大中華素食

Open Now

Now Closed

話時話呢間素食店都試過N次, 今次又黎幫襯啦! 大家見到食物上枱都 “嘩!”了一聲, 好似呢! 似什麼? 咪就係 吉列豬扒, 像真度極高, 炸後鬆軟香口, 外表香脆不油膩, 肉質鬆軟, 似半肥瘦豬肉般. 還有很多菜式, 單憑肉眼又真係難以分得出係肉定係齋, 例如有Pizza (今次無叫), 刺身, 菠蘿咕嚕肉, 看得出店主花了很多心思迎合喜歡食肉的朋友. 刺身: 顏色逼真, 有魚紋, 魚脂, 做得非常細緻 … … (每次必叫) 菠蘿咕嚕肉: 完全難以用眼分得出是素還是肉, 即使用入口品嚐仍然難以分得出, 味道酸酸甜甜, 又是必試菜式.

已經唔係第一次去大中華素食啦 今次再去係因為食過翻尋味呢間素食店菜式有別於一般素食店 出面多數較為中式同傳統但佢ge菜式就混合多國ge烹調方法 食材亦有別!今次4個人去 叫左一個2人餐冬蔭公湯 脆塘豆腐 麻花鴨 (仲有一樣唔記得 ) 加散叫左個焗包 焗包芝士白汁焗包內有炒飯 飽肚之選正在係西式煮食方法 打破沈悶~不過個飽un左少少 脆身會仲開心同埋伴碟溫室豆苗略油 脆塘豆腐食落似炸蠔餅 夠脆身不過個汁有d唔太夾 淡同太杰身就咁食/點麻花鴨個汁反而仲好味 冬蔭公湯 係細碗ge呢個真係好好味!魚丸食落比自己買ge急凍貨彈牙! 正!(不過要有心理準備比起正宗泰式ge淡味同有d唔同) 麻花鴨味濃且香 撈飯一流多到食唔哂 打包! XD整體黎講鐘意大中華係因為佢創新 而環境同服務都不錯而食素食感覺較健康 一試無妨見到有人話佢素食唔似素食 同葷食無異<---唔明點解要比個框框 歧視素食 保守-.-但我反而覺得素食都可以有突破 正如肉食都推陳出新啦!破格素食又有何不可呢?

這天本來是想去探一探老友菜肉雲吞,但來到門口友人提議不如試試街角的素菜館,因為每次經過也好像人頭湧湧應該不錯吧!反正雲吞上星期才吃過.想來也是!就來試一試也好.打開餐牌一看感覺是怪怪的,全部菜式名字與葷菜無異!潮式鵝片、七味燒鱔也可見到.檯與檯之間十分狹窄,坐下後與隣座是背貼背.坐滿人後人聲嘈雜如街市.陳皮菊花蛇羮----材料是冬菇蛋花加豆潤切絲再加上陳皮及甚少食用的黄菊花辧.味道偏鹹了一點.如加些辣豆辦醬加醋下去的話說成是酸辣湯也可.配吃的薄脆既不薄亦不脆.中華豆腐----豆腐是加入了雞蛋面層再灑上蔥花來炸,乾身那邊吃下去外層帶脆內滑溜本應不錯,但加上了內有金菇埋的杰身芡汁後,被浸過的豆腐變得軟身又韌!鹹魚雞粒炒飯----素雞粒炸得又乾又硬,整碟飯油份真是太多!飯粒已黏成一團變得糊口.水晶石榴球----浸在杰杰的透明芡汁內已不甚吸引,薄薄的外皮是筷子一碰即穿,內裡的翠玉瓜粒及木耳像吸飽了油似的感覺非常油膩.個人吃素菜目的與宗教信仰無關,對這些所謂新派素菜也並不反感.有時只是想吃得清淡一點,但如果一樣是多油濃味的話又何用去吃素菜呢?

記得第一次來大中華, 係舊同事介紹 (舊同事話都係人地介紹),三個人, 叫左好幾樣野食,例如紫菜鵝肝卷, 乾炒牛河, 仲叫左個豆苗.當然食過返尋味,有第二, 三, 四次再去食過啦.後來果幾次再叫左例如咕嚕肉炸大腸呀咁,都係好好味.基本上叫咩都好食, 唔會死錯人.食齋食到唔覺得自己食緊齋, 因為佢地D野食真係整到唔似齋, 犀利!唯一唔好既係, 佢地D味精都真係幾勁.

