華姐清湯腩 (Closed)

There's lots of Hong Kong things that I don't "get". Stinky tofu, curry fish balls, egg-mayo sandwiches... I just fail to see any virtues at all in these things. But beef brisket noodle soup, I get. It's far and away my favorite HK food, and personally I prefer it to ramen.I usually go to Mak's. I know that marks me out as some sort of rube who pays too much for too little food, but the beef brisket soup there is just fantastic. They use this marinade for the beef that makes it and the soup inte

我是牛腩痴，多數幫趁淨清湯返屋企加餸，由西營盤分店開业至今時有光顧。祇可說又愛又恨；成80蚊個淨腩，好時入口即溶又甘又香湯底清甜。衰時得番個湯底牛腩鞋拾拾，差過附近40蚊Ｄ潮式牛腩。所以每次幫趁時心情像賭大細一樣，買大開大時隔2日又食過，買大開細時就隔幾個禮拜等度火落咗再幫趁！華姐在業界算有頭有面，希望可以同分店檢討下點樣維持一個高水評至得！

華姐清湯腩咖喱牛腩河粉有D怪明明間鋪頭名叫華姐清湯腩但竟然有咖喱牛腩食上次食完清湯腩,對果種入口即溶既感覺念念不忘可惜咖喱牛腩一上台就心知不妙果D牛腩似係牛肋條(即係有條筋痴住D肉)肉質較硬 同牛坑腩有D分別囉咖喱咸同埋辣 略嫌較少既椰汁同香料不過薯仔幾好食 幾冧同入味如果襯飯會好食D, 河粉同咖喱唔係好夾,河粉都係清清地好食.  

華姐清湯牛腩面牛腩份量足足有九舊架可惜冇蘿蔔(加錢可以有一碗蘿蔔,好好食)清湯腩肉味特出 對比起柱侯淡味,冇咁油,又冇咁咸,健康D牛腩肥瘦適中 入口即溶D麵冇鹼水味 比一般麵鋪好麵都好彈牙 同D牛腩相映成趣牛筋米粉牛筋份量較少而且偏冧同痴牙相比之下牛腩好食得多(因為牛筋係冇味架)鋪面企理 上菜速度快 可惜選擇唔多不過都值得一試

是日大大話話吃了六、七間，都是街坊小店為主，華姐清湯腩是其中一站。同事話叫清湯腩麵和清湯牛筋麵各一碗，啲餸再大家分吃，我沒有異議。麵送來，看湯底算幾清澈，唔理咁多，先呷幾口湯，清甜、醇和，有水準。牛腩鬆化，沒有很韌，近邊位更合心，麵條則只是普普通通。相比之下，筆者更喜歡牛筋，晶瑩剔透，骨膠原豐富，咬落有口感，又不會爛溶溶咁。原本仲想食擔擔麵，可惜胃納太少，唯有留待下次，當是給自己再來的藉口吧！

由於在家附近，所以唔知食咩既時候，通常就會黎呢度，比較保險。但最近幾次，發覺d腩汁蘿蔔都好多渣，腩汁既味道亦淡左好多。我最經常食既系坑腩河，湯底非常好味。如果想食重口味，就會食擔擔麵，面都有少少咬感，可配排骨或炸雞翼，每次都新鮮炸起，好食，不過小心熱氣，擔擔麵on top有d酸菜粒，都增加面既味道。

美味下午茶是日和友人共進下午茶，由於友人以前在天后讀書，常吃天后馳名的華姐清湯腩，這天便帶我來到西環的分店一試華姐的牛腩麵。我點了清湯牛腩河，份量頗大，賣相跟普通牛腩河無異，吃下去才發現華姐的牛腩河果然名不虛傳！湯汁不是平常很濃的牛腩汁，華姐的清湯底跟牛腩搭配得宜，令牛腩更突出！牛腩切成一片片，厚度剛好，牛腩很軟身，口感非常好。華姐清湯腩價錢雖然比同區麵檔來得貴，但價錢和質素相比尚算合理，有機會必定到天后再試！

两人路过，唔想煮饭，於是入门觅食。该铺卖肉，无比硬！未试过食牛腩硬到咬唔落。好似只系煮熟，完全未焖过。我都唔系老人家，但是食完牙酸胃痛。应该唔会来第二次，唯有期待有机会去食北角总店试吓。

過去我試吃過天后的後，得知開設新的分店在於西環，也特別由元朗前往試吃。到達後地方較總店大，空間感很充足，不會讓人有一般的麵店堆積感覺，很舒服。因為特別要求，我點了牛丸、蘿蔔及沙腩配伊麵，一次滿足肚子3個願望，吃著後有下列的評語:------------------------------#牛丸較大有滿足感，膠感可以，彈性較弱沒有甚麼特別驚喜。#不硬不軟外，還吸入充足的腩汁，充份停留每口當中，誠意之作。#沙腩軟滑外，骨膠原極度豐厚。沒有一般平價牛腩的油感，反之是有一種清爽軟滑的感覺。某程度特破了總店一些口感的體驗。#伊麵彈性不錯，如果用上竹陞麵不知會否達到頂級的口感呢。------------------------------這次非常滿足期待這種真正香港精神的傳統美食能堅持這份認真下去。最後還建議大家可以試試帶一支有氣天然礦泉水喝著。會帶出牛腩的鮮甜出來。原理就像芝士配紅酒一樣，完整的化學效應。點滴照片

知道西環正街開左間，今日特登同男朋友入黎食今日食左淨牛腩、淨牛肚同蘿蔔首先講下牛腩，我地無特別要咩腩，黎到係有少少肥嘅，見到都食指大動，食第一啖舊腩索左d湯加上有牛油嘅甘香，亦都好鬆化!正!之後試下牛肚，好腍好入味，D金錢一格格，黃黃地，賣相都好好睇，加埋葱花，滿滿一碗，好吸引!D湯都好清好甜!最後食埋蘿蔔，12蚊都好大碗，抵食!D蘿蔔燜到好入味，件件都有腩汁嘅濃香!總刮黎講，呢度嘅水準同天后一樣都好好!

