伴 脆米粉龍蝦用上泰式咖哩汁做法超惹味，脆米粉配上惹味咖哩汁吸收晒咖哩醬半脆狀態！泰風味肉碎炒飯泰式肉碎炒辣辣地勁惹味～推介！蜜糖芥末山楂骨山楂調味酸甜醒胃，加上蜜糖芥末醬酸甜度更加恰度好處！薑汁炒芥蘭食飯總會有碟菜，選擇芥蘭最嫩部位，保留薑粒，用薑汁炒較清爽解膩自家製糕點桂花糕同益力多糕，較喜歡益力多糕！

西貢米芝蓮食府，超多名人會去，聽說上面的包廂都是特別為他們而設，有幸朋友帶我們去品嘗！點的是招牌海鮮菜式，真的一道比一道有驚喜！香煎手打墨魚餅當開胃菜，裡面有墨魚粒及馬蹄，爽彈鮮味。 再來是蕃茄薯仔木瓜煲魚湯，濃郁鮮甜原汁原味，好味到再添幾碗都可以😌本身不是鮑魚的粉絲，但這道椒鹽鮮鮑魚，薄薄炸皮完，加上香口炸蒜，咬落外脆內軟，做成強烈對比。 再來酒糟粉絲蒸鮮元貝，用上自家製紅酒糟，聽說不是常有的，鮮嫩元貝加上酒糟的香，留下深刻印象！ 重頭戲是龍吐珠XO醬炒海斑球及泰式糟池龍蝦伴脆米粉。 東星斑一魚兩食，xo醬炒無骨班球，香而鮮滑，魚骨炸到脆卜卜再切件，勁惹味！ 至於以泰式醬汁煮龍蝦，醬汁香滑但唔會蓋過龍蝦鮮味，伴香脆炸米粉好有特色。其他還有夠鑊氣泰風味肉碎炒飯、酸甜醒胃蜜糖芥末山楂骨，及自家製甜品。 每位都只是$600左右，相當抵食！