上次同媽子食完大中華後，心裏一直在想着要再來。事隔三個月，終於翻兜左大中華。佢同新派既素食店唔同，新派素食店賣既.. 係 d 餸同原先既肉類有幾相似。呢度都有新派既食物，如素刺身，但本人覺得呢度就係... 主力「研究」如何用常吃的蔬菜來造出特色既素食，菜式都幾有心思。首先講一講，呢度係收茶芥的，每人 10 元正。下圖為大豆芽，叫做 ok 啦。上次食左二人餐，飽到七彩，所以今日散叫。以下為小食，香芒卷。佢類似米紙卷，裏面以西芹加生果為主，配上沙律醬，上面有粒小杏仁。唔單止睇得，仲好好食。菜式叫左開運聚寶鴨 (個名可能同菜單上有少少出入，請見諒) ~ 今次又比到我地驚喜。睇個菜牌，跟本唔知佢係會用白汁去焗蔬菜，包括薯仔、蕃茄、青菜等... 呢 d 係不會在傳統既素食店內找到的。睇佢個樣好似有點溜，但食落去係 ok.. 因為 d 蔬菜出水，所以 d 汁會變得稀左。個汁就係接近西式既做法，白汁內加了香草，好香。在家煮食時又多了新靈感。另外點了福建炒飯。睇相都可以見到佢係好足料... 炒飯底好香但唔油，色香味俱全。是晚奉送甜品，為黑糯米。椰汁味較香，但佢唔會好甜，為此餐作了一個圓滿的結尾。雖然在

前排去吃印度餐，見到有間素食店門口要排隊，引起女友注意，話下次來吃。所以今晚專誠到此地朝聖，預約八點，早了半小時到達，已經爆場，幸好有人要埋單，俾我們早d入。麵包咖哩海鮮炒飯，好似雪山堡壘，幾特別，我們面對堡壘，一起舉起刀叉，來一招一叉入心，再來一刀兩斷，堡壘即時倒塌分開，白汁融入炒飯，切細麵包，再撈一撈同吃，味道幾好，無我想像咁漏，芝麻雞，好似去了M記食薯條點茄汁咁，又做得幾真喎，好似有雞味喎，配上芝麻，又幾夾喎。埋單150元，其實有套餐叫，但無要，想要吃得特別，都係散叫好。

周日還沒瞓醒媽咪就打來急CALL叫開車陪她去永安大shopping, 全場九折, 在佐敦兜了半天都找不到車位, 最後要泊到五條街外的咪表. 結果在永安大包小包的買了一大堆都不知是否真會用的東西, 耳邊還聽老媽子說法國名牌平底锅原價2千多現特價不用7百, 再來一袋, 天啊, 終於三個人雙手全是戰利單走出永安到了後面街準備去開番架車過來接載時見到間大中華素食, 順便進去醫肚, 沒坐下來時老豆說素食沒什麼好吃的都是豆腐, 但最近是這家了, 累死了就不管先進去坐坐試試吧, 沒想到這素食做得真不像素的, 而且味道好得不得了, 連老豆都贊不絶口, 相約下月外公生日時來訂位再吃. 賣單時問20大元可以即時開張九折卡即用, 一算都過200了, 還有數為, 又多一張九折卡.呵呵

落大雨, 近近地食, 大中華素食位於轉角, 通常都好有位, 今日亦唔例外, 行過見到有lunch set, 共有3 款, 連例湯, 堂食$32 (不用加1) , 外賣$25諗左一陣決定堂食因為唔想成日係office坐底即刻上一壺茶, 成個人即刻暖晒, 叫左"雜菜炒麵", 大概10分鐘到上, 味道okay, 又唔係好油 (但都油, 無計, 始終係炒麵), 驗可以一試

X'mas eve, 無book 位食飯, 同男朋友等埋媽媽放工, 7PM 多O係佐敦行行吓唔知食咩好, 媽媽suggest去食斎, 去到full左, 但好在等左十分鐘就有位, 入面D伙記好忙, 好在都坐得OK舒服, 三個人叫左二人餐再加個面包咖哩海鮮炒飯. 有兩大碗假魚翅湯, 味道OK, 三個人食都夠. 前菜有手撕雞, 柞菜pretending to be 海浙, 但味道和質地都不太像. 煎魚的賣相一流, 味道和質地都好似, 唔錯! 豆腐煲都幾好, 入面有一些比較硬的豆腐我認為係pretending to be 班塊. 最滿意係個面包咖哩海鮮炒飯, 炒得很香, 非常有咖哩味, 白汁都幾襯. 難得媽媽都滿意. 埋單先$250 左右, 算抵.

