坡椰坡囉咪

Open Now

Now Closed

今日陪媽咪嚟過灣仔整文件經過呢間餐廳見菜式都幾吸引就試下～入內環境以白啡色為主調，配淺灰色梳發及白枱牆上仲掛咗少量裝飾，望落乾淨整潔又坐得舒適睇過餐牌先，好幾款都想試～仲有特飲好吸引兩個餐都有附送例湯，今日係節瓜花生微豆湯飲落清甜-娘惹喇沙配厚切豬扒 $68賣相好靚仔～喇沙湯頭鮮美濃郁而椰香撲鼻，微辣又惹味魚片彈牙，豆卜入哂味，油麵爽滑而米粉濃香整體濃厚得來又不會過膩，認真不錯～厚切豬扒超大塊，食落酥脆爽嫩而口感飽滿配埋醬汁增添風味～海南雞飯套餐 $68 轉雞脾+$8雞脾外表金黃油亮，油脂分佈平均，食落鮮嫩滑爽油飯粒粒分明而光潤軟綿，啖啖油香～跟餐加配 春卷 $22外表金黃而食落鬆脆軟嫩跟餐加配凍拉茶 $12睇住水吧即場拉茶，賣相如同瀑布滿瀉啱哂打咭味道不錯添，茶底香濃而細滑，甜味剛好～跟餐加配美祿恐龍 $15滿滿的美祿粉山加埋棉花糖認真吸引啱哂鍾意朱古力的朋友～整體味道不錯，環境舒服，價錢適中性價比高，值得再來～

📍CWB - HONG KONG 📍#坡椰坡囉咪 銅鑼灣食野貴就係人都知嫁喇，但又知又比我搵到新野試下🤪🤪個舖名都得意過人🥹#焗農夫咖哩包佢分左有辣d嘅印度蕃茄咖哩🇮🇳同甜d嘅新加坡咖哩🇸🇬重有厚切豬扒，香茅雞扒，牛脷同牛筋腩揀🐮🐓我就揀左豬扒，最中意連住少少肥，唔會乾😋 香茅味濃，重切到一口size 咁🩷 咖哩重無話好辣，同個包一齊食好惹味☺️個包重焗到好脆🍞重好貼心咁再跟左個汁比你點🥘#沙嗲串燒半打我就叫左豬，雞各半🍢醃得好入味，用黎點住食嘅沙嗲花生味重d，質地同醬差唔多咁濃😋我每啖都夾少少醬，正🥰#馬拉肉骨荼呢個叫左套餐，包哂有野飲同菜🥬肉骨茶中藥味重，但又無話好苦🤤重一舊勁大隻嘅菇、三大舊肉同一字排🐷飲落去好舒服，正#馬拉盞通菜無食馬拉盞又點叫食左南洋菜🫣🫣佢嘅馬拉盞唔辣，勁香蒜頭同乾葱頭味🧄#拉茶見到佢個泡泡瀑布即刻要影返張相先🤪茶味香濃，奶味同茶味個比例幾好，又無話太甜🤣飲落都順滑，重大大杯🥛#美祿恐龍見到隔離勁邪惡咁忍唔住跟😈講真，一定會甜d嫁喇，不過到飲到最後 d冰溶溶下都勁濃郁真係好滿足😮‍💨到睇menu先知佢全日都唔收加一🥹咁抵食重有下午茶同晚市套餐🥹銅鑼灣食到呢個價