幫襯過天后既華姐好幾次, 每次都冇令我失望, 所以我對西營盤既分店都有所期望。我當晚點咗個"腩E", 湯底不俗, 夠香夠濃; 但係牛腩質素就差咗DD, 有少少鞋口同唔夠入味, 確實有少許失望。 好在佢既清湯蘿蔔做得相當不錯, 為整體拿回不少分數。或者, 呢次只係偶有失手, 希望下一次既光顧會令我有驚喜啦!

剛剛經過西還正街，看到華姐清湯腩，天后的那家相當出色，就想試一試這家的功力。下午五點鐘到座，員工笑容親切，招呼落力，環境乾淨衛生，問員工後知道是天后的分店，只開張了數星期，就立即點了個腩河和醉雞。雖不是用膳時間，但客人都滔滔不絕，可見華姐的吸引力。三分鐘後，醉雞先上，少有的雞很嫩，很滑，帶點香香的酒味，而又不會過重，吃起來不會讓人暈醉。再來牛腩河，牛腩入口即化，份量多，不痴牙，入味。湯當然和天后同樣出色，清甜帶點淺淺牛香，可一飲而盡。而最令我驚喜的是河粉，軟硬適中，看到想到這小店對河粉上的用功。這餐可算是物有所值，相當精彩。這家餐廳會是我西環一間用餐之選。

由於實在太方便，今日收工回家前經過華姐，見唔係好多人，我又衝咗入去食。今次樓面多了一位男士，由佢同客人的談話內容，應該是老細來的。說自己從來未踏足過西環，就這裡店舖的大少租金等等。今日坐得比較近廚房，見到兩位師傅的真面目，由於今晚不算多人，店員也不太忙，可以閒聊。看看餐牌，今次決定食雙拼 ($40)，牛腩牛筋河，再加一個油菜。牛腩比上次食的少了一些筋，不過仍然好鬆和有牛腩味。而牛筋就好晶瑩通透，好滑而且腍，只是份量少了一點。河粉依舊滑溜，不過個湯今日好似好快被河粉吸晒咁，無咩清湯可以飲。油菜我叫咗芥蘭，店員問我要腩汁定蠔油，我揀咗腩汁。菜很翠綠，吃起來都算嫩，以 $15 來說的油菜也很合理。下次我會再試其他食物的。

華姐在天后早已享負盛名,我等亦食了多年,最難得的是無論點多人,食物質素也穩定落戶西營盤更是令我等西區人十分高興的事但俗語有謂"世事無絕對......."今晚回家路上,二話不說就一個人坐入去但問題開始出現,本人被帶到最後一張檯前的一張檯坐下,由於我張檯一邊已坐了一名男士,順理成章我會坐左對面,但發覺最後一張檯已坐了3個人,而他們的背部跟我張檯的距離其實不足以讓一個正常人坐下! 其實其他檯仍有位置,為什麼不帶我到一個可正常坐下的位置?天后那邊都很迫很多人,但也不至於此. 結果唯有等對面食客起身,我坐了他的位置才打算叫東西清湯腩食得多,今天叫了咖哩腩河咖哩牛腩跟河粉是分開上,先吃一口河粉,河粉幼滑,也不是那些放湯一會兒便糊在一起的貨色但問題隨之來了咖哩汁沒問題,但咬一口牛腩,牛腩尚算入味,但發現有點硬,覺得可能是這一件比較硬罷了但其後的兩三件比這件更硬算了吧,放棄了牛腩,希望薯仔好一點結果全是十分爽的薯仔,真令人失望以為今天去重溫好夢,結果是爽薯仔加硬牛腩埋單三十五大元,不便宜如食過天后華姐的,會明白三十五元也值得但今天這裡的水準,三十五元只會換得一個喊面

華姐嚟咗西環喇！之前見個鋪位裝緊修，都未知會開咩店，再過一排見到佢貼張紙仔寫係華姐清湯腩，真係有點興奮，因為以後唔駛去天后喇。星期六路過店舖時都見到裝修已經七七八八，驟眼看到寫住 1 月13 日試業，原本都打算星期日去，最後今晚收工後去看看，眼見店舖的燈亮著，門口有一花牌，見內裡沒有太多人，就走進去了。由於時間尚早，仍未滿座，我可以自由選擇位置。店內以木色牆身配鏡子，為小小的店舖增加了一點空間感。而淺木紋色檯，再加鮮黃色的櫈，一改以往粉麵檔的格調，看起來亦比較搶眼。 店裡有四張圓檯，三張長方檯，大概都可以坐到三十幾人。店員以女性為主，更加切合 '華姐' 個鋪名。新店開張，當然要試吓馳名已久的清湯牛腩同埋腩汁蘿白。看一看餐牌，同天后店的一樣，向店員落單後，見張單的電話仍然是天后店，大概是未改得切。轉眼間，食客越來越多，已經有一母子搭檯了，當佢哋仲研究食咩嘅時候，我碗腩汁蘿白已經奉上。大大碗的腩汁蘿白，只是 $12，蘿白清甜又腍，而且沒有渣，腩汁濃度剛剛好，沒有搶了蘿白的味道。今次我叫了清湯牛腩河，$35 的河粉份量絕不少，大大件牛腩連住少少筋，吃起來很軟腍，牛味亦很濃。河粉幼滑，而且份量