是日與父母出外遊玩，選址佐敦的大中華。白汁香芒卷：前菜的之選，清新的芒果加上生菜，吃後胃口頓開非洲雞：有點像咖喱的味道，加入薯仔、茄子、紅腰豆芥茉骨：讚，芥茉味調較得剛剛好，很香口，惹味金牌牛肉炒飯：飯很有咬口，炒得粒粒分明乾炒牛河：唔講唔知係素菜。

家人話呢間唔錯, 本身唔係幾好扮肉既齋, 蔡瀾話事解, 扮野個d齋完全唔駛理... 不過一試無妨 .炸豬大腸 (腐皮咁)吉列豬扒 (有少少似)面包焗咖哩海鮮飯 (正常飯, 好似咁岩裝唔到, 無咩食到"海鮮" )紫菜鵝肝卷 (炸紫菜包住菇同唔知咩野)xx劍魚 (炸面包住素魚, d面d味好"行"定唔知點) 試過....味道又唔係好, 真係無下次了

7-6-2009初一十五 dinner 又陪屋企人食齋, 今次阿爸提議試試永安後街呢間齋店. 一行 4 人, 叫了 3 餸 1 湯 1 澱粉質 share 食, 整體對味道印象唔差, 係比較油膩啫:前菜係漬大豆芽菜: 大豆芽菜係我最唔鍾意食的蔬菜之一, 結果掂都無掂. 松茸冬瓜盅: 老闆 (?) 的推介之一, 內有冬瓜, 竹笙, 絲瓜, 素蝦, 素魚蛋 etc, 消暑一流, 不過作為食肉獸, 我覺得味道太清淡, 始終都係豬肉好. 杞子紅燒豆腐: 芡汁夠味, 勁杰; 豆腐滑溜, 不過帶點酸味, 呢碟一般.金絲劍魚: 老闆的推介之二, 亦係呢度的招牌菜. 原來係用切絲雲吞皮, 捲住素魚落鑊炸, 再淋上五柳汁, 食落十分脆口, 唔油, 入面的「素魚」仲帶點「肉汁」, 配上酸酸甜甜五柳汁, 好食! 不過 d 汁頗杰撻撻, 個人而言唔太喜歡.上海雪菜炒年糕: 初初以為係「雪菜肉絲炒年糕走肉絲」, 嚟到先知係大家麻麻的上海粗炒 style... 年糕頗煙韌, 不過鑊氣不足油溼溼的, 配料 (雪菜, 青紅椒及素火腿) 又太鹹, 呢碟食剩唔少.紫菜鵝肝卷: 純粹好奇「素鵝肝」係乜

星期五, 為了避一避人潮, 約人等人, 總不想係旺角, 尖沙咀. 行完街, 總要食一食飯. 係旺角找純齋鋪其實選擇不多. 要找, 女人街有3間, 太子有不少...往南找, 非要到佐敦不可. 有一些上樓的, 亦有地鋪的. 係永安後面, 就有一間素食館. 二人疲倦地, 仲要等位, 幸不是等太耐. 不過等到身邊的小可愛有點扁咀. 就來發"猛"之際, 終於有位了 ..............."點解香港咁多人食齋架........我可唔可以告佢............." 一邊等位時, 一邊看著門口一檯既四個人食一份類似麵包既物體. 一坐低, 再問問這是什麼. 好間唔中才彈出來既待應才拿一張Special既餐牌出黎. 圖文並茂, 一看就知果樣野點 look like. 幾好.點菜, 當然點一個, 麵包飯, 是日為麵包海鮮炒飯. 另加一份紫菜卷. 份量好大. 去親食野, 都會預多一樣, 讓味蕾多些感覺. 不過, 換來食唔晒, 要包走. 麵包炒飯, 是一個完全澱粉質的食物, 麵包, 飯, 齋蝦, 再加上芝士, 想食唔飽人都幾難. 一上檯, 熱辣辣的香氣湧出, 好期待打開後的炒飯是什麼味道. 先把芝

雖說是素食但食落口同平時的小菜一樣, 可說是色香味同出面既小菜一樣。南乳煲好香, 惜蓮藕太爽, 個人比較喜歡"林"身。鴨胸忌廉焗雜菜, 忌廉焗出黎香味十足, 而且好大碟, 食唔曬。o古o羅肉同出面食開既一模一樣, 呢個就食碟左少少。仲有個冬瓜湯就比較普通, 焦咩特別。每樣都$50多元, 加埋2個飯, 4個人都食唔曬。

之前睇過呢度食評, 講到好似好差, 但同事去過一次食覺得好好味, 咪即管試下囉, 先講場地係好細, 一定要訂檯, 上菜都ok快, 今次3個朋友, 叫左個蛇(根), 好好味, 忍唔住食左兩碗, 另外叫左個滑雞盅, 呢樣都好好味, 不過俾起個麵包飯, 體積差好遠, 不過連不嬲唔喜歡素食既男友都覺得好味, 另外叫左個白汁麵包飯, 好大個, 個麵包un, 但d飯係炒飯唔錯..另外, 叫多個似小籠包既野, 個名唔記得左, 但就普通囉...另外, 埋單至知那些玄米茶, 茶價收8蚊一位...另外, 因有sms關係, 正價再7折~覺得好抵會再幫襯!!!