坡椰坡囉咪📍地址：灣仔天樂里6號地下甘岩去到灣仔😎行下行下 見到呢間 甘平嘅新加坡菜 見餐牌又好多選擇 當日就揀左呢間 黎食入到去睇完餐牌 想試下佢地嘅焗咖喱農夫包(大) 配 招牌厚切豬扒豬扒 $85馬拉肉骨茶套餐$70沙嗲串燒(半打)(豬肉同雞肉）$84拉茶瀑布 $25美祿恐龍$25 食新加坡野 點會唔試肉骨茶當日叫左呢個肉骨茶有 菜 飯 同一碗肉骨茶 佢嘅味道比較濃味 如果唔太鍾意中藥味可能呢個唔太岩你 但係 佢嘅肉係幾軟 幾淋 唔會話要咬好耐先可以食到 覺呢個套餐好好 有菜 肉 湯飯 一個餐滿足多種願望焗咖喱農夫包(大) 配 招牌厚切豬扒豬扒 豬扒真係厚切 量多 汁都多 咖喱微辣 但用黎點佢個飽一流 個包外脆內軟 好岩用黎點汁食 😎我就一到食豬扒 一到 食啖包汁 肉包 夾埋嘅口感好唔錯👍🏻串燒 唔點醬😎其實都好惹味 拉茶瀑布 人手即拉 一黎到見到 已經覺得打卡一流😎朋友就話有少少甜 如果可以少甜會更好😎

裝修格局同一般茶記, 主打新加坡菜,坐到20人~價錢應係親民價錢~ 晚上都係HK$75-HK$80,仲要大大份, 性價比高👍👍咖哩面包(HK$85): 咖喱有得揀要新加坡定印度口味~我就怕辣揀左新加坡配厚切豬扒~肉骨茶套餐(HK$70):偏藥材味重, 撈飯幾好味~ 有3至4支骨🤭肉都好淋~馬拉盞炒通(HK$58)菜岩晒重口味朋友🤭我自己都可以清晒成碟🤤天氣熱到咁, 我都叫左杯岩晒打卡既拉茶, 7分甜幾好🤭

📌 坡椰坡囉咪 - 灣仔天樂里6號地下🗓(27/6) 星期二 ⏰ 晚上6:30左右 💈特式：每日收工都必經灣仔轉車返屋企，但今日經過見到有間開左無耐嘅星馬菜餐廳，又諗住同同事食埋飯先一齊搭車，所以就試一試呢個新開餐廳質素如何。🥩🍔🌭🌮🥗🥯🥘🍲🍝🍣🥟🍤🍱食物：上網睇返餐廳只係今年年頭先開，主打食物都係星馬風味，例如海南雞/肉骨茶/喇沙等等，而家等我同大家講下🇸🇬味道先。馬拉肉骨茶套餐 $70 - 我本身都好鐘意飲肉骨茶，見佢個顏色咁黑，就知道藥材味夠晒濃郁，但入口都幾鮮味，排骨份量都幾多，而且炆到入晒味，個套餐除左白飯，仲會配埋油炸鬼同油菜，只係收呢個價錢都幾親民。焗農夫咖哩包(牛脷) $85 - 可選新加坡咖哩或者印度蕃茄咖哩，我地就揀左未試過號嘅新加坡咖哩，辣味偏輕微，香料味好濃郁，椰漿味好重好香，牛脷厚切，大約有7~8件，個農夫包有輕微用牛油烘焗過，外脆內軟仲好香牛油味，配埋咖哩汁食，一流。沙嗲串燒雞肉(半打) $84 - 佢地即燒嘅沙嗲燒得好香口，雞肉肉質嫩滑又有肉汁，配埋個微辣嘅醬汁，真係一條接一條食唔停口。魷魚灼通菜配馬拉汁 $50 - 呢個炒菜都幾抵食，魷魚用

好耐冇食過東南亞野屋企人話上網見到呢間嗰名好搞笑嘅星馬菜餐廳🤪一於放工同佢哋試吓我哋一坐低就即刻送上例湯😌🌟是日例湯-花生雞腳湯例湯好足料🥰成隻雞腳仲有好多花生同紅蘿蔔同媽媽啲愛心靚湯有得揮🌟海南雞飯餐雞肉好嫩滑同juicy夾起件雞嘅時候雞汁仲滴緊落嚟🤤雞皮厚但一啲都唔膩雞油之香就算唔點甜醬油同海南雞醬都好好食嗰油飯都做得好出色👍🏻啲飯香得嚟乾爽唔膩🍚粒粒分明🌟焗農夫咖哩包配牛脷曾幾何時有一排好興農夫包估唔到依度有得叫😍農夫包表面搽咗牛油再焗咖哩可以揀新加坡咖哩或者印度蕃茄咖喱我就揀左新加坡咖哩襯返我哋呢餐星馬dinner牛脷分量超多🥰塊塊都厚切🌟馬拉盞通菜星馬菜點都有一味馬拉盞鹹鹹香香嘅馬拉盞通菜😋超級惹味🌟拉茶拉茶有個泡沫瀑布🤩師傅係水吧即刻拉🤳最啱打卡奶茶奶味香濃🌟鮮奶紅豆冰紅豆粉得嚟煮得好腍夏日炎炎消暑最啱-入面座位寬敞，坐得舒服價錢仲好親民🤗值得下次再encore

坡椰坡囉咪呢個中文名聽落好似魔法咒語咁，一聽到呢個名就比佢吸引咗~ 其實坡椰坡囉咪係一間主打新加圾菜嘅本地小店~我地order 咗✅焗農夫咖哩包配香茅雞扒，農夫包外層烘到微微脆身，入面依然軟腍腍~ 農夫包入面放曬咖哩同香茅雞扒，睇落去好吸引~ 而佢呢個農夫包嘅咖哩係用咗新加坡咖喱，感覺少少辣而又唔會好勁，幾值得一試~🥰我地仲order 咗新加坡好出名嘅✅海南雞飯，啲雞軟滑嫩腍，點少少醬仲可以加強佢嘅鮮味~ 而佢地嘅雞油飯粒粒分明，亦都好入味~🤩✅沙嗲串燒燒得好靚，外層微微燒焦，好吸睛~ 有啲surpirse 佢嘅沙嗲醬係稠身嘅，如果水狀少少啲串燒就可以點多啲沙嗲醬啦~ 😋✅拉茶係佢地其中一樣must-order 嘅飲品，勁多泡泡係杯出面好啱打卡~ 呢個拉茶味道有啲似奶茶，好美味~😆

好欣賞個餐廳名，夠特別！大家跟住讀一次，坡椰坡囉咪！係咪好快入左腦呢！🤣🤣銅鑼灣站A出口時代廣場出，穿過鵝頸街市， 好快就見到對面馬路嘅右手邊就係。環境光鮮衛生企理，午市時間都幾多人。🍜+🍗娘惹喇沙 配 海南雞(+$2,脾位+$8)✨️喇沙麵底可以揀油麵/米粉，我唔係小朋友啦！就當然why not both地叫兩溝滲滲😎湯底味道層次豐富，帶椰漿香，有辣椒碎，惹味得嚟又唔會辣。豆卜吸曬啲湯，正！魚片都彈牙。✨️海南雞質素真心高！一啖咬落去就食到好香濃嘅雞味，肉質嫩滑，正宗新加坡式，配有黑豉油、辣醬同薑蓉，但真心d雞好鮮美，咁鮮我自己prefer咩都唔點，正！原以為套餐有兩樣嘢食，兩樣份量都會少d。但點知份量絕對唔野少！其實淨係碗麵都夠飽。🍺🧋拉茶瀑布 $12必試推介！第二度未見過，呢個奶茶無論造型同味道都好🉐️！人手即拉，滿到瀉既拉茶瀑布，放咗喺度一陣啲泡沫造型都依然喺度，欣賞佢凍得嚟都唔會好多冰（無嗌少冰架！）衡量埋個價錢咁抵，真係絕對冇得輸！🉐️推介！值得下次再嚟坡多椰👍👍👍

前晚同fd喺灣仔食飯，見到好多人試呢個咖哩農夫包就入去試下。焗咖哩農夫包配招牌厚切豬扒 $85主菜可以揀厚切豬扒、香茅雞扒、牛筋腩、牛脷等等。咖喱口味就有印度蕃茄咖喱或者新加坡咖喱。我揀咗厚切豬扒+新加坡咖喱，農夫包好大個，外脆內軟，點咖哩汁好好食。豬扒好重香茅味，肉質幾嫩，好抵食。另外仲叫咗喇沙配羊架。喇沙好大碗，足料惹味。羊架大大件啖啖肉，一啲都唔羶。沙嗲串燒 (雞肉/豬肉) $84/半打串燒叫咗雞同豬各三串，雞肉腌得好入味，肉質好嫩，唔洗點沙嗲醬已經好惹味。拉茶瀑布(凍)呢一個打卡一流，好大杯奶茶，係人手即拉，唔會太甜幾好飲。

打卡一流瀑布奶茶🌸 馬拉肉骨茶套餐 轉椰漿飯🌟🌟🌟🌟肉骨茶藥材味適中，容易入口。椰漿飯加入唔同香料但到最後會食到淡淡椰漿味。🌸新加坡咖哩厚切豬扒飯套餐 🌟🌟🌟🌟🌟咖喱有少少辣夠香而且重椰漿味，豬扒炸得表面香脆，份量夠多，滿足晒食肉獸呀！🌸蝦餅春卷🌟🌟🌟🌟好味，夠脆🌸瀑布拉茶 🌟🌟🌟🌟茶味夠濃，瀑布夠澎湃超啱打卡 🌸美祿恐龍 🌟🌟🌟🌟面頭好多美祿粉再加左棉花糖口感十足======詳情======坡椰坡囉咪 (灣仔) @singapore.island灣仔天樂里6號地下================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #灣仔美食 #灣仔好去處 #香港美食探店 #香港探店 #食肉獸 #瀑布拉茶 #打卡美食 #美祿恐龍 #厚切豬扒 #椰漿飯 #星馬菜 #wanchaifood #坡椰坡囉咪

OpenRice 同ig都清一色激好評。所以今日約左朋友黎試下。點知行到門口發現得小貓兩三隻都心知不妙。食完覺得雖然未至於伏，不過真係唔會再黎。下午茶叫左印度咖喱配厚切豬扒農夫包做得好嘅位係第一啖真係好熱好脆，係新鮮焗起嘅感覺但之後發現咸到傻，個農夫包點左咖喱汁好似直接食緊鹽咁，真係完全冇誇張。食完碗咖喱完全冇少過。同牛角啲鹽汁有得比。朋友覺得係個包擦嘅有鹽牛油太咸，我就覺得牛油同咖喱都偏咸，食完個高鈉餐都高血壓咁滯。另外個厚切豬扒少得可憐，得半塊豬扒，又乾又柴。唔明點解啲人會話下午茶好大份好飽肚

加完班喺灣仔覓食～見呢間餐廳中文店名咁有趣 就嚟個一人晚餐 原來係主打南洋菜🥘價錢親民 店員們好親切 係有人情味嘅小店啊♥ 馬拉肉骨茶套餐 $⑦⓪肉骨茶好濃好濃🍲藥材味重 但唔係偏苦嗰種 見到好多杞子 果然足料 一字排同腩肉份量都好多 入口甘香 肉質唔算好滑 但燉得入味 油炸鬼蘸湯盡吸精華 仲可以轉配椰漿飯🍚有淡淡椰香不黏口 套餐仲包生菜一碟 飽(❁ᴗ͈ˬᴗ͈).♥ 美祿恐龍 +$①⑤美祿粉堆到成座小山丘咁 仲有幾粒棉花糖仔 小朋友怎能不興奮呢🦖

窩夫之前經過天樂里見到「坡椰坡囉咪」的名字，印象深刻，某天在附近找地方吃晚飯，便去吃新加坡菜。窩夫六時前便入座，所以食客不多。餐廳裝修簡約明亮，感覺舒服。晚餐由下午五時三十分開始提供，選擇很多，海南雞飯、肉骨茶、喇沙、椰漿飯和咖喱飯等都很吸引。不過天氣太熱，窩夫不想吃飯，看中了主餐牌上的焗農夫咖喱包，窩夫是牛舌控，咖喱牛脷是不二之選。咖喱可選新加坡咖喱或印度蕃茄咖喱，店員說印度蕃茄咖喱較辣，所以窩夫點了新加坡咖喱，上桌時香氣四溢，咖喱香濃惹味，辣度對窩夫來說剛剛好。農夫包「蓋」站得那麼穩，原來後面有「靠山」，農夫包表面香脆，麵包鬆軟，蘸咖喱汁一流。店員見窩夫用手撕麵包，立即遞上紙巾，服務貼心。牛脷有七至八塊，厚約半寸，口感一流，夠軟夠腍。飲品方面，點了一杯冰凍拉茶，以便解辣。拉茶的茶和奶比例不錯，奶味和甜味沒有蓋過茶味，泡泡像瀑布一樣，打卡必點。

平時經過，見到大排長龍，今日夜晚，一定要朝聖一下🤲🏻過江龍新加坡餐廳📍坡椰坡囉咪，聽講厚豬扒係必食之物，拉茶瀑布更加要飲，拍得住新加坡🇸🇬當地的味道👅Set dinner 時段奉送例湯🍲🥄馬拉肉骨茶套餐肉骨茶幾足料，好濃郁，啖啖肉，配埋原隻冬菇，仲有油條，更有風味☺️🥄秘製爐燒豬頸肉黑豉油撈出前一丁麵質係我最鍾意既偏硬身，配上黑豉油，更入味😍豬頸肉外面有少少燒焦，帶有甜甜地，咬落爽口，份量好多，底食👍🥄芝士焗新加坡咖喱厚切豬扒焗飯濃郁嘅芝士做到拉絲嘅效果，配新加坡咖喱🍛好香咖哩味，甜咖哩比較容易入口，豬扒厚切之餘，肉質鬆化唔乾，最緊要係炒飯底，焗得外面少少濃，又唔影響飯的本身🍚🥄馬拉盞炒菜一上枱已經聞到好香，馬拉盞味超香濃，炒得好惹味，香濃得嚟又唔會好鹹，正👍🥤拉茶瀑布 （凍）手作既拉茶，外表整成瀑布般，好有立體感，茶味香濃，用了香滑嘅牛奶，比例適中，凍飲一流🥛🥤美祿恐龍 （凍）甜度適中，上面仲有幾粒棉花糖同一大匙可可粉，好有趣😁真係好濃郁，喜歡朱古力嘅你可以點🍫

灣仔呢排都多左好多好西係個到返工既朋友有福了今次介紹呢間平民價星馬菜👍🏻食個快飯都可以有選擇😏—————————————————————🍴焗農夫咖哩包($85)咖哩配包🍞呢個又係無得輸既選擇😆咖哩仲有得揀要咩款新加坡咖哩或者印度蕃茄咖喱🍛今次就揀左配牛脷岀面餐廳好少可有得咖哩配牛脷🫢上碟個陣 成個農夫包都沾滿左咖哩汁☺️佢地仲另外預備左兜咖哩汁 驚你唔夠點麵包不過牛脷🐮食落超級淋👍🏻而且份量仲好多呢個都十分推薦大家叫‼️—————————————————————🍴檳城椰漿飯($64)由於呢個係晚飯套餐關係 仲有例湯同嘢飲送呢個就揀咗食豬頸肉🐷豬頸肉又係好淋 但唔會好油👍🏻最正既係配埋椰漿飯一齊食☺️佢哋既椰漿飯唔係有顏色個啲望落比較似白飯 但其實好香椰香味🥥加埋辣醬同花生一齊食 超惹味—————————————————————🍴拉茶($25)🍴美祿恐龍(跟餐+$15)我都係第一次飲拉茶😂見佢上碟個陣起晒泡咁🫧就知佢勁野茶味都幾岀👍🏻又唔會濃到澀怕甜人士 記住少甜啊🤭而美祿恐龍 見到有個小山丘就開心😂有勁多美祿粉 而且入面仲加左棉花糖👍🏻小朋友飲超啱👦🏻🧒